" دخيلك إليا من جابني طاري وحنيت
‏لا تذخر إحساس الوله شي لعيوني"

‏" ليت بعدك كل ما زاد بيعيبك
‏نجمك اللي لو تجاهلته صعد
‏تحسب انّي أفقدك لحظة مغيبك
‏ مَ فقدك وحدك .. أنا أفقد بلد "

ربي أنا نقطه فـ بحر
علمني كيف اهوى الحياه
‏علمني كيف اهوى القدر
‏علمني بايماني أكون‏
يارب.. اكثر من بشر
-البدر

يقول البدر :
إن ما دمح زلتك محبوب
ما أظن من يكرهك.. يعذر

البدر : أنا اكتب لأحيا

الله يعطيك طولة العمر ويمدّك بالصحة والعافية 🤍🤍

" تمر سنين عمري كنّها من سرعها قبل أمس
‏تغيّـر كل شي إلّا .. أنـا عجـزت أغيّـر شي

‏ذبل ورد وكبر جرح وبكت قمرا وغابت شمس
‏وأنا أردد مصير الحي يا قلبي يشوف الحي"

ليت مابه باللقى " ريحة عطر "
‏وليت عطرك يوم رحتي ما بقى

‏كل ما قالوا يجيب الله " مطر "
‏قلت في قلبي يجيب الله " لقى "
- بريكان بندر

‏ " أنا يا بعد وجهٍ ثبت، والزمن دوّار
‏إلى الحين أحنّ لضحكتك وأنت ما تدري "

‏الدرب ميت والخطاوي؛ مقاتيل
‏وان لاح طيفك مت فيه وحييته
‏- مساعد الرشيدي

" ماهو صحيح إن العزا ليلة وساعتين
كانت ليالي طويله .. ما تشاويتها "

" صافحتني غيبتك والعمر قفّى
‏واغتربت الحزن يا ضحكة هَلي

‏وانتظرتك في ضِفاف الياس مرفا
‏ما هقيت إنّك تشح ّ بساحلي

‏المساكن : ليلة الترحال منفى
‏والأماكن : أمّ .... ما حنّت علي ! "

طبعًا لأنكم اعزائي الغالين جدًا جدًا أبيكم تشوفون آخر ما كتبت 🥰

كثر ماني على بابك أمر أحزن على حالي
إليك الدرب ياخذني عنادًا روحه و جيّه

ألا يا عزي لحالي يضيق و تحسبه سالي
وأنا اللي ما سلا باله ولا له بالسهو نيّه

نجوم الليل والقمرا شهودي بالفضا العالي
بكيتك تحتها حزنٍ معَ نجمٍ طفى ضيّه

على شانك عزيز النفس يذرف دمعه الغالي
و حروفه من وجعها خطّت الشعر وبكت زيّه

دخيل الله من وحشة تطول و مقعدك خالي
تعدوى لي غيابك لين أحدث داخلي كيّه

طلبتك والذي سوّاك نقْضي عمرنا التالي
على سلمٍ معه ننسى عويل الماضي وغيّه

عسى دربك يجيبك لي وأبقى لك وتبقى لي
و يظللنا الهوى بالبهجه ونحيا تحَت فيّه

تعال ولو صعَب دربك تقوّى والله الوالي
واذا نادى عليك الهجر تكفى ردّه و عيّه

أبي باكر اقول بفرحتي بك : يااا سعد فالي
أنا اشتقت أنده لك واسمع : يااا بعد حيّه
- مها

‏ " ما دريت إلا و هو بالقلب وازي
غفلةٍ ما هي على قلبي حسوفة "

" دروبك الي تضمّك لا تجاهلها
‏أزرع بها النور وأترك ليلها عامر

‏لا تنفض ثياب صبرك وأنت بأولها
‏يمديك تنفض غبار القاع وتهاجر

‏لو شحت نجوم ليلك لا تحايلها
‏لا ترجي الليل نجمـة والقمر باكر

‏تنتظرك أشياء كثير ما تخيلها
‏بعد التعب مالك إلا طيبـة الخاطر "

" أخذت أحلامي اللي في يديّ ورحت
‏وأنا مافي يدي إلا.. أنت و أحلامي "

‏"عسى قبرك عليك أوسع من حدود الفضا والغيب
‏وعسى نوره مثل شمس الضحى في علوّه وقاعه"

تبسمي لو يمتلي صدرك طعون
‏حنّي على دمعك و داري غصّتك

‏ماهي نهاية قصتك ، لو يرحلون
‏هذي نهاية دورهـم ، في قصّتك
- فيصل العطاوي

رغم الهجر رغم القطاعه والبعاد
أغليه من قلبٍ عجز يقطع رجاه

قولي لهم يا عزوتي ما عابنا موت النخيل
‏اللي يوفيها الأجل و تموت .. لكن واقفة
- مساعد الرشيدي