أنا ( نسيتك ) بس دوبي ذكرتك
‏يومي شملتك بالدعا .. لا إرادي
- ريم الرشيدي

كانت الشرهة على قد الغلا
‏و صرت لا غالي ولا قد الملامة

‏و كان لا قبلك ولا بعدك ولا
‏عابرٍ بالصدر .. طوّل في مقامه

‏يا هلا بقربك .. و في بُعدك هلا
‏رافقك جرحي و رافقت السلامة

‏راح تذكرني إذا بالك سلا
‏يوم ريقك جفّ مريتك غمامة

‏لا تجي بعدين لو صدرك خلا
‏ما بقى في ثغر الأيام ابتسامة
- عبدالملك الخربوش

‏سمّح الله دربك رح فمان السواد
‏في تهاتيه ظلمات الندم والمصير

‏رح فمان المساري والشعر والسهاد
‏رح فمان الخطايا والشعور المرير

‏رح فمان الندم والخوف والانقياد
‏رح لعل الحداد يطيب منه الضمير

‏رح والايام رحله والحسايف مداد
‏والقصايد نديمك لا نويت المسير

‏رح ولا ظني بتلقى لجرحك ضماد
‏وْلانت لاقي جبر لا صرت بكره كسير

‏كنت الانسان يوم الناس مثل الجماد
‏كنت همّال يوم الناس قيض وهجير

‏كنت روح الصباح وكان صدرك بلاد
‏كلّن بنور روحك يامن ويستنير

‏وانت لو كنت تزرع وش يكون الحصاد ؟
‏وارضهم بور / والافواه تلفظ سعير

‏ما ترك ظلمهم في تجربَتْك اعتقاد
‏وغادي الروح ما يعرف ولا يستشير

‏اشعل الرغبه ْبصدرك وْعن الجياد
‏واقطع البيد وادرك بإن قدرك كبير

‏وامنياتك لو تمرّك بثوب الحداد
‏انسها لو تهاوى منك شي ٍ كثير

‏ترجي ان السنين الماضيه ما تعاد
‏وارجي انك م تغرق في ظلام المصير
‏- صالح الهويملي

من القصايد الممتعه ، رائعه فعلًا

صباح الخير 🤍

‏كنت أحب الصبح
‏وأجواء المدينه
‏وأعشق العصفور
‏لا غرد وبَكّر

‏لين حارت فـ
‏الصباحات السكينه
‏وأصبحت تشرق
‏على شان أتذكّر
- إبتسام الشمري

" كان الأمل أنّي مع الوقت بنساك
يا ما نسيت آمالي ... ولا نسيتك "

لا فرحة الناس مسروقة من افراحك
‏ولا تنقّص سعادتهم ، من سنينك

‏وارزاقهم ماهي بتوخذ من ارباحك
‏و لا نجاحاتهم ، تُسلَب من ايدينك

‏سلام روحك ، يداوي خافي جراحك
‏ركزّ على خطوتك ، تاصل عناوينك

‏افرح لـ غيرك ، و بيد الله مفتاحك
‏واطلب من الله فضله ، بينه وبينك
- وارفه

ودني لغيابك اللي ياخذك مني حسايف
‏خلنا نتقاسم الأشواق أو ننهي عتبنا
- سعود العبدالله الفيصل

‏"الرب" يعلم قدر.. الاحزان عندّي
‏رحتي و"حاصرني شعور الندامة

‏عندي (بحر ثامن) هِنا فوق خدّي
‏من قلبي اللي صدق غرة غرامة

‏مديت لـ "ايامك" من الشوق يدّي
‏وقلت "السلام" وقالت مع "السلامة"

‏حزني يقرّب كل ما 'اعطيه' صدي
‏شكل الحزن... ماعاد عنده كرامة

‏والفرحة اللي راحت ..وجات ضدّي!
‏يارب ترجع قبل يوم القيامة !!

‏وصلت فـ(الآلام) والهم حدّي
‏حتى بديت استغرب "الابتسامة"
- تركي مطر

صباح الخير 🤍

بيت مواساة لكل بكّايه :)
‏" دموعك الطاهرة لو تلتقي بالفرات
‏من كثر ماهي عذبه.. تستحلّ النهر "

آخر عباراتي وداع .. آخر مشاويري رحيل
جيتك وبي لفحة ضما واقفيت كبدي ناشفه

أصعب كلام أصعب خبر صرخه عقب صمتٍ طويل
مثل الهدوء اللي سبق لحظة هبوب العاصفه

وأنتي بمتناول يدي تبدين مثل المستحيل
في عشرتك صوت العقل يقتل طموح العاطفه

الحب ما هو كل شي إليا وقف حظٍ بخيل
قلوبنا مثل العسل بس الظروف مصالفه

لا للندم ..لا للعتب .. أوشي من هذا القبيل
وأنتي ماجا منك خطا حتى تقولي آسفه

من غير ليه استسلمي واستلهمي صبرٍ جميل
ولاتسأليني وش جرى مالك بطول السالفه

قولي لهم يا عزوتي ماعابنا موت النخيل
اللي يوافيها الأجل وتموت لكن واقفه
- مساعد الرشيدي

في عشرتك صوت العقل يقتل طموح العاطفه

يا لطيييف !

صباح الخير 🥰🥰

.

" عسى هذا الشعر ما يكسر أقلامي "

مختصر الكلام قاله سعد بن جدلان في
: أنت تبغى زبدة العلم والشي الأكيد ؟
أنت في كونٍ لحاله وخلق الله بكون

ذكره فـ بالي كان من داعي حنين
والحين ؟ ياتي لكن بداعي " قرف "
- مها

مجاراةً لهذا البيت :