والقصايد بلا شك

يقول عبدالمجيد الذيابي :
أنا ما كنت لا بيّن ولا واضح ولا محسوب
‏ولا حتى القصيد اللي كتبته ، كان يكتبني

وفي سياق آخر قلت :
من قرا بيتين لي .. لا يعتقد انّه قراني
‏مال حرفي منتهى ومالي مثل حرفي نهايه
‏

‏حبيبي .. من يقول اني رضيت اطيح ؟
‏مطيحي في غرامك كان .. في غَفله

‏مثل عطرٍ لفت به .. كفّتين الريح
‏طرق قلبٍ ورا صدري .. و سرق عَقله

‏عشقتك كنّ ما ثلث الهوى .. تجريح
‏ولا كنّ المحبه .. ما هي بـ سَهله

‏طمعتك كنّ ما ذقت الوله تبريح
‏ولا كنّ الليالي … باللقى خَجله

‏و زرعتك في قفار القلب : نبتة شيح
‏وغدى صدري رياضٍ منتشي نَفله

‏مع ان ما ميّلت لك .. كفّة الترجيح
‏و لكن قلبي اختارك ، وتحسَب له

‏أعرْف الحب ، ما يحتاج للتصريح
‏وانا لي روح .. من كثر العنا وَجله

‏سرت بك في دروب الشك والتلميح
‏تحَسْب العشق ماهو ينعرف شَكله :)

‏لجل هذا .. فوادي عن هواك يشيح
‏يظن أحلى ليالي عاشها ... قبله

‏و يعوّد في غرامك مهتدي ، وآطيح
‏كأن توي عشقتك .. من قبل وهله
- ليالِ

قصيدة صباحية على مستوى عالي من العذوبة

" آمر ، الله لا يجيب لسيرة الفقدان طاري
‏انت صيغة الأمر بّد الناس منّك مستساغة

‏جلّ من صوّرك يا وجهٍ له ألفاظي جواري
‏بسمتك فيها بديع ونظرتك فيها بلاغة

‏للسهر.. للغّي.. لليل الطويل.. وللمساري
‏هاك قلبي واشغل اوقاته وَله وأملا فراغه "

"صاحبي⁩ ⁦ محتاج⁩ ⁦ لك⁩ ⁦ شعر⁩ و شعور
‏و إحتياجي شيء.. ما كان إختياري

‏من متى و الغصن يختار الطيور !
‏من متى و البال يختار الطواري؟"

" وش عاد باقي ماتغير ولا مال
‏بس العزا محدٍ من الخلق كامل
‏
‏حاولت أداوي بالاماني والآمال
‏وجه الحياة اللي ملته الدمامل
‏
‏قل للجبل يبقى جبل بس الاشكال
‏لاصارت أطراف المدينه تنامل

‏و لو كل مايطري على البال ينقال
‏ما سال حبر ولا تملت أنامل "

لا تفوتوا مقابله متعب التركي

إن زعلتي ما بقى للعمر والتاريخ قيمه
‏والأسف سكه طويلة لين يركع باتجاهك
‏
‏اذكريني نار بدوٍ .. ⁦ في⁩ ⁦ لياليك⁩⁦ العتيمه⁩
‏وقبل أشد ركاب جرحي كنت أبشد انتباهك
‏
الليالي ⁦ في⁩⁦ مدى⁩ ⁦ الأيام⁩من غيرك يتيمه
‏وش يساوي كل هذا الوجد قبل يطول جاهك

من⁩ ⁦ يطمن بال⁩قلبي⁩ يالتفاصيل القديمة؟
‏والله إنّي قبل هذا الجرح و أكثر .. كنت آهك !

‏يا انتصاري في طريق الفقد ودروب الهزيمه
‏حالف اني لا ارسم البسمه على طارف
شفاهك
- عبدالملك الخربوش

يووه :(

حبيبي من كتبت اسمك على شط الهوى للحين
‏⁦ وأنا⁩ ⁦ ما⁩ ⁦ بين⁩ ⁦ تنهيدة⁩ ⁦ هواك⁩ ⁦ و⁩ ⁦ ضحكة⁩ ⁦ أمواجك⁩

‏بقى صوتك على شطر القصيدة لو تمرّ سنين
‏أنا ⁦ و⁩ الشعر ⁦ و⁩ الليل ⁦ و⁩ مدى الأيام نحتاجك
- عبدالملك الخربوش

مساكم الله بالخير 🤍

‏" تُحبس عنك الدنيا وتكسرك ضراوة الحياة وتعود فتحيا برقّة الدعاء والدمع السجام؛ سبحان من يداوي آثار القسوة بنقيضها، سبحان من يأخذ بنواصينا لجادة الصواب فيردّنا رغمًا عنّا وإن تعثّرت خُطانا، سبحان اللطيف الخبير "

يا أعظم من بقى يلمح في وجهي نوري الوقّاد
تعال أسرقني من سُخف الحياة وعالمٍ فاضي

على ماتشتهي خذني ولا تشاورني و تنقاد
قِدم رجليك لو مهما تودّيني ؟ أنا راضي !

توسّدني وطن لو .. ما وسع صدرك فضاء وبلاد
أنا كل الدروب اللي تخلّت عنك في الماضي

معك شفت العُمر يشبه صباح وفرحة الأعياد
وعن ظروف الحياة اللي تمادت صرت متغاضي ..
- افنان

من راح مني قلت ياعله مصيب
دورت له عذرٍ كريم وعذرته

للي يبي بعدي انا ماني قريب
هوماربحني والا انا ماخسرته

قلبي خويي ما لقلبي معازيب
اللى حقرني من رداه احتقرته

رغم الجروح اللى بقلبي معاطيب
حبيت كفين الزمان وشكرته
- سعد الحريص

يالغالي اللي آتحالى معْه التسلّي
قدر الغلا يحسب على قد التغلّي

كلمة "أبيك" تموت في فمّ المشاعر
ولا جيت أستبشر واغنّي لك واهلّي

آردد اسمك من وَله تاره وتاره
وتتورّد خدودي خجل لا قلت : خلّي

في وجهي المملوح تستشعر غلاتك
في صوتي المملي وله .. في كلّ كلّي

ياللي تقدّيني على مسرى طريقي
حتى تناغم ظلّك الفارع بظلّي

وشلون بقوى وحدتي عقب المنادم ؟
و فـ اقفايتك تهجر مسرّاتي محلّي

آلوح بيمناي لك والعين تذرف
دمعٍ زلال اطهر من دموع المصلّي

وامسح بمنديل الرجاوي ما ذرفته
وانده لغيمة وصلنا : تكفيين هلّي

حتى لو الفرقى قدر والحبّ واجد
لا غربلك ليل السهر واشتقت ، قلّي

والله لأشحذ غيمتي حتى تهلّك
يـ اعظم مغانم سالف العمر المولّي

لو سلسبيل الحبّ حنظل مارويتك
يا بعد خلّاني وأحبابي وملّي

القرب يسلبني عقل اخشى ضياعه
والبعد يعطي ما عطانيه التبلّي

مابين هذا وذاك كان الهجر آفه
عطني حلولك ما عدا حلّ التخلّي
- مها

قصيدة جديدة :)

اللهم صلِّ وسلم على نبينا محمد

" ‏من تعظيم الله تعظيم نبيه ﷺ ومن تعظيم نبيه ﷺ كثرة الصلاة عليه في أفضل الأيام؛ يوم الجمعة "