آخ

‏أنت ياخطواتي لكل الأماكن
‏لو تلاطم موجك بروحي، سبحتك

‏ماقدرت أمشي لو إن الريح ساكن
‏صرت وجهاتي، وأنا صدفة لمحتك

‏كنت وحدة من محطّاتي، ولكن
‏جيت في ظلّك ثواني، و استرحتك

‏ياشعور النور يوم الليل داكن
‏والله الّا أموت فيك ولا شرحتك.
‏- فارس فايح

‏قال وشلون الليالي بعد مارحت ونسيتك
‏قلت مابه شي أمرّ من السؤال.. إلا الاجابة

‏كنت ادور من يلوّن باقي العمر ولقيتك
‏ضاميٍ والله ومرك وجيتني مثل السحابة

‏يوم كنت اكتب كتبتك، يوم كنت اقرا قريتك
‏ومن بعد مارحت .. وش لي بالقراءة والكتابة
- محمد الكريدي

جمييييله جدًا :(

أشوفك سالفة قفرٍ يسولف للندى عن ريح
يضم وْروده، وخايف يدين الناس تقطفها

يوووه

تسولف ويتجلّا الياسمين ويستثير الفلّ
وتسكت .. ويتكلم جرحي وتنطق معاناتي
- محمد الكريدي

رااااائعه يا جماعه :(

اللهم صلِّ وسلم على نبينا محمد

كل جمعه ينخلق للحزن داعي
واتجدد فيه ذكرى مؤلمه

يومٍ اقبل مع قدومه صوت ناعي
يُخبر بدنيا بعدها مظلمه
- مها

‏" يارب انا عبدك اللي تاه وانت الدليل
‏في وحشة الليل مالي غير عطفك نجا

‏عانيت في دنيتي همٍ بصدري جليل
‏وعلى كثر ما اعاني ماقطعت الرجا "

‏" اليا مطرت وإسفهلّ الخلق وانتشروا
‏وكبيرهم في المطر مايحكمه سنّه

‏أفكّر بفضل ربّي كل ما انبهروا
‏وأقول: يارب أجل وشلون في الجنّة "
‏ايييي والله وشلوون !🤍🤍

" مدري وش الحاجة اللي ضيّقت صدري
‏طغت على الإبتسامة واغرت الدمعه

‏تصدّق إني من الضيقة ما عاد أدري
‏هي ليلة السبت والا ليلة الجمعه "

):

مساكم الله بالخير 🤍

" خُلق الحزن لتعرف طعم الفرح فلو لم يُخلق الظلام لما عرفت النور، دائماً تُعرف الأشياء بضدها و إن كنت قد تذوقّت مرارة الكسر ستتذوّق حلاوة الجبر "

تهناكم الرحمه 🤍

‏" يطري علي قبرٍ سفى رمله الريح
‏يالله عسى راعيه يلقى الشفاعه

‏يطري عليّ وأصد بالدمع وآشيح
‏وأضيق لا منه طرالي وداعه "