لكن الليل هذا... اصدقه أكذبه
ان جهلني يقينه صحت بالشك فيه
اعرفه قبل احرث الذاكرة واكتبه
قبل افلّ الجروح بسرمديّه واتيه
من طويله عرفت ان القصايد هبه
من قصيره عرفت الفرْح ماله شبيه
في سكونه حنين يرد لي اعذبه
صوت لـ أمي ويلبسني نعاس ارتجيه
في تهاويدها كان الزمان اصعبه
مايكفكف دموعي في دفا راحتيه
كنت طفلٍ قناديل السما موكبه
كـل مـالاح نجـم ٍ قلـت يُمه أبيه
يضحك العمر وسنين الصبا معشبه
واضحك احيان والذكرى عذاب النبيه
آتتبع شريـط الـذاكـرة و انتبـه
ماعرفني وانا اللي انتهي وابتديه
كم تهدج على درب الكلام أنسبه
صوتي اللي ذخرته للسؤال الوجيه
كان بيني وبين الطفل هذا شبه
ما غدا من تشابهنا تعبت احتريه
شيطنته وهدوءه فضته وذهبه
حلم غضٍ تلالا في دجى مقلتيه
اذكره مثل طيفٍ ماقطفت عنبه
واتبعه مثل دربٍ مارجيت اهتديه
المرايا تحاشى سيرة الأجوبة
في تفاصيل وجهٍ حيرته تحتويه
ليه تطفِي مفازة عمري المجدبة
روح طفلٍ تهادت في صبا العمر تيه
آه .. ياوجهه اللي ماقدرت اجذبه
من غيابات جب الذاكرة وأرتديه
- عبدالعزيز المخلّفي
ان جهلني يقينه صحت بالشك فيه
اعرفه قبل احرث الذاكرة واكتبه
قبل افلّ الجروح بسرمديّه واتيه
من طويله عرفت ان القصايد هبه
من قصيره عرفت الفرْح ماله شبيه
في سكونه حنين يرد لي اعذبه
صوت لـ أمي ويلبسني نعاس ارتجيه
في تهاويدها كان الزمان اصعبه
مايكفكف دموعي في دفا راحتيه
كنت طفلٍ قناديل السما موكبه
كـل مـالاح نجـم ٍ قلـت يُمه أبيه
يضحك العمر وسنين الصبا معشبه
واضحك احيان والذكرى عذاب النبيه
آتتبع شريـط الـذاكـرة و انتبـه
ماعرفني وانا اللي انتهي وابتديه
كم تهدج على درب الكلام أنسبه
صوتي اللي ذخرته للسؤال الوجيه
كان بيني وبين الطفل هذا شبه
ما غدا من تشابهنا تعبت احتريه
شيطنته وهدوءه فضته وذهبه
حلم غضٍ تلالا في دجى مقلتيه
اذكره مثل طيفٍ ماقطفت عنبه
واتبعه مثل دربٍ مارجيت اهتديه
المرايا تحاشى سيرة الأجوبة
في تفاصيل وجهٍ حيرته تحتويه
ليه تطفِي مفازة عمري المجدبة
روح طفلٍ تهادت في صبا العمر تيه
آه .. ياوجهه اللي ماقدرت اجذبه
من غيابات جب الذاكرة وأرتديه
- عبدالعزيز المخلّفي
كيف اخبّي الجرح لا طوّل سكوتي
واتظاهر بالفرح لامن بغيت ؛
وامي تْعَرف الحزن باطراف صوتي
ونجد تعرف ضيقتي لامن سريت
- صالح الهويملي
واتظاهر بالفرح لامن بغيت ؛
وامي تْعَرف الحزن باطراف صوتي
ونجد تعرف ضيقتي لامن سريت
- صالح الهويملي
اوهمتني ان الحب زادي وشربي
عشان تسلب مهجتي لذة العيش ؟
ما دام لك نيه على رد قلبي
شرّعت بيبان الهوى كلها ليش ؟
- صبح
عشان تسلب مهجتي لذة العيش ؟
ما دام لك نيه على رد قلبي
شرّعت بيبان الهوى كلها ليش ؟
- صبح
سرجت الروح عن صدر المكان ولا لقيت إعتاد
تحت جدب السنين اللي تمثنت ساقها داري
عن الصوت اتمادى وأخذ بلاد الظنون بلاد
عزاي إن خاطري قوسٍ يملّ ولا لقى باري
شفيف الخلد ماجادت يدينك والثياب حداد
جداك الصد عن سيفٍ قديم وخنجرٍ فاري
بعد ناديت ضحكات الحياة وجازت الأضداد
سكبت الريح؛ في كف الظلام وجيتها عاري
