للمكان اللي تحفوى بالليال المدلهمّه سارت اقدامي ونفسي تاقت لرؤية أثرها غرفةٍ اهرب إليها كلّما لاقيت غمّه علمتني صاحبتها كيف تستقبل كدرها تحمد الله واتّباشر بالصبر يبلغ متمّه لو غيوم الحزن سالت ! فكّت يْديها لمطرها خلّدت سيرة واثر ما تلحق الراحل مذمّه…

لو يهوّل فـ الشعور، وصد عني صدّ عايف ‏ماقدر يمحي وجودي لو بغى عمره يعيده ‏والحنين يْشوّفه زولي لو انْ ماهو بشايف ‏فالزقاير .. ‏في زوايا غرفته .. ‏ماني بعيده :( ‏أدري اني كل ليله بينه وْبين الحسايف ‏يوم يذرفني دموع ويوم يكتبني قصيده - نوف العثمان

ياربّ لا تجعلني آبوح احتياجي تثقل هموم العبد لا منّه حكاها بك يستقيم الحال ويصحّ اعوجاجي والناس ما تغني عن سْواك بسواها - مها

ياربّ فـ ارضي قفر وبصدري جفاف هلّ المزون اللي تفيض بْها الفيافي محتاجه لغيمة مطر باوّل مطاف : يبتلّ منها قلبي و باقي ضفافي أزريت أدوّر في شتا عمري لحاف والبرد مع شحّ المطر صعب التلافي هذي حياتي بين طرق وبين قاف شحّت قصايدها تجود بـ بيت دافي واللي…