🤝
🇺🇿 O'ZDJTU

🇺🇿 "TARJIMONLIK" fakulteti

SEYSMIK KOMPANIYA BGP VAKILLARI BILAN UCHRASHUV TADBIRI O‘TKAZILDI

"Ingliz tili tarjima nazariyasi" kafedrasi tashabbusi bilan talaba-yoshlar uchun seysmik sohada faoliyat yurituvchi BGP kompaniyasi vakillari ishtirokida uchrashuv tashkil etildi.

✅Tadbir davomida kompaniya mutaxassislari talabalarga seysmik tadqiqotlar sohasining dolzarb yo‘nalishlari, zamonaviy texnologiyalar asosida olib borilayotgan ishlar, shuningdek, kompaniyaning xalqaro miqyosdagi loyihalari haqida batafsil ma’lumot berdilar. Ayniqsa, geologik-qidiruv ishlari, dala sharoitida olib boriladigan tadqiqotlar hamda turli davlatlardan iborat jamoalar bilan hamkorlik tajribasida TARJIMONlarning o'rni haqidagi mulohazalar alohida e’tibor markazida bo‘ldi.
✅Uchrashuv ochiq muloqot ruhida o‘tib, talabalar o‘zlarini qiziqtirgan savollarga to‘liq va asosli javob oldilar. BGP kompaniyasi vakillari faol va iqtidorli yoshlar uchun kompaniyada amaliyot o‘tash hamda kelgusida ish faoliyatini boshlash imkoniyatlari mavjudligini ta’kidladilar.

✅

Tadbir yakunida ishtirokchilar uchrashuvni mazmunli va foydali deb baholab, ayniqsa seysmik sohada tarjimonlik faoliyati bo‘yicha yangi istiqbollar ochilganini qayd etdilar va "INGLIZ TILI TARJIMA NAZARIYASI" kafedrasi bilan hamkorlik shartnomasi imzolandi.

✅Mazkur uchrashuv talabalar uchun nafaqat yangi kasbiy yo‘nalishlar bilan tanishish, balki xalqaro kompaniyalar faoliyati haqida chuqurroq tasavvurga ega bo‘lish hamda kelajakdagi kasbiy rejalari uchun muhim qadam bo‘lib xizmat qildi.


📌Bizni kuzatishda davom eting:
https://t.me/PhDAssociateProfessor
https://t.me/scientificconferences
https://t.me/ITIT_ILMIY_TADQIQOT_INSTITUTI