اقسم لي يا ربي قدر في هالليال
يزهر حياتي وكل ميله تعتدل
- صبا

آمين

ترى الاماني في نفوس الشقيين
‏مثل الاوادم يوم تولد وتقبر

‏الموت ماهو رجعة الطين للطين
‏الموت لا من قيل للصابر اصبر

‏وليا انحنت لله روس المصلين
‏ماعاد للأصوات غير الله أكبر

‏لا اقبل زمانك صارو الناس زينين
‏لكن تعال ودوّر الناس لا أدبر
- ناصر مناحي

"عاجز عن الشكر ياليل رمضان القصير
‏مايمدي الحزن يأكل فيك كل جسدي

‏من قبل لـ اوادعك لابد تذكر بخير ..
‏ياللي مزاياك لاموحش ولا سرمدي

‏لو ان الانسان عن حزنه مايقدر يطير
‏لكن بك القلب يخشع والنفوس تهدي

‏عساك بـ أعمارنا مـ أنت رمضان الأخير
‏ويقبل بك الله دعاي وطاعتي وجهدي "

- الدويش،بندر

آمين آمين آمين

راحت وخلّتني رهين المواعيد
‏لا ودّعت قلبي ولا واعدتني

‏من ليلة الفرقا وانا آحاتي العيد
‏خايف يمر العيد ما عايدتني
- فهد العيبان

منّك لله يا قاسيه

‏بما ان العيد قرّب لابد من التذكير في بيت سعد علوش:
" اهدني أي شيء ، أي شيء لو انه صغير الهدايا ماتهم .. المهم احساسها"

" على وجهك أنا و أكبر مطاليب الحياة ندور
‏وش العيد بدونه يا أعذب أشيائي و أوّلها؟ "

اللي خذيت من التفاصيل هاااته :(

‏" عيد رد الإعتبار "

‏اسلمي " ياخدره العين " من شر العيون
‏و إستبيحي نشوه العيد من وجه النهار

‏كل عيدٍ قبل ما اعرْفك يجيب الغبون
‏اجعلي عيد الفطر " عيد رد الاعتبار "

‏كنت اعاني من لهيب الخطايا والطعون
‏واستلذّيت الخطا يوم صرتي الاعتذار

‏خلي اللي ماتعرفك على احسن مايكون
‏تشعر بـ حاله من الضيق ومْن الانهيار

‏مارِسي حدِة غرورك على اللي يحترون
‏التواضع مرحله ضعف و بْداية دمار

‏انتي عيونك تخطف الرذاذ من المزون
‏علّمي اللي تحسب ان خطف الانظار ابتكار

‏طلةٍ ماهيب منّك ! تساورها الضنون
‏اكثر اللي ناسب العيد ؟ وجهك بـ ختصار

‏عسجديّات القوافي وعذبات اللحون
‏حطّها شاعرك في معصمك مثل السوار

‏كل بيتٍ ينكِتب فيك يالغض الفتون
‏تكتبه طرّادة الحب في عرض الجدار
- حشان بن مصلح

هذي قصيدة #العيد اللذيييذه

حااازت على اعجابي الشديييد ❤️

ننتظر المزيد من الابداعات

آتحرّى العيد في طلعة هلالك
‏يوم كلٍ في مصلى العيد صلّى

‏في لثامك ليل ما غطّى جمالك
‏مدري وجهك نور والاّ صبح والا

‏أدري إن الليل مهما كان حالك
‏ما يحجب البدر لا منه تجلّى
- سعود مهدي

ياااه 🤍

جمال جمال

لو ما لصوتي باب يابهجة العيد
‏غنّيت لك .. لو سور الايام عالي

عمري قصايد واغنيات ومواعيد
يوم الكتابه موطني وارتحالي

العيد يا ابن العيد يكفي بتغريد
طير الحنين بصدر غالي لغالي

وانا امدّ لك قلب مآ مدّ لك ايد
ودي اعيش العيد لو في خيالي
- عاطف الحربي

لاحت بروق أعيادنا واستهلّت
‏وقلوبنا ولهى على لمة العيد

‏وملامح الفرحة علينا تجلّت
‏عامين وعيون اللقاء للمواعيد
- بندر الجهني

النور في صدري من العام طفّاه
‏وْجه الليالي شاحبٍ - بالتجاعيد

‏ماهو من اللي لا قسى الوقت قسّاه
‏وادري ظروفه .. ماتجي بالمواعيد

‏لكن غيابه طال - وأبطى بـ لقياه
‏ياكيف هذا العيد من بعده سْعيد

‏ماجابه الطاري على طول فرقاه !
‏يمكن ! تجيبه تهنئة ليـلة العيد
- دلال العتيبي

ممكن ؟