اليوم نكتفي بهذي القصيدة

صبحكم الله بالخير 🤍

يقول المنفلوطي : " إذا سمعت بيتًا من الشعر فأطربك أو أحزنك أو أقنعك أو أرضاك أو هجاك وأنت ساكن، أو هدّأ روعك وأنت ثائر، أو ترك أي أثر في نفسك؛
‏فـ اعلم أنه من بيوت المعاني، وأن هذا الذي تركه في نفسك إنما هو روحه ومعناه ! "

‏"يطيح من عيني عزيز و يكبر بعينيّ سراب
واللي يطيح من العيون يموت ما يرجع لها"

" انا اللي رعى قيظ المسافه وفا وعقوق
حضنت السحابه والعطش بلّل اطرافي "

ليالي نشوف إن الدروب الضياق وساع
‏وليالي نشوف إن الـفضا حـلق قـاروره
‏- سفر الدغيلبي

بيت المرحله :

احب هالقصيدة جدًا :(

لحظة إدراك

صبحكم الله بالخير 🤍

‏"أنت لست بالقليل حتى تبحث عمن يزيدك، ولا بالناقص حتى تبحث عن الكمال، ولا اسمًا إضافيًا في قائمة احتياط، أو خطة بديلة، أو شعور يحتاجه شخصٌ ما في أوقاتٍ معينة، ولا إنسانًا مهزوز تؤثر به كلمة طائشة من أحدٍ لا يعرفه حق المعرفة، وحدك تعرف قدر نفسك، وحدك تعلم من تكون. أنت كثير ومكتمل."

‏حزنٍ خذاني في دروبه ولا طقت :
‏صمتٍ تدابك بالحنايا خيوله

‏ضامي وفي برق الاماني تعلقت
‏لو ماهو مخضّب ثراي ب سيوله

‏واقف .. وانا في داخلي كم تشققت
‏متحودبً ظهر الصبر من حمولة

‏غرّبت عن عيني وانا عنك شرقت
‏مشيت لو خطوات رجلي خجولة

‏تعبت أكذب غيبتك لين صدقت
‏ان الحزن فيني ب اربع فصولة

‏شفني ليا ضاق الفضاء فيّ واشتقت
‏كل الكلام اللي نسيته .. اقوله

‏على الورق .. ياني تشجرت و أورقت
‏والدمع ينضج قبل لا يحين حوله

‏ابشرك غبت .. ونقص بعدك الوقت
‏ما فيه صبح الا وانا ارفض قبوله

‏وان جيت افتش في هداياك دنقت
‏كني افتش في سنين الطفولة

‏والضحكة اللي استاذنتني .. ووافقت
‏راحت .. ولا ادري ليش كانت عجولة

‏ما اقول قلبي مات من يوم فارقت
‏لكن عجزت احيا بعدك بسهوله

‏يكفي تعبت من التعب وانت ما فقت
‏ارجع ل قلبي قبل موعد ذبوله

‏ب اشارك الريح السفر كل ما ضقت
‏وان جيت .. شاركت المطر في هطوله
- حمد المشيعلي

" تعبت أكذب غيبتك لين صدقت
‏ان الحزن فيني باربع فصولة " :(

ماااا فيه صبح الا وانا ارفض قبوله

سيرة ذاتية :

أنا ماعشت سنّ العفرته والطيش
من - الميلاد - والدنيا على راسي

ثمان سْنين اركض خلف لقمة عيش
عشر ؛ أمطر هموم آصبها فـ كاسي

لذلك ؛ لا تقارن بين غزو الجيش
وبين اللي بقى في مركبه راسي

لو انّ ظروفي تْزين بعطا البخشيش
عطيت اللي معي واعلنت إفلاسي

شقى .. ما ينصرف باللهو والتطنيش
قدر محتوم .. من قبل انفث انفاسي

كثر ما سالت جروحي من التخميش
ضحكت اكثر .. على آهي و أتعاسي

توسّدت الحصى ما نمت فوق الريش
تلحفت الأمل .. ما هدّني ياسي

تعلّمت ازرع لغيري ولا اسأل ليش
أخاف يْدي تشحّ الخير عن ناسي

خلقت بخافقٍ يرتاعه التهميش
ولا يرضا يكون الجافي القاسي

انا في زحمة ايامي - نسيت آعيش -
مضى عمري وانا اجهل نبرة احساسي

نسيت ان البشر تسعى ورى التحويش
وعرفت ان غيبتي - محدٍ عليها آسي -
- مها

صبحكم الله بالخير 🤍

" لو علِمت ماذا يصنع الدعاء في مقادير الغيب، ولو علمت بالبلايا التي دفعها الله عنك بالدعاء .. لما توقّفت والله عن الدعاء ولا مللت ولا يأست "

" ما همّني لو تجهل الناس اسمي
‏يهمّني عند " الله " يصير معروف "
- ذروه

لـ الوجيه العابره .. دايم مشرّع صدري ،
‏و اتبسّم لـ المشاعر و الله يحييها

‏صرت مثل الحاجه اللي في يدين الفقري ،
‏شاف له فقري على دربه و ضحى فيها
- مبارك الرزحان

تهون دموعي الزرقا و كل مافي الزمن مخلوف
‏مدام أن راحة يدينك تلامس رعشة أكتافي ..
- أفنان