انا لاقلت لي شلونك وانا ضايق اقول بخير
مدامك سائلٍ عني اكيد ان ضيقتي راحت

انا من كثر ماحبك اشوفك في عيوني غير
تضيق النفس من غيرك ولامن شفتك ارتاحت

احبك كثر .. ماتطري فبالي وتشغل التفكير
كثر .. ماشيلك بعيني وناسٍ منّها طاحت

احبك كثر .. ما ادمح خطاك ان خانك التعبير
كثر .. ماخانت الرفقه بكتم اسرارها وباحت

احبك كثر .. صقّارٍ تولع في محبة طير
كثر .. ما دلة الطيّب بريحة هيلها فاحت

احبك كثر .. ماحس بشعور اني عليك اغير
كثر .. مازيح هالغيره عن افكاري ولا انزاحت

احبك كثر .. مالك داخلي حب وغلا وتقدير
كثر .. ماغبت عن عيني ودموع امفارقك ساحت

تصدق !! من عرفتك صرت احبك .. واكره التغيير
وانا اللي كنت اعشق كل نجمه بالسما لاحت

تأكد كل ماتسأل عن حوالي اكون بخير
مدامك سائلٍ عني اكيد ان ضيقتي راحت
- ثامر شبيب

" قامت تثقّل عيار إهمالها طيش وغشامه
‏لين حدتني أخليها .. وهي ما تنتخلى

‏دق ناقوس الغرور .. ودق إصبعها الكرامه
‏والغياب المر في عيني غدا الليله محلى "

أنت الشعوور اللي ما قد حسيت فيه
‏وأنت الكلام .. اللي ما قد قلته لأحد :(

‏"وحيد وغربتي صعبه يفززني صرير الباب
‏يعذبني سكون الليل والهوجاس يسعى بي"
‏- عبدالعزيز البليهد

شعور اللحظه :(

مساكم الله بالخير 🤍

إنتبه لا طبت .. من شر النوايا !
‏لا يْتكدر صَفو ميراد الحنايا

‏خّبها يسراك .. لا مَدّت يمينك
‏لا تشوفك عين مدّاح السجايا

‏قدّم المعروف وانسى انك فعلته
‏لا تدور من ورا فعلك جزايا

‏ولا تغادر هالحياة إلا رصيدك
‏ممتلي - بينك وبين الله - ( خبايا )
- بشاير المقبل

تقرين⁩ ⁦ ما⁩ ⁦ حاولت⁩ ⁦ بالضحك⁩ ⁦ اخبّيه⁩ ⁦ واعوفه⁩
‏⁦ والقاك⁩ ⁦ من⁩ ⁦ حولي⁩ ⁦ لو⁩ ⁦ ان⁩ ⁦ كلهم⁩ ⁦ راح⁩ ⁦ بطريقه⁩

‏يانعمتي كنتي جبر خاطر و وجهه عطوفه
‏انتي - رفيقة روح - منتي بحيّ الله رفيقه
- دلال الروقي

لو نختلف باللون و العرق ، و الدين
‏ عند الله اخلاقك لها الأولويّة ..

‏ما همني من أنت ، ولا انت من وين
‏ عندي أهم ان الدواخل سويّة ..!

‏صحيح ماعندي تجارب من سنين
‏ لكن : أعَرْف ان الخويّ لخويّه ..

‏و ان القصايد سيف يلمع بحدّين
‏ ( أما تصيب بجرح ، ولّا هديّة )
- وارفه

مساكم الله بالخير 🤍

اللهم صلِّ وسلم على نبينا محمد

جميله هالسلسله اطلعوا عليها عن تفسير جزء من سوره الكهف

" جعل اجابه دعوتي تسبق آميني "

صبحكم الله بالخير 🤍

كل أمر يحمل الخسارة والربح، إلا الدعاء فلا خسارة في أمره؛ قالﷺ:
"ما من مسلم يدعو بدعوة ليس فيها إثم ولا قطيعة رحم إلا أعطاه الله بها إحدى ثلاث:إما أن تعجل له دعوته، وإما أن يدخرها له في الآخرة، وأما أن يصرف عنه من السوء مثلها، قالوا:إِذن نكثر؟ قال:الله أكثر ! "

‏القصيدة : صرخة بْدَمّ العُمر مَكْتوبة
‏ يقصر الليل الطويل إن طَوّلت سَمْرتها

‏هامَت بْوادي عذاب وفضْفضَت بْعذوبة
‏ وفي سماء الإحساس غَنّت من طرَب قَمْرتها

‏كل سِرّ ٍ وسْط بير الروح تَخلَع ثوبه
‏ وكل بندق طيش لا غاب الوعي بِإِمْرَتها

‏شمْسها تهدي شروق البال عطر غروبه
‏ والغيوم تعانق بْصدر الأُفُق حُمْرتها

‏القصيدة : نار بَأحضان الفكر مَشْبوبة
‏ يبلع الشاعر على ريق السهر جَمْرتها

‏لو تقول اللي تقوله ما يقول التوبة
‏ ولو يسامح غَيّها ما سامحوا زُمْرتها

‏نخْلة ٍ مالت بَها ريح الشجن بأعجوبة
‏ لين ما طاحت على ثغْر الولَه تَمْرتها

‏دار فنجال الوصال وقهْوتهْ مَشْروبة
‏ كَيفها كيف المزاج العالق بْسُمْرتها

‏القصيدة : عاشقة شاعر تجي مَخْطوبة
‏ يِفتقد وَعيَه ليا من ذاق من خَمْرتها

‏من شَغَفْها تحضنه ما تحضنه مَغْصوبة
‏ لين ما تطبع على خَدّ اللقاء حُمْرتها

‏راهبة جَت تعتمر في كعبة ٍ مَحْبوبة
‏ وِانتهى عمر الحنين ولَـ انتهت عُمْرتها

‏ضَمّت الجرح المُعتّق لين حَبّ ذنوبه
‏ ومع نسيم الليل غَنّت للفجر قَمْرتها
- خالد القصيِّري

قصيدة الصباح

"إن كان حبّك هزيمة .. فالهمام الهمام
‏يا مرحـبا بالهزيمة في طريق النـصر"

آخ :(