اعلان هام ‼️
السلام عليكم لكم جميعا على الطلبه الوافدين ضرورة الحضور لمكتب مسجل الكلية وذلك لأمر هام جدا في بحر ثلاثة أيام من تاريخ الإعلان

إعادة نشر💜

باكجات للمواد المدموجة

سنة أولى🔻
اضغط هنا

سنة تانية🔻
اضغط هنا

و كل باكجات الامتحانات نازلين في بوت صيدليون🔻
اضغط هنا

باكج الدور الثاني🔻
سنة اولى. اضغط هنا
سنة ثانية. اضغط هنا

الحمد لله و اخيرًا نزل الغالي🔥

شن رأيكم منظم ولا؟
في شيء غريب مافيش حد أعترض ولا تكلم خيركم؟؟ نحس في غلط بالموضوع؟؟

يا ناس وين النقان وين مش متعود هكي اني

مهنة الصيدلة فيما بعد التخرج .
اضغط هنا للإطلاع

الخطة الدراسية خريف 2026 - الفصل المُغلق

العام الجامعي 2026/2027 يُقسم إلى فصلين دراسيين:

• فصل الخريف 2026: يبدأ في سبتمبر 2026، مع اختلاف موعد البداية حسب النظام: الفصل المفتوح في منتصف سبتمبر والفصل المغلق في الأسبوع الأخير من سبتمبر.
• فصل الربيع 2027: يبدأ بعد انتهاء خريف 2026 وإجازة الفصل، ويستمر بحيث تنتهي الدراسة والامتحانات وإعلان النتائج في موعد أقصاه 15 يوليو 2027

واخيرًا تنسبت لكلية احلامي🥹
نبصر ليا سنتين ننجلد

كيمياء طبية1 مغلق

السلام عليكم
عطلة طيبة للجميع واستعداد لي الدور الثاني للمغلق سيكون الامتحان يوم 9/1 كل الاجزاء داخلة بالنسبة للنظري ماعدا
introduction + drug metabolism
والاسئلة ستكون بين
mcq + complet
سواء للنظرى او العملي
بالتوفيق للجميع
د.عمران فهيد

تعزية ومواساة

          بسم الله الرحمن الرحيم
(وَبَشِّرِ الصَّابِرِينَ الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ أُولَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ وَأُولَئِكَ هُمُ الْمُهْتَدُونَ)
بقلوب مؤمنة بقضاء الله وقدره نتقدم بأحر التعازي إلي زميلتنا  (نصيب أبوغرارة )
في وفاة المغفورة لها بإذن الله  ( والدتها )

سائلين المولى عز وجل أن يتغمدها برحمته الواسعة ويلهم أهلها وذويها الصبر والسلوان

ألف مبروك لدفعة 2007 نجاحكم ف المرحلة التمهيدية ،وحلة جديدة وتخصص من أمتع وأرقى التخصصات الطبية اللي حتحسوا فيها بقيمتكم العلمية والطبية. الصيدلة مش مجرد حفظ أدوية، الصيدلة هي علم تركيب الحياة، الخبير الأول بالدواء، وخط الدفاع الأول عن صحة المريض. أهلاً بكم في عالم الصنع والكيمياء وعلم الأدوية، تخصص يبي بال واسع، لكن ممتع جداً للي يحبه وينظم وقته فيه.

نظام الدراسة (نظام الفصل المغلق)
النظام هذا تعتبروا أنتم ثالث دفعة تقروا بيه. هو نظام شبيه بنظام السنة، لكن مش سنة..
كيف؟
تقسيم الباكجات (Packages)
أول ما تخشوا الكلية حيقسموا الدفعة لمجموعتين:
Package A
Package B
ملاحظة| ممنوع التنقل بين الباكجات لعند التخرج يعني الباكج اللي بتجو فيه حتكملو فيه رحلتكم كاملة.

طريقة تنزيل المواد والدور الثاني
مفيش حاجة اسمها تختار موادك وتنزلهم بروحك، ف جدول ثابت لكل سيمستر.
علاش شبيه بنظام السنة؟ لأن عندنا دور ثاني.
لا قدر الله لو قعدتلك مادة في السيمستر الأول، مش حترفعها معاك للسيمستر الثاني بشكل مباشر حتخش السيمستر الجديد تقرا مواده عادي، وبعدين تحسب المواد اللي قعدولك على طول السيمسترين وتخش بيهم دور ثاني بعد نهاية السيمسترين (باذن الله مش حتقعدلكم ولا مادة).

