كل عام ووجهك يزف التهاني
‏تبتديه وتنتهي منه الأغاني
‏كل عامٍ حكوة الحاكين عنّه
‏كل عامٍ تشرق الدنيا على عيدين لأنّه،
‏من فرحه، وبهجته، وإفراط حسنه:
‏عيد ثاني ..
- ماجد النفيعي

" عرفت إن السعادة بسمة الأحباب
‏ولمست إن البلاد عيون غاليني "

كل عام وانتم بخير آل قصيدة ❤️
الله يتقبل منّا ومنكم صالح الأعمال

نور صبح العيد ظلما من كسوفك
‏كل عام يمر .. من هالحال و اردا

‏صورتك صوتك هداياك وطيوفك
‏ما تخلي " لهفة الولهان " تهدا !

‏يكتمل عيدي اذا اكتملت وصوفك
‏انا الاحوج للتهاني .. و انت الأبدا

‏لا دريت اني ما راح اقدر اشوفك
‏ادري ان العيد خلّص .. قبل يبدا
- فيصل العطاوي

موحشة كل الليالي في غيابك
‏مثل صبح العيد ببيوت اليتامى
‏- عبدالملك الخربوش

الحزن لو له اعراف و تقاليد
‏مابكت في صباح العيد عيني

‏لك ثلاث سنوات وانت ياعيد
‏كلما جيت جبت العيد فيني
- سعيد بن فارع

حنا نخيط جروحنا طيلة العام :
‏و حضرة جناب العيد لا جا فتقها
- سمار

آخ

مادامهم في خير ، يالعيد لا باس
‏اصواتهم تجبر خواطر لقانا

‏حنا حبايبنا معانا ، بالإحساس
‏لو مرّ صبح العيد ماهم معانا
- وارفه

تهادوا علي أحباب قلبي.. صدير، وْوِرْد
‏وأنا كيف أعايد ضحكتك وأبحث أسبابك؟

‏تمنيت وبلك يوم صحراء القصايد جِرد
‏يا وجه الله إن مرّ [أوّل العيد] ما جابك
- محمد السلطان

" وإذا العيد مرّ .. وفقد الأحباب : موجعنا
‏عسى أعيادهم ياربّ .. في جنّتك أجمل "

"في كل عـيد أشفق لشوفه و لقياه
‏و إن جيت لجل أعــايده ما لقيته

‏يا مكذب اللـي قال تكبر و تنساه
‏كبـــرت لكـــن ما سـليت ونسيته

‏ ياربّ تجمعنــي ليا مت وياه
‏في جنتــك يا من دعيت ورجيته"

" يعايدك شخص مايطري على بالك
‏واللي على البال لا سلم ولا عايد "

عتاب شديد اللهجه

كنّك اللي صحّت جروحه سباتي
ماغفت عين المواجع ، مسْدلتها

والله اني طول وقتي كنت احاتي
كيف ابارك عيد مافيه بركتها ؟

كيف اواسي غربتي واجمع شتاتي ؟!
كيف اطمّن ضيقتي واكسب سعتها

كيف اهني اْبوي واعايد خواتي ؟!
وفرحتي من خمسة أشهر فاقدتها

"أُمي" الي ما طرا عيد بـ حياتي
يبتدي و ما يبتدي بـ " معايدتها "

وقفتي عَ الارض ماتعني ثباتي
فوقها انفاسي ، وضحكاتي تحتها

والله اني بعدها ماقمت احاتي
غير صبح العيد وامي فاقدتها ؟!
- مدى

يا هالسؤال اللي يفطر القلب

" وقفتي عَ الارض ماتعني ثباتي " آااخ

آلمتني هالقصيدة :(

" خذتك الاقدار وانا صرت بعدك وحيد
‏ياوجد روحي عليك وفطر كبدي فطر

‏انا على شان احس انك معي كل عيد
‏اخرج زكاتك لاجيت اخرج زكاة الفطر "

يا بيارق ضحكةٍ من دونها هوش، وْعَزاوي
‏في رجاها ما لحق وجهي ملام ولا مضرّة
- محمد السلطان