‏"واجعل لنا من باب يسرك تساهيل
‏مدّات جودك نستمد بمددها"

‏"الرحابه يوم أدوّر للرحابه
‏يوم صدري ضاق بالجرح وزهابه

‏والله إِنها عند ربي جلّ ربّي
‏ما قفل عن حاجة المحتاج بابه

‏ادلهي ياعين و يانفس استكنّي
‏الليالي غيبها .. ما يندرا به

‏ما تضيق الا و عند الله فرَجها
‏والعجاج الصلف تقفاه السحابه"

‏"ليه تبخل بالشعور وبالكلام
‏وماورى حلو الكلام إلا أجر ! "

‏"ولاتحزن إذا ماباقي إلا يديك في مخباك
‏نصيبٍ كاتبه ربي يجي لك غصب بيجي لك

‏ولاتحزن لو أصحابك ورى ظهرك تصير أعداك
‏ورى ظهرك بتلقى ناس تفرح لك وتدعي لك

‏ولا تحزن على عثرات عمرك جعلها تفداك
‏تشوف القادم أجمل كل ماتوقف على حيلك"

‏"لو شحّت نجوم ليلك.. لاتحايلها
‏لاترجي الليل نجمه.. والقمر باكر

‏تنتظرك أشياء كثيرة ماتخيّلها
‏بعد التعب مالك الا طيبة الخاطر"

‏"ودك تحطه فالعيون من العيون
‏وتبسط على رمض الثرى يمناك له

‏وتظلّه من الشمس في ظِل الجفون
‏ولا يمر إذنه سوى .. لبّاك له "

" مرّت مثل " يمه " على لسان اليتيم
‏أقرب من أنفاسك و هي يا بعدها "

‏" ذلني الشوق يالقاسي اللطيف
‏ولحظة الوصل .. من صدّك تخاف "

"من حب من قلب ما هوّن
‏لو طال بعده عن أحبابه"

"كل ضحكه مرت الليله قليله
‏ماخذه من كثرة اوجاعي مرضها

‏هيّ " ليله " عدت احزاني وليله :
‏كنها من حزنها تاكل بعضها "

تعال وتذرّى بين غصن الرجا.. والياس
‏تحت جذع صدري لين توقف على حيلك

‏بَعدها تعرف إن الذهب ذاك كان نحاس
‏ولا فيه أحد كثري من الناس.. صافي لك

‏إذا باعك اللي ما رحم قلبك الحسّاس
‏تلفّت وتلقى شمعة القلب تضوي لك

‏على سور قلبي لا تغرّك جموع الناس
‏ترى ما ورا بيبانه.. إلا مداهيلك
- غازي مشعل

"ودك اليامن جاتك الغلطه من الناس القراب
الصاحب اللي ماكسبت محبته.. ماتخسره"

"جفني وجرّحه السهر ، حيلي وهدّته الصعاب
دمعي هدر ،ضحكي ندر،عمري وضيعت أكثره"

نسيتني ؟ علمني الليلة انساك
انا عجزت أفارق نجوم ليلك

كل ما بغيت امشي طريقي لفرقاك
القى الطريق يحنّ ويردني لك

وين الفراق اللي لو امشيه ما القاك
تعبت ادور درب ماينتهي لك

تذكر مكان أول لقى ؟ خذني هناك
بنسى الليالي اللي قضينا دخيلك

اشتقت اعيش ايام عمري بلياك
عزت علي نفسي كثر ما اشتكي لك

لو تقدر الليلة تخليني أنساك
حاول تساعدني وما انسى جميلك
- فهد المساعد

" جابني يمّك حنيني ما نساك
قام ينشد عنك شوقٍ بي يصيح

من عذاب البرد جيت أبغى دفاك
وأثرك بصادق حنينك لي شحيح"

‏ "ما قلت لك؟
‏أشيائي الحلوه قليل
‏وإنك احد أشيائي الحلوه
‏ وما قلت لك أشياء ثلاثه باقيه
‏وإنك مثل حزني قدر
‏وإنك مثل ليلي سهر
‏وإنك عُمر .. والعمر مره بالعمر"

" وإن غاب صوتك بتبقى سيرتك حيّة
‏ما كنت عابر عشان تمرّ بي عابر

‏يا أجمل حديث الغياب ويا طواريّة
‏يا كسري اللي عجزت القى له الجابر "

" أذكر إني كنت أخاف من الغياب
‏المخيف : إني بديت أتعوّده "

" من ينكرون الجمايل لايهمونك
‏وردود الأفعال منهم .. لا تغاربها

‏حتى لو أعطيتهم وحدة من عيونك
‏قالوا : هذي عينه اللي مايشوف بْها "

‏" لو شفت في صمتي ملامح قساوة
أنا ورى صمتي حنين و رجاوي"

أنا حبيبي بسمته تخجل الضي
يكسف سنا بدر الدجى من جبينه

راعي العيون الناعسه رمشها فّي
وإن سلهمت ذاب الحشا من حنينه

له نظرةِِ لا هي سَرابٍ ولا مَيّ
راعي الهوى تفنى وراها سنينه

نور الصبايا .. بسمة الدّار والحيّ
نوره ولا شمس الضحى تستبينه

دامه معي أغلى الحبايب فأنا حّي
بالقلب أضمّه يوم قلبي ضنينه

له في ضميري من لهيب الوله كي
روحي معه عذب المناجى رهينه

ياصاحبي لا تنشد الروح عن شيّ
أنا حبيبي .. نور كل المدينه
- البدر