انت قربك بالعمر مثل " الهدايا "
صرت اجي من شمس الايام استظله
ليه " تزعل "و إنت تدري بـ النوايا
و قلبي تدري في غيابك وش حصله؟
" السكوت " اللي امتلى بين الزوايا
كان "صوتك"يقدر يحل بـ محله
- ذروه
صرت اجي من شمس الايام استظله
ليه " تزعل "و إنت تدري بـ النوايا
و قلبي تدري في غيابك وش حصله؟
" السكوت " اللي امتلى بين الزوايا
كان "صوتك"يقدر يحل بـ محله
- ذروه
تشد رحال قلبي للمحبة والغلا والزين
واشوف ان كل دربٍ مرته خطواتها دربه
على ضحكة شفاة و رمش خادر وإلتفاتة عين
احس ان الشعر يفرح من الشوق ومن الطربة
وش الايام .. لولا جيّة الغالين للغالين
وش شعور المحبة كل ما جيتي ولا اشعر به
وش اللهفة سوى شوق القلوب ورجعة المقفين
وش الموعد لو انه ما نفا من خاطري الكربة
تمرّين ويزيد النور من نورك .. وتبتسمين
وينهل السحاب ويزهر الكادي من التربة
ولا بعد السنين اللي مضت وانتي معاي سنين
اشوف جروحها ذربة واشوف طعونها ذربة
صحيح ان العمر ماهوب واقف عقب ماتمشين
بيمشي .. بس يمشي لـ الندم والبعد والغربة
- محمد الكريدي
واشوف ان كل دربٍ مرته خطواتها دربه
على ضحكة شفاة و رمش خادر وإلتفاتة عين
احس ان الشعر يفرح من الشوق ومن الطربة
وش الايام .. لولا جيّة الغالين للغالين
وش شعور المحبة كل ما جيتي ولا اشعر به
وش اللهفة سوى شوق القلوب ورجعة المقفين
وش الموعد لو انه ما نفا من خاطري الكربة
تمرّين ويزيد النور من نورك .. وتبتسمين
وينهل السحاب ويزهر الكادي من التربة
ولا بعد السنين اللي مضت وانتي معاي سنين
اشوف جروحها ذربة واشوف طعونها ذربة
صحيح ان العمر ماهوب واقف عقب ماتمشين
بيمشي .. بس يمشي لـ الندم والبعد والغربة
- محمد الكريدي
❤3
" لو لم يبق لك ممّن عرفت غير ثقته بك، واطمئنانه إلى رأيك -من بعد تصرّم المنفعة وانقطاع الأسباب-، لكفاك! وحسب المرء مفازة أن يخلّد في الأذهان، ويتجذّر بالأفئدة بنبل مقصده، وسموّ مآربه " طيّب الله آثارنا
كفاك من العنا ياعمري أعفيني من الأحزان
تبسّم في ضياء وجهي وقول لدمعتي توبي
خِذ الآهات من صدري وبلل وجنتي هتان
ودوّر لي على إحساس راح ومالفى صوبي
أبحيا للذي يروي فؤادي لا ضحى ضميان
وأبهزم كل ظرف يعانده ويعاند دروبي
أبشرق بين ضيقات الليال بصوتي الذبلان
وأحيك لخصري الناحل من أفراح العُمر ثوبي
أبضحك لين ماينبت على باب الزعل بستان
وعلى باب الشقا برقص إلين أستغفر ذنوبي!
وعلى أعتاب الزمن بذكر حكاية" كان ياما كان"
قبل لا تصير ضحكاتي الكثيرة؟ أكبر عيوبي!!
- أفنان
تبسّم في ضياء وجهي وقول لدمعتي توبي
خِذ الآهات من صدري وبلل وجنتي هتان
ودوّر لي على إحساس راح ومالفى صوبي
أبحيا للذي يروي فؤادي لا ضحى ضميان
وأبهزم كل ظرف يعانده ويعاند دروبي
أبشرق بين ضيقات الليال بصوتي الذبلان
وأحيك لخصري الناحل من أفراح العُمر ثوبي
أبضحك لين ماينبت على باب الزعل بستان
وعلى باب الشقا برقص إلين أستغفر ذنوبي!
