اعذب اعتذار :(

أنتي المشروه منّك .. مثل رد الثنا :(

حتيش لو تجحد طموحاتي وتجحد قيمتي
‏انا وريث اللي سروا من الارض وامسوا فالسما
‏
‏لا شحّ قاعي من نبات الارض هلّت ديمتي
‏واخضوضرت جِدب الاراض وكل متهالك نما
‏
‏إن عشت عشت بشيمتي وإن متّ متّ بشيمتي
‏مانيب شارب ماي وجهي .. لو اموت من الظما
- فهد الحماد

نشكر المصادر الخاصه الرهيبه على معرفه شاعر هذا الجمال ❤️‍🩹

صبحكم الله بالخير 🤍

" أعرف كرم معدن المرء وأصالة نفسه وشهامة روحه إذا رأيته يقدس الذكريات ويكثر من الحنين لماضيه والتشوق لكل ما يمتّ له بصلةٍ ولو كانت يسيرة، فإن الكرام لا تهون عليهم الصداقات ولو انقطعت، ولا ينسون الود القديم ولو تلاشى، ولا المنازل الأولى وإن تحولوا عنها، ولا شيء أعز من الوفاء "

‏عذبة شعر عذبة حكي عذبة حضور
‏والطف من النسمه على حزة فجر

‏في شِعرها ياما حكت عنّا شعور
‏يشفق له اللي مهتوي يروى شعر
- نجد

الصبر لا طال نوع من العذاب
‏جعل" دربي " اخره ما هو قفر

‏كل ماينبت على صوتي عتاب
‏دايم " ألقى لك" من الماضي مفر

‏ما قدر عني يغيّرك الغياب
‏ولا الظروف ولا السكوت ولا السفر
- ذروه

أيام اجوب المنافي .. واتحدّى الجهات
‏رغم أنّ شمس الأمل لو يوم .. ما شفتها

‏وأسقي الصبر وأبتسم لليل.. والذكريات
‏واوطى على أملاحك بجرحي ولا خفْتها

‏لين إنطفى قلب من خذلان روحك ..ومات
‏وش ذنب أحاسيسه اللي فيك أسرفتها

‏مايجعل النفس تغرق في ظلام الشتات
‏إلا لاجتك امنياتك .. بعد ما عفتهـا
- عبدالله شهاب

اي والله :(

أضيع ليا مشيت دروب وصلك ضيعة الملّاح
‏بعد تاخذني رياح الندم عكس اتجاهاتي

‏ذخرتك يوم وجهك "خارطة عمر "ووفاك سلاح
‏وتركتك يوم شحّيت بوفاك وغرّك سكاتي
- فارس فايح

ماهانت دْموعك ولا خاطرك هان
‏لو إن مُهونة دمعتي لك حقيقة

‏ماكنت أخلّي الضيق في وجهك يْبان
‏وخلّيتني لأردى الليالي صديقة

‏وعلّمتك القوّة ، وتنفير الأحزان
‏وعلّمتني جرح العشيق لـ عشيقه ،

‏أرّق من غصن الشجر " روح الإنسان "
‏وأقسى من شْعور الفراق " الطريقة "
- سمو

عشت يا راسي فداك الحزن في وجه الهبايب
‏أي ليلٍ قلت أبشعل به قصيدة صار نيّر

‏الصغيّر ما عليه اللوم قبل يصير شايب
‏لكن الشايب عليه اللوم لا عوّد صغيّر

‏و أي واحد ما يحب ابوه ملعون الصلايب
‏يالأبو ملعون خيّر .. يالولد ملعون خيّر
- عبدالملك الخربوش

كالعادة أبيات رائعه

انت قربك بالعمر مثل " الهدايا "
‏صرت اجي من شمس الايام استظله

‏ليه " تزعل "و إنت تدري بـ النوايا
‏و قلبي تدري في غيابك وش حصله؟

‏" السكوت " اللي امتلى بين الزوايا
‏كان "صوتك"يقدر يحل بـ محله
- ذروه

‏تشد رحال قلبي للمحبة والغلا والزين
‏واشوف ان كل دربٍ مرته خطواتها دربه

‏على ضحكة شفاة و رمش خادر وإلتفاتة عين
‏احس ان الشعر يفرح من الشوق ومن الطربة

‏وش الايام .. لولا جيّة الغالين للغالين
‏وش شعور المحبة كل ما جيتي ولا اشعر به

‏وش اللهفة سوى شوق القلوب ورجعة المقفين
‏وش الموعد لو انه ما نفا من خاطري الكربة

‏تمرّين ويزيد النور من نورك .. وتبتسمين
‏وينهل السحاب ويزهر الكادي من التربة

‏ولا بعد السنين اللي مضت وانتي معاي سنين
‏اشوف جروحها ذربة واشوف طعونها ذربة

‏صحيح ان العمر ماهوب واقف عقب ماتمشين
‏بيمشي .. بس يمشي لـ الندم والبعد والغربة
- محمد الكريدي

لحظةٍ فيها الثواني ارتدت ثوب الحداد
لحظةٍ خرّت قواي وما عدا وجهك هزمها

صبحكم الله بالخير 🤍

" لو لم يبق لك ممّن عرفت غير ثقته بك، واطمئنانه إلى رأيك -من بعد تصرّم المنفعة وانقطاع الأسباب-، لكفاك! وحسب المرء مفازة أن يخلّد في الأذهان، ويتجذّر بالأفئدة بنبل مقصده، وسموّ مآربه " طيّب الله آثارنا

كفاك من العنا ياعمري أعفيني من الأحزان
تبسّم في ضياء وجهي وقول لدمعتي توبي

خِذ الآهات من صدري وبلل وجنتي هتان
ودوّر لي على إحساس راح ومالفى صوبي

أبحيا للذي يروي فؤادي لا ضحى ضميان
وأبهزم كل ظرف يعانده ويعاند دروبي

أبشرق بين ضيقات الليال بصوتي الذبلان
وأحيك لخصري الناحل من أفراح العُمر ثوبي

أبضحك لين ماينبت على باب الزعل بستان
وعلى باب الشقا برقص إلين أستغفر ذنوبي!

وعلى أعتاب الزمن بذكر حكاية" كان ياما كان"
قبل لا تصير ضحكاتي الكثيرة؟ أكبر عيوبي!!
- أفنان

" أبشرق بين ضيقات الليال بصوتي الذبلان
وأحيك لخصري الناحل من أفراح العُمر ثوبي "