يجوز إن التعب.. ليلٍ يعنّ الواردات جياد
بعد طول الطريق اللي شعم في قبلته ناري
بعد وجهٍ خذا ريمه؛ وخلاها بدون شداد/
ضريرٍ لو يبيع الوصل ماجاك النوى شاري
حبيبي عادك النجم القديم إن صد ليل وْعاد
تحت جنحك أردد ضحكتي وأرتب اعذاري
خذيتك عن هزال الناس ويدين الظلام عناد
وكم مرت شهورٍ مانشدت بْها عن أخباري؟
ضميت الود وعيونك مناهل والسنين سهاد
على وين اتجه لو ضاع في سود الهدب ثاري؟
على وين أخذك برقٍ اشوفه عن ظماي قناد؟
_على قلبٍ عن عيون التجافي ماهو بْـ داري
على غيمٍ يمرره التعب لاجف حلق الواد
قبل لايسبر اغوار الصحاري، يسبر أغواري
على الطاري اقولك كذبةٍ بيضاء ولاتعتاد
ولاتعتاد اقولك كذبةٍ بيضاء على الطاري
تبعتك عن جفافي وابلٍ مقفي ولا الله راد
عسى لك عودةٍ فيها المزون تْبلّل؛ دياري
- محمد السلطان
تحت جدب السنين اللي تمثنت ساقها داري
عن الصوت اتمادى وأخذ بلاد الظنون بلاد
عزاي إن خاطري قوسٍ يملّ ولا لقى باري
شفيف الخلد ماجادت يدينك والثياب حداد
جداك الصد عن سيفٍ قديم وخنجرٍ فاري
بعد ناديت ضحكات الحياة وجازت الأضداد
سكبت الريح؛ في كف الظلام وجيتها عاري
يجوز إن التعب.. ليلٍ يعنّ الواردات جياد
بعد طول الطريق اللي شعم في قبلته ناري
بعد وجهٍ خذا ريمه؛ وخلاها بدون شداد/
ضريرٍ لو يبيع الوصل ماجاك النوى شاري
حبيبي عادك النجم القديم إن صد ليل وْعاد
تحت جنحك أردد ضحكتي وأرتب اعذاري
خذيتك عن هزال الناس ويدين الظلام عناد
وكم مرت شهورٍ مانشدت بْها عن أخباري؟
ضميت الود وعيونك مناهل والسنين سهاد
على وين اتجه لو ضاع في سود الهدب ثاري؟
على وين أخذك برقٍ اشوفه عن ظماي قناد؟
_على قلبٍ عن عيون التجافي ماهو بْـ داري
على غيمٍ يمرره التعب لاجف حلق الواد
قبل لايسبر اغوار الصحاري، يسبر أغواري
على الطاري اقولك كذبةٍ بيضاء ولاتعتاد
ولاتعتاد اقولك كذبةٍ بيضاء على الطاري
تبعتك عن جفافي وابلٍ مقفي ولا الله راد
عسى لك عودةٍ فيها المزون تْبلّل؛ دياري
- محمد السلطان
❤1
أحسْد النسيم العذب فـ مْلاعب الأغصان
وأنا كل يوم أقرب من البارح لْـ همّي
يشابه وقوفي لـ المشاريه والكتمان؛
رسالة مهمة .. طايحة في يدين أُمّي
على الذاكرة يغتاض من عِرفك الطوفان
ثبت، والقلوب تموت في مدحي وذمَّي
تمر الليالي، وأنت وجهك هو اللي كان؛
مثل ضحكةٍ من قلب ما بين أبي وأمي
- صالح بن حمد
وأنا كل يوم أقرب من البارح لْـ همّي
يشابه وقوفي لـ المشاريه والكتمان؛
رسالة مهمة .. طايحة في يدين أُمّي
على الذاكرة يغتاض من عِرفك الطوفان
ثبت، والقلوب تموت في مدحي وذمَّي
تمر الليالي، وأنت وجهك هو اللي كان؛
مثل ضحكةٍ من قلب ما بين أبي وأمي
- صالح بن حمد
لو يهوّل فـ الشعور، وصد عني صدّ عايف
ماقدر يمحي وجودي لو بغى عمره يعيده
والحنين يْشوّفه زولي لو انْ ماهو بشايف
فالزقاير ..
في زوايا غرفته ..
ماني بعيده :(
أدري اني كل ليله بينه وْبين الحسايف
يوم يذرفني دموع ويوم يكتبني قصيده
- نوف العثمان
ماقدر يمحي وجودي لو بغى عمره يعيده
والحنين يْشوّفه زولي لو انْ ماهو بشايف
فالزقاير ..
في زوايا غرفته ..
