مؤلمه :(

في رحاب رحابي الخضرا تناميّ
‏ما لحق من يلحق آمالك حسوفه

‏امكني قلبي وباطرافه تراميّ
‏لين يزهر بك وتتنايع قنوفه

‏عن ذوات الحسن بالحسنى تساميّ
‏ادري انك عن مجالسها عيوفه

‏وان جهلت وصارت الزله ، تعاميّ
‏كيف وانتِ ريف ما عندك مروفه !
‏-أحمد

‏سراب الآل؛ لاتندّب دروبي لو لمحت أقصاك
‏معك ماشمِّر يْديني هَبوب ولا أعرف ما آبي

أشوفك نظرةٍ فيها من التطنيش والإدراك
تمر أحداثي بسطوة ضمير وتشعب ركابي

‏معي وجه الطلَّل قبل أبكي بْكف الطمان هناك
‏معي صبح الديار إن شفتك أول وجهة أعرابي

‏أنا ماكنت أعرفك ظلٍ؛ أشوف نْهايته مبداك
ولا كنت اتناول شرهتي، وأجدد أعتابي

‏تهادى في سماء ليلي، نجوم وتغري الأفلاك
‏وأجيك الساري اللي في كنف تكوينها صابي

‏معاقيل السنين إن صافحت بالي تمد اشواك
بزعمك؛ مالقيت إلَّا رمال الأرض بكتابي؟

‏عليك اسابق اللحظة؛ عناد إن جاد لي لاماك
ياعنّك؛ إني كلامٍ في طوارف مقتلك رابي

‏يجوز إنّك؛ هوى ليلٍ بعده الغصن ماينساك
‏ليّا هبت ذعاذيعك حنين، أشوفك؛ أحبابي

‏ياضحكك غيمةٍ تسري ديار، وينهمر لي ماك
وأقول؛ إنّي خضارٍ مدته ضحكتك لـ ترابي

‏سقى الله يوم أقول ؛
الأرض سفحك والسماء مسعاك
وراك؛ مخلّي الدنيا وراي، وجاهل أسبابي

‏أنا وشلون أسامرك المساعي وأرتمي بـ أقصاك
‏وأنا لو قلت لك؛ هذي يديني، قلت لي؛ ما آبي
- محمد السلطان

" ياضحكك غيمةٍ تسري ديار، وينهمر لي ماك
وأقول؛ إنّي خضارٍ مدته ضحكتك لـ ترابي "

اعذب وصف لضحكة الغالي :(

‏ثقيلة ظل! - وان غناء القصيد بليلتك ليلاه
‏تحفوابي صباحً ما عرفت انه: صباح الفل
‏معك، ما كان صدقي في سبيل اهدابها منجاه
‏ليالً ما تنادي بسم خاطرها؛ -ثقيلة ظل-

‏خذت طهر السحاب، وقلب متورّد، وعين مْهاه،
‏ووجهً شفت حسنه؛ لغز ،، مالي دون طرده؛ حل
‏على اني! كل ما شفت ابتسامتها؛ ذكرة الله
‏لقيت انها توقّف عزّة شعوري، بماقف ذل

‏تنحّابي- مثل ما بيت شعري باللحون، انحاه
‏طراد الريح/ لا تل الصدى، صوتي عليها؛ تل
‏يعيب الصوت!، رقراقه، ليا وسع المدى قدّاه
‏وهي صوتً: تردّد في مداي، وفي ضميري ضل

‏لها سقت التحايا، قبل اسوق من القصيد/ اشجاه
‏لك الله: خذ يا صدري بعضك، وغير بعضك؛ خل
‏يبرر موقفي -وجهً تبوسم- قبل اعرف اقصاه
‏يشابه في شروقه/ مشرق الدنيا، وبدرً طل

‏عليها- كنت شاعر، من كثر ما في حصيله: تاه
‏سحابً، ما عرف قدر السماء، في يوم راعد زل
‏لو اني،، اخذ بيدها، وواري خاطري وانهاه!
‏ابقطع سالفه، ما هي تسلّي بالها، لا مل

‏هي الي، ما تبوى خاطري منها، سوى ملفاه
‏يشوف ان الكثير/ ان كان ما قل بمداده، قل
‏لو اكتب ضحوة الفكره، ويتبع هايفي: ريّاه!
‏يهوّدلي عليها؛ ما يجي ما بين خل وخل

‏تناهت، قبل اعرف ان المدى ما ينعرف: منهاه
‏وانا في قبّتي -سبع النجوم- ولا عرفت، ادل
‏قريب القاء هواها، واستلذ، من الهبوب/ احلاه
‏رعايا الغيث- ما طلبو من الغيمه يا كود: الهل

‏لو انها: تحسبنّي، شاعرً، ماله سوى معناه
‏انا ما كنت اناظرها بعيني غير؛ كُل الكل
‏لقت فيني/ تزاهيد الغني، لا صد عن دنياه
‏وانا حصلّت فيها؛ بدعت الخلّاق، عزْ وجل
- خالد حسن

تحفه فنيّه ، استمتعوا بالله بقراءتها

صباح الخير 🤍

‏[ ميلاد وِحدة ]

‏معتّق الحزْن دمعه نخْب فاخر, يسلب ألباب
‏والليل حفلة حنين, ضيوفها فقْر وْ أماني

‏وحدي, وهذا السهر يرسم على الجدران الاصحاب
‏ويخدّر الشاهي المنسي على جمر المحاني

‏أرتّب الحاضرين الغايبين بْعاد واقراب
‏وأبعثر الذاكرة : صور / حكايات / وْأغاني

‏أنقل عيوني من الأركان للسقف وللاسياب
‏متشابهه!! مير أنا ماني هذاك الأولاني

‏أحلم, ولو بالرياح تمرني, وتْدق الابواب
‏الله, حتى الهوا في زحمة الدنيا نساني !