وعلى أعتاب الزمن بذكر حكاية" كان ياما كان"
قبل لا تصير ضحكاتي الكثيرة؟ أكبر عيوبي!!
- أفنان
نامي وبسهر على احلامك واحققها
لك عاشق ٍ في دعاه اسمك خشير اسمه
(الله يوفقك ، والله لايوفقها) :
الضيقه اللي خذت من وجهك البسمه
- سلطان بن بتلاء
لك عاشق ٍ في دعاه اسمك خشير اسمه
(الله يوفقك ، والله لايوفقها) :
الضيقه اللي خذت من وجهك البسمه
- سلطان بن بتلاء
الليل ساحة نزاع، وشوفتك مستراح
لايطلع الصبح في عيني ما ريّحتها
خايف من الشمس لاتفتح عتيق الجراح
و"عمدان" خيمة ظِلالي؛ ناس "طيّحتها"
- فارس فايح
لايطلع الصبح في عيني ما ريّحتها
خايف من الشمس لاتفتح عتيق الجراح
و"عمدان" خيمة ظِلالي؛ ناس "طيّحتها"
- فارس فايح
باب ما جاء في الغزل العذب :
"من عبرت بـ شاطي عيونك وأنا اللي ما أبالي
عارف إني لو نجيت من الغرق ، لازلت غارق"
"من عبرت بـ شاطي عيونك وأنا اللي ما أبالي
عارف إني لو نجيت من الغرق ، لازلت غارق"
مثل ما الأرض من صبّ المطر ترتوي وتزين
أنا لي قلب تورِق غصونه كل ما أنتي تمرّينه
فقد جيّتك جعله ما يفقدك بكره ولا بعدين
وليا من جاد بك حظّه عسى ما تبخل سنينه
يشوف الحياة اللي معك: ما تقبل التخمين
تشين الظروف وضحكتك تطلق حجاجينه
ياملح الليالي كلها مع جنابك ياقمر تشرين
خفيفة والضياء من نور وجهك مستمدّينه
أنا من قبل أشوفك كنت سالي مع السالين
قبل بالي لا يتوه بتفاصيلك ولا أنتي تدلّينه
أقول إن الهوى يابنت كذبة صدقوها إثنين
يالين شفته بين رمشينك يلوّح لي بيدّينه
ومره الله بشطّ الجفن يسكن ويهْنا ويبين
متى طرفك على غفلة سحى صوبي تلدّينه
هدب عينك يهدّ اللي يمره كان ما تدرين
تبين اللي حفظ سلهامها ما أنتي تهدّينه؟
- عبدالله
أنا لي قلب تورِق غصونه كل ما أنتي تمرّينه
فقد جيّتك جعله ما يفقدك بكره ولا بعدين
وليا من جاد بك حظّه عسى ما تبخل سنينه
يشوف الحياة اللي معك: ما تقبل التخمين
تشين الظروف وضحكتك تطلق حجاجينه
ياملح الليالي كلها مع جنابك ياقمر تشرين
خفيفة والضياء من نور وجهك مستمدّينه
أنا من قبل أشوفك كنت سالي مع السالين
قبل بالي لا يتوه بتفاصيلك ولا أنتي تدلّينه
أقول إن الهوى يابنت كذبة صدقوها إثنين
يالين شفته بين رمشينك يلوّح لي بيدّينه
ومره الله بشطّ الجفن يسكن ويهْنا ويبين
متى طرفك على غفلة سحى صوبي تلدّينه
هدب عينك يهدّ اللي يمره كان ما تدرين
تبين اللي حفظ سلهامها ما أنتي تهدّينه؟
- عبدالله
جيت اعيشك عمر وانت اخترت اموتك
كانت اللحظه مثل فقدك اليمه
ضحكتي فاتتك حزني لا يفوتك ..
