ဟားဘတ်ဟာလန်ဒန်မြို့ရဲ့ဗြိတိသျှစာကြည့်တိုက်မှာအရှေ့တောင်အာရှရေးရာဌာနစာကြည့်တိုက်မှူးအဖြစ် တာဝန်ယူခဲ့ဖူးပြီး ၁၉၉၃ ခုနှစ်ထုတ် The Life of Buddha အပါအဝင် မြန်မာနိုင်ငံနဲ့ ပတ်
သက်တဲ့ စာအုပ်စာတမ်းတွေ ပြုစုရေးသားခဲ့ပါတယ်။

သူပြုစုခဲ့တဲ့ မြန်မာစာပေ ကျမ်းပြုမှတ်တမ်းဟာ သက်ဆိုင်ရာ နယ်ပယ်မှာ ပညာရှင်တွေ အထူးပြု ကိုးကားရတဲ့ စာတမ်းတစ်ခု ဖြစ်ခဲ့ပြီး မြန်မာစာပေ လေ့လာဖို့ သမ္မာကျမ်းစာအဖြစ် ရည်ညွှန်းခံခဲ့ရပါတယ်။

သူ့ရဲ့ပညာရှင်ဘဝနဲ့ ဆက်စပ်ပြီးဟားဘတ်ဟာမြန်မာ့ ဒီမိုကရေစီရေးရုန်းကန်လှုပ်ရှားမှုတွေမှာလည်း တက်တက်ကြွကြွ ပါဝင်လှုပ်ရှားခဲ့ပါတယ်။ သူဟာ ဒေါ်အောင်ဆန်းစုကြည် နဲ့ ခင်ပွန်းသည်မိုက်ကယ်အဲရစ်တို့ အောက်စ်ဖို့ဒ်မှာနေထိုင်ခဲ့ချိန်တုန်းက နှစ်ဦးစလုံးနဲ့ နီးစပ်တဲ့ ဆက်ဆံရေး ရှိခဲ့ပါတယ်။

ဟားဘတ်ဟာ မြန်မာကနေ ဗြိတိန်ဆီခိုလှုံရောက်ရှိလာသူတွေနဲ့ သူတို့ရဲ့ မိသားစုတွေကို အကူအညီတွေပေးခဲ့သလို ၁၉၈၉ ကနေ၂၀၁၇ ထိ အတောအတွင်း ပညာရေး ပရဟိတ အသင်းတစ်ခုဖြစ်တဲ့ Prospect Burmaရဲ့ ဒုတိယ ဥက္ကဋ္ဌအဖြစ် တာဝန်ယူခဲ့ပါတယ်။

အခုအခါမှာတော့ အဲဒီအသင်းဟာ ဟားဘတ်ရဲ့ နာမည်ကို ဂုဏ်ပြုထည့်သွင်းတဲ့ပညာသင် ထောက်ပံ့ရေး အစီအစဉ်တစ်ခု အကောင်အထည်ဖော်ဖို့ ပြင်ဆင်နေပါတယ်။

လန်ဒန်မှာရှိတဲ့ မြန်မာကျောင်းသူကျောင်းသားတွေကြားမှာတော့ ဟားဘတ်ဟာ အန်တီပက်ဆိုတဲ့ ချစ်စနိုးနာမည်နဲ့ လူသိများပါတယ်။ သူဟာ လန်ဒန်မှာရှိတဲ့ အရှေ့တိုင်းနဲ့အာဖရိကရေးရာ လေ့လာရေး (SAOS) တက္ကသိုလ်မှာ ရှိနေစဉ် အတောအတွင်း မြန်မာစကားကိုလေ့လာသင်ယူခဲ့ပါတယ်။


https://www.ludunwayoo.com/%e1%80%98%e1%80%ac%e1%80%9e%e1%80%ac%e1%80%95%e1%80%bc%e1%80%94%e1%80%ba-%e1%80%86%e1%80%b1%e1%80%ac%e1%80%84%e1%80%ba%e1%80%b8%e1%80%95%e1%80%ab%e1%80%b8-my/2025/06/12/123904/

