" سكنّتك بقلبي عسى الله يجازيك
‏وكان الجزاء جرحٍ من أقصاك عاني

‏محدٍ بروحي يا حبيبي يجاريك
‏ومحدٍ سكن قلبي سواك وخذاني

‏حتى ولو روحي انا حيل تغليك ؟
‏حان الوداع .. اللي خذيته كفاني

‏آسف لنفسي كان آسف بترضيك
‏يومي هويت إنسان ما قد هواني "

" ما بقى في النفس شيٍّ ما بذلته
كنت أداري شي خارج عن مَداري "

ما بقالي قـلب يشفع لك خطيّه
ذوبـته اجروح صدّك والخطايا

صاحبي بالله ... لا تعـتب عليّه
العَـتـب ما عاد تاسَعه الحنايا

كلّ جرحٍٍ فات لي منك هديّه
وش بلاك اتخاف من ردّ الهدايا

الله أكبر ... كيف مالك مقـدريّه
وكل ما تحمله من هـمّي بقايا

لا تمنّيني ... سَرَاب المهـمهـيّه
الـقـرَاح اليوم ...ما يروي ظمايا

وان غَدى للحب في قلبك شظيه
وش يقـول اللي غدى قلبه شظايا ؟
- البدر

يا رب انا نقطه فـ بحر
علمني كيف اهوى الحياه
علمني كيف اهوى القدر
علمني بإمكاني اكون
يارب .. اكثر من بشر
- البدر

" أحسب إني على الفرقا شجاع
بطوي الجرح أو بخفي نحيبي
وأثر ما في الهوى مغرم شجاع "

ان ضايقك اني على بابك أمرّ ...
ليلة ألم ...
واني على دربك مشيت عمري وأنا ...
قلبي القدم ...
ابعتذر ... ابعتذر ... كلي ندم ...
عن كل شيء ... إلا الهوى ...
ما للهوى عندي عذر ...
- البدر

" الوقت يسرق باقي أعمارنا سرق
ما نجتمع .. إلا وحنا نفارق "

" أحبك كلمةٍ لو هي خطا تغفـر لي الزله
وردتك ظاميٍ وان عز وصـلك بااقطع حبالي
ظلال العاشق جروحه ومن ما يتبعه ظله
أمانة يا شعاع الشمس لا تغضب من ظلالي"

" الحب واجد مير الاقدار صلفه
والأرض واجد لكن الحلم منفي

واللي اعرفه راح ماعاد اعرفه
ولاظن يذكرني الى أقبلت مقفي"

" من يرجّع لي صبا العُمر وسنينه
‏من ينسّيني .. إذا خلّـي نساني ؟"

لا تقول أن الليالي فرقتنا "
‏لا تقول ظروفنا عيت علينا
‏الليالي يوم ودك جمعتنا
‏يوم ودك كل شيٍ في يدينا "

" في وجهك نور وبصوتك اغاني
‏ومر الوقت ساعاته ثواني

‏ولا حسيت بـ اني ما اعرفك
‏احس انك انا في شخص ثاني

‏احس ان الزمن في لحظه وقّف
‏وطاوعني وهالمره عطاني

‏انا أول مره المس في يديني
‏مشاعر كانت بفتره أماني "

عيوني وملّتك والخاطر وعافك
‏وماعافك الخاطر إلا واصلٍ حدّه

‏سلّمت لك مركبك بحرك ومجدافك
‏حسّ بشعور الفراق اللي بلا ردّه
- فهد المساعد

" ليلٍ طويل ونسمة برد بهواها
‏وريحة شتاء عانقت ليل الرياض "

" ‏أنت وصفك يابعد حيي قصيد
‏يوم غيرك محتوى أوصافه شطر "

" لولاك مازار الهوى ليل الأحباب
ولا لوحت شمس المحبة جبيني

ولولاك ما يلفي على الدار غياب
ولا تبكي اللي فارق الدار عيني

في غيبتك كل الملا عندي أغراب
لحدٍ أبي قربه ولحدٍ يبيني"

إن ما دمح زلتك محبوب
ما أظن من يكرهك .. يعذر
- البدر

عن كل نجم ظهر بسدل أجفاني
لعل ما عيش حزني لحظة غروبه

وعن كل خلٍِ طويل الصمت كفاني
الصاحب اللي قليل الهرج عذروبه

وعن كل ثوبٍ جديد باالبس أكفاني
وأدله ولا ألقى رسايل هم في جيوبه

أنا الجفا ليه أخاف الناس تجفاني
وأنا الحبيب الذي من يعشق عيوبه

راعي الوعد وأن صدق مرة ولاقاني
يحتار بين السراب وقلب محبوبه

يامن عذابه يشققني ويرفاني
فرقاك غصب علي بالحيل مكتوبه

خبرت نصف تعب من نصفه الثاني
بعضي الرماد وبعضي نار مشبوبه
- البدر

"وأنا أحسب إني في فراقه تشافيت
وان عبرتي من مدخل الزاد زاحت

اللي يحسب إني على البعد سجيت
والا ان عيوني للرقاد استباحت

ياليتني من قبل لا أحبه اقفيت
والا ان دروبي عن دروبه تناحت

أهون علي من البكى والتناهيت
وأشلا من سدودٍ على الناس باحت"

عليه اللوم ودموع الهقاوي والسلام الحار
‏كثر ماكان في صدري حكي قاسي ولا قلته

أحنّه لا يحز بخاطره لومي رغم ما صار
وتجاهلت الشعور اللي تسبب فيه باسئلته

لفظ كلمة مغشّيها الظلام ولاحقتها النار
خذت معها الصور والذكريات وكبر منزلته

هقى بي هقوةٍ دوني وأنا فوق الكلام العار
طغى يحسبني اتساهل ولكن ما تساهلته

رميته بالفراق الواضح اللي ما عليه غبار
وغسلت ايدي وقلبي من هذاك اليوم غاسلته

بيفقدني وياكله الندم وبتوجعه الافكار
وأنا جعل الله يقطعني اذا في يوم واصلته
- مرام القحطاني

‏"أنا قادر أقول إني أحبك وأقصر المشوار
‏ولكن العذاب اللي مع شرواك يحلالي"