ماني بعيده :(
أدري اني كل ليله بينه وْبين الحسايف
يوم يذرفني دموع ويوم يكتبني قصيده
- نوف العثمان
يمر البال وجهك ويتسلل للعتيم النور
وتشرق شمس غير اللي على ميعادنا تشرق
وأنا لو ماخذيت إلّا الطواري والصبر: مأجور
يروح العمر، ولّا مايروح العمر: مايفرق
- فارس فايح
وتشرق شمس غير اللي على ميعادنا تشرق
وأنا لو ماخذيت إلّا الطواري والصبر: مأجور
يروح العمر، ولّا مايروح العمر: مايفرق
- فارس فايح
عسى دربٍ خذت رجلك عليه اقفايه و معواد
يفيض من النبات و يجري الما العذب بعروقه
مداهيله .. مراويح السحاب و غاية النشّاد
وظلٍ يرسم اشكال الطيور العابره فوقه
شعوري يوم اقصّر خطوتي و اطوّل المقعاد
شعور اللي طرق باب البخيل و ضاعت حقوقه
انا الضامي على ضفاف الفُرات .. الجايع فـ بغداد
انا المنفي عن بلاد العرب من غاب فاروقه
لا زلت احتاج وجهك .. لـ السهر لـ الشعر لـ الميعاد
وصوتك .. لجل احرّر عبرةٍ فـ الصدر مخنوقه
ياليت اللي مضى لي من عمر معك ؟ معك ينعاد
واشوف اللحظه اللي من شريط العمر مسروقه
وثوبك يوم يطرقه الهوى .. انا على استعداد
اعرف الغصن وش خالص ثمره و يانع عذوقه ؟
اقول اني بشوفك فـ المنام .. ان غبت كالمُعتاد
وانا حتى المنام اللي بشوفك فيه ؟ ما اذوقه !
- بدر بن ذنبوح
يفيض من النبات و يجري الما العذب بعروقه
مداهيله .. مراويح السحاب و غاية النشّاد
وظلٍ يرسم اشكال الطيور العابره فوقه
شعوري يوم اقصّر خطوتي و اطوّل المقعاد
شعور اللي طرق باب البخيل و ضاعت حقوقه
انا الضامي على ضفاف الفُرات .. الجايع فـ بغداد
انا المنفي عن بلاد العرب من غاب فاروقه
لا زلت احتاج وجهك .. لـ السهر لـ الشعر لـ الميعاد
وصوتك .. لجل احرّر عبرةٍ فـ الصدر مخنوقه
ياليت اللي مضى لي من عمر معك ؟ معك ينعاد
واشوف اللحظه اللي من شريط العمر مسروقه
وثوبك يوم يطرقه الهوى .. انا على استعداد
اعرف الغصن وش خالص ثمره و يانع عذوقه ؟
اقول اني بشوفك فـ المنام .. ان غبت كالمُعتاد
وانا حتى المنام اللي بشوفك فيه ؟ ما اذوقه !
- بدر بن ذنبوح
يمـّـه من سنين ماضرّوا ولآ سرّو
وأنا لي سنين كاشخ فيهم أحبابي
برّيت فيهم سنين العمر ما برّو
وكظمت غيظ السنين و قسوة عتابي
هبـّـت رياح الليالي ( همّ ) وأتعرّو
وقمت أنتخي بـ المواجع وأفصخ ثيابي
وأرمي بها ألبسوها ( عز ) و أتورّو
وأنا اببعد بعيد هناك لــ ( غيابي )
يمـّـه أبسألك أحبابي إذا ( ذرّو )
الملح في جفن عيني أعذر أهدابي ؟
أنا أعذره ع الدموع الزرق لآ خرّو ؟
وإلا ألوم الحبايب وأحسب حسابي ؟
البارحة كنت ضايق حيل ما ( طرّو )
ولآ حسبو لي حساب ولآ نشدوا مابي !
قعدت أراجع سنين العمر كم غرّو ؟
مافيهم اللي ركض لي ( يهوّن أتعابي )
يمــّـه .. إذا في صباح الجرح مامرّو !
متى يمرّون يا يمــّـه على بابي ؟
أجل حبايب ولآ ضرّوا .. ولآ سرّو ؟
وأنا لي سنين كاشخ فيهم [ أحبابي ]
- نواف الفهاد
وأنا لي سنين كاشخ فيهم أحبابي
برّيت فيهم سنين العمر ما برّو
وكظمت غيظ السنين و قسوة عتابي
هبـّـت رياح الليالي ( همّ ) وأتعرّو
وقمت أنتخي بـ المواجع وأفصخ ثيابي
وأرمي بها ألبسوها ( عز ) و أتورّو
وأنا اببعد بعيد هناك لــ ( غيابي )
يمـّـه أبسألك أحبابي إذا ( ذرّو )
الملح في جفن عيني أعذر أهدابي ؟
أنا أعذره ع الدموع الزرق لآ خرّو ؟
وإلا ألوم الحبايب وأحسب حسابي ؟
البارحة كنت ضايق حيل ما ( طرّو )
ولآ حسبو لي حساب ولآ نشدوا مابي !
قعدت أراجع سنين العمر كم غرّو ؟
مافيهم اللي ركض لي ( يهوّن أتعابي )
يمــّـه .. إذا في صباح الجرح مامرّو !
متى يمرّون يا يمــّـه على بابي ؟
أجل حبايب ولآ ضرّوا .. ولآ سرّو ؟
وأنا لي سنين كاشخ فيهم [ أحبابي ]
- نواف الفهاد
❤2