أظلم الشارع اللي كل ما أختليه
فزّ وسطه يحاكيني عليك الجماد
ودي آقول له من راح ما أحتريه
بس لاصار لاحلامي وعمري بلاد؟
وين أحصّل مثل وجهك لياقلت أبيه
بعد ماقْفى به عنادك وجاب البعاد
كلّ ضحكة بوجهك ؟ أكبر من الوجيه
وأكبر الروس ؟ أصغر من هذاك العناد
انت حتى المكان اللي تعوّد تجيه
تنحسب ليلتك وسطه ليالي عياد
من كثر ماتردّ الروح لاجيت فيه
يشعر ان مانْت طين أحيان : نسمة براد !
أرسم الحد من شان نتمرّد عليه
ماحسب قبله ان بعد الحدود الحداد
هاك قلبي لو لباس الوجع يكتسيه
لو تفكّر تحطّ لكل جرح امتداد
التعب فيه ماياكل من اللي يليه
مختلط فيه من بعد البياض السواد
كم لي أزرع حياة بداخله وارتجيه
والسنين تْعدّا مابيدها حصاد
أشعر اني بقايا والبقى مايبيه
مابه الا دموع وممتطيها الرقاد
وانت تطري على بالي وبالي شبيه
جمرةٍ عايشة مابين كومة رماد !
يمكن تْحنّ ، يمكن لا ، او يمكن ايه
آه ياثقل تعليق الأمل بـ العباد
ماتعلّقت فيك الاّ لأنّك نبيه
والنباهة فـ بعض أحيان قلّة رشاد !
والرشاد اللي مجنّب محاكيك ليه؟
ردّه يْقول : ردّ ، وغيبتك لاتعاد !
- أيمن الرويلي
فزّ وسطه يحاكيني عليك الجماد
ودي آقول له من راح ما أحتريه
بس لاصار لاحلامي وعمري بلاد؟
وين أحصّل مثل وجهك لياقلت أبيه
بعد ماقْفى به عنادك وجاب البعاد
كلّ ضحكة بوجهك ؟ أكبر من الوجيه
وأكبر الروس ؟ أصغر من هذاك العناد
انت حتى المكان اللي تعوّد تجيه
تنحسب ليلتك وسطه ليالي عياد
من كثر ماتردّ الروح لاجيت فيه
يشعر ان مانْت طين أحيان : نسمة براد !
أرسم الحد من شان نتمرّد عليه
ماحسب قبله ان بعد الحدود الحداد
هاك قلبي لو لباس الوجع يكتسيه
لو تفكّر تحطّ لكل جرح امتداد
التعب فيه ماياكل من اللي يليه
مختلط فيه من بعد البياض السواد
كم لي أزرع حياة بداخله وارتجيه
والسنين تْعدّا مابيدها حصاد
أشعر اني بقايا والبقى مايبيه
مابه الا دموع وممتطيها الرقاد
وانت تطري على بالي وبالي شبيه
جمرةٍ عايشة مابين كومة رماد !
يمكن تْحنّ ، يمكن لا ، او يمكن ايه
آه ياثقل تعليق الأمل بـ العباد
ماتعلّقت فيك الاّ لأنّك نبيه
والنباهة فـ بعض أحيان قلّة رشاد !
والرشاد اللي مجنّب محاكيك ليه؟
ردّه يْقول : ردّ ، وغيبتك لاتعاد !
- أيمن الرويلي
زم المدى والشّمس جفّت وأخر الماء عفر
والغيم بثيابٍ تنقّعها الحمار الشّفيف
ورا السّماء كن الليالي تنتشي وتْزفر
والرّيح تاخذني بيدها بين خل ووليف
مشيت والدّاعي تبارك للحسوف وغفر
وطيور ميعادي تِطيّرها يديّ وتعيف
كم ملّت دروبي مداها بين عجز وظفر
وأنا أخذ أسبابي ومشّيها بظل الرّصيف
غبتي وعيني ما تشوف الا عيونك مفر
والشّوق يلفي في نواظرها ويقفي كفيف
أحنّ لك، والوقت شهّدنا النّسيم وكفر
وأنتي كفوفك وين ما لاحت يهب الخريف
أحيان مالي غير طاري هبهباتك سفر
وأجيك وإنتي كل بردٍ في ربوعك مصيف
مسافتك عمر وملامح وجهتي لك قفر
وأنا قبل لا أخاف بعدك خِفت رجعتك زيف
- خالد حسن
والغيم بثيابٍ تنقّعها الحمار الشّفيف
ورا السّماء كن الليالي تنتشي وتْزفر
والرّيح تاخذني بيدها بين خل ووليف
مشيت والدّاعي تبارك للحسوف وغفر
وطيور ميعادي تِطيّرها يديّ وتعيف
كم ملّت دروبي مداها بين عجز وظفر
وأنا أخذ أسبابي ومشّيها بظل الرّصيف
غبتي وعيني ما تشوف الا عيونك مفر
والشّوق يلفي في نواظرها ويقفي كفيف
أحنّ لك، والوقت شهّدنا النّسيم وكفر
وأنتي كفوفك وين ما لاحت يهب الخريف
أحيان مالي غير طاري هبهباتك سفر
وأجيك وإنتي كل بردٍ في ربوعك مصيف