‏يشكّل الغرفه احساس القلق, وتذوب الاعصاب
‏والصمت ياخذ من انفاسي تفاصيل ومعاني

‏كأنّ هذا الظلام المنسدل، للروح جلباب
‏ويطول مع كلّ فكرة توقد النار بـ كياني

‏يتسلل النور بين الشيش, أصفر وجْه, كذّاب
‏كأنه الرمْل يفلت بين أصابيع الثواني

‏يمطر جبيني عرق, ويديّ تفرك برد, وارتاب
‏تايه, فـ زحمة حنيني بالفراغ اللي ملاني

‏أضيق, وأهرب لشباك الحياة, بـ داخل كْتاب
‏وأشوف بين أسطره عمر وْ غلافه عمْر ثاني

‏كذا الملامح, تشكّل -من تعابيري- لي حْجاب
‏كم ابتسم للمرايا وألمح الصورة تعاني !!

‏مغروس فـ أرض الأمل والياس للأحلام حطّاب
‏ما فز جذع امنيات إلاّ من جذوره خذاني

‏هذي سما الصبح حطّت يدّها فوق اكرة الباب
‏وأنا بصدري حكي يفنى على طارف لساني

‏واقف تلوّح كفوفي لـ السواد الراحل اسراب
‏سادر أدوّر أمل مرمي على أرصفة المواني

‏كذا الثلاثين عدّتني, وحيد أهلي, بلا احباب
‏وحيد حتّى: من ظْلالي, وصوتي والأماني !

‏ معتق الحزن دمعه نخب فاخر, ماله اكواب
‏مني وفيني يصبّ وْيشرب وْيثمل زماني
- وديع الأحمدي

قصيدة الصباح

عشانك تنكسف شمس الحياة وتستريح نجوم
ولا يبقى سوى ضيّك يلامس بالعتم ضييّ
‏- عبدالملك الخربوش

صباح الخير 🤍

‏" تفقدوا أحبابكم ولا تسلّموا لظواهرهم؛ فمنّا من يُبدي اتّزانًا وسرورًا وفي أغواره ما يشقّ على الرواسي حمله. تقرّبوا لله بجبر خواطر عباده، تلمّسوا الحوائج واقضوها برًّا وودًّا"

‏"يزهمني الحلم لا هودل حمام الصباح
‏والأرض تغري خْطاي وتبسط كفوفها

‏إنسان صالح، ومالي فالاوادم صلاح
‏وكل "أُمنية مستحيلة" كنّي أشوفها"
‏- خالد القصيِّري

" حبيبي رغم هول العذاب ، أدري انك لي:
‏بصيص الامل في رجعتك .. نور متماسك
‏َ
‏بترجع .. وترجع راحة أيدك تضم يديّ :
‏وأداعب عيونك قبل ما أداعب احساسك
‏َ
‏وأعلمك قبل الشمس تكسر بقايا الفيّ :
‏وقبل لا تصب الحلو والمر في كاسك
‏َ
‏عسى راسك من صدوف الايام يبطي حي:
‏لو جروح قلبي كلها .. من تحت راسك "

‏" كيف الصبح ما يلاقي في مجيّك إختيال ؟
إذا جبينك سناه .. وضحكتك أغنيته "

رهن كل الرحاب من الأماكن خطوتك لا انسقت
‏على كف النسيم اللي: ترقّبك، وترقّب له

‏تخيّر في الحضور ولا تفكّر في مكان و وقت
‏علي أبدى صباح اللي يجيب الشمس من قِبْله
- ماجد النفيعي

من شقوق الحنين ودورٍ امست خراب
‏دوّر النور في صدري على مهربه

‏⁦ ليل⁩ ⁦ واحساس⁩ ⁦ مابين⁩ الزعل⁩ ⁦ والعتاب⁩
‏واكثر احساس ينبش في الصدور أغربه

‏يا حبيبة عيوني طال ⁦ ليل⁩ الغياب
‏و الصباحات ماظني على مقربه

‏افتحي لي درايش وصل ماقول باب
‏وقولي الله عطاك النور هاك اسر به

وجهك⁩ ⁦ اللي⁩ ⁦ تماها⁩ ⁦ بين⁩ ⁦ شمس⁩ وسحاب
‏وشعرك اللي مسيل الشمس في مغربه

‏وان تثنّت على اللحن القديم الثياب
‏جنّوا ( الطار والمزمار والمطربه )

والله انك سراب وعارف انك سراب
‏و والله اني لا اصبه في يدي و اشربه

‏جيت ما ⁦ كن⁩ مرتني سنين الشباب
‏و ⁦ كن⁩ ⁦ مالي⁩ ⁦ حبايب⁩ قبلك و ⁦ تجربه⁩
- محمد العمري

من أجمل وأعذب ما قرأت

كل شوي اقراها واقول الله الله :(

:(