‏بعد حزن المساري في رحيلك والسنين عجاف
‏سريت، وخطوة اللوعه تباري خطوْ راعيها

‏يطول الليل وتطول القصايد والبيوت سهاف
‏طويت البعد، وامرك قصيده نلتقي فيها !
‏سريتك ، ليلةٍ ظلمى ' هزيل بْقلبي الخواف '
‏مشيت بخطوة التايه ولا ادري وش تواليها

‏يقولون الوطن، من دون معشوقك ترا ينعاف
‏نديمي، وانت ' هزيت المحاني من عراويها '

‏تسمرت الشعور ومرت طْيوفك خفاف لطاف
‏وقفت بناصية حلمي ولا ادري وش خوافيها
‏على اية حال ما طال الكلام ولا لحقك اجحاف
‏حبيبي وانت محبوب القصايد من مواريها

‏هنا ماتت عقارب ساعتي مابين طرق وقاف
‏هنا ملت.. سوافي الذاكره، من كثر ما اجيها

‏على نفس الرصيف
‏الي بقت به " ما عليك خلاف " ؟
‏هنا... جبت الشرايد كلها ، عن بكرة آبيها !
- محمد منيف

صباح الخير 🤍

وأنا باطهر مكان ما يراودني إلا شطر عبدالله الكايد لما قال :
"أعيش بك نيّة حمام ⁦اختار⁩ ⁦بيت⁩ ⁦الله⁩ حما ⁩"

تدور آلارض وْتمرّ السنين وتكثر آلاحزان
‏وانا للحين واقف عند حزنك، مِعلن حْدادي ..

‏ولا غرّتني الدنيا ومر الذاكره نسيان ..
‏وانا اذكر يوم موتِك زين وانسى يوم ميلادي
- نوف العثمان

فيه أبيات من قو تأثيرها عليك تجدد مشاعرك وتنفض روحك وتقراها للمرة المئة وكأنك أول مره تقراها

أبيات نوف مثال حيّ على ذلك

صباح الخير 🤍

‏فقدك الندى واول طريقي وصدر الدار
‏ياوجهٍ؛ لو تْملّ الصور منه.. ما أملّه

‏معك كنّي أخذ في فضى ليلتي مشوار
‏واجاذبك صبحٍ؛ يفهَق العمر عن حِلّه

‏عكفك الجفاف إن مرت الناس والزوار
‏شجر واديٍ كم مرّه الغيم ما بلّه؟

‏تساقط يباس وشرهته ماعليها غبار
‏اداري دقاقه، واتطّلع على جلّه

‏مواعيد صفحٍ مالها في دجاي أنوار
‏ياضحك العيون اللي تدوّر على الزلّه

‏أشوفك سحابٍ في مجيّه حيا وأمطار
‏وأشوفك مجي القوم والحرب والسلّه

‏وأشوفك نهارٍ ماتوارى عن الأنظار
‏ياعنّك إنّي أفضّل شموسه على ظِلّه

‏تعال إن بدأ لك في دروبي ضحى وديار
‏هذا الصدر مرتع؛ وأنت خابره وتْدله

‏معي وجه علم، وليلٍ أدلم وضيقة ثار
‏وأنا لا لمحتك يسري القلب عن غلّه

‏خذ اول شبابي عمر لاشحت الاعمار
‏وإذا كان مايكفي؛ فداك العمر كله.
- محمد السلطان

قصيده صباحيّه فاخره :)

‏أنا أدري : هموم الوقت .. لو ما جيتها !! جاتك
‏يكم خلّت بصير القلب .. من عقب البكا أعمى

مري حشاي و ينجبـر كل مـكسور
‏و يهـل مـن مـزن الـرجى كل حابس

‏ماني بـ اخاف الا مـن عيونك الحـور
‏لا سلهـمـت وّدع مـن القـوم فـارس

‏يا اطهر مقادير الهوى و اعذب شعور
‏ابيك واقـع .. ما اكتـفـي فيك هاجس

‏قومي و فجي حالك الليل بـ النور
‏الريــق من شـح المواصيل يـابـس !
- مشعل بن حثلين

ابي اعرف لمين هالأبيات تعبت ادور كاتبها

جميله جدًا

‏رحل صبر انتظاري؛ والتّوهم قَرْب
‏وذبحت الصدق أقلّط كذبة اشراقي !

‏جريمة عمري البارح: شعورٍ هَرْب !
‏زبن بال القصيد وهيّل أوراقي !

‏وأنا سيف الكلام فْـ خاطري له ضَرْب
‏يهيّضني أسلّ الصوت فـ آفاقي !

‏حبيبي، كم تشرّقتك وروحي غرب؟
‏وكم بين الشوارع غنّت أشواقي؟

‏تجي صبحٍ يبشّر هالمتاهة درب !
‏وألملم ما نثره الليل فـ أعماقي !

‏مداي: الذكريات اللي هواها طرب
‏وثراي: دموع تتهاوى من ارهاقي !

‏تعذّر لي؛ قبل ييبس ضميرٍ شرب
‏سرابٍ ما تبعْـه إلّا ظمى الهاقي

‏وتذيّر فـ الحنايا لا لحقْـك الكرب
‏وأهدّك راحة تطمّن سماء الشاقي

‏ولك منّي: شموخ العزّ بعد الحرب
‏وعمرٍ ما ثنى حزنه قدم ساقي !
- ياسر المفرّج

لا العمر جاهز بما يكفي لفوضى السنين
‏ولا سنيني تكفّي لاجل اعيش انتظار

‏و لاني بقدّ الحسافة ، و الصبر و الحنين
‏ولا الفراشة تعرف ان الظلام اختبار :)
- وارفه

‏هذا الطريق الي به الياس محفوف
‏يربكني ، ' وفيه الجزع محتويني '

‏نزفت به جرح ، ومواويل ، وحروف
‏عقب الحنين وضجه الفقد فيني

‏الله حسيبك يا حضن شالي الصوف
‏من الفقد، والترحال وينك وويني ؟

‏عنيت لو دربي كسر قاصر الشوف
‏البارح ، ودرب الجهْد مهتويني !

‏لا قلت من عقب المشاوير يا نوف
‏حطي يدينك في يدي واسمعيني

‏عرفت اعدل الميل وابدد الخوف
‏لو كان مل مْن التجافي حنيني

‏لو بان متخفي، وخفيّت مكشوف ؟
‏في داخلي ما يالف الجرح عيني !
- محمد منيف

يوووووه :(