آتحرّى العيد في طلعة هلالك
‏يوم كلٍ في مصلى العيد صلّى

‏في لثامك ليل ما غطّى جمالك
‏مدري وجهك نور والاّ صبح والا

‏أدري إن الليل مهما كان حالك
‏ما يحجب البدر لا منه تجلّى
- سعود مهدي

ياااه 🤍

جمال جمال

لو ما لصوتي باب يابهجة العيد
‏غنّيت لك .. لو سور الايام عالي

عمري قصايد واغنيات ومواعيد
يوم الكتابه موطني وارتحالي

العيد يا ابن العيد يكفي بتغريد
طير الحنين بصدر غالي لغالي

وانا امدّ لك قلب مآ مدّ لك ايد
ودي اعيش العيد لو في خيالي
- عاطف الحربي

لاحت بروق أعيادنا واستهلّت
‏وقلوبنا ولهى على لمة العيد

‏وملامح الفرحة علينا تجلّت
‏عامين وعيون اللقاء للمواعيد
- بندر الجهني

النور في صدري من العام طفّاه
‏وْجه الليالي شاحبٍ - بالتجاعيد

‏ماهو من اللي لا قسى الوقت قسّاه
‏وادري ظروفه .. ماتجي بالمواعيد

‏لكن غيابه طال - وأبطى بـ لقياه
‏ياكيف هذا العيد من بعده سْعيد

‏ماجابه الطاري على طول فرقاه !
‏يمكن ! تجيبه تهنئة ليـلة العيد
- دلال العتيبي

ممكن ؟

آل قصيدة رجاءً اي غالي عليكم مخاصمينه راضوه اليوم ؛ مناسب جدًا لعودة العلاقات :)

لحسن الوافي بيت مناسب جدًا للتراضي :
العيد من دون صوتك يا بعد حيّي
‏يشبه لبيتٍ خلى من صوت شيبانه

ما اوصيكم الله الله بالمعايدات الحلوه ❤️

كل عام وضحكتك حلوة وأيامك سعيدة
‏حتى لو مرت ليالينا وأنا ماني معاك

‏يا ضيا الدنيا وسناها يا عسى أعوامك مديدة
‏كل دعواتي قبالك ..كل آميني وراك

‏القصيد بدون وجهك ليه نقراه ونعيده؟
‏والزمن يبهت شعوره لو حرمته من هواك

‏اذكريني لا سمعتي أغنية وإلا قصيدة
‏لو نسيتي من يحبك من يحبك ما نساك
- عبدالملك الخربوش

واللي تمـرّه ضحكتينك يباهي..
نور الصباح وطلة الورد والعيـد"

‏" والله إن العيد دكة خطاك
‏والفايزين عيونك وتبسامك "

أعايدك من قبلهم " شيّ مرغوب "
‏وأعايدك من ضمنهم " شيّ كايد "

‏قبل نهار العيد مع جِدّة الثوب
‏والطيب ، والحنّة ، ولبس القلايد

‏نوبٍ أقول إليا طْلعت شمسه ونوب
‏أقول لو غيري سبقني وعايد ؟!

‏" مْباركٍ عيدك "ولا هو بماجوب
‏الواجب أكبر من كلام وقصايد
- سمو

" ما هوب عيد ٍ ما سمح لي بلاماك
‏عزي لعين ٍ .. شوفها ما يحوفك
‏يعتادني عيد الشقاء .. يوم فرقاك
‏و يعتادني عيد الفرح .. يوم أشوفك "

‏"دخيل العيد وأفراح القلوب وشوفه الغالين
‏على كثر إزدحام البال خليني على بالك"

عيدك مبارك وكل عام المشاعر تجري
‏ما توّقفها الظروف ، ولا قليل الجيّة

‏والله إنْك أوّل من أبارك له ومن يطري
‏ووالله إنّك ما أنت حول العالم المنسيّة

‏العيادي منّك " صْوّرٍ " تفرّح صدري
‏خذْتها منّك وأنا الي ما اخذ العيديّة ..
- سمو

اذا خانك التعبير وما عرفت كيف تمدح هالأبيات تنقذك :

"على كثر القصيد وكثر ماجاب الخيال أفكار
تعبت ومالقيت الا ثمان اشياء تشبه لك

نور الشمس،لون الغيم،طهر الما، وصمت النار
لين الورد ، فجر العيد ، ملَك وإنسان ياسهلك"

" من جعل نظرة عيونك عيد وإن لدّت مضرّة؟
‏من سرق دهشة عباد الله واختصك لحالك "

خيار آخر لفارس فايح يقول فيه :
قالوا لي ، ان العيد لمة حبايب
‏وانا بدونك : ما اعرف لذة العيد

ومن باب الأعذار المقبولة بالعيد أقول :

‏تعال وطشّ في صدري عناك وزيدني غربال
‏أنا حتى قساك أحس به لين وحسن نيّة !

‏تعال العاشق اللي مدّ خطواته مسا واغلال
‏تعال وزاحم أكتاف الحنين وردّني .. حيّة
- رزان العتيبي