"ပြည်တွင်းရွှေစျေးတက်နေတာက ကမ္ဘာ့ရွှေစျေးကွက်က အခြေခံပဲ။ကမ္ဘာ့ရွှေဘာကြောင့်တက်လည်းဆိုရင် အင်အားကြီးနိုင်ငံများရဲ့ စစ်ရေးနဲ့ ပြည်တွင်းရေး တွေပေါ်မူတည်တယ်။စျေးဖွင့်တယ် ။ပြီးရင်ငွေလဲနှုန်း ဒေါ်လာစျေးကြောင့်ပေါ့။ဒေါ်လာစျေးလည်း တောက်လျှောက်အတက်ဘက်ဦးတည်နေတယ်”ဟုရွှေဆိုင်လုပ်ငန်း ရှင်တစ်ဦး​က ရွှေစျေးတက်ရသည်ကို ရှင်းပြသည်။

ပြည်ပငွေလဲလှယ်နေသူတစ်ဦးကလည်း “ဒေါ်လာစျေးက ဝယ်/ရောင်း ၄၄၀၀ နဲ့ ၄၅၀၀ (တစ်ဒေါ်လာလျှင် အဝယ်စျေး ၄၄၀၀ ကျပ် နှင့် ရောင်းစျေး ၄၅၀၀) ဒီနေ့ စျေးထွက်တယ်။တက်တာပေါ့။တခြား ငွေစျေးတွေလည်း တက်နေတယ်”ဟုပြောသည်။


https://www.ludunwayoo.com/news-mm/2025/06/12/123864/

မော်လမြိုင်-သံဖြူဇရပ်လမ်းတွင်တိုက်ပွဲဖြစ်

ဇွန်-၁၂၊၂၀၂၅။ထားမြတ်/People’s Spring

မွန်ပြည်နယ်၊မော်လမြိုင် နှင့် သံဖြူဇရပ်ကားလမ်း
မကြီးပေါ်၌ ဇွန်လ ၁၁ ရက်​နေ့က တိုက်ပွဲဖြစ်ပွားခဲ့ရာစစ်ကောင်စီတပ် သေဆုံးထိခိုက်များပြားခဲ့ပြီး ရာမညမွန်တပ်မတော်မှ ဒုဗိုလ် ၁ဦးလည်း ကျဆုံးခဲ့ဟု မွန်ပြည်သစ်ပါတီ(AD) က ဇွန်လ ၁၂ရက်တွင် သတင်းထုတ်ပြန်သည်။

ဇွန်လ ၁၁ရက် မနက်အစောပိုင်းကမော်လမြိုင်
-သံဖြူဇရပ်လမ်း ရောင်ဒေါင်းရွာ နှင့် နှီးဗဒေါရွာကြား တွင် စစ်ကောင်စီတပ်က လမ်းလုံခြုံရေးအတွက် မော်တော်ယာဉ်ဖြင့် လှည့်ပတ်စဉ် ရာမည မွန်တပ်တော်က ကြားဖြတ်တိုက်ခိုက်ခဲ့ခြင်းဖြစ်
သည်။

စစ်​ကောင်စီတပ်မှာ အင်အား ၃၀ ခန့်ပါပြီးတိုက်
ပွဲမှာ ၁နာရီခန့် ကြာမြင့်ခဲ့ကာ အနီး ကပ်ရင်ဆိုင်တိုက်ခိုက်​သောတိုက်ပွဲဖြစ်သည်။ ရာမည မွန်တပ်တော်ဘက်က လက်ဦးမှု ယူ တိုက်ခိုက်ခဲ့၍ ရန်သူ့ဘက်က အများအပြားသေကြေ၊ ဒဏ်ရာရရှိမှုရှိခဲ့ဟု ဖော်ပြကာ သေဆုံးထိခိုက်စာရင်း စုံ စမ်းနေဆဲဟုဆိုသည်။ရာမညမွန်တပ်တော်မှဒုဗိုလ် ၁ ဦး
ကျဆုံးခဲ့ကြောင်း လည်းအ​သိ​ပေးထားသည်။

