‏" من كمال الإنسانية أن تتنازل عن الإقرار بما يؤلمك في حضرة من يؤذيه ألمك ، فتُبدي السّلوّ رحمة وأجرك على الله ، وإن كنت بهذا تنكأ جرحك ؛ فالراحمون يرحمهم الرحيم ، ومن نحن دون فيض رحماته باللهِ عليك؟ "

والله هذي الحنيّه بعينها

" حاتميّة .. هالليالي في عذابي حاتميّة
ألف خنجر وسط صدري وألف رمح ٍ في قفايا "

‏" تقلبنا الحياة الفانيه ضيق و تعب و إرهاق
‏ونضحك وكن مافينا من الضيقه ولا حاجه "

" تعودت الجروح الي من الغالين للغالين
وأنا أستاهل وقلبٍ طبعه الغفران يستاهل "

" اوقّف مثل من يوهم عدوّه بأن وضعه زين
و أنا ربعي تناخوا في قفاي ، و كسّروا ساقي "

):

" حوايج الناس ..شرهتها على الطيب
‏ولا عزوم الردي .. ما تقضي الحاجه "

الخلاصه :

‏ " ريحوا بال الظنون و قفلوا باب الملامه
البشر ماعاد تدري من تحب و من تعادي "

مساكم الله بالخير 🤍

‏" ثمّة اقتران جميل بين تحقيق العبوديّة وبين كمال الإنسانيّة؛ فتجد أكثر النّاس سماحة وخفّة روح وحياة قلب وبشاشة، أخشاهم لله وأشدّهم حبًّا لمرضاته سبحانه - في سرّهِ قبل علانيته - "

لا حرام أكرهك وانت الحلال الحرام
ليه احملك ذنب الحب وذنوبي

ليه أجي كارهٍ نصفي وصوتي هدام
احفر عيوب غيري وادفن عيوبي

ليه أناديك حلم العمر تحت الظلام
وانت وجهٍ تلاشى فيه عذروبي

عيبك إنك تشب النار برد وسلام
ما تقول احرقي يا نار محبوبي

ما حيا الصدق فيك إلا بموت الكلام
ولا رضيت الشروق إلا على غروبي

قبل اعرف السهر من قبل اعرف المنام
كنت أحبك وأحب الليل ودروبي

جيت أبكرهك طاح القلب عشب وحمام
والتوى طفل يبكي في طرف ثوبي
- سعد الحريص

" ما حيا الصدق فيك إلا بموت الكلام
ولا رضيت الشروق إلا على غروبي "

آخ :(

جميلة جدًا

‏يا الفتنة اللي مايضاهيها مساء ولا صباح
‏الصبح يتنفّس هواها و المسا يزها بها

‏تسيّد حضورك شعور القلب ياسيد الملاح
‏ولا فيه نبضة قلب.. رمشك مايثير إعجابها

‏والذكريات اللي لو تزاح الرواسي.. ماتزاح
‏مثل ماعشت إلا بها.. ماراح أموت إلا بها

‏ياملح نجد وزين نجد من الرياض ليا رماح
‏شعرك لياليها.. وطغيانك غرور أعرابها

‏تجاوزي حزنك مثل ما اتجاوز اعداء النجاح
‏اللّي ما احسب حسابها .. لا تحسبين حسابها
- محمد الكريدي

" ياملح نجد وزين نجد من الرياض ليا رماح
‏شعرك لياليها.. وطغيانك غرور أعرابها "

ااالله :(

الا يالله لا تقطع رجا داعيك يا رحمن
يا علاّم الامور الخافية والضيق.. والشده

على بابك واناشدك العفو يارب ..والغفران
وفيضٍ من عطاك ورحمةٍ ماهيب منرده

خذتني لوعة الوقت الصعيب مفرق الخلان
وقلبي ضامته سود الليال وبيحت سده

انادي بالوصال احيان وادعي بالفراق(احيان)
واخفي غايةٍ في داخل الوجدان منضده

احسب ان الخطا مردود والاحسان (بالاحسان)
واحسب الجرح يبرى والسنين تقصر المده

واحسب ان العهد بيتٍ قوى شامخ البنيان
عسير الوقت لو هد الجبال الصم ماهده

واحسب البعد تجفاه القلوب ويسكن الاوطان
واحسب ان المفارق يتعب المشتاق (ويرده)

واليا مريت يالصوت البعيد وجابك التحنان
معك قلبٍ يتوق ومعك قلبٍ (مخلفٍ وده)

تواعدني مواعيد السراب لخافق الضميان
و تتل الروح مني والنظر فدروبك الده

واجيك بخاطرٍ يشري رضاك بغالي الاثمان
وعنك والله اني.. ماعرف الهجران والصده

ابد ماكن به غيرك على وجه البلاد انسان
عليك الروح توله والنوايا معك منشده

الين ارخصتني ياصاحبي فالموقف( الخسران)
وذقت الغدر منك بطعنةٍ فالصدر ممتده

عسى ربي حسيبك كيف قلبي في يدينك (هان ).؟
وانا مثل اليتيم اللي نثر دمعه على خده

خذاك الزود واعماك الغرور وجابك النقصان
تقول الحق .؟ ولاّ تنكره .؟ ولاّ تجي ضده .؟

على ماتشتهي روّح ركابك والعذر له شان
مثل ماقيل كلٍ يلبس ثيابه على قده

عسى لي منك مسرا يقتفيه البعد والنسيان
وهجرٍ ماتجي له فالضلوع النايحة ( رده)

وعسى قلبٍ (يميل) وينتزع لك داخل الوجدان
تمثناه الرماح النافذه فالصدر ... (وتلده)
- أبعاد التركي