Cc : A+

سهرت الليل كلّه في رجا لقياك
وغلبني الجهد وانتصرت معاناتي

حسبت ان المسافه تقصر بطرياك
وتبدد وحشة الليل بـ مواساتي

حسبت اني ابسري للحلم ويّاك
وتلاشى حلمي وطالت مسافاتي

على دربك سعيت لشوفة محيّاك
معك .. حتى اللقا يلملم لي شتاتي

تنفّستك حياة وبتّ في دنياك
وظميتك عمر يا زمزم مسرّاتي

عرفت ان القدر مكتوب لجل احياك
وأصرّ امشي لك - بأربع تجاهاتي -

وش الدنيا اذا ما عشتها برؤياك ؟
تضيق أرضي وتذبل فالمدى ذاتي
- مها

اعتقد لو كان A+ انسان رحمني بعد هالأبيات

صباح الخير 🤍

قصيدة الصباح

" يا مترفه .. مالي بهالدنيا نديم
إلا : الندم .. اللي يعيش بداخلي "

" فيني من الخذلان ما الله به عليم
وما الخيبه إلا من - الحبيب الأولي -"

رااائعه

ما كفاك الوقت تغفر لي وتترفق بصدّي ؟
الزعل يكبر وانا احسب كم بياخذ من سنيني

ما زهدتك لو مسكت الشمس والقمرا بيدّي
و ما تمنّى غير يدّك تمسك - براحه يديني-
- مها

صباح الخير 🤍

قبلة الغربة ظلالك لو طوى البيدا رفيفك
يا حفيد الريح ما للنور صهوة في غيابك

خطوتك ذنب التراب اللي نفض وردك وريفك
وجهتك فوضى سوال الـ لاء عن موطن جوابك

لـ المنافي ميّلت لك غصنها وورق خريفك
لـ السواحل هيّلت لك صبحها واسقت سرابك

لـ المداين شرعت بيبانها واوحت حفيفك
لـ الشوارع فززت تهويدة الحلم فـ رحابك

تركض وتسال عن المجهول ويجاوب رصيفك
في ممرات الغلابة، للغلابة ويش جابك

ترفض تكون التشابه في خيالك في نزيفك
ثاير بوسط السواد وابيض الصوت اهتدى بك

بصبعينك كنت ترمي نرد غامض من شفيفك
نصب عينك شفت نردك يحترق قدام بابك

تنهل الذكرى وتحضن دمعتك يابس رغيفك
لـبتهالات المشاهد سال صبحك من ثيابك

كانت امك تسقي الهندول وترتل وحيفك
تشعل انشودة بلاد الحرف لا زاد ارتيابك

ذاب عمرك في يدين الامس والباكر يخيفك
والاماني سولفت للديم عن قصة يبابك

يا حفيد الريح سافر فالمدى وازرع رفيفك
في عيون النور دام النور موطن لغترابك
- وليد بن مانع

قصيده الصباح

ما عاد ادري وش اقتبس منها كل بيت يقول الزود عندي

قصيدة قراءه وحده ما تنصفها

كل صبحٍ مر دونك ؟ والله اني ما اهتني به
‏ينقلب نوره ظلام و تنعدم فيه السكينه
- ليالِ

‏انتي يا ( غيمٍ ) .. ما سبق وبله ارْعاد
‏حتى ( قليله ) !! ….. كثّر الله خيره

‏مِن مَر أرضي ….. والمخاليق حسّاد
‏شافوا ربيع الروح .. وشموا عبيره

‏حربي مع الدنيا .. بلا جيش و عتاد
‏ولا بيننا هدنه سوى ان جات سيره

‏عن قدرك اللي ثابتٍ / قرب و بعاد
‏ولا زحزحه كثر … الجموع الغفيره

‏وعن عطفك المخفي ورا ليلة سهاد
‏ناموا بها القاسين .. وانتي سهيره

‏وعن لطفك البادي على روس الاشهاد
‏ما كنّه مكفيّك … طهر السريره !!!

‏وعن قلبك اللي مخجلٍ كل الأجواد
‏ولا قد نطق .. عذر اليدين القصيره

‏كل من يحاول يغلبك طيب ؟ بالـ كاد
‏يوصل ربع ممشاك .. ويخلف مسيره :)

‏لك روح ترفه .. لكن عزومك شداد
‏منك ليالي الضيق صاحت … جهيره

‏كنّك وكنّ الهون / معنى .. للـ أضداد
‏كنتي على كِبر المواقف ؟ .. كبيره

‏يوم ان خساراتي مع الوقت .. تزداد
‏ما غير فقدك كان … ( فكره مريره )

‏متمرجحه في خوف ، يفنى و ينعاد
‏وكسبك أمانٍ .. ويش ابي شي غيره ؟

‏" في ناظري للشمس ، موتٍ وميلاد "
‏وبعيونك الثنتين .. منفى و ديره
- ليالِ

من أحب القصايد

" أنت خيرٍ جابه الله خصني به من عبيده
‏وأنت نعمة قلبي اللي كل ما ينبض حمَدها "

عرفتوا القصيده اللي ما تمل من قراءتها

هي ذي بالضبط

يمكن اذا مالت غصونك تقوّيت؟
‏واذا المشاعر بلّلت روحك اورقت؟!

‏ويمكن اذا حنّت عيونك وناديت
‏تحيا بك الدنيا و يحيى بك الوقت!

‏لا ينتهي عمرك على "خايف و ليت"
‏وأنا هنا كم لي من الحُب مـ اشرقت

‏انسى ألم ليلك.. وأنا عاد لو جيت
‏بانسى معك عمري كثر ماني اشتقت
- بدور