والله اني في غياهب غربتي احتااج صوتك
مايطمن قلبي الخايف سوى وصل المبرّه

الشبه في حاجتي له ؛ حاجتك لفتات قوتك
-اتصل- أحتاج أبكي وآتشكّى وآتشرّه

اتصالك جنّة المشتاق ؛ لا يبطي سكوتك
نبرتك فيها حنان يزيل عن روحي المضره

يا يبه و العَبره اللي في كلامي ما تفوتك
كنّ صوتك : غيمةٍ تهطل على قلبي مسرّه

بنتك بحاجه دعاك يعمّها بسجدة قنوتك
ودي لو أرجع صغيره ؛ من قيود الهمّ حُرّه

آتدلّل في كنفْك وآتبختر في ثبوتك
ما أهاب وما يكدّر خاطري مثقال ذرّه

و لابغيت اهرب من الدنيا تخبيني فـ كوتك
و آتذرّى بين يدّينك من العالم وشرّه

ليتها الأيام ترجع ولّا لا تقفي بصوتك
والله انه غيمةٍ تهطل على قلبي مسره
- مها

اتصال الغالي أراهن انه احنّ اتصال سمعته :(

صبحكم الله بالخير 🤍

من بديع قول الإمام الشافعي :
‏"سيروا إلى الله عرجى ومكاسير، ولا تنتظروا العافية فإن انتظار العافية بطالة"
‏أي : سِر إلى الله ولو كنت مُمتلئاً من الذنوب، ولا تنتظر عافيتك من كلّ ذنوبك حتى ترجع إلى الله، فإن انتظرت العافية فقد يذهب عمرك ولم تصل، فكن مقبلاً على خالقك مهما كانت حالتك.

‏" جعلنا من اللي كل ما شافوا الدنيا تميل
‏استعانوا بالصبر واستعانوا بالصلاه "

آمييين

حتى الفرح ما عاد يبغى يجيني
دور له اسبابه وانا كلي اسباب

مُتعب ومُرهق ويتزايد حنيني
وصدري ملاه الهم وبقلبي اثقاب

ليلٍ جمع يمنى الهجر مع يميني
من بعد ما كانت امانيّنا قراب

بعد ثمان شهور جيتي تبيني
الله يسامح خاطرك ليش ما طاب
- عبدالله الحربي

):

انا لاقلت لي شلونك وانا ضايق اقول بخير
مدامك سائلٍ عني اكيد ان ضيقتي راحت

انا من كثر ماحبك اشوفك في عيوني غير
تضيق النفس من غيرك ولامن شفتك ارتاحت

احبك كثر .. ماتطري فبالي وتشغل التفكير
كثر .. ماشيلك بعيني وناسٍ منّها طاحت

احبك كثر .. ما ادمح خطاك ان خانك التعبير
كثر .. ماخانت الرفقه بكتم اسرارها وباحت

احبك كثر .. صقّارٍ تولع في محبة طير
كثر .. ما دلة الطيّب بريحة هيلها فاحت

احبك كثر .. ماحس بشعور اني عليك اغير
كثر .. مازيح هالغيره عن افكاري ولا انزاحت

احبك كثر .. مالك داخلي حب وغلا وتقدير
كثر .. ماغبت عن عيني ودموع امفارقك ساحت

تصدق !! من عرفتك صرت احبك .. واكره التغيير
وانا اللي كنت اعشق كل نجمه بالسما لاحت

تأكد كل ماتسأل عن حوالي اكون بخير
مدامك سائلٍ عني اكيد ان ضيقتي راحت
- ثامر شبيب

" قامت تثقّل عيار إهمالها طيش وغشامه
‏لين حدتني أخليها .. وهي ما تنتخلى

‏دق ناقوس الغرور .. ودق إصبعها الكرامه
‏والغياب المر في عيني غدا الليله محلى "

أنت الشعوور اللي ما قد حسيت فيه
‏وأنت الكلام .. اللي ما قد قلته لأحد :(

‏"وحيد وغربتي صعبه يفززني صرير الباب
‏يعذبني سكون الليل والهوجاس يسعى بي"
‏- عبدالعزيز البليهد

شعور اللحظه :(

مساكم الله بالخير 🤍

إنتبه لا طبت .. من شر النوايا !
‏لا يْتكدر صَفو ميراد الحنايا

‏خّبها يسراك .. لا مَدّت يمينك
‏لا تشوفك عين مدّاح السجايا

‏قدّم المعروف وانسى انك فعلته
‏لا تدور من ورا فعلك جزايا

‏ولا تغادر هالحياة إلا رصيدك
‏ممتلي - بينك وبين الله - ( خبايا )
- بشاير المقبل

تقرين⁩ ⁦ ما⁩ ⁦ حاولت⁩ ⁦ بالضحك⁩ ⁦ اخبّيه⁩ ⁦ واعوفه⁩
‏⁦ والقاك⁩ ⁦ من⁩ ⁦ حولي⁩ ⁦ لو⁩ ⁦ ان⁩ ⁦ كلهم⁩ ⁦ راح⁩ ⁦ بطريقه⁩

‏يانعمتي كنتي جبر خاطر و وجهه عطوفه
‏انتي - رفيقة روح - منتي بحيّ الله رفيقه
- دلال الروقي

لو نختلف باللون و العرق ، و الدين
‏ عند الله اخلاقك لها الأولويّة ..

‏ما همني من أنت ، ولا انت من وين
‏ عندي أهم ان الدواخل سويّة ..!

‏صحيح ماعندي تجارب من سنين
‏ لكن : أعَرْف ان الخويّ لخويّه ..

‏و ان القصايد سيف يلمع بحدّين
‏ ( أما تصيب بجرح ، ولّا هديّة )
- وارفه

مساكم الله بالخير 🤍

اللهم صلِّ وسلم على نبينا محمد