جايره مثل المشاريه فـ عيون الرجال
‏ما تمرر بـ ابتسامه و فنجال قهوه
‏- فيصل مهنا

مثال على الدهشه منقطعه النظير

صبحكم الله بالخير 🤍

" من مقتضيات صدق المودّة أن تحب الآخر لنفسهِ لا لنفسك؛ فتذكره بدعواتك وإن انخلعت أسباب الوصل، وما اتحدت المصائر؛ واجدًا في قلبك رفقًا عليه ممّا يسوؤه, تُحبّ له الهناء ولو لم تلقاه، ويريحك أُنسه وإن لم تكن أنيسه، وأنتَ فوق هذا تصون ذكره إذا ضُرّ من وراء ظهره ، لا تودّه إلا لله "

مدّه رهن لولاك ماقلت يا كليب
‏ولا قلت شب النار وصر موقدٍ له

‏في ليلةٍ تجدع سواة المشاهيب
‏نسريةٍ تلصق " خليلٍ لخلّه "

‏نطعن بعزّك ياحصان الاطاليب
‏عسى اللي يجمع حزمتك ما يفله

‏يالجوهر الناريز يالمسك يالطيب
‏يا عنبرٍ من جربه مااا يمله

من كل فجٍ ياصلنّك محاديب
‏ماهو غلا يالضيغمي مير ذله
‏
‏ماتستحي لا ياقليل العذاريب
‏ لو تستحي ماتاخذ الطيب كله !
⁃ دغيم الظلماوي طيّب الله ثراه

" ماتستحي لا ياقليل العذاريب
‏ لو تستحي ماتاخذ الطيب كله ! "

والله يا هالبيت عن قصاايد !

من فوق سبعٍ طباق وتحت سبعٍ شداد
‏مافيه حاجه تبي تبقى على حالها

‏تمر الايام تركض مثل ركض الجياد
‏ولا زالت الناس في غفله عن اهوالها

‏لو حادي العيس يدري ليه غابت سعاد؟
‏ما سيّر الركب يتبعها و يبرالها

‏يلعب به الضيق مابين الوصل و البعاد
‏وان ناحت الورْق فوق الغصن غنّى لها

‏عن ليلة الطين بين المعتمد و اعتماد
‏قدام لا تجحد و تُنكر مـا سوالها

‏وان عذبته الطواري قال والصوت حاد
‏انا حفيد الاكابر ..و اطيب رجالها

‏ماهوب لايق عليّ الضعف والاضطهاد
‏حتى لو ان جدها سنّد على خالها

‏الى متى بنتظرها ؟ عاد ملّيت عاد
‏شرهة كرام السبال .. اكرم من سبالها

‏ولا عذوبة قصيدي - نادره - فالبلاد
‏وماتستحق النوادر ذيك و اشكالها (:

‏ردوني لعهد (إرم) واعجاز ذات العماد
‏ويلي على وقتها واخالف اعمالها

‏بدال ما انحت جبل انحت قلوبٍ جماد
‏ما ليّن الدين جانبها ولا ازالها

‏ولاتحسبوني لبست من الليال السواد
‏انا اللي ان عقّدوها ؟ جيت حلّالـها

‏و يا اصحابي اللي موارثكم مفاخر شداد
‏الحمله شعيل لامنّه برك شـالـهـا

‏ما اخاوي الا كبار القوم بين العباد
‏لا طرّو ان الخيول اتعرف خـيـّالـهـااا

‏ادحم بـ( بـنـدر ) صدوف الوقت والقى المراد
‏الارض لو زعلتني ؟ خفف اثقالها

‏ومن قال : نار الوفا ما ترّث الا رماد
‏شياب طيب الفعايل تجذب عيالها

‏رباه عـودٍ لـيـا وصلت لـحـد الـعـنـاد
‏حتى عدانا تخوّف بـ اسمه ابطالها

‏( فواز بندر ) لا زادت سمعة ونعم زاد
‏الطايله ماتطول الا ليـا طـالـهـا

‏من يحتزم بـه يشوف انه - عماد وعتاد -
‏(مكارم الخُلق) فـضـلـته من افضالها

‏لو تعكس اسمه مع اسم ابوه شفت الوكاد
‏سلايل المجد بـ ( اسماها ) .. وبـ( افعالها )

‏مضياف في كل وقت وكل ديره وماد
‏انشد شيوخ الجزيره وانشد جبالها

‏عن قصره اللي دواوينه طويلة عمااد
‏مـن زود صدق الكرم بيبانه اشتالها

‏تفخر بـه ( الرُوقه )ان جا للمفاخر تضاد
‏وتبين الحق بـه ( برقا ) عن اضلالها

‏( وسامة اللاحي ) اللي في نهار الطراد
‏المجد فانسابها .. والعز فاجيالها

‏لا قاموا ( الاد دلبح ) محتمين التلاد
‏ياكم هنوفٍ ماتدري وين رجالها؟

‏مقادم ( عتيبه الهيلا ) بـ يـوم الهجاد
‏لا ثار عج الرمك واستصعب اشكالها

‏يثنون دون الابل بضرب السيوف الحداد
‏اللي تخلي دواهي ( نجد ) فظـلالـهـا (:

‏كنّا نسوي بروفه قبل يوم الـتـنـاد
‏يوم ان الاخصام ما فال السعد فـالـهـا

‏حنا خوال النبي مانعرف الارتداد
‏الدين حنا هله والحرب حنا لها
- عبدالله بن دهيران

هالقصيدة ما ادري كم مره اعدت قراءتها من شدة جمالها ، أول مره تلفتني قصيدة مدح لهذي الدرجه ، ابداع بكل ما تعنيه الكلمه ماشاء الله تبارك الله

والله محظوظين عتيبه بها :)

جزاله جزاله جزااله كل بيت متفرد

" ولاتحسبوني لبست من الليال السواد
‏انا اللي ان عقّدوها ؟ جيت حلّالـها "

" ومن قال : نار الوفا ما ترّث الا رماد
‏شياب طيب الفعايل تجذب عيالها "

" ربّاه عـودٍ لـيـا وصلت لـحـد الـعـنـاد
‏حتى عدانا تخوّف بـ اسمه ابطالها "

يا الله :(

صبحكم الله بالخير 🤍

" آمنت بالقسمة ، و آمنت بعدل الله ، و أن كل شيء زال مني هو بالأحرى زال عني ، و أن كل ما ذهب من يدي لم يكن في الأصل لي ، و الله كان به عليما "

ارحب بطيفك لاضوى والعرب ممسين
‏ تراحيب عود ٍ تو ما طابت جروحه
‏
‏رزقه الله بطفل بعد ما فهق خمسين
‏ وغدا عنده اغلى من عيونه ومن روحه
- عابر

من سالف الصمت والياس القديم القديم
‏من منطلق كل كلمه مقدر اقولها

‏ما فات غير الحياه ؛ بعين صبر الحليم
‏ولا هان غير القلوب الخضر وحمولها

‏يا ليت للحظ وقفه فالمصير العتيم
‏ما كان شحّت لنا الفرحه بهملولها

‏لو يعرف الوقت وش معنى الفرح والنسيم
‏ما شان وجه الدروب بوجه مجهولها
- صالح الهويملي

هلا باللي هدبها كل ما سلهم وفيه نعاس
‏صحت منه القصايد بعد ضاقت في مقابرها

‏انا ما جيت وادي عبقر اللي يذكرون الناس
‏ولكني سريت عيونها وأصبحت شاعرها
- حمد المشيعلي

وجدي عليك بما عيوني انكتب