توزيعة الدرجات والمواد
المواد تقريباً كلها فيها شق عملي، لكن يختلف من مادة للثانية (فيه مواد عملي في المعمل تشتغلو بإيديكم، وفيه مواد العملي متاعها ينقرا كنظري).
تقسيم الـ 100 درجة:
20 درجة: امتحان النصفي (المواد الأخف تكون 15 نصفي + 5 شفوي/Oral).
20 درجة: أعمال الفصل (تعتمد على الدكتور: كويزات، العروض التقديمية Presentations، TBL، أو تقارير Reports).
20 درجة: امتحان العملي (تكون إما 20 عملي عملي أو 10 عملي عملي و10 نظري العملي، أو 20 نظري العملي حسب المادة).
40 درجة: الامتحان النهائي (Final).

المواد نقروا فيهم كمواد مدموجة (مثلاً مادة 1 و 2 مع بعض في سيمستر واحد)، يعني بدلاً ماتنزل على سبيل المثال فسيو 1 في سيم وبعدين انزل فسيو 2 ف سيم تاني حتقراهم الزوز 1/2 مع بعض ف نفس السيم منهجها دسم شوية لاكن تقدروها.

مواد Package A:
علم وظائف الأعضاء (Physiology)
علم الصيدلانيات 1 (Pharmaceutics 1)
الصيدلة الفيزيائية (Physical Pharmacy)
علم الأنسجة والتشريح (Histology & Anatomy)
مواد Package B:
علم العقاقير الصيدلانية (Pharmacognosy)
الكيمياء العضوية (Organic Chemistry)
الكيمياء التحليلية (Analytical Chemistry)

نظام الحضور والغياب
المحاضرات النظرية على جو الدكاترة في من ياخد غياب وفي لا، لكن نصيحة من شخص مجرب ومصفي مواده احضروا الدكاترة ربي يبارك شرحهم، والكلية مفيهاش كورسات خارجية، فالمصدر الأساسي هو المحاضرة.
الحضور إجباري بالنسبة للمعامل لو تتجاوز نسبة غيابك 25% حتحرم من دخول امتحان الفاينل فـ ردوا بالكم تتغيبوا على المعامل.

وهكي تقريبا دويت على نظام كامل.

روابط وقنوات مهمة تستفيدوا منها:
اهم قناة ف القنوات وهي الحصن المنيع ضد الرسوب وحتوقف معاك اكثر من نفسك

قناة صيادلة-جامعة طرابلس

قناة حتلقاها ف وقت الشدة

قناة المستقبل

قناة بيتغير اسمها قريبا ننصحكم بيها

باكج صيدليون سنة اولى فيها كلشي على المواد

قناة صيدليون

قناة ترفيه

قناتي كشكول

قناة خاصة بالمزنوقين

قناةً مليحة را

ختاماً بالتوفيق يا صيادلة، وإن شاء الله رحلة موفقة ومكللة بالنجاحات🤍.

أول امتحان للفرصة التانية
اللهم افتح لنا أبواب توفيقك ويسّر لنا أمورنا واصرف عنا شتات العقل وضيق الصدر واجعل التوفيق حليفنا في كل درب.
ماتنسوش البطاقة و حاولوا تمشوا بكري لان اليوم في تجمع لتمهيدي مرات تكون الكلية زحمة
دعواتكم موفقين🤎

كيمياء حيوية مغلق

السلام عليكم ورحمة الله وبركاته.
تقسيم الاسئلة بالنسبة للنظري النهائي.
34 د. عبدالناصر.
46 د. حمزة
العملي النهائي.
15 د. محمد
15 د. اسماء
بالتوفيق للجميع

كيمياء عقاقير مغلق

السلام عليكم ورحمه الله
طلاب مقرر كيمياء العقاقير
نظراً لكثرة التساؤلات عن طبيعة الامتحان المقرر انعقاده يوم 5/9/2026
أفيدكم بالتالي:
كل أجزاء المقرر داخلة في الامتحان باستثناء جزئية phytocosmatics
النظري سيكون mcq
أما العملي ستكون أسئلة متنوعة.
نسأل الله لكم التوفيق والنجاح