‏[ ميلاد وِحدة ]

‏معتّق الحزْن دمعه نخْب فاخر, يسلب ألباب
‏والليل حفلة حنين, ضيوفها فقْر وْ أماني

‏وحدي, وهذا السهر يرسم على الجدران الاصحاب
‏ويخدّر الشاهي المنسي على جمر المحاني

‏أرتّب الحاضرين الغايبين بْعاد واقراب
‏وأبعثر الذاكرة : صور / حكايات / وْأغاني

‏أنقل عيوني من الأركان للسقف وللاسياب
‏متشابهه!! مير أنا ماني هذاك الأولاني

‏أحلم, ولو بالرياح تمرني, وتْدق الابواب
‏الله, حتى الهوا في زحمة الدنيا نساني !

‏يشكّل الغرفه احساس القلق, وتذوب الاعصاب
‏والصمت ياخذ من انفاسي تفاصيل ومعاني

‏كأنّ هذا الظلام المنسدل، للروح جلباب
‏ويطول مع كلّ فكرة توقد النار بـ كياني

‏يتسلل النور بين الشيش, أصفر وجْه, كذّاب
‏كأنه الرمْل يفلت بين أصابيع الثواني

‏يمطر جبيني عرق, ويديّ تفرك برد, وارتاب
‏تايه, فـ زحمة حنيني بالفراغ اللي ملاني

‏أضيق, وأهرب لشباك الحياة, بـ داخل كْتاب
‏وأشوف بين أسطره عمر وْ غلافه عمْر ثاني

‏كذا الملامح, تشكّل -من تعابيري- لي حْجاب
‏كم ابتسم للمرايا وألمح الصورة تعاني !!

‏مغروس فـ أرض الأمل والياس للأحلام حطّاب
‏ما فز جذع امنيات إلاّ من جذوره خذاني

‏هذي سما الصبح حطّت يدّها فوق اكرة الباب
‏وأنا بصدري حكي يفنى على طارف لساني

‏واقف تلوّح كفوفي لـ السواد الراحل اسراب
‏سادر أدوّر أمل مرمي على أرصفة المواني

‏كذا الثلاثين عدّتني, وحيد أهلي, بلا احباب
‏وحيد حتّى: من ظْلالي, وصوتي والأماني !

‏ معتق الحزن دمعه نخب فاخر, ماله اكواب
‏مني وفيني يصبّ وْيشرب وْيثمل زماني
- وديع الأحمدي

قصيدة الصباح

عشانك تنكسف شمس الحياة وتستريح نجوم
ولا يبقى سوى ضيّك يلامس بالعتم ضييّ
‏- عبدالملك الخربوش

صباح الخير 🤍

‏" تفقدوا أحبابكم ولا تسلّموا لظواهرهم؛ فمنّا من يُبدي اتّزانًا وسرورًا وفي أغواره ما يشقّ على الرواسي حمله. تقرّبوا لله بجبر خواطر عباده، تلمّسوا الحوائج واقضوها برًّا وودًّا"

‏"يزهمني الحلم لا هودل حمام الصباح
‏والأرض تغري خْطاي وتبسط كفوفها

‏إنسان صالح، ومالي فالاوادم صلاح
‏وكل "أُمنية مستحيلة" كنّي أشوفها"
‏- خالد القصيِّري

" حبيبي رغم هول العذاب ، أدري انك لي:
‏بصيص الامل في رجعتك .. نور متماسك
‏َ
‏بترجع .. وترجع راحة أيدك تضم يديّ :
‏وأداعب عيونك قبل ما أداعب احساسك
‏َ
‏وأعلمك قبل الشمس تكسر بقايا الفيّ :
‏وقبل لا تصب الحلو والمر في كاسك
‏َ
‏عسى راسك من صدوف الايام يبطي حي:
‏لو جروح قلبي كلها .. من تحت راسك "

‏" كيف الصبح ما يلاقي في مجيّك إختيال ؟
إذا جبينك سناه .. وضحكتك أغنيته "

رهن كل الرحاب من الأماكن خطوتك لا انسقت
‏على كف النسيم اللي: ترقّبك، وترقّب له

‏تخيّر في الحضور ولا تفكّر في مكان و وقت
‏علي أبدى صباح اللي يجيب الشمس من قِبْله
- ماجد النفيعي

