"مصيرك يا الجروح اللي كبرتي فـ الصدر تبرين
ومصيرك يا الكلام اللي ورى صمت الأفا تنقال"
ومصيرك يا الكلام اللي ورى صمت الأفا تنقال"
ماا جيت أسمّعك الكلام !.. اللي تبيه
جيت أودِع الذكرى القديمة فـ اللحد
خل ( الكلام الحاد ) .. والرأي الوجيه
يمكن يكون "الاعترااف" أقسى وأحد
ما كنت وجه وبس من ضمن الوجيه
إنسان !.. عاهدني على شي ، وجحد
أنت الشعوور اللي ما قد حسيت فيه
وأنت الكلام .. اللي ما قد قلته لأحد
- عبدالله السراهيد
جيت أودِع الذكرى القديمة فـ اللحد
خل ( الكلام الحاد ) .. والرأي الوجيه
يمكن يكون "الاعترااف" أقسى وأحد
ما كنت وجه وبس من ضمن الوجيه
إنسان !.. عاهدني على شي ، وجحد
أنت الشعوور اللي ما قد حسيت فيه
وأنت الكلام .. اللي ما قد قلته لأحد
- عبدالله السراهيد
❤3
امس مدري وين اوجه، يستفيق
يأسي الاول، وضيق بي مداري
كنت انا مسندك لا قامت تضيق
كنت في يمناي،
وش جابك يساري !
صاحبي السابق ترا خبرك عتيق
عفت طرد الحق مع رد اعتباري
لكن اذكر لو يجيني منك ضيق
عنك لومي استره ما كان عاري
ليه انا اكتب ؟ والشعر ما بل ريق
والعتب بيّن ، ولو كان مْتواري..
وماتت عذوق الوصل لا يالرفيق
الحطب ما طاح، ما طاح انتظاري
- محمد منيف
يأسي الاول، وضيق بي مداري
كنت انا مسندك لا قامت تضيق
كنت في يمناي،
وش جابك يساري !
صاحبي السابق ترا خبرك عتيق
عفت طرد الحق مع رد اعتباري
لكن اذكر لو يجيني منك ضيق
عنك لومي استره ما كان عاري
ليه انا اكتب ؟ والشعر ما بل ريق
والعتب بيّن ، ولو كان مْتواري..
وماتت عذوق الوصل لا يالرفيق
الحطب ما طاح، ما طاح انتظاري
- محمد منيف
قصيدة
أسرق لك مْن أوّل علاقتنا شغف ! واللي إلين الحين لك قلبه شغوف ؟ خلّي الظروف لْياشتهى القلب يْعْرف ماكانت تردّك عن الوصل الظروف ياما سرقت الشوف من عين الغُرف وياما على الشبّاك جيتي لاجل أشوف واللّي ماوقّف عند بيتك يرتجف ماجرّب شْعور الأمان بحضن خوف…
حتى القصيد مْن الجروح لْيانزف
حسب الوجع ماهو على حسب الحروف !
حسب الوجع ماهو على حسب الحروف !
ليالي عمرنا تحتاج راحة بال
تعبنا والليالي ماتجاملنا
سؤالٍ صعب لامن قيل كيف الحال
نخاف إن الإجابة ماتمثلنا
أمرك نجمةٍ تعقد مع السلسال
مراضاة الشعور إليا تزاعلنا
أنا الموطن إذا ودك وأنا الترحال
غرام اثنين والقمرا تكملنا
يا كم قلنا هي الفرقى على أية حال
ورجعنا كننا ناسين وش قلنا
- عبدالملك الخربوش
تعبنا والليالي ماتجاملنا
سؤالٍ صعب لامن قيل كيف الحال
نخاف إن الإجابة ماتمثلنا
أمرك نجمةٍ تعقد مع السلسال
مراضاة الشعور إليا تزاعلنا
أنا الموطن إذا ودك وأنا الترحال
غرام اثنين والقمرا تكملنا
يا كم قلنا هي الفرقى على أية حال
ورجعنا كننا ناسين وش قلنا
- عبدالملك الخربوش
الصمت بعد العتب واللوم يِبْكيني
لاترجع شفاي وتّمتم مواعظها !
