" يارب وأنا اللي مالي على النّفس حيلة
لا تسلّمني لضعفي ورحمتك موجودة " آمين

" كل عام افقد من الغالين غالي
‏لين بان الحزن في وجهي وصوتي
‏
‏خايف الدنيا تخليني لحالي
‏ليت همي لبسي وشربي وقوتي
‏
‏اتوجس من مجاهيم الليالي
‏ولابسٍ همي تحت ثوبي وكوتي
‌‏
‏ليت مالي ذكريات وليت مالي
‏غير عمراً ينتهي في يوم موتي "

‏"جفّت الغيمة بصدري وما بقى دمعٍ بريق
ولو تمدّ الماء لروحي والله إنّي ما ارشفه"

ويمرّ طاريك ويهب الهوى من شمال
‏ويعكّر الصفو .. قلبٍ ، يطلب إعانته

‏لازال يعزف على لحن اللقا والوصال
‏حتى !.. لو إنه "يعاني" وسط زنزانته

‏ماغيّرت منزلة حبك ، صدوف الليال
‏جوارحي !.. لو يطول البعد ما خانته

‏ماآحبك إلين تاخذك السنين الطوال
‏أحبك !.. ( إلين ربي ) ياخذ ، آمانته
- عبدالله السراهيد

يا فؤادي لا تسلهم يا فؤادي
دام دمعك جند واحزانك سرايا

انكسرت وما سلم حتى زنادي
كيف أثور وما بقى فيني بقايا

استمعت الصمت بأنفاسي ينادي
كن صمتي بوح وعيوني مرايا

التمست من الزمن نسيان هادي
ولا وعيت الا وأنا جروحي عرايا

ويا سهادي وين وصلني عنادي
ليه أكابر وانفي الجرح بزوايا

وليه أقول ان ما حصلي شي عادي
والحزن يغتال صدري والحنايا

ما هقيت الوقت يخدعني برشادي
ولا هقيت القمح يتنكر رحايا

ولا هقيت ان هقوتي خانت مرادي
لين يدي خطت بحبري رثايا
- فيصل العدواني

" حزني و انا و انتم و نور القناديل
‏يا زين ليل الرايقين السهارى

‏خايف تْعرف الاغنيا لذّة الليل
‏و الليل هذا راس مال الفقارى ! "

فيه واحد طلع من القناه

شكله من الاغنيا

لله در الفقارى الأوفيا

تستاهلون قصيده

أنا اخترت الكلام الصعب فيك استنطقه واقراه
قصيدٍ تشربك لهفة حنينه قبل تقرينه

فهقت من الكلام أطرى حديثه وابتديت اقساه
كذا طبع المحب يصير والا غصب عن عينه

حبيبك مادرت يمنا طعونه عن عطا يسراه
يدينك الرضا والنار تسري في شرايينه

خذا النجم البعيد بصبح وجهك والسهر يملاه
يمنى الليل باطراف القصيد اللي تعرفينه

إذا ماسافر المجروح بدروبك وهو برضاه
إذا ماكحل بليلك قصيدة لا تغنينه

إذا ماقط دلوه في قساك ولحقه بارشاه
وعلق خنجرك وطعونك الزرقا نياشينه

يعقب منك فنجال الرضا لو مات في المضماه
ولو قدم على كف الهوى جملة براهينه

يعشق الموت من شاف الثمين ومالحق لاقصاه
شجاعٍ وهقه لمع السيوف ومات من حينه
- ناصر السبيعي

يا آدمي.. حِسّ ما جيتك تسمّعني..
‏الليل برد وقصيدك ما يدفّيني!

‏للرّيح قِطّ الوَرَق.. للنار.. واتبعني..
‏أمّا انتْ ميِّتْ معي والّا انتْ محييني
- فهد عافت

يقول فيصل العدواني :
البخل ماهو ببخل المال لاشح المدد
البخل باللي تكاثر ضحكةٍ من مبسمه
اييي والله

‏في رحلة العمر شارفت انتهاء الطريق
‏كم باقيٍ لي معك يا ايامي اللافية ؟

‏العمر مجمل محطّاته عجاج وحريق
‏وانا مشيت اكثره برجولي الحافية

‏مشتاق للي بشوفتهم فرج كل ضيق
‏من يوم خلّوني انوار الفرح طافية

‏يا جعل يسقون من جنّات ربّي رحيق
‏وتغشاهم المغفرة والرحمة الضافية

‏تعبت اواجه غثا الدنيا بوجهٍ طليق
‏و اقول عوج الليال تمرّ متقافية

‏يا كثر مااحتجت في عز انكساري رفيق
‏يجبر عزا ما حصل بالكلمة الشافية

‏ويرجّع الضحكة بوجهي تراها تليق
‏لو خلفها ساكنة دمعـاتي الخافية

‏صار الصدر للعنا والضيق بيتٍ عتيق
‏في داخلي حزن ما تستوعبه قافية

‏ودّوني لايّامنا هَذيك ما عدت اطيق
‏لو ساعة اجلس مع اللي قلوبهم صافية

‏ما ودّي العافية ودّي بذاك الصديق
‏اللي لو يعود لي عادت لي العافية
- نواف الدهيمي

غيابك ما كفاه انه منعني عن دفا الجلاس
‏بدا يعبث باعز الذكريات .. اللي على بالي

‏وانا يا صاحبي ما قلتلك يا صاحبي لا باس
‏ولكن قلت : يا حالي أنا .. لا باس يا حالي

‏أبد .. ما هو سجن ذاك المكان الممتلي حراس
‏ولكنّ السجن هذا المكان الموحش .. الخالي
- تركي حمدان

صبحكم الله بالخير 🤍

" ارفع سقفَ طموحاتِك، ولْيكُن حسنُ ظنّك بالله ملازمًا لدعواتك ؛فإنّ الله قد فسَح لك بابَ الرجاءِ وَوسّعَه: ﴿وبشّر المؤمنين﴾ ؛ليُظفِرَك بما ترنو إليه: ﴿وقال ربكم ادعوني أستجب لكم﴾. وهنا يلوح لي قول القائل:
‏الله يعطي عطاءً بعد مَسْغَبَةٍ
‏مِن فيضِ جودٍ بليغٍ ما لَهُ حَدُّ "

" أكثر الليل راح ، وما بقى إلا القليل
لاح فجر ، وعيوني فجرها ما بدى "

تذكّرَني، أنا أشعَلت الشموع لْظلمتك بإصرار
‏لا تنساني إلى طلَّ الصباح، وطفيْت شْموعك
- صالح حمد

"زعلنا لين قلنا ما بعد هذا العتاب وصال
‏و رضينا لين قلنا ما بعد هذا الرضا فرقى "

لعيونك الترحال، كل خطوة سفر
‏من واقعي الاول، الى حلمي البعيد

‏يا مرحبا باحلى سواليف السهر
‏صوتك خلق من عادي الأيام : عيد

‏واللي مـ بين ضلوعي اشقاه الصبر
‏اليوم من بعد التعب نبضه سعيد

‏ما ودي الحق بك بقايا هالعمر
‏ودي اعيده بك واعيشه من جديد
- سعد يحيى