စစ်ကောင်စီက မွန်ပြည်နယ် သံဖြူဇရပ်နှင့် မုဒုံမြိုနယ်တဝိုက်တွင် လိုင်စင်မဲ့ယာဉ်များဖမ်းဆီးရန် အကြောင်းပြချက်ဖြင့် ပြည်သူများ၏ မော်တော်
ယာဉ်၊ မော်တော်ဆိုင်ကယ်များကို စစ်ဆေး ငွေညှစ်နေ၍ ယခုတိုက်ပွဲဖော်ဆောင်ရခြင်းဖြစ်
ကြောင်းလည်း ရာမည မွန်တပ်တော်က ထုတ်
ပြန်သည်။

ဇွန် ၁၁ ရက်တိုက်ပွဲနှင့် ဒေသတွင်းစစ်ရေးအခြေအနေများ မေးမြန်းရန် ရာမညမွန်တပ်တော်တာဝန်ရှိသူထံဆက်သွယ်ထားဆဲဖြစ်ပြီးဆက်သွယ်မရ​သေး​ပေ။

ရာမည မွန်တပ်တော်သည် မွန်ပြည်သစ်ပါတီ-စစ်အာဏာရှင်တိုက်ဖျက်ရေး(NMSP-AD) နှင့် မွန်ပြည်လွတ်မြောက်ရေးတပ်တော်(MLA) တို့ပေါင်းစည်းဖွဲ့စည်းထားသည့်တပ်ဖြစ်သည်။ မွန်တော်လှန်ရေးတပ်ဖွဲ့များသည် ကရင်အမျိုးသားအစည်းအရုံး(KNU)၊ပြည်သူ့ကာကွယ်ရေးတပ်
မတော်(PDF) အပါအဝင် ဒေသတွင်းရှိ တော်လှန်
ရေးတပ်များနှင့်ပူးပေါင်းပြီးစစ်ကောင်စီတပ်ကိုခုခံတိုက်ခိုက်လျက်ရှိသည်။

ရာမည မွန်တပ်တော်မှ တပ်ဖွဲ့ဝင်များ။
ဓါတ်ပုံ-NMSP-AD/RMA

အီရန်ရဲ့နျူကလီးယား အဆောက်အအုံတွေကို အစ္စရေး စတင်တိုက်ခိုက်

■နေရာအနှံ့ ပေါက်ကွဲသံတွေ ကြားနေရ

■အီရန် တော်လှန်ရေးအစောင့်တပ်ရဲ့​ခေါင်း
ဆောင်ဟိုဆိန်ဆာလာမီ ​သေဆုံး

ဇွန်-၁၃၊၂၀၂၅။People's Spring

အီရန်ရဲ့ နျူကလီးယားပစ်မှတ်တွေကိုစတင်တိုက်
ခိုက်ပြီလို့ အစ္စရေးကထုတ်ပြန်ကြေညာခဲ့ပါတယ်။ အဲဒီအချိန်မှာတော့ အီရန်ရဲ့ မြို့တော်တဟီရန် အ
ပါအဝင် နိုင်ငံအနှံ့မှာ ပေါက်ကွဲသံတွေ ဆူဆူညံညံ ကြားနေခဲ့ရပါတယ်။

ဇူလိုင် ၁၃ ရက် မနက်အစောပိုင်းမှာ တဟီရန် မြို့ခံတွေဟာ တအုန်းအုန်းတဒိုင်းဒိုင်းပေါက်ကွဲသံ
တွေနဲ့အတူ အလန့်တကြားနိုးထလာခဲ့ကြပါတယ်။ အီရန် အစိုးရ မီဒီယာက တဟီရန်မှာ ပေါက်ကွဲမှု ဖြစ်ခဲ့တယ် ဆိုတာကို အတည်ပြုပေမယ့် အသေး
စိတ်ကိုတော့ မှတ်ချက် မပေးသေးပါဘူး။ ဒါပေမဲ့ မြို့တော်ရဲ့ အနောက်ဖက်မှာရှိတဲ့ ချစ်တ်ဂါ ရပ်
ကွက်ကနေ မီးခိုးလုံးတွေ အူထွက်လာတာကို တွေ့ခဲ့ကြောင်း မျက်မြင်တွေက ဆိုပါတယ်။

