" هوى نجد لو ضيّق نسيمه بأهالي نجد
على صدري الواسع .. يا برده ويا حلوه "

ايي والله 🤍

" اطرقيني يالهبوب اللي علاجي في مهبك
‏ودي أمرض منك نوبه وآتشافى منك نوبه "

صبحكم الله بالخير 🤍

" على وسع ما توسّع للنّاس تتّسع لك نفسك والأرض، وعلى قدر ما تبذل وتسعى خيرًا ومجدًا وجبرًا وسعدًا في مناكبها = تعطيك الحياة أسرار رحابتها؛ ولذا كان أعذر النّاس أطيبهم عيشًا، وأكرم النّاس أرضاهم، وألينهم أهنأهم؛ في نفسه قبل محيطه، وهل تسكن الأنفس إلّا باستقرار الضمائر؟ "

‏" يا بنت أكرم سحابة مرّت الدنيا ومرّت نجد
‏هذيك الغيمة لا شفتك،أحس إني مشاهدها

‏خذيتي منها كل الوصايف يا عريبة جد
‏بياضك طهرك،وقلبك،وطلّة مابي أجحدها

‏وسواد عيونك الحلوة غدا لـ الليل أحلى ند
‏سرق من ليلنا له نجمتين وجاك قايدها "

" تريّث ، يا ضما عمرٍ يبلل من رجاي الياس
على درب السنين خطاي فيه تضيع و تدلّه "

"شال قلبي يوم قلبي من رماد وجاب طينه
رش روحي ، لين قامت تروي القاع بمطرها "

وان حصل في يوم بلّت دربي الغابر سحابة:
‏كيف بشرح للمطر ان الظما هذا بروحي؟
- معاذ بن عبدالعزيز

يوووه :(

درر

-

مرحبا

نستقبل الرسايل والمشاكل والاستفسارات

والقصايد بلا شك

يقول عبدالمجيد الذيابي :
أنا ما كنت لا بيّن ولا واضح ولا محسوب
‏ولا حتى القصيد اللي كتبته ، كان يكتبني

وفي سياق آخر قلت :
من قرا بيتين لي .. لا يعتقد انّه قراني
‏مال حرفي منتهى ومالي مثل حرفي نهايه
‏

‏حبيبي .. من يقول اني رضيت اطيح ؟
‏مطيحي في غرامك كان .. في غَفله

‏مثل عطرٍ لفت به .. كفّتين الريح
‏طرق قلبٍ ورا صدري .. و سرق عَقله

‏عشقتك كنّ ما ثلث الهوى .. تجريح
‏ولا كنّ المحبه .. ما هي بـ سَهله

‏طمعتك كنّ ما ذقت الوله تبريح
‏ولا كنّ الليالي … باللقى خَجله

‏و زرعتك في قفار القلب : نبتة شيح
‏وغدى صدري رياضٍ منتشي نَفله

‏مع ان ما ميّلت لك .. كفّة الترجيح
‏و لكن قلبي اختارك ، وتحسَب له

‏أعرْف الحب ، ما يحتاج للتصريح
‏وانا لي روح .. من كثر العنا وَجله

‏سرت بك في دروب الشك والتلميح
‏تحَسْب العشق ماهو ينعرف شَكله :)

‏لجل هذا .. فوادي عن هواك يشيح
‏يظن أحلى ليالي عاشها ... قبله

‏و يعوّد في غرامك مهتدي ، وآطيح
‏كأن توي عشقتك .. من قبل وهله
- ليالِ

قصيدة صباحية على مستوى عالي من العذوبة