" ‏ياحزن نفسي على شيٍ تبيه
‏دايم يدين السعادة باخله

‏المكان اللي يبكّي ! لا تجيه
‏لو ضحكت بذكرياتك داخله "

" انا لا اشتقت غصباً عن شعوري ضقت
‏و سرقت من السهر نجمة
‏و من وجه الفرَح بسمة
‏لو دموعي تسابقني..
‏و لو ما طقت ..

‏وعد ، لو ليلة القاهم
‏ابقضي العمر ويّاهم ..
‏و بنسى من الجفا وش ذقت .. "

" كل ما غنّت لك عيوني : أبييك
‏قالت ايديني و انا مثلك بعد "

" ‏غلطتي حطيت عمري في ذراه
‏و خطوتي ماعاد لي عنها رجوع

‏ذنب قلبي باع غيره و اشتراه
‏و ذنبه انه ما حفظ ما بالضلوع "

" يقبل و احس ان الرجا فيه ماخاب
‏يقفي وانا ماني بضامن رجوعه .."

" أنت عزٍّ فيه جابهت السنين
‏و انت شمسٍ ما ابي عنها ظلال "

" كم لي أجي ميّت ولَه عند بابك
‏و ارجع وانا ذابل مثل قلبي الورد

‏اوّاااه ، ليه البرد لا مرّ جابك ؟؟
‏يمكن لأنك بالقسى تشبه البرد ! "

" ‏أبي تسمح لي اكتب لك كلامٍ ماله اية حد
كثير من الحكي ساكت ولا تدري عن الأسرار

‏أنا من صفوة أيامي بغيتك لو زماني اشتد
وأنا في ذروة أيامي نصيتك و الأماني كبار"

" ان كان حبي لك هو اعظم خطاياي
‏ماقول يانفسي عن الحب توبي

‏اجمل خطاي وآخر حدود دنياي
‏واصدق معاذيري واطهر ذنوبي "

" الحب فرصة و فرصتي بين اياديك
وما دام قلبك راضيٍ جيت ابادر

‏ راحت ذنوبي احلف إني ما احاكيك
و أرجع بشوق أحكيك والله غافر !"

‏"كني انزع ضلع صدري من مقرّه
‏ يوم أقول الله يسهل له طريقه "

"تطيح الدمعتين ثقال و يحسبها البعيد خفاف
‏وأشوف الوقت ياخذ من يديني معظم أحبابي

‏و أشوف الليل يغتال النهار بظلمته و أخاف
‏تصاحبني الظروف الظالمة و تصاحب أبوابي"

‏" يا أقرب من البعد و أطهر من زمانك
‏يا أصدق الهقوات في عيني و ظنّي "

" كم جابني الشوق ملهوفٍ على بابك
وأنا أردع النفس في بعدك وأعزيها "

"والله أنه ما لحقني من ورا عرفك حسافة
خيرة أفضال السنين المقبلة والأوليّة "

‏"لا يا بعد ناسي ومن لي وظلي
‏يا مالكٍ قلبي بميثاق وعهود

‏شمسك تشع وشمس غيرك تولي
‏وبابٍ لغيرك قافلينه ومردود

‏وشلون أبَقوى حب غيرك وانا اللي
‏يهديلك الأفراح بأيامه السود"

"يالله عسانا من الضيقات في معزل
‏واذا خسرنا عسى ما نخسر الغالي"

‏"يا قلب لا تظهر خوافيك للنَّاس
‏يكفيك من يعلم جميع الخوافي"

‏"واجعل لنا من باب يسرك تساهيل
‏مدّات جودك نستمد بمددها"

‏"الرحابه يوم أدوّر للرحابه
‏يوم صدري ضاق بالجرح وزهابه

‏والله إِنها عند ربي جلّ ربّي
‏ما قفل عن حاجة المحتاج بابه

‏ادلهي ياعين و يانفس استكنّي
‏الليالي غيبها .. ما يندرا به

‏ما تضيق الا و عند الله فرَجها
‏والعجاج الصلف تقفاه السحابه"

‏"ليه تبخل بالشعور وبالكلام
‏وماورى حلو الكلام إلا أجر ! "