အစ္စရေး စစ်တပ်က တဟီရန်ကို စစ်ဆင်တိုက်ခိုက်ခဲ့တယ်လို့ ကြေညာပြီး အီရန်ရဲ့ နျူကလီးယားဆိုင်ရာ နေရာဌာနတွေကို ပစ်မှတ်ထားခဲ့တယ်လို့ ပြောပါတယ်။ ဒါပေမဲ့ အသေးစိတ်ကိုတော့ မထုတ်ပြန်ပါဘူး။ အစ္စရေး ဝန်ကြီးချုပ် ဘင်ဂျမင် နေတန်ညာဟုက အဲဒီ တိုက်ခိုက်မှုတွေဟာ Rising Lion စစ်ဆင်ရေးရဲ့ အစိတ်အပိုင်း ဖြစ်ကြောင်း ပြောပါတယ်။ ပြီးတော့ အီရန်ဟာ အစ္စရေးနိုင်ငံရဲ့ ရှင်သန် ရပ်တည်မှုအတွက် ဧရာမ ခြိမ်းခြောက်မှုကြီး ဖြစ်လာနေတယ်လို့လည်း သူက ဆိုပါတယ်။ Rising Lion စစ်ဆင်ရေးဟာ အဲဒီခြိမ်းခြောက်မှုကို ပယ်နုတ်ပစ်ဖို့ ရည်ရွယ်ထားတာလို့လည်း ဝန်
ကြီးချုပ်က ကြွေးကြော်ခဲ့ပါတယ်။

အီရန်ရဲ့ နျူကလီးယား နည်းပညာ မြှင့်တင်မှုတွေ အရှိန်အဟုန်ပိုမိုအားကောင်းလာသလိုယူရေနီယမ် သန့်စင်နိုင်စွမ်း ပိုမို တိုးတက်လာတယ်လို့ ယူဆရတဲ့ အခြေအနေမှာ အစ္စရေးက လက်ဦးမှုယူ တိုက်
ခိုက်လာခဲ့တာ ဖြစ်ပါတယ်။ အရင်ကတည်းက အစ္စရေးဟာ အီရန် နျူကလီးယားဌာနတွေကို ချေ
မှုန်းလာနိုင်ကြောင်း သတင်းတွေ ထွက်ပေါ်ခဲ့ဖူးပေမယ့် အခုတစ်ကြိမ်ကပထမဆုံးအဖြစ်ထင်သာမြင်
သာအင်အားအလုံးအရင်းနဲ့ တိုက်ခိုက်လာခြင်းပါ။

အစ္စရေးစစ်တပ်ရဲ့အမည်မဖော်လိုတဲ့ အရာရှိ တစ်
ယောက်ကတော့ လက်ရှိ ဆင်နွှဲနေတဲ့ အစ္စရေးရဲ့ စစ်ဆင်ရေးမှာ အီရန်ရဲ့ နျူကလီးယားဆိုင်ရာ အဆောက်အအုံတွေသာ မကဘဲ စစ်ရေးနေရာဌာနတွေကိုပါ ဖျက်ဆီးနေတယ်လို့ ပြောကြားထားပါတယ်။

