"زعلنا لين قلنا ما بعد هذا العتاب وصال
‏و رضينا لين قلنا ما بعد هذا الرضا فرقى "

لعيونك الترحال، كل خطوة سفر
‏من واقعي الاول، الى حلمي البعيد

‏يا مرحبا باحلى سواليف السهر
‏صوتك خلق من عادي الأيام : عيد

‏واللي مـ بين ضلوعي اشقاه الصبر
‏اليوم من بعد التعب نبضه سعيد

‏ما ودي الحق بك بقايا هالعمر
‏ودي اعيده بك واعيشه من جديد
- سعد يحيى

"هزايمي ما كانت فـ عيني قليل
‏أشوفها مثل اِنتصاراتي .. شرف "

خطاي : إني كتاب أبيض ، وقلبي للنشامى بيت
تشفّق كل طيب مثل طفلٍ عجلٍ فطامه

خطاي : ليا خذيت آخذ ، ولامني عطيت أعطيت
ولامن شمت كفي ما انثنى ، والخير ف إكمامه

خطاي : إن ما سمح خاطر ، وأنا حيٍ ونصفي ميت
على جال الغدير من الظمأ .. ما تنحني هامه
- بدر الحمد

ما أضيق و ضحكتك حولي تطوف
‏يا أجمل من الموعد بـ ليلة مطر

‏سامحي كل المدامع و الظروف
‏وأنتِ أعظم من شعوري و العذر

‏قبل أعرفك كنت ما أقدر أشوف
‏من عرفتك قلت : أنا كلي نظر

‏انتظر والليل ولهان و شغوف
‏موعدٍ يضحك على أطراف الفجر

‏في أمانك ما بقى بالصدر خوف
‏و ابتسامك بين تطمين و أجر
- عبدالملك الخربوش

اتْعبَتني .. بعدك آلايام وارهقني حنيني
‏كل يوم اشيل حمل يفوقني فوق احتمالي

‏ما بقى لـ اقفال صبري باب مـ اطْرقْته يميني
‏وْلا بقى لـ الضيق شيٍّ ماخذا من وسع بالي ..

‏وْمابقى فـ العين دمعٍ ما تحنّت به يديني
‏لي زمن ماكحّل عيوني سوى سود الليالي
- نوف العثمان

آخ :(

صبحكم الله بالخير 🤍

"وما تقسو عليك الأيّام إلا لتدرك بها الشعرة الفاصلة بين الرغبة والاستطاعة، وبين التّوق والسّعي "

" على سكة الدنيا وطردٍ ورى الأيـام
‏نسامر طواري الليل مسرى وطرقيّه "

" لا هاج موج البحر و أحتار مجدافي
من لي عوينٍ على الشدات غير الله ؟ "

" عامين أطفي من رجاي المشاهيب
وأنتِ نفختي في حطبها وشبَّت "

أجل ما كانت أحلامي عيونك يا رفيق البال
‏أجل ما كانت جروحي على لقياك مرهونة

‏لقيتك سكةٍ تاخذ قصيدي لأبعد الترحال
‏علامك كلما يزهر شبابي تكسر غصونه

‏أنا اللي صادفك رجلٍ حزين و فارقك رجّال
‏أخذ من غالي الذكرى معاه وأرخص عيونه
- عبدالملك الخربوش

" تاخذني أحلامي على رحلة التيه
وأتبع سرابٍ غربتني دياره "
الخوف أن هالأحلام ما توكل عيش

‏" من علق احلامه على صدر الليال
‏ما نال من صدر الليال الااا .. الأرق "

البارحـة مـا هملـج الطرف بنعاس
ومـا فـاض مـن نجـم عيونـي تخيله
لا باس يا عيني على السهر لا باس
علـى وليـف ٍ فات ما ألقى مثيله
فيما مضى ياخذ جوابي مـن الراس
واليـوم لا عانـي وأنا ما أعني له
العشرة اللي ما توثـق على ساس
تطيـح لـو صارت حصونٍ طويله
يا ونتي مـنـهـا المعاليق يـبّــاس
صبـري قضى ما باقي إلا قليـلـه
صبرت صبرٍ صابني منه وسواس
صبر لــه النفس العزيزة ذليله
على وليف ٍ حال مـن دونـه الياس
والياس طب ٍ للقلوب العليله
ومـن يتبع المقفي مرده للإفلاس
مثل الذي بالقيظ يدفق صميله
هذي دروب الحب جِـــدَّد ودراّس
الله يمضيها بــســتــر وجميله
وموفقٍ للخيـر يـا ظـبـي الأطـعـاس
لا تحسب الدينا بأهـلـهـا طويله
الصاحب الغالي نحطـه على الراس
واللي يــــودك لا تدور بديله
وصلاة ربـي عـد ما هبّ نسـنـاس
على نبيٍ وضّح الله دليله
- اللويحان

تداعي في مرايا مهجتي مثل الندى لا سال
‏يطاردني الحنين لضحكتك ويشكّل اسواري

‏احبك وان طويت من المدارج كلمةٍ فالبال
‏تبوح ابها الدقايق للسهر ويطول مشواري

‏مسافر في عيونك والسفر بـ اهدابها موال
‏يخلي رعشة الناي الحزين توقّف الساري
- عبدالله سعيد

آخ :(

اللهم صلِّ وسلم على نبينا محمد

يقول إبن القيم رحمه الله :
‏" الصدقة في يوم الجمعة بالنسبة إلى سائر أيام الأسبوع ؛ كالصدقة في شهر رمضان بالنسبة إلى سائر الشهور "