اللهم صلِّ وسلم على نبينا محمد

الشمس راحت و المساء صار ضيفك
‏صب السهر في كاس الأحلام .. نصه

‏مالي بأحد لو مرني شوي طيفك
‏هذا السؤال اللي أبد ما يخصه

‏أرفض ربيع الغير و أشري خريفك
‏كلما أتمتم بالهجر جات غصة

‏قصقص جناحين القصيدة بكيفك
‏لكن شعوري بالهوى .. لا تقصه
- عبدالملك الخربوش

‏اللهم إني لا أعرفه وأنت خير من يعرفه وكما سخرتني للدعاء له سخر له الجنه وأهلها ، اللهم عوّضه شبابه ومافقَده في دُنياه بنعيم وقرة عين لاتنقطع اللهم عوضّه بأجمل مما كان يتمناه في هذه الحياه اللهم ارحمه واغفرله واعفو عنه واسكنه في فسيح جناتك

أشوفك والندى دمعٍ يبلل وجنة الشباك
تشاور لي تعال ادفى بحضني عن براد الشوق

ولا مني مسحت دموع شباكي وعجزت القاك
احس من البراد ان القزاز بعبرته مخنوق

واحس اني مع نفسي ونفسي تحسني وياك
وادور عني وعنك ولا القانا واناظر فوق

غدين القاك والقاني ورا نجمٍ بعيدٍ هناك
وادنق والسما غير الكواكب ما بدا مخلوق

وحشني وجهك اللي في صورك اشوفه بلياك
تعبت اقرا تعابيرٍ عجزت اسمع لها منطوق

عطشتك وانت قدامي ولكن ما قدرت ارواك
شربتك حلم من ياسي عشان اروي جفاف عروق

مع انك رحت ولا يمكن ترد تصدق استناك
واحس بنفسي لوصلك وهو ماهو بصاير توق

ولا شفت الندى دمعٍ يبلل وجنة الشباك
تخيلتك وراه وحاجبك عني ظما بشوق

- فيصل السديري

‏كم سهرت أكتبك من بعد الرحيل
‏و الليالي .. ما عليها لايمة

‏تاخذ جروحي دروب المستحيل
‏يوم روحي بالتوجّد شايمة

‏كانك بنعمة .. ترا ما هو قليل
‏جعل ضحكاتك بدوني دايمة
- عبدالملك الخربوش

" على بالي يجي طاريك وأحاول أعمي الأنظار
‏أخـاف الناس في عينـي تشوفك روح تحييها

‏تعبت أبرر شعوري .. و أدوّر للسكوت أعــذار
‏تعبت أهمس حروف إسمك خلاص أرجوك
‏بحكيها"

يأسرني قول مساعد الرشيدي عن حالة الرجوع شوقاً إلى المحبوب من بعد الجفا والزعل والعناد:
"من رد للجنة عقب صالي النار
حتى السموم يصير عنده برادي"

"تداريك عيني يوم تذرف مدامعها"
- باب ما جاء في الحنيّه

أنا بوجه الزمان اللي يجيبك والنجوم شهود
‏تعال إن كان ما باقي وعود تعوّض الليلة

‏على طاري مدى ليل الموادع و العيون السود
‏جروحي لآخر أبيات القصيدة ما بها حيلة

‏إذا كان الحزن طاغي فأنا في ضحكتك موعود
‏فدا درب الوجع كانه يجيبك و ارتشف نيله

- عبدالملك الخربوش

" ماوحشتك ؟ ماوعدتك كل اغلاطك تزول
‏ياللي مبعد عني عينك وش بعد عينك بقى؟!

‏في ضلوعي لك خريف وفي عيوني لك ذبول
‏وفي يديني الف موعد ما معي له أي لقى ! "

يا صفوة و خيرة صدوف الليالي
ما حاشني من معرفتكم حسايف

يا اجمل الحزن .. لدموعك سلام
من حبيبٍ ... بقى منه الكلام
وين انا منك .. غربني الزمان
وخانني النور ... وابعدني الظلام
لو بعزيك ... سالت دمعتي
تدري الدمع في حبك ... حرام
لو بواسيك ... مايكفي الهوى
ولو أبي ... عذر مايكفي الغرام
أعطنى من عذابك يا البعيد
صرخةٍ ... تجعل ظلوعي حطام
آه ...لو في يدي أبكي معاك
قطرةٍ مادرى عنها الغمام
ماابخل الوقت ... يحرمني البكا
وانت لجلك حرمني الإبتسام
يا اطهر الحزن ... لو كان القصيد
يكشف الغم عن بدر التمام
لكتب الشمس شعرٍ في سناك
وامحي إمن السما...عج وكتام
ياعسى البدر نوره مايغيب
عن حبيبٍ بقي منه الكلام
- البدر

" هو ندى او دمع الي فوق خدّك؟
من جرح قلبك يا ورد الياسمينه؟

أنتِ اطهر من ردى جاهل يصدك
وأنتِ أجمل بنت بالدنيا حزينة "

تأملوا المعاني لأني عجزت اتخطاها والله

‏"يالله بـ حظٍ يطيب العمر من طيبه
‏يجبر كسور الزمن .. ويشيل عثراته"

أحب فيك العطف و الُّلطف و الَّلين "
‏و أحب فيك رضاك عقب زعلاتك "

" زعلان ؟ نرضيك و نزيدك رضا و ازود
‏و الحق تبشر به و تكفى لا تخاصمنا "

‏" يا ربي تدري اني لا جزوع ولا قليل جاه
‏ما دام الجاه جاهك و انت تمنعنا و تعطينا "

‏"والله إن القلب شفقٍ على بعض الأمور
‏ بس عندي .. عزة النفس حاجة ثانيه"
- مساعد الرشيدي

" تغشّاك قلبي تحت جنح المسا وأنقاد
‏كفيف ولقى كفٍ تداريه وتدله

‏نزع من تراب أرضه خيام وعَمد وأوتاد
‏لقى في ثراك أرضٍ وفي حلتك حلّه

‏على أني أباعد و اتمرجح رضى وعناد
‏أدور رضى الأحلام .. ما أدور الزلّه "

‏"أنا يا بعد وجهٍ ثبت و الزمن دوّار
الى الحين أحنّ لضحكتك و أنت ما تدري"