تستاهلون قصيده

أنا اخترت الكلام الصعب فيك استنطقه واقراه
قصيدٍ تشربك لهفة حنينه قبل تقرينه

فهقت من الكلام أطرى حديثه وابتديت اقساه
كذا طبع المحب يصير والا غصب عن عينه

حبيبك مادرت يمنا طعونه عن عطا يسراه
يدينك الرضا والنار تسري في شرايينه

خذا النجم البعيد بصبح وجهك والسهر يملاه
يمنى الليل باطراف القصيد اللي تعرفينه

إذا ماسافر المجروح بدروبك وهو برضاه
إذا ماكحل بليلك قصيدة لا تغنينه

إذا ماقط دلوه في قساك ولحقه بارشاه
وعلق خنجرك وطعونك الزرقا نياشينه

يعقب منك فنجال الرضا لو مات في المضماه
ولو قدم على كف الهوى جملة براهينه

يعشق الموت من شاف الثمين ومالحق لاقصاه
شجاعٍ وهقه لمع السيوف ومات من حينه
- ناصر السبيعي

يا آدمي.. حِسّ ما جيتك تسمّعني..
‏الليل برد وقصيدك ما يدفّيني!

‏للرّيح قِطّ الوَرَق.. للنار.. واتبعني..
‏أمّا انتْ ميِّتْ معي والّا انتْ محييني
- فهد عافت

يقول فيصل العدواني :
البخل ماهو ببخل المال لاشح المدد
البخل باللي تكاثر ضحكةٍ من مبسمه
اييي والله

‏في رحلة العمر شارفت انتهاء الطريق
‏كم باقيٍ لي معك يا ايامي اللافية ؟

‏العمر مجمل محطّاته عجاج وحريق
‏وانا مشيت اكثره برجولي الحافية

‏مشتاق للي بشوفتهم فرج كل ضيق
‏من يوم خلّوني انوار الفرح طافية

‏يا جعل يسقون من جنّات ربّي رحيق
‏وتغشاهم المغفرة والرحمة الضافية

‏تعبت اواجه غثا الدنيا بوجهٍ طليق
‏و اقول عوج الليال تمرّ متقافية

‏يا كثر مااحتجت في عز انكساري رفيق
‏يجبر عزا ما حصل بالكلمة الشافية

‏ويرجّع الضحكة بوجهي تراها تليق
‏لو خلفها ساكنة دمعـاتي الخافية

‏صار الصدر للعنا والضيق بيتٍ عتيق
‏في داخلي حزن ما تستوعبه قافية

‏ودّوني لايّامنا هَذيك ما عدت اطيق
‏لو ساعة اجلس مع اللي قلوبهم صافية

‏ما ودّي العافية ودّي بذاك الصديق
‏اللي لو يعود لي عادت لي العافية
- نواف الدهيمي

غيابك ما كفاه انه منعني عن دفا الجلاس
‏بدا يعبث باعز الذكريات .. اللي على بالي

‏وانا يا صاحبي ما قلتلك يا صاحبي لا باس
‏ولكن قلت : يا حالي أنا .. لا باس يا حالي

‏أبد .. ما هو سجن ذاك المكان الممتلي حراس
‏ولكنّ السجن هذا المكان الموحش .. الخالي
- تركي حمدان

صبحكم الله بالخير 🤍

" ارفع سقفَ طموحاتِك، ولْيكُن حسنُ ظنّك بالله ملازمًا لدعواتك ؛فإنّ الله قد فسَح لك بابَ الرجاءِ وَوسّعَه: ﴿وبشّر المؤمنين﴾ ؛ليُظفِرَك بما ترنو إليه: ﴿وقال ربكم ادعوني أستجب لكم﴾. وهنا يلوح لي قول القائل:
‏الله يعطي عطاءً بعد مَسْغَبَةٍ
‏مِن فيضِ جودٍ بليغٍ ما لَهُ حَدُّ "

" أكثر الليل راح ، وما بقى إلا القليل
لاح فجر ، وعيوني فجرها ما بدى "

تذكّرَني، أنا أشعَلت الشموع لْظلمتك بإصرار
‏لا تنساني إلى طلَّ الصباح، وطفيْت شْموعك
- صالح حمد

"زعلنا لين قلنا ما بعد هذا العتاب وصال
‏و رضينا لين قلنا ما بعد هذا الرضا فرقى "

لعيونك الترحال، كل خطوة سفر
‏من واقعي الاول، الى حلمي البعيد

‏يا مرحبا باحلى سواليف السهر
‏صوتك خلق من عادي الأيام : عيد

‏واللي مـ بين ضلوعي اشقاه الصبر
‏اليوم من بعد التعب نبضه سعيد

‏ما ودي الحق بك بقايا هالعمر
‏ودي اعيده بك واعيشه من جديد
- سعد يحيى

"هزايمي ما كانت فـ عيني قليل
‏أشوفها مثل اِنتصاراتي .. شرف "

خطاي : إني كتاب أبيض ، وقلبي للنشامى بيت
تشفّق كل طيب مثل طفلٍ عجلٍ فطامه

خطاي : ليا خذيت آخذ ، ولامني عطيت أعطيت
ولامن شمت كفي ما انثنى ، والخير ف إكمامه

خطاي : إن ما سمح خاطر ، وأنا حيٍ ونصفي ميت
على جال الغدير من الظمأ .. ما تنحني هامه
- بدر الحمد

ما أضيق و ضحكتك حولي تطوف
‏يا أجمل من الموعد بـ ليلة مطر

‏سامحي كل المدامع و الظروف
‏وأنتِ أعظم من شعوري و العذر

‏قبل أعرفك كنت ما أقدر أشوف
‏من عرفتك قلت : أنا كلي نظر

‏انتظر والليل ولهان و شغوف
‏موعدٍ يضحك على أطراف الفجر

‏في أمانك ما بقى بالصدر خوف
‏و ابتسامك بين تطمين و أجر
- عبدالملك الخربوش

اتْعبَتني .. بعدك آلايام وارهقني حنيني
‏كل يوم اشيل حمل يفوقني فوق احتمالي

‏ما بقى لـ اقفال صبري باب مـ اطْرقْته يميني
‏وْلا بقى لـ الضيق شيٍّ ماخذا من وسع بالي ..

‏وْمابقى فـ العين دمعٍ ما تحنّت به يديني
‏لي زمن ماكحّل عيوني سوى سود الليالي
- نوف العثمان

آخ :(

صبحكم الله بالخير 🤍

"وما تقسو عليك الأيّام إلا لتدرك بها الشعرة الفاصلة بين الرغبة والاستطاعة، وبين التّوق والسّعي "

" على سكة الدنيا وطردٍ ورى الأيـام
‏نسامر طواري الليل مسرى وطرقيّه "

" لا هاج موج البحر و أحتار مجدافي
من لي عوينٍ على الشدات غير الله ؟ "