" والألم يرقص على صوت انفجاري " آوتش

يختتم هذي القصيدة بقصيدة ثااااانيه في :
ارحلي، ما خان شعري "اعتباري"
‏يستحلّ البال واستعذب عذابه !

أنا فيني تعب ، فيني عتب ، فيني جروح اكثير
ولا فيني أكمّل مابقى فيني .. من غيابك..

جزعت من فرقاك في يوم فرقاك
وأثر الجزع عند المصيبه مصيبه
- مبارك بن رادعه

‏أثْر انّ ما للّيل والي لا استفرد بالعليل؟
‏يحدّ نابه والبن ادم حفنة عظام ووصال

‏يا رب صبحك ما بقى فيني على هالليل حيل
‏يا رب حيلك ما بقى فيني على التمزيع حال

‏لا تحرم الواقف على بابك من شموسك فتيل
‏لو كان ما له مع صفو خلقك ولا احبابك مجال

‏أنت الكريم اللي يقولونه ولو خصمك بخيل
‏وش عاد لو خصمك كريمٍ حدّته سود الليال

‏اكرم دخيلٍ يومها بيديه ما ردّ الدّخيل
‏ما جاك عاني لو معه في نافذ قْضاك احتيال

‏لا تجبره يطلب وجيه النّاس من شح القليل
‏ولا تعلّق حاجته باللي يذلّه بالسؤال

‏لو ما بقى في متسّع ساحتْك لحصاني صهيل
‏اباترجّل وانت لك غيري صناديدٍ عتال

‏سرّح شجاعٍ ما ركع يوم انّ للوقفة سبيل
‏من قبل تفرغ بندق عزومه وترديه الرجال

‏يارب طالت فيني الرحلة ولي حمْلٍ ثقيل
‏ما مال ظهْري من ضنا شيله لَكَنّ الحظّ مال

‏ان كان كاتب لي بهذا الدرب مشوارٍ طويل
‏عطني على قد الطريق عْتاد صبْر وطول بال

‏وان كان ما في شجرة الراحة بتقسم لي مقيل
‏خذني وصيّرني لمن ذاق الشقا مثلي ظلال
- هاجر
‏⁦ @msjorim⁩

يا رب صبحك ما بقى فيني على هالليل حيل
‏يا رب حيلك ما بقى فيني على التمزيع حال :(

"وش عاد لو خصمك كريمٍ حدّته سود الليال"

" ان كان كاتب لي بهذا الدرب مشوارٍ طويل
‏عطني على قد الطريق عْتاد صبْر وطول بال "
آميييين :(

من أجمل ما قرأت والله ، هاجر مبدعه جدًا

مع شايبٍ يزهى مقامه من التقدير
‏ياهون الصعاب اللي تذلّل علشانه

‏عساني معه في الشدّه اللي لها تاثير
‏ادمث من جنابه عند جاره وضيفانه

‏ابرّه وانا ممنون واحسّ بالتقصير
‏تفانيت ماجازيت فضله ولا احسانه

‏رضى الوالدين اهمّ والزم من ارضا الغير
‏هم اللي رضاهم من رضى الله سبحانه
- جابر النشيرا

‏بانت مواريك يا ليل الفراق الطويل
‏غاب الكرى عن عيوني وأقبل سهادها

‏ظلماك خيمة ولا للنور فيها فتيل
‏كنك على أطراف الأرض مثبّت أوتادها

‏من بد الأيام كنت آخاف يوم الرحيل
‏يا عنْك نفسي رجاء الأيام ما فادها

‏أعطاني الله نِعَمْ والعمر مضمار خيل
‏وأفضال ربي مهارٍ تطلب قيادها

‏إن راحت الفرصة أوجدت لسواها بديل
‏دوّرت مسراي ما دوّرت معوادها

‏فيني من العز ما يسمو سمو النخيل
‏مواقدي نورها من نار حسّادها

‏ندّي نبيل وشعوري للمنافس نبيل
‏علّية القوم قيمتها من أندادها

‏الحلم لا مّر بالي مّر عابر سبيل
‏لي نفس ما عادت الأحلام تقتادها

‏يا نفس ذوبي من اللهفة ويا دمع سيل
‏في القلب غصّة عِجزت آكابد جهادها

‏تحت الثرى وجه صارت رجعته مستحيل
‏غابت معه كل ضحكة كنت معتادها

‏وين أنت يا من فوادي بعد فقده عليل
‏روحي بليّاك روح تحّن لبلادها

‏وشلون حصلّت من بعدي ظلال ومقيل ؟
‏يا بسمة سنين عمري وآخر أعيادها

‏لو جفّت دموع عيني حزن لجلك ! قليل
‏العين خنساك يا صخرة توجّادها

‏يا قرب مثواك وأنت أبعد علي من سهيل
‏أثر المسافات شي أكبر من أبعادها

‏تغلي طواريك والذكرى ما تشفي غليل
‏كن الطواري عذاب الشوق برّادها

‏ياللي مصابي بعد ليلة رحيلك جليل
‏ما كل نفسٍ تمنّت نالت مرادها

‏أبكي على أطلال خطواتك بُكاءْ الضليل
‏وأجي لحالي لأماكن كنت ترتادها

‏واحر كبدي على فقدك و ماضي جميل
‏عادك معي وأبتساماتك معي عادها

‏خليتني يقظْ ؟ وآثرت الرقاد الطويل
‏روح ٍ تناديك ، لو عزْ اللقاء ! نادها

‏كنت لحياتي حياة ، وللمنايا حصيل
‏كم فرحّةٍ تندفن في يوم ميلادها

‏أرضٍ تضمّك ضياها ما يغيّبه ليل
‏يا جعل يسقيك مزن الغيث لا جادها

‏والله ما أنساك لو ينسى الحمام الهديل
‏حتى توافيك روحي عند ميعادها
- سعود مهدي

اليوم نكتفي بهذي القصيدة

صبحكم الله بالخير 🤍

يقول المنفلوطي : " إذا سمعت بيتًا من الشعر فأطربك أو أحزنك أو أقنعك أو أرضاك أو هجاك وأنت ساكن، أو هدّأ روعك وأنت ثائر، أو ترك أي أثر في نفسك؛
‏فـ اعلم أنه من بيوت المعاني، وأن هذا الذي تركه في نفسك إنما هو روحه ومعناه ! "

‏"يطيح من عيني عزيز و يكبر بعينيّ سراب
واللي يطيح من العيون يموت ما يرجع لها"

" انا اللي رعى قيظ المسافه وفا وعقوق
حضنت السحابه والعطش بلّل اطرافي "

ليالي نشوف إن الدروب الضياق وساع
‏وليالي نشوف إن الـفضا حـلق قـاروره
‏- سفر الدغيلبي

بيت المرحله :

احب هالقصيدة جدًا :(

لحظة إدراك

صبحكم الله بالخير 🤍