من شقوق الحنين ودورٍ امست خراب
‏دوّر النور في صدري على مهربه

‏⁦ ليل⁩ ⁦ واحساس⁩ ⁦ مابين⁩ الزعل⁩ ⁦ والعتاب⁩
‏واكثر احساس ينبش في الصدور أغربه

‏يا حبيبة عيوني طال ⁦ ليل⁩ الغياب
‏و الصباحات ماظني على مقربه

‏افتحي لي درايش وصل ماقول باب
‏وقولي الله عطاك النور هاك اسر به

وجهك⁩ ⁦ اللي⁩ ⁦ تماها⁩ ⁦ بين⁩ ⁦ شمس⁩ وسحاب
‏وشعرك اللي مسيل الشمس في مغربه

‏وان تثنّت على اللحن القديم الثياب
‏جنّوا ( الطار والمزمار والمطربه )

والله انك سراب وعارف انك سراب
‏و والله اني لا اصبه في يدي و اشربه

‏جيت ما ⁦ كن⁩ مرتني سنين الشباب
‏و ⁦ كن⁩ ⁦ مالي⁩ ⁦ حبايب⁩ قبلك و ⁦ تجربه⁩
- محمد العمري

من أجمل وأعذب ما قرأت

كل شوي اقراها واقول الله الله :(

:(

‏" لا لحق احساسك الصّادق :
‏مضرّه
‏تنعكس حتّى ردود أفعال
‏جرحك
‏اعرف الذّكرى تبكّي من تمرّه
‏بسّ انا كل ماذكرتك ؟
‏قمت أضحك ! "

صباح الخير 🤍

" لا يسلم مخلوق من حسرة تؤلمه، وظلم يهد قلبه، ووجع يضرب صدره، لكن العارف ينسى ويتناسى ويجاهد في النسيان حتى تزول منه، وينظر بتفائل رحب، حتى تشرق روحه من جديد، بتناسي الماضي والتفكير بالمستقبل.
‏قال المناضل علي بيجوفيتش:
‏"أنتقمت من الشدة التي ألمّت بي في حياتي المبكرة= بأن نسيتُها" "

‏ " شرعي باب المعاتب بدون مقدمات
‏واطلقي ماكان في صدرك طلاق سجنا

‏حاصريني بالتشره من الاربع جهات
‏انتي المشروه منّك .. مثل رد الثنا

‏اعتذر لك عن غيابٍ بدون مبررات
‏لو ما بالقلب خالي ولا الصدر دهنا

‏صح ماودي بهجرك لو يطول السكات
‏بس ماودي بوصلك وانا مانيب انا "

" فيني حكايا صبح .. وأحلام طفله
‏ترمي على وجه الغيابات الأعذار

‏وفيني حنين يمرني .. واعترف له
‏بإني على رف الصباحات تذكار

‏غيّابنا وأحلامنا .. ذنب غفله
‏مرّو عليييينا لا تصيرون كفار !

‏تعبت أرتب .. للوهم ألف حفله
‏وأرسمكم بعين المواعيد : زوّار "

انت احد ينساك ولاّ ما يحبك ؟ ‏
قد ما كابرت حاصرني ظلالك ‏

حتى لو ما شفت لي موطن بقلبك ‏
غربتي ما كانت الا من خلالك

‏ادري موتي بذكرياتك ماهو ذنبك ‏
ليت لي اضعاف عمري في خيالك

‏الشعور اللي بقلبي لك وربك
يكفي أهل الارض واخذته لحالك
- خالد الكيادي

اللي وقف بين إعترافك؛ وبينك
‏ليته وقف بيني ..وبين إعترافي

‏سولف لشرفة غرفتك عن حنينك
‏وأنا: بأسولف للمطر عن جفافي
- عبدالله البديري

طاحت مع دموع الملامة مواعيد
‏لوكنت آمر بالمحبة وناهي

‏الروح جردا وأكثر أيامنا بيد
‏داخل على الله لاتجرّح شفاهي

‏عذرك مثل تكشيرةٍ في ضحى عيد
‏لاالوقت يسمح وأمتن العذر واهي

‏كنت أجمل بواجد وأناأشوفك بْعيد
‏ليتك بعدت أكثر وأنا فيك ساهي

‏جروحنا شاخت وصارت تجاعيد
‏كل الدروب المغلقة باتجاهي
- عبدالملك الخربوش