‏"ماعاد بي شدّة على طرد السراب
‏و مراقبة شمسٍ توارت للغروب

‏أما وجودٍ يلوي ذراع الغياب
‏ولا غياب يفضح الوصل الكذوب "

" عسَى كل الليالي فجرها دايم يشع النور
و تضحك في وسط حزني و أحلامي الخياليّه"

"وإن غابت البارح طموحات وأحلام
‏مصيرها تشــرق مع إشراقة الصبْح"

" وكأنّي ما صبرت
‏لمّا صبرت إلا عشان ألقـاك
‏وكأنّي ما غرست من العمر
‏إلا عشان أجنيك "

"دخيلك يالسنين المقبله لا تبخسين الكيل
‏تراني ما أخذت من السنين الماضيه حقي"

" إن قلت وإن ماقلت و إن كان أبقول
‏مالي سـوى مضنون عيني مـلاذي

‏أفديه بالروح العزيـــزه .. وما نـول
‏و عيـوني الثنتين هـذي .. و هـذي

‏أشفق عليه و خاطري فيه مشغـول
‏شوفه مرام النفس للــروح عـاذي "

- ‏محمد الأحمد السديري

" كان الامل اني مع الوقت بنساك
‏ياما نسيت امـالي ولا نسـيتك "

‏"أجيلك والليالي جزرها يسبق هجير المدّ،
‏فداك المُغرم اللي ضيّعت مسراه نجمَة ليل"

‏" على هبة نسيم الليل الا يا بخت جلاسك "

" قلبي معاك بخير و أيامي بخير
و الضحكة اللي غايبة عوّدت لي "

" وأنت سبّة كلّ شي ولا داويت شيّ
كيف ياقادر على داي ماتقدر دواي"
- سعد بن جدلان

" لوّ خبر به حيّ يبكي على فقدان حيّ
كان يمدي من عرفني يشاركني عزاي"
- سعد بن جدلان

والله توجع 💔

" لو نظرت بعين قلبك شفتني
‏ما معي مخلوق يستاهل غلاك "

ياليتك يوم عزمّت الرحيل اخذتني وياك
ولا قفيت تسحب خطوتك في ليلةٍ تفجع
- فهد العيبان

اقرؤا القصيدة الجاية بتمعن 🥰 أحبها جدًا

انا والليل والعبرة وجرح وخاطر ٍمكسور
ونفس من هجير البعد والحرمان مقهورة

وقلب ظامي لشوفك ولايروى ظماه بحور
وعين تحتري لحظة غياب الطيف وحظوره

ونار تنطفي مره ومره تشتعل وتثور
واقول النار مقدورة وهي ما هيب مقدورة

حسبت الليل بغيابك يمرن الليال دهور
وكني شايل بقلبي ليال الوقت وشهوره

تصبرت وتقدرت وبنيت من الخيال قصور
إلين ان الجفا شد الركايب وانتهى دوره

تحريتك على درب القصيد من ثلاث دهور
وحشا ما مات لك غصن يشف الماي بجذوره

تخيرت الغرام وجيت لا راضي ولا مجبور
وجيتي تسبقين خطاك مرضيه ومجبوره

وانا ما كان لي رغبه أبين واكشف المستور
ولكن الجمال أكبر من الخفاق وشعوره

جمال وود وعيون ودلال وكبرياء شعور
وفتنة تخذل عيون النهار وينطفي نوره

ولك في خافقي صوره تلاشت بين ضي ونور
وأخاف اسكت من الفرحة وتنطق باسمك الصورة

عرفتك وانتهت رحلة قساوة دربي المهجور
والا يا جملة أيام الجفا والصد مشكورة

خذتني للجفا عزه واخذني للعناد غرور
واخاف اكون بعنادى حبيب ومات بغروره

وإذا كانت مسافات الخيانة للغرام قبور
وش اللي يجبر العاشق يخون ويحفر قبوره؟

وش اللي يجبر الشاعر يدور للشعر جمهور ؟
مدام أنتِ محبينه وعشاقه وجمهوره
- حامد زيد

‏شيء مشابة لـ : " لاني داخل الصورة ولا خارج الإيطار "

مع بداية فجر يوم جديد نقول بكل أمل :

" ما تشيب الأماني لو تخيب الظنون
‏و ما تضيق الحياة و عند ربي سعه "

"وأشوف إن ضحكتك غيثٍ حيَت عقبه صحاري قفار
مثل ما الأرض ممطورة ثرى صدري غدى ممطور"