ياغالية .. ردّي لدربك عناويني
أتعبتي العين من كثرة مْلاحظها
خذلت باسمي معاك اللي مسمّيني
ماظلّ للعقل معْك آراء يفرضها
لو يفتل الحب حبل يديك بسنيني؟
مايقدر الحظ بالكفّين ينقضها !
مرّيني أفراح ولاّ أحزان ، مريني
اللي تجي من عيونك؟ ماقدر أرفضها
وعيونك اللي على الضيعة تمشّيني
لاطاح ساق الجفون شلون ينهضها ؟
تعيش فيها الدموع اللي تعنّيني
مدري وش مسويّه لله وحظّظها !
عطيني أصعب معاركها وخلّيني
واخوضها من قبل ينقال لي خضها
ولا تخافين شي .. ولاتخافيني
طعناتك تْمرّ صدري ماتعرّضها
وشلون أضيّع يديك وتغفل يديني ؟
وانا كرامة ردي النفس حافظها !
والفرصة اللي معك كانت تْجرّيني
والله ماضيّعتها من شان أعوّضها !
مدري هكاليوم وش ضحّك معاديني
حتى الليالي بدت تنسى مروّضها
زعلْك هز السماء والارض في عيني
وارتاب لون الغروب ونام فـ أبيضها !
- أيمن الرويلي
لاترجع شفاي وتّمتم مواعظها !
ياغالية .. ردّي لدربك عناويني
أتعبتي العين من كثرة مْلاحظها
خذلت باسمي معاك اللي مسمّيني
ماظلّ للعقل معْك آراء يفرضها
لو يفتل الحب حبل يديك بسنيني؟
مايقدر الحظ بالكفّين ينقضها !
مرّيني أفراح ولاّ أحزان ، مريني
اللي تجي من عيونك؟ ماقدر أرفضها
وعيونك اللي على الضيعة تمشّيني
لاطاح ساق الجفون شلون ينهضها ؟
تعيش فيها الدموع اللي تعنّيني
مدري وش مسويّه لله وحظّظها !
عطيني أصعب معاركها وخلّيني
واخوضها من قبل ينقال لي خضها
ولا تخافين شي .. ولاتخافيني
طعناتك تْمرّ صدري ماتعرّضها
وشلون أضيّع يديك وتغفل يديني ؟
وانا كرامة ردي النفس حافظها !
والفرصة اللي معك كانت تْجرّيني
والله ماضيّعتها من شان أعوّضها !
مدري هكاليوم وش ضحّك معاديني
حتى الليالي بدت تنسى مروّضها
زعلْك هز السماء والارض في عيني
وارتاب لون الغروب ونام فـ أبيضها !
- أيمن الرويلي
❤1
أجاهر بك،
لأنك ما أنت ذنبٍ يرهق اللي تاب
أنا عبدٍ يخاف الله ولا قد جاهر ذْنوبه
أنا عبدٍ لقى فْـ قلبك سكينه كنّها المحراب
وكبّر به قبل يذنب.. وسلّم معلن التوبة
أحسب أن السنين أن طوّلت تستأذن الغيّاب
وتبدا تمحي آثار السوالف نوبه.. ونوبه
وعرفت أن الزمن ما يستحي وأن الأمل كذّاب
إذا ما هان جرح الآدمي؛ ما هان محبوبه
- صالح بن حمد
لأنك ما أنت ذنبٍ يرهق اللي تاب
أنا عبدٍ يخاف الله ولا قد جاهر ذْنوبه
أنا عبدٍ لقى فْـ قلبك سكينه كنّها المحراب
وكبّر به قبل يذنب.. وسلّم معلن التوبة
أحسب أن السنين أن طوّلت تستأذن الغيّاب
وتبدا تمحي آثار السوالف نوبه.. ونوبه
وعرفت أن الزمن ما يستحي وأن الأمل كذّاب
إذا ما هان جرح الآدمي؛ ما هان محبوبه
- صالح بن حمد