لو كان قلبي في الهوى رحّال
بيغيّر الوجهة .. ويتّجْهك
لك حسن وجهٍ من يشوفه قال :
أنا بوجهك من حسن وجهك
- مشعل الزعبي
بيغيّر الوجهة .. ويتّجْهك
لك حسن وجهٍ من يشوفه قال :
أنا بوجهك من حسن وجهك
- مشعل الزعبي
ياوسيع البال ضيّقت الصدور
رحت ماعلّمتنى وين أنت ساري
فى غيابك مال خلق الله حضور
وفى حضورك مالهم بالبال طاري
ليه ماتختال يابدر البدور
والقصايد لك وصيفات وجواري
لك بنات الفكر ربات الخدور
يكشفن لثامهن والجرح عاري
جعل قلبٍ ماملاه الصدق نور
عند وجه الريح مايلقى مزاري
التغاضى عجز لاطال القصور
ليه أدارى وأنت بالوضع داري
الزمان (ا ) قصير والدنيا تدور
كل يوم يضيق فى عينى مداري
صاحبى محتاج لك شعر وشعور
وإحتياجى شى ماكان اختياري
من متى والغصن يختار الطيور
من متى والبال يختار الطواري
لاتسمى صمتى البارح غرور
انكسارى خلف هالصمت متواري
فى غياب الشمس وش ذنب الزهور ؟
والمطر لاشح وش ذنب الصحاري ؟
اللقا لحظات والغيبه شهور
تقصر الخطوات ويطول انتظاري
لو قريت المنكتب وسط السطور
ماكتبت لغلطة العمر اعتذاري
صمت هالمينا مثل صمت القبور
مارسى مركب ولا لاحت صواري
- متعب التركي
رحت ماعلّمتنى وين أنت ساري
فى غيابك مال خلق الله حضور
وفى حضورك مالهم بالبال طاري
ليه ماتختال يابدر البدور
والقصايد لك وصيفات وجواري
لك بنات الفكر ربات الخدور
يكشفن لثامهن والجرح عاري
جعل قلبٍ ماملاه الصدق نور
عند وجه الريح مايلقى مزاري
التغاضى عجز لاطال القصور
ليه أدارى وأنت بالوضع داري
الزمان (ا ) قصير والدنيا تدور
كل يوم يضيق فى عينى مداري
صاحبى محتاج لك شعر وشعور
وإحتياجى شى ماكان اختياري
من متى والغصن يختار الطيور
من متى والبال يختار الطواري
لاتسمى صمتى البارح غرور
انكسارى خلف هالصمت متواري
فى غياب الشمس وش ذنب الزهور ؟
والمطر لاشح وش ذنب الصحاري ؟
اللقا لحظات والغيبه شهور
تقصر الخطوات ويطول انتظاري
لو قريت المنكتب وسط السطور
ماكتبت لغلطة العمر اعتذاري
صمت هالمينا مثل صمت القبور
مارسى مركب ولا لاحت صواري
- متعب التركي
❤3
بعد حزن المساري في رحيلك والسنين عجاف
سريت، وخطوة اللوعه تباري خطوْ راعيها
يطول الليل وتطول القصايد والبيوت سهاف
طويت البعد، وامرك قصيده نلتقي فيها !
سريتك ، ليلةٍ ظلمى ' هزيل بْقلبي الخواف '
مشيت بخطوة التايه ولا ادري وش تواليها
يقولون الوطن، من دون معشوقك ترا ينعاف
نديمي، وانت ' هزيت المحاني من عراويها '
تسمرت الشعور ومرت طْيوفك خفاف لطاف
وقفت بناصية حلمي ولا ادري وش خوافيها
على اية حال ما طال الكلام ولا لحقك اجحاف
حبيبي وانت محبوب القصايد من مواريها
هنا ماتت عقارب ساعتي مابين طرق وقاف
هنا ملت.. سوافي الذاكره، من كثر ما اجيها
على نفس الرصيف
الي بقت به " ما عليك خلاف " ؟
هنا... جبت الشرايد كلها ، عن بكرة آبيها !
- محمد منيف
سريت، وخطوة اللوعه تباري خطوْ راعيها
يطول الليل وتطول القصايد والبيوت سهاف
طويت البعد، وامرك قصيده نلتقي فيها !
سريتك ، ليلةٍ ظلمى ' هزيل بْقلبي الخواف '
مشيت بخطوة التايه ولا ادري وش تواليها
يقولون الوطن، من دون معشوقك ترا ينعاف
نديمي، وانت ' هزيت المحاني من عراويها '
تسمرت الشعور ومرت طْيوفك خفاف لطاف
وقفت بناصية حلمي ولا ادري وش خوافيها
على اية حال ما طال الكلام ولا لحقك اجحاف
حبيبي وانت محبوب القصايد من مواريها
هنا ماتت عقارب ساعتي مابين طرق وقاف
هنا ملت.. سوافي الذاكره، من كثر ما اجيها
على نفس الرصيف
الي بقت به " ما عليك خلاف " ؟
هنا... جبت الشرايد كلها ، عن بكرة آبيها !
- محمد منيف
وأنا باطهر مكان ما يراودني إلا شطر عبدالله الكايد لما قال :
"أعيش بك نيّة حمام اختار بيت الله حما "
"أعيش بك نيّة حمام اختار بيت الله حما "
تدور آلارض وْتمرّ السنين وتكثر آلاحزان
وانا للحين واقف عند حزنك، مِعلن حْدادي ..
ولا غرّتني الدنيا ومر الذاكره نسيان ..
وانا اذكر يوم موتِك زين وانسى يوم ميلادي
- نوف العثمان
وانا للحين واقف عند حزنك، مِعلن حْدادي ..
ولا غرّتني الدنيا ومر الذاكره نسيان ..
وانا اذكر يوم موتِك زين وانسى يوم ميلادي
- نوف العثمان
فيه أبيات من قو تأثيرها عليك تجدد مشاعرك وتنفض روحك وتقراها للمرة المئة وكأنك أول مره تقراها