أنا بوجه الزمان اللي يجيبك والنجوم شهود
‏تعال إن كان ما باقي وعود تعوّض الليلة

‏على طاري مدى ليل الموادع و العيون السود
‏جروحي لآخر أبيات القصيدة ما بها حيلة

‏إذا كان الحزن طاغي فأنا في ضحكتك موعود
‏فدا درب الوجع كانه يجيبك و ارتشف نيله

- عبدالملك الخربوش

" ماوحشتك ؟ ماوعدتك كل اغلاطك تزول
‏ياللي مبعد عني عينك وش بعد عينك بقى؟!

‏في ضلوعي لك خريف وفي عيوني لك ذبول
‏وفي يديني الف موعد ما معي له أي لقى ! "

يا صفوة و خيرة صدوف الليالي
ما حاشني من معرفتكم حسايف

يا اجمل الحزن .. لدموعك سلام
من حبيبٍ ... بقى منه الكلام
وين انا منك .. غربني الزمان
وخانني النور ... وابعدني الظلام
لو بعزيك ... سالت دمعتي
تدري الدمع في حبك ... حرام
لو بواسيك ... مايكفي الهوى
ولو أبي ... عذر مايكفي الغرام
أعطنى من عذابك يا البعيد
صرخةٍ ... تجعل ظلوعي حطام
آه ...لو في يدي أبكي معاك
قطرةٍ مادرى عنها الغمام
ماابخل الوقت ... يحرمني البكا
وانت لجلك حرمني الإبتسام
يا اطهر الحزن ... لو كان القصيد
يكشف الغم عن بدر التمام
لكتب الشمس شعرٍ في سناك
وامحي إمن السما...عج وكتام
ياعسى البدر نوره مايغيب
عن حبيبٍ بقي منه الكلام
- البدر

" هو ندى او دمع الي فوق خدّك؟
من جرح قلبك يا ورد الياسمينه؟

أنتِ اطهر من ردى جاهل يصدك
وأنتِ أجمل بنت بالدنيا حزينة "

تأملوا المعاني لأني عجزت اتخطاها والله

‏"يالله بـ حظٍ يطيب العمر من طيبه
‏يجبر كسور الزمن .. ويشيل عثراته"

أحب فيك العطف و الُّلطف و الَّلين "
‏و أحب فيك رضاك عقب زعلاتك "

" زعلان ؟ نرضيك و نزيدك رضا و ازود
‏و الحق تبشر به و تكفى لا تخاصمنا "

‏" يا ربي تدري اني لا جزوع ولا قليل جاه
‏ما دام الجاه جاهك و انت تمنعنا و تعطينا "

‏"والله إن القلب شفقٍ على بعض الأمور
‏ بس عندي .. عزة النفس حاجة ثانيه"
- مساعد الرشيدي

" تغشّاك قلبي تحت جنح المسا وأنقاد
‏كفيف ولقى كفٍ تداريه وتدله

‏نزع من تراب أرضه خيام وعَمد وأوتاد
‏لقى في ثراك أرضٍ وفي حلتك حلّه

‏على أني أباعد و اتمرجح رضى وعناد
‏أدور رضى الأحلام .. ما أدور الزلّه "

‏"أنا يا بعد وجهٍ ثبت و الزمن دوّار
الى الحين أحنّ لضحكتك و أنت ما تدري"

مشكلة الانسان مايدري بغلطاته
‏واذا درى فسر الموقف لمصلحته

‏الا النبيل ان سكت يتعبك بسكاته
‏لو ان الايام مدميته وجارحته

‏أعشقه واسهر على حبه ومرضاته
‏واتعبت حتى المجامل من مجاملته

‏إذا اعتبرني محطه من محطاته
‏أنا اعتبرته ( أنا ) من يوم قابلته

‏⁧ - تركي المشيقح⁩

‏" دخيلك ترفق ترا تحت الجلود قلوب
‏عثا فيها الزمان المرّ وخيّب هقاويها "

إن قلت وإن ماقلت و إن كان أبقول
‏مالي سـوى مضنون عيني مـلاذي

‏أفديه بالروح العزيـــزه .. وما نـول
‏و عيـوني الثنتين هـذي .. و هـذي

‏أشفق عليه و خاطري فيه مشغـول
‏شوفه مرام النفس للــروح عـاذي

- محمد الأحمد السديري

من عطا كونك رحابه
‏ماهو صعب يصك بابه
‏ويبعد ويرحل هناك
‏قادره احيا بلاك!
‏ربي خالق نفسي فيني
‏ما خلق نفسي معاك
- الجادل

وجع حب وجع شعر وجع شوق وجع ضيقة
 على كيفك وهاك اختار هذي سلة أوجاعي

غلا واسمع نزيف الجرح كلام الصمت ما طيقه
أنا محتاج أسولف لك عن أول وآخر أوضاعي

وابد لا يجرحك صوتي حياة الطير تحليقه
عليك الله يصير الكون والمسباق والداعي

أنا أصدق طير بالدنيا عشق حتى مسابيقه
ولكني بديت أذكر معاك أيام مرباعي

تعال أفتح كفوفك حلم.. وأموت بيوم تحقيقه
تعال أرسم بحور الشعر.. وكسر لو تبي شراعي

تعبت أفتش بدفتر وأحس بحزن تطبيقه
دخيلك غمض عيوني وخل الشوق لصباعي

أبي غيمٍ سرق ربعي ودللهم بتشريقه
أكون أول بشر مجنون تزوره بالعطش قاعي

حتى لو وهم تكفى أبي أتوهم بتصديقه
أبي ذات أبي مولد يوازي صرخة الناعي

أحس بداخلي عالم حرام أكتم مخاليقه
حرام أسكت وأنا صوتي نذر وجهه لأتباعي

يا أول قلب يبكيني وتبكيني مواثيقه
أنا أطباعي ما هي زينه ولكن هذي أطباعي

تغرب بي قوافل موت أقول العمر تشريقه
أعيش بشبه غيبوبة وأعرف ان الزمن واعي

أكمل لك وجع خوف ووجع فقر ووجع ضيقة
وعلى كيفك ترتبني حلالك يالغلا أوجاعي
- سليمان المانع

من أجمل القصايد اللي قريتها كل بيت يعادل قصيدة ❤️

‏"عسى السحاب اللي يسوق التباشير
‏يسقي قبور اللي عن العين غابوا"

" خذها مني
‏اللي ما همه كلامك
‏وما فزع لـحظة ظلامك
‏وخيّب الهقوه و صد
‏وفر شعورك وصوتك
‏لو تهمه كان رد ! "