تضحكين و تمتلي الدنيا رحابه
‏و تزعلين و ينكسر خاطر سنيني

‏يوم مريتي على هيئة سحابه
‏كنت أحاول أجمعك داخل يديني

كيف أبلجأ للقصاید و الكتابه ؟
‏و أنتِ أجمل ما رأيت بأم عيني

‏يالسؤال اللي كسر ظهر الإجابه
‏یا صدى صوتي و أنا ما قلت ويني

استحلي خاطرٍ ما صك بابه
‏اعتبرتك بالهوى منّي و فيني

‏نختلف في كل حاجة و نتشابه
‏وش أبي أكثر لو إنك تحضنيني ؟

كان هذا العمر يفنى بالكآبه
‏وش أسوي و الزمن يسرق حنيني

‏لو لمستي الشمس ما غابت مهابه
‏عاد کیف إن جيتي مرة تلمسيني ؟

مرّ طيفك .. قال قلبي : يا هلا به
‏أنت أكثر شك يستاهل يقيني

‏سامحيني .. و العطش يلحق سرابه
‏و إن قدرتي طول عمرك سامحيني

دايم أهرب و أختبي خلف الكتابه
‏العتب لـ مرايتك و إلا لـ يديني ؟
- عبدالملك الخربوش

"كملت دوني وعشت باقي حياتك
‏وانا هقيتك لي بترجع من الشوق
‏
‏في غيبتك ما تنقص الا غلاتك
‏الدنيا ما توقف على فراق مخلوق"

‏أسرق لك مْن أوّل علاقتنا شغف !
‏واللي إلين الحين لك قلبه شغوف ؟

‏خلّي الظروف لْياشتهى القلب يْعْرف
‏ماكانت تردّك عن الوصل الظروف

‏ياما سرقت الشوف من عين الغُرف
‏وياما على الشبّاك جيتي لاجل أشوف

‏واللّي ماوقّف عند بيتك يرتجف
‏ماجرّب شْعور الأمان بحضن خوف !

‏كم قلت مايوصِل وقوف المنتصف ؟
‏لكن وانا قلته تعمّدت الوقوف !

‏ليت الملام يْجبّ خيبات الطرف
‏الأيسر بصدري ، بزفرات الحسوف !

‏رزين ، لكنّه قبالك ؟ يستخف
‏قاسي ، ولكنّه على عينك ؟ يروف

‏والله لو ان الحب في قلبك وقف
‏يكفي يردّك طيف من كلّ الطيوف

‏اللي جنيت مْن التعب؟ مع الاسف
‏من نفسه ورب المقادير مْخلوف

‏أكبر من إبرة جرحي خيوط الصدف
‏اللي على حجم إبرتي خيط الصدوف !

‏حتى القصيد مْن الجروح لْيانزف
‏حسب الوجع ماهو على حسب الحروف !
- أيمن الرويلي

‏" لك الله ياقلبٍ ليّا ذعذع النسناس
‏مايطري عليه إلا مداهيل خلّانه "

صباح الخير 🤍

الفجر يمحي بقايا ليلة البارح
‏ياخذ من الليل لا حاسب ولا سمّا

‏شرد المعاني تذوب بسكرة السارح
‏لو إنها بالسوالف صخرةٍ صمّا

‏للمنجرح ملكوتٍ يغبن الجارح
‏والليل يتلو عليهم من جزء عمَّ
- عبدالملك الخربوش

‏" قم نمسك النور، نتهجّاه من أوّله
‏ونقرا ملامحك فجر ٍ ما يمرّه عتيم"

‏"لو شلت هم المسافة لا تكمّل معاي
‏أنا دروبي طويلة، وأنت حافي قدم"

"‏يارب نفسٍ نديه لو تجففها الحسايف ماتجف"

‏تشبه لـ صبحٍ تمادى و وردٍ ما ذبل
‏و شجرةٍ من طيب خاطر تظلل فاسها
‏- محمد السلطان

‏ولا الشك يدخل بيننا يا هوى الميعاد
‏انا شوف طلة مبسمك غاية مرادي

‏اذا كان،
‏حضنك عن هجير ' البعاد بلاد '
‏انا كيف ابهجر ضحكتي واترك بلادي !
- محمد منيف

وداعك شوق وفراقك جفاف وذكرياتك جيد
‏ونسيانك مثل : كذبه تشيخ فـ بال قايلها
- خالد حسن

‏" جعل قبرٍ ضم جسمك و غطّاك
‏روضٍ من الجنّة تمايل زهوره"
آمين آمين

اللهم ارحم عبدك ⁧ #محمد_الفوزان⁩ وعوض شبابه بالجنة، اللهم ثبته عند السؤال وتقبله قبول حسن

صباح الخير 🤍

"معك للضحك نور ولإنكسارات النخيل ظلال"

" سرقني مثل ما يسرق هدب عيني لذيذ نعاس
‏وأخذني مثل ماحوله خذت رجلي على السكّه

‏على وجهه يدور من العجب دهشه وحبس أنفاس
‏تشك إنه ملاك ولا إبتسم ما تلحقه شكه"

"يا أغلى من الرزق الحلال اللي تجمّع من شقى
وأصدق من دموع اليتيّم اللي تساقط من قهر "

‏"على وجهٍ لو الدنيا تشتتني غياب وخوف
‏أشوف بضحكته نورٍ يشتت عتمة الظلما"