قصيده صباحيّه فاخره :)

‏أنا أدري : هموم الوقت .. لو ما جيتها !! جاتك
‏يكم خلّت بصير القلب .. من عقب البكا أعمى

مري حشاي و ينجبـر كل مـكسور
‏و يهـل مـن مـزن الـرجى كل حابس

‏ماني بـ اخاف الا مـن عيونك الحـور
‏لا سلهـمـت وّدع مـن القـوم فـارس

‏يا اطهر مقادير الهوى و اعذب شعور
‏ابيك واقـع .. ما اكتـفـي فيك هاجس

‏قومي و فجي حالك الليل بـ النور
‏الريــق من شـح المواصيل يـابـس !
- مشعل بن حثلين

ابي اعرف لمين هالأبيات تعبت ادور كاتبها

جميله جدًا

‏رحل صبر انتظاري؛ والتّوهم قَرْب
‏وذبحت الصدق أقلّط كذبة اشراقي !

‏جريمة عمري البارح: شعورٍ هَرْب !
‏زبن بال القصيد وهيّل أوراقي !

‏وأنا سيف الكلام فْـ خاطري له ضَرْب
‏يهيّضني أسلّ الصوت فـ آفاقي !

‏حبيبي، كم تشرّقتك وروحي غرب؟
‏وكم بين الشوارع غنّت أشواقي؟

‏تجي صبحٍ يبشّر هالمتاهة درب !
‏وألملم ما نثره الليل فـ أعماقي !

‏مداي: الذكريات اللي هواها طرب
‏وثراي: دموع تتهاوى من ارهاقي !

‏تعذّر لي؛ قبل ييبس ضميرٍ شرب
‏سرابٍ ما تبعْـه إلّا ظمى الهاقي

‏وتذيّر فـ الحنايا لا لحقْـك الكرب
‏وأهدّك راحة تطمّن سماء الشاقي

‏ولك منّي: شموخ العزّ بعد الحرب
‏وعمرٍ ما ثنى حزنه قدم ساقي !
- ياسر المفرّج

لا العمر جاهز بما يكفي لفوضى السنين
‏ولا سنيني تكفّي لاجل اعيش انتظار

‏و لاني بقدّ الحسافة ، و الصبر و الحنين
‏ولا الفراشة تعرف ان الظلام اختبار :)
- وارفه

‏هذا الطريق الي به الياس محفوف
‏يربكني ، ' وفيه الجزع محتويني '

‏نزفت به جرح ، ومواويل ، وحروف
‏عقب الحنين وضجه الفقد فيني

‏الله حسيبك يا حضن شالي الصوف
‏من الفقد، والترحال وينك وويني ؟

‏عنيت لو دربي كسر قاصر الشوف
‏البارح ، ودرب الجهْد مهتويني !

‏لا قلت من عقب المشاوير يا نوف
‏حطي يدينك في يدي واسمعيني

‏عرفت اعدل الميل وابدد الخوف
‏لو كان مل مْن التجافي حنيني

‏لو بان متخفي، وخفيّت مكشوف ؟
‏في داخلي ما يالف الجرح عيني !
- محمد منيف

يوووووه :(

جميله جدًا

‏عن سواتك يالردي يكرمون السامعين
‏عن مسامع خلق ربي ابستر ما خُفي

‏مرخصك فعلك لو ان ثوبك قماشه ثمين
‏كلبٍ اجرب ، لا حشا يكرم الكلب الوفي

‏شين وجه و شين فعل و ردى دنيا ودين
‏و لو تكرّمت بشهادة رخامه - ما تفي -

‏ماحزنّي غير قطفك لأعذب ياسمين
‏وماندمت الا على قلبٍ اشعلك و طفي
- مها

- هجاء لكل الرخوم -

"جعل من يكسر خواطر نظيفين القلوب
‏ ينكسر قلبه .. ويبطي مايلقى له دواء"
- آمييين

أعطيت من قلبي .. إلى حد الإسراف
‏واللي مضّيعني معــاك . . . إنجـرافي

‏كنت أتمنى بس! ... من باب الإنصاف
‏لو مـــرّة بعمرك! .. مـــعي كنت وافي

‏عن غيرك من الناس.. حبّيتك أضعاف
‏و بناظرك . .. ما كان هالحب، كــافي!

‏حتى الخطا لـ أخطيت ما كان ينشاف
‏كنت أستر أخطاءك ، بـ :عين التلافي

ما كنت أخافك، .. بس تجبرني أخاف
‏لين أنقلب ... مصدر أمــاني، مــخافي
‏
‏ما أقبح النكران .. . وإصرار الإجحاف
‏للي عليك الخيــر .. بـإيديه ضــــافي

‏ماني على ( طالع ) .. لياليّ ( عرّاف )
‏لكن معك كسري! . . . نـهاية مـــطافي

ليت البشر : مــخلوقه بـ قلب شــفّاف
‏يمكن، قبـــل نهوى . . نشوف الخوافي

‏واللي كذا بــــاديه .. . تـــــاليه ينعاف
‏بابٍ بـ : أصكه عن هبــوب الســـوافي
- عادل العصيمي

رااااائعه

‏" يا حبيبي يوم فلّ الليل لوعة ساهرينه
‏الصبح ما كان اخف الا جعلها سرمديّه

‏كل مابانت خيوط الشمس من شرق المدينة
‏ما ذكرت الا سنَاك .. وما فقدت الا مجيّه "

قصيدة تقراها للمره الألف وما تملّها