اقرؤا القصيدة الجاية بتمعن 🥰 أحبها جدًا

انا والليل والعبرة وجرح وخاطر ٍمكسور
ونفس من هجير البعد والحرمان مقهورة

وقلب ظامي لشوفك ولايروى ظماه بحور
وعين تحتري لحظة غياب الطيف وحظوره

ونار تنطفي مره ومره تشتعل وتثور
واقول النار مقدورة وهي ما هيب مقدورة

حسبت الليل بغيابك يمرن الليال دهور
وكني شايل بقلبي ليال الوقت وشهوره

تصبرت وتقدرت وبنيت من الخيال قصور
إلين ان الجفا شد الركايب وانتهى دوره

تحريتك على درب القصيد من ثلاث دهور
وحشا ما مات لك غصن يشف الماي بجذوره

تخيرت الغرام وجيت لا راضي ولا مجبور
وجيتي تسبقين خطاك مرضيه ومجبوره

وانا ما كان لي رغبه أبين واكشف المستور
ولكن الجمال أكبر من الخفاق وشعوره

جمال وود وعيون ودلال وكبرياء شعور
وفتنة تخذل عيون النهار وينطفي نوره

ولك في خافقي صوره تلاشت بين ضي ونور
وأخاف اسكت من الفرحة وتنطق باسمك الصورة

عرفتك وانتهت رحلة قساوة دربي المهجور
والا يا جملة أيام الجفا والصد مشكورة

خذتني للجفا عزه واخذني للعناد غرور
واخاف اكون بعنادى حبيب ومات بغروره

وإذا كانت مسافات الخيانة للغرام قبور
وش اللي يجبر العاشق يخون ويحفر قبوره؟

وش اللي يجبر الشاعر يدور للشعر جمهور ؟
مدام أنتِ محبينه وعشاقه وجمهوره
- حامد زيد

‏شيء مشابة لـ : " لاني داخل الصورة ولا خارج الإيطار "

مع بداية فجر يوم جديد نقول بكل أمل :

" ما تشيب الأماني لو تخيب الظنون
‏و ما تضيق الحياة و عند ربي سعه "

"وأشوف إن ضحكتك غيثٍ حيَت عقبه صحاري قفار
مثل ما الأرض ممطورة ثرى صدري غدى ممطور"

‏دخيل الغصن و الظل الهزيل و هفهفات عصير
‏دخيلك لا تشح بنجمتي .. و الليل ممسيني
- مساعد الرشيدي

" اهوى نسانيس وصله يوم تلفيني
تتمايل أغصان قلبي من مواريها "

"يا الله عسى كـل الليالي لنا خير
‏وفيها الحظوظ الطيبه تحترينا"

" أنا في رجا اللي ما بعد خاب من يرجيه
‏يحل الفرج في ساعة الضيق والشدة "

‏" يا رب اللي من البارح يدوّر للفرج شباك
‏تبطّل له شبابيكك وترسل له الفرج نسمة "

‏أحد النصائح اللي قالها سلطان الهاجري
ويجب إتباعها :
‏"افتحوا باب التسامح عساكم تسلمون
‏العمر ماهوب مضمون والدنيا سعه "

" تقفي بي الزلّه اللي كان قاصدها
وتردّني كلمةٍ ماهيب مقصوده "

" دخيلك إليا من جابني طاري وحنيت
‏لا تذخر إحساس الوله شي لعيوني"

‏" ليت بعدك كل ما زاد بيعيبك
‏نجمك اللي لو تجاهلته صعد
‏تحسب انّي أفقدك لحظة مغيبك
‏ مَ فقدك وحدك .. أنا أفقد بلد "

ربي أنا نقطه فـ بحر
علمني كيف اهوى الحياه
‏علمني كيف اهوى القدر
‏علمني بايماني أكون‏
يارب.. اكثر من بشر
-البدر

يقول البدر :
إن ما دمح زلتك محبوب
ما أظن من يكرهك.. يعذر

البدر : أنا اكتب لأحيا

الله يعطيك طولة العمر ويمدّك بالصحة والعافية 🤍🤍

" تمر سنين عمري كنّها من سرعها قبل أمس
‏تغيّـر كل شي إلّا .. أنـا عجـزت أغيّـر شي

‏ذبل ورد وكبر جرح وبكت قمرا وغابت شمس
‏وأنا أردد مصير الحي يا قلبي يشوف الحي"

ليت مابه باللقى " ريحة عطر "
‏وليت عطرك يوم رحتي ما بقى

‏كل ما قالوا يجيب الله " مطر "
‏قلت في قلبي يجيب الله " لقى "
- بريكان بندر