حتى لو متأخر لجيّتك قيمه
كيف هدّت ليلة الرجعه ثبوتك
كيف صار الخوف له قدر وحشيمه
شفتني كأنك لقيت بعيني موتك
وين لما كان لك قلب وعزيمه
ما عرفتك وانت طالع من سكوتك
لـ انكسارك و لـ شعورك بالهزيمه
والله ان اللي سمعته ماهو صوتك
هات صوتك من سوالفك القديمه
- خالد الكيادي
كانت اللحظه مثل فقدك اليمه
ضحكتي فاتتك حزني لا يفوتك ..
حتى لو متأخر لجيّتك قيمه
كيف هدّت ليلة الرجعه ثبوتك
كيف صار الخوف له قدر وحشيمه
شفتني كأنك لقيت بعيني موتك
وين لما كان لك قلب وعزيمه
ما عرفتك وانت طالع من سكوتك
لـ انكسارك و لـ شعورك بالهزيمه
والله ان اللي سمعته ماهو صوتك
هات صوتك من سوالفك القديمه
- خالد الكيادي
كنت أعزف الرّيح للوادي قبل ترحلين
وأربع جهاتي متاه إلا يدك وجهتي
خدينة البال: صبري ملّ كذبة "تزين"
بين الألم والوله بلّي ظمى بسمتي !
إذا جمحت الدروب اللي قبسها الحنين
كيف أجبر الذات لا تركض إلى عزلتي ؟
- ياسر المفرّج
وأربع جهاتي متاه إلا يدك وجهتي
خدينة البال: صبري ملّ كذبة "تزين"
بين الألم والوله بلّي ظمى بسمتي !
إذا جمحت الدروب اللي قبسها الحنين
كيف أجبر الذات لا تركض إلى عزلتي ؟
- ياسر المفرّج
لو دِجت بارض الله مسافر و رحال !!
بين المدن .. والا فـ حضن الطبيعه
دعوات اختك من ورا ظهرك ، ظلال
تتبعك لين الدرب يزهر .. ربيعه
كل ما حزن قلبي !! .. تخيّرت موال
والا كتبت من القصايد .. بديعه
لكن ليا بان فـ عيونك .. غثى الحال
مااا عاد تاسعني الاراضي الوسيعه
حتى وانا اعرف وقتنا المرّ ، قتّال
ودي لو انك في بعضها .. تطيعه
مزحوم بالك ، ما اهتنى راحة البال
و الضيق لو تخفيه !! .. بيّن صنيعه
يا ابدى من الوجدان و أغلى من المال
ماااا كلف الله شي … ما نستطيعه
ضحكات وجهك .. كنّها رشفة زلال
صبت على قلبٍ .. تجاوز فجيعه
يِرخص لها قلبي .. ثمينات و ثقال
و لو ما فـ يديني غير عمري ! لأبيعه
جعل الليال المقبله ؟ .. طيبة فال
وجعل الهموم اللي مضت لك / شفيعه
و جعل الرضى غيمٍ على القلب همّال
وجعلك معَ رب الودايع .. وديعه
- ليالِ
بين المدن .. والا فـ حضن الطبيعه
دعوات اختك من ورا ظهرك ، ظلال
تتبعك لين الدرب يزهر .. ربيعه
كل ما حزن قلبي !! .. تخيّرت موال
والا كتبت من القصايد .. بديعه
لكن ليا بان فـ عيونك .. غثى الحال
مااا عاد تاسعني الاراضي الوسيعه
حتى وانا اعرف وقتنا المرّ ، قتّال
ودي لو انك في بعضها .. تطيعه
مزحوم بالك ، ما اهتنى راحة البال
و الضيق لو تخفيه !! .. بيّن صنيعه
يا ابدى من الوجدان و أغلى من المال
ماااا كلف الله شي … ما نستطيعه
ضحكات وجهك .. كنّها رشفة زلال
صبت على قلبٍ .. تجاوز فجيعه
يِرخص لها قلبي .. ثمينات و ثقال
و لو ما فـ يديني غير عمري ! لأبيعه
جعل الليال المقبله ؟ .. طيبة فال
وجعل الهموم اللي مضت لك / شفيعه
و جعل الرضى غيمٍ على القلب همّال
وجعلك معَ رب الودايع .. وديعه
- ليالِ