" الله يديمك على العز وعلى الطاعه
ياللي وجودك عن الدنيا ومافيها "

اطلعوا عليها في وقت فراغكم

اذا بتطلبون شي لا تقولون تكفين قلبي رهيّف

أنا في داخلي قلبٍ حسبته من غلاك اثنين
كبير اللي بصدري لك اذا تجهل أحاسيسي

حبيبي هالغلا يكبر و تكبر حيرتي بالعين
أنا ليلاك في قلبك ؟ لأنك بالهوى قيسي

حملتك بين ضلعيني على مبدا أحبك لين
تصير لقلبي الأقرب و لي أعذب نسانيسي
- مها

" تمنيتك وجيت أجمل من اللي كنت أتمناه
‏حظيظ القلب يوم إنك بلحظة صرت محبوبه

‏حبيبي والعمر بسمة شفاتك لو تقول الآه
‏أجمّع لك جيوش الحب ولو ضحكاتي مسلوبة "
#alrazan

من حيرتي بالشعور اللي تعدى الكلام
احس ما تكفي احبك وانا اقولها ..
- عبدالعزيز العبلان

" وانا اللي لا ذكرت إنك حبيبي ياحبيبي
‏مابقى فالأرض بسمه ما أبتسمها "

" احبك كثر ما ينسى زمانه مستريح البال
‏واحبك كثر ما قلب المسافر حن لترابه "

أنت الغلا لو مَر بالعمر غاليين
محدٍ قريب القلب وحدك قريبي

والعاشق اللي ضاع مابين الأمرين
أنت حبيب القلب؟ ولا حبيبي ؟
- الجادل

احبك من هنا حتى طلوع الفجر ..حد النور
صحيح انك قدر محتوم بس اجمل مقاديري
- مساعد الرشيدي

Cc : A+

سهرت الليل كلّه في رجا لقياك
وغلبني الجهد وانتصرت معاناتي

حسبت ان المسافه تقصر بطرياك
وتبدد وحشة الليل بـ مواساتي

حسبت اني ابسري للحلم ويّاك
وتلاشى حلمي وطالت مسافاتي

على دربك سعيت لشوفة محيّاك
معك .. حتى اللقا يلملم لي شتاتي

تنفّستك حياة وبتّ في دنياك
وظميتك عمر يا زمزم مسرّاتي

عرفت ان القدر مكتوب لجل احياك
وأصرّ امشي لك - بأربع تجاهاتي -

وش الدنيا اذا ما عشتها برؤياك ؟
تضيق أرضي وتذبل فالمدى ذاتي
- مها

اعتقد لو كان A+ انسان رحمني بعد هالأبيات

صباح الخير 🤍

قصيدة الصباح

" يا مترفه .. مالي بهالدنيا نديم
إلا : الندم .. اللي يعيش بداخلي "

" فيني من الخذلان ما الله به عليم
وما الخيبه إلا من - الحبيب الأولي -"

رااائعه

ما كفاك الوقت تغفر لي وتترفق بصدّي ؟
الزعل يكبر وانا احسب كم بياخذ من سنيني

ما زهدتك لو مسكت الشمس والقمرا بيدّي
و ما تمنّى غير يدّك تمسك - براحه يديني-
- مها

صباح الخير 🤍

قبلة الغربة ظلالك لو طوى البيدا رفيفك
يا حفيد الريح ما للنور صهوة في غيابك

خطوتك ذنب التراب اللي نفض وردك وريفك
وجهتك فوضى سوال الـ لاء عن موطن جوابك

لـ المنافي ميّلت لك غصنها وورق خريفك
لـ السواحل هيّلت لك صبحها واسقت سرابك

لـ المداين شرعت بيبانها واوحت حفيفك
لـ الشوارع فززت تهويدة الحلم فـ رحابك

تركض وتسال عن المجهول ويجاوب رصيفك
في ممرات الغلابة، للغلابة ويش جابك

ترفض تكون التشابه في خيالك في نزيفك
ثاير بوسط السواد وابيض الصوت اهتدى بك

بصبعينك كنت ترمي نرد غامض من شفيفك
نصب عينك شفت نردك يحترق قدام بابك

تنهل الذكرى وتحضن دمعتك يابس رغيفك
لـبتهالات المشاهد سال صبحك من ثيابك

كانت امك تسقي الهندول وترتل وحيفك
تشعل انشودة بلاد الحرف لا زاد ارتيابك

ذاب عمرك في يدين الامس والباكر يخيفك
والاماني سولفت للديم عن قصة يبابك

يا حفيد الريح سافر فالمدى وازرع رفيفك
في عيون النور دام النور موطن لغترابك
- وليد بن مانع

قصيده الصباح