مسافتك عمر وملامح وجهتي لك قفر
وأنا قبل لا أخاف بعدك خِفت رجعتك زيف
- خالد حسن
تفهمين الشعر والا تجهلينه
ماعرفته قبل تهدينه عليّه
تامرين وتاخذين اللي تبينه
يالعيون الناعسات النرجسيّه
شاعرك لامن تغنت بك سنينه
شال بأعلى صوته أعذب سامريّه
الغلا ياكثر مابينك وبينه
من سواليف وكلام ومقدريّه
تسكنين القلب ولاتجرحينه
انتي اللي لك معاليقه هديّه
اجرحي ماقلت عذر الجرح وينه
والخطية منك ماتحسب خطيّه
تفهمين الشعر ولاتجهلينه
قابلك ربي بليا شاعريّه
- فلاح السبيعي
ماعرفته قبل تهدينه عليّه
تامرين وتاخذين اللي تبينه
يالعيون الناعسات النرجسيّه
شاعرك لامن تغنت بك سنينه
شال بأعلى صوته أعذب سامريّه
الغلا ياكثر مابينك وبينه
من سواليف وكلام ومقدريّه
تسكنين القلب ولاتجرحينه
انتي اللي لك معاليقه هديّه
اجرحي ماقلت عذر الجرح وينه
والخطية منك ماتحسب خطيّه
تفهمين الشعر ولاتجهلينه
قابلك ربي بليا شاعريّه
- فلاح السبيعي
صد الضيا، 'قلبي تمناك قنديل'
يحفظ بقايا ما بقى من شتاته
ولو تقفي بـ درب التباريح، والليل
يسدل على فجر المواصل عباته
لـ اتبعك واغني بـ ضمن المواويل
'قلبك انا منصاه واربع جهاته'
سولف، حلا منك صغار التفاصيل
الي على قلبك من العام هاته
ولو مو عيونك للقصايد مداهيل
تلعثم الشطر الحزين بـْ شفاته
قلبك رحوم ورحمتك مابها كيل
حبيبي، احلام القنوع التفاته !
- محمد منيف
يحفظ بقايا ما بقى من شتاته
ولو تقفي بـ درب التباريح، والليل
يسدل على فجر المواصل عباته
لـ اتبعك واغني بـ ضمن المواويل
'قلبك انا منصاه واربع جهاته'
سولف، حلا منك صغار التفاصيل
الي على قلبك من العام هاته
ولو مو عيونك للقصايد مداهيل
تلعثم الشطر الحزين بـْ شفاته
قلبك رحوم ورحمتك مابها كيل
حبيبي، احلام القنوع التفاته !
- محمد منيف
وطن ما أخترت أنا أكون المواطن أو تكون الدار
رمَت بـ أهلي مقادير الحياة وجيت فـ رْبوعك
ولكنّ الغريب إنّه .. لو ان الله يقول: اختار
أبستغني عن الشبعه على غير أرضك ؛ بجوعك
وطن .. مشكلتي انّي حر وأحرار الجبال : أحرار
لكن وشلون افضل عن فضاي السجن فـ ضلوعك
وطن ما دام لك وجهٍ ضحكوك وخاطرٍ مطّار
لا تجفاني إلى جار الظما واحتجت ينبوعك
أنا وان كنت ذا مبدأ ، بقربك ينتهي ما صار
أحبّك ، والهوى وشلون تتخلّا عن طبوعك
لأنّك قبلة الخطوة . . ووجهك وجهة المشوار
يعنّيني جفافك واستقر أن مالت فروعك
معي جرحٍ تداويه السنين وضحكة الزوّار
وصبرٍ يطوي ظروف الحياة ، وطاري رجوعك
تذكّرني . . أنا اشعلت الشموع لظلمتك بإصرار
لا تنساني إلى طلّ الصباح وطفيَت شموعك
- صالح بن حمد
رمَت بـ أهلي مقادير الحياة وجيت فـ رْبوعك
ولكنّ الغريب إنّه .. لو ان الله يقول: اختار
أبستغني عن الشبعه على غير أرضك ؛ بجوعك
وطن .. مشكلتي انّي حر وأحرار الجبال : أحرار
لكن وشلون افضل عن فضاي السجن فـ ضلوعك
وطن ما دام لك وجهٍ ضحكوك وخاطرٍ مطّار
لا تجفاني إلى جار الظما واحتجت ينبوعك
أنا وان كنت ذا مبدأ ، بقربك ينتهي ما صار
أحبّك ، والهوى وشلون تتخلّا عن طبوعك
لأنّك قبلة الخطوة . . ووجهك وجهة المشوار
يعنّيني جفافك واستقر أن مالت فروعك
معي جرحٍ تداويه السنين وضحكة الزوّار
وصبرٍ يطوي ظروف الحياة ، وطاري رجوعك
تذكّرني . . أنا اشعلت الشموع لظلمتك بإصرار
لا تنساني إلى طلّ الصباح وطفيَت شموعك
- صالح بن حمد
" تذكّرني . . أنا اشعلت الشموع لظلمتك بإصرار
لا تنساني إلى طلّ الصباح وطفيَت شموعك "
لا تنساني إلى طلّ الصباح وطفيَت شموعك "