لك في قرى صوتي دعاوي وتسبيح ..
و وجهٍ لبس حزنه، وفسخ ثيابه
وأمٍّ تصحّي ضحكتك بالمصابيح ..
وطفلٍ يتمتم للتجاعيد "يابه"
ماخانك الماء يا غصوني، مع الريح ..
الماء عشانك خان حتى السحابة
حتى وهو طايح يقوّمك ويطيح
محدٍ حمل همه ولحدٍ درابه ؛
- عبدالله رشاش
و وجهٍ لبس حزنه، وفسخ ثيابه
وأمٍّ تصحّي ضحكتك بالمصابيح ..
وطفلٍ يتمتم للتجاعيد "يابه"
ماخانك الماء يا غصوني، مع الريح ..
الماء عشانك خان حتى السحابة
حتى وهو طايح يقوّمك ويطيح
محدٍ حمل همه ولحدٍ درابه ؛
- عبدالله رشاش
ماعاد فيها عشره وْلا به رْبوع
راحت حياتي كلها ادرَى واحاتي ..
طاحوا من عيوني على هيئة دْموع
وْ مسحتهم من خدّي ومن حياتي :(
- نوف العثمان
راحت حياتي كلها ادرَى واحاتي ..
طاحوا من عيوني على هيئة دْموع
وْ مسحتهم من خدّي ومن حياتي :(
- نوف العثمان
❤1
طويل البال، ويدينك ملاذ، ورمش عينك ظِلّ
سقى الله ضحكةٍ فيها ضحى عمري وميلادي
أمرك كني: إنسانٍ عليه من العيون، وْ زلّ
واتلّ خْطاي قدام الحقايق، وأطلق جيادي
على الوادي يمرّ الغيم، ويدين الجفاف تْملّ
ياوجه الغيم وين الماء ظمأ فـ غيابك الوادي
إذا ودك تسافر، "في أمان الله" وأنت بْـ حلّ
ولكن لا تقول إن الغياب، ولوعته: عادي
بلادي ما هي اللي وسطها عشت بْنعيم وظِلّ
أنا اشوف إن عيونك وجهتي ويدينك بلادي
- محمد السلطان
سقى الله ضحكةٍ فيها ضحى عمري وميلادي
أمرك كني: إنسانٍ عليه من العيون، وْ زلّ
واتلّ خْطاي قدام الحقايق، وأطلق جيادي
على الوادي يمرّ الغيم، ويدين الجفاف تْملّ
ياوجه الغيم وين الماء ظمأ فـ غيابك الوادي
إذا ودك تسافر، "في أمان الله" وأنت بْـ حلّ
ولكن لا تقول إن الغياب، ولوعته: عادي
بلادي ما هي اللي وسطها عشت بْنعيم وظِلّ
أنا اشوف إن عيونك وجهتي ويدينك بلادي
- محمد السلطان
❤2
يذوب الليل في حضن النهار و ينتمي للشمس
كأنه دمعةٍ سالت من الشوق و مسحتيها
- عبدالملك الخربوش
كأنه دمعةٍ سالت من الشوق و مسحتيها
- عبدالملك الخربوش
إلى اللقاء ..
المجتمع يشكي من صغار العقول
أعوذ بك يا رب ، من سوء القضاء
البعض مافيهم حيا ، فيهم فضول
وأنا ما عندي كبر !.. عندي كبرياء
أقول لظروف الحياة اللي .. تحول
بيني وبين ملامس .. عنان السماء
اللي علي ( الاجتهاد ) ! أما القبول
سبحان من يعطِ القبول لمن يشاء
لقيت في صمتي ، مفاتيح القفول
يوم أبتسم فالجهر وأحزن فالخفاء
مع إحترامي للمشاعر عرض طول
لا يوجد أجمل من شعور الاكتفاء
لو ان معاناتي من الظبي الجفول
تشبه معاناة العرب !.. في كربلاء
اللي إكتفيت بـ زولها عن كل زول
رغماً عن أنف الفاتنات من النساء
يا غايبه ما مر فصل من الفصول
ما قام لك قلبي بـ تجديد الولاء
أنا أدري إنك علتي من دون أقول
وإنّك بلاء الحب .. والحب إبتلاء
لكن طبيعي تنوجد فيك الحلول
الناس تستخرج من الداء الدواء
عزالله إن ماعاد لي .. قوّة وحول
إن ماكتب ربي على يدك الشفاء
من قلة الحيلة .. ومن كثر الحمول
كم لي وأنا آصارع على شان البقاء
وإن جيت أعبّر بـ الكلام وبـ الفعول
ما فادني حرفٍ من حروف الهجاء
ألّا إني أوقّف ، على أطلالك وأقول
إلى اللقاء ، إلى اللقاء ، إلى اللقاء
- عبدالله السراهيد
المجتمع يشكي من صغار العقول
أعوذ بك يا رب ، من سوء القضاء
البعض مافيهم حيا ، فيهم فضول
وأنا ما عندي كبر !.. عندي كبرياء
أقول لظروف الحياة اللي .. تحول
بيني وبين ملامس .. عنان السماء
اللي علي ( الاجتهاد ) ! أما القبول
سبحان من يعطِ القبول لمن يشاء
لقيت في صمتي ، مفاتيح القفول
يوم أبتسم فالجهر وأحزن فالخفاء
مع إحترامي للمشاعر عرض طول
لا يوجد أجمل من شعور الاكتفاء
لو ان معاناتي من الظبي الجفول
تشبه معاناة العرب !.. في كربلاء
اللي إكتفيت بـ زولها عن كل زول
رغماً عن أنف الفاتنات من النساء
يا غايبه ما مر فصل من الفصول
ما قام لك قلبي بـ تجديد الولاء
أنا أدري إنك علتي من دون أقول
وإنّك بلاء الحب .. والحب إبتلاء
لكن طبيعي تنوجد فيك الحلول
الناس تستخرج من الداء الدواء
عزالله إن ماعاد لي .. قوّة وحول
إن ماكتب ربي على يدك الشفاء
من قلة الحيلة .. ومن كثر الحمول
كم لي وأنا آصارع على شان البقاء
وإن جيت أعبّر بـ الكلام وبـ الفعول
ما فادني حرفٍ من حروف الهجاء
ألّا إني أوقّف ، على أطلالك وأقول
إلى اللقاء ، إلى اللقاء ، إلى اللقاء
- عبدالله السراهيد
❤1
حالة مزاجية ترتب لك البيت
حسب أمزجتها تنكتب لك قصيدة
مره يجيك البيت إليا تمنيت
ومره يضيع البيت ولا هو فقيدة
يا اللي تسب الحب وشلون سبيت ؟
هذا نعيمٍ بالحياة الشديدة
ينْسِيك همك كن ماهم لاقيت
وتعيش في ظله حياتك سعيدة
الحب ماهو عيب ان كان حبيت
العيب كل اسبوع عاشق جديدة
- عبدالله الحربي
حسب أمزجتها تنكتب لك قصيدة
مره يجيك البيت إليا تمنيت
ومره يضيع البيت ولا هو فقيدة
يا اللي تسب الحب وشلون سبيت ؟
هذا نعيمٍ بالحياة الشديدة
ينْسِيك همك كن ماهم لاقيت
وتعيش في ظله حياتك سعيدة
الحب ماهو عيب ان كان حبيت
العيب كل اسبوع عاشق جديدة
- عبدالله الحربي
غاب القمر واللي غيابه شحني
قبل القمر غايب ولا قلت له وين
ياليت صوتي زين ودي اغني
ياليل يا جامع على الود قلبين
تدرين يا اغلى من عرفت وطعني
ان طعنك اقسى من طعون السكاكين
قلتي لي انك بس ما قلتي اني
اللي تساوا عنده الزين والشين
اول طريق الحب ما يمتحني
الامتحان الصعب في الحب بعدين
نفس الشعور اللي فتني .. غبني
ونفس الكلام العذب صار الامرين
وشلون عينك شافت الذيب جني
رغم العداوه دايماً بين الاثنين
اوسع من حدود الخيال التمني
واصبر ما شفته فالحياه المحبين
ماصار فيني صار فيني ومني
حتى على خيبة ظنوني .. تمونين
لو اني ازعل كل ماخاب ظني
ماكان قلتي عني اللي تقولين
واجد علي … اللي تقولين عني
وواجد عليك اني معك لين هالحين
- جطلي بن فهد
قبل القمر غايب ولا قلت له وين
ياليت صوتي زين ودي اغني
ياليل يا جامع على الود قلبين
تدرين يا اغلى من عرفت وطعني
ان طعنك اقسى من طعون السكاكين
قلتي لي انك بس ما قلتي اني
اللي تساوا عنده الزين والشين
اول طريق الحب ما يمتحني
الامتحان الصعب في الحب بعدين
نفس الشعور اللي فتني .. غبني
ونفس الكلام العذب صار الامرين
وشلون عينك شافت الذيب جني
رغم العداوه دايماً بين الاثنين
اوسع من حدود الخيال التمني
واصبر ما شفته فالحياه المحبين
ماصار فيني صار فيني ومني
حتى على خيبة ظنوني .. تمونين
لو اني ازعل كل ماخاب ظني
ماكان قلتي عني اللي تقولين
واجد علي … اللي تقولين عني
وواجد عليك اني معك لين هالحين
- جطلي بن فهد
👍1
قصر بال، وشح وصل، وقل دبره
والسؤال اجاوبه بـ "ادري" و "مدري"
والله اني حاسدٍ مثقاب الابره
يومه اوسع للهواء من ضيق صدري
- محمد البندر
والسؤال اجاوبه بـ "ادري" و "مدري"
والله اني حاسدٍ مثقاب الابره
يومه اوسع للهواء من ضيق صدري
- محمد البندر