အစ္စရေး ကာကွယ်ရေး ဝန်ကြီး အစ္စရေး ကတ်ဇ်က သူ့နိုင်ငံဟာ စစ်ဆင်ရေးတစ်ခုကို အကောင်အ
ထည် ဖော်နေတယ်လို့ အတည်ပြုပေမယ့် ဘာကို ပစ်မှတ်ထားသလဲ ဆိုတာကိုတော့ မပြောပါဘူး။ အီရန်နဲ့ပတ်သက်လို့ ကြိုတင်ကာကွယ်တဲ့၊လက်ဦး
မှုယူတဲ့ စစ်ဆင်ရေး တစ်ခုကို အစ္စရေးက ဆင်နွှဲနေကြောင်း၊ တစ်ဖက်မှာလည်း ရန်သူဖက်က ပစ်လွှတ်လိုက်တဲ့ဒရုန်းတွေ၊ဒုံးကျည်တွေဟာ အစ္စရေး
ရဲ့ လူဦးရေ ထူထပ်တဲ့ နေရာတွေဆီ ကျရောက် ပေါက်ကွဲလာနိုင်ခြေကို ကြိုတင်ခန့်မှန်းထားကြောင်း ဝန်ကြီးကဆိုပါတယ်။အဲဒီအတွက်လည်း
အစ္စရေးမှာ စစ်ရေးဆိုင်ရာ အရေးပေါ် အခြေ
အနေကိုပါ တစ်ပါတည်း ကြေညာခဲ့ပါတယ်။

အီရန်ရဲ့ နျူကလီးယား နည်းပညာဆိုင်ရာ အဆင့်မြှင့်တင် အကောင်အထည် ဖော်မှုတွေကို တားဆီးဖို့ အစ္စရေးရဲ့ မဟာမိတ် အမေရိကန်က အီရန်နဲ့ အကျေအလည် ဆွေးနွေးခဲ့ပေမယ့် မအောင်မြင်ခဲ့တဲ့နောက် အီရန်က စစ်ဆင်ရေး စခဲ့တာ ဖြစ်ပါတယ်။ အစ္စရေးက အီရန် လက်ထဲမှာ နျူက
လီးယား လက်နက်တစ်ခုခု တည်ဆောက် ပိုင်ဆိုင်ခွင့် ရသွားတာမျိုး လုံးဝ အဖြစ်ခံမှာ မဟုတ်ဘူးလို့ နှစ်ရှည်လများ သတိပေးထားပါတယ်။

အစ္စရေးက အီရန်ကို တိုက်ခိုက်တော့မယ်ဆိုတဲ့ သတင်းတွေဟာ ပြီးခဲ့တဲ့ ၂၄ နာရီ ကတည်းက ကြိုတင် ထွက်ပေါ်နေခဲ့ပြီး အမေရိကန်ဟာ အရှေ့အလယ်ပိုင်း ဒေသမှာ သံရုံးဝန်ထမ်းတွေနဲ့ စစ်တပ်ရဲ့ မိသားစုတွေကို ရွှေ့ပြောင်းပေးတာတွေ စီစဉ်ထားခဲ့ပါတယ်။

တဟီရန်မှာ တအုန်းအုန်း ပေါက်ကွဲမှုတွေ စတင်နေတဲ့အချိန် အမေရိကန် သမ္မတ ဒေါ်နယ်လ်ထရမ့်ကတော့ အိမ်ဖြူတော် မြက်ခင်းပြင်မှာ လွှတ်တော် အမတ်တွေနဲ့တွေ့ဆုံနေပါတယ်။အစ္စရေးဟာ စစ်
ဆင်ရေး စတင်တာနဲ့ ပတ်သက်ပြီး ထရမ့်ဆီ ကြို
တင် အကြောင်းကြားခဲ့သလား ဆိုတာကို မသိရသေးပေမယ့် အဲဒီတုန်းကတော့ ထရမ့်ဟာ တခြားသူတွေနဲ့လက်ဆွဲနှုတ်ဆက်ရင်းစကားတွေ ဖောင်
ဖွဲ့နေခဲ့ပါတယ်။

အမေရိကန် နိုင်ငံခြားရေး မာကို ရူဘီရိုကတော့ အစ္စရေးရဲ့ တိုက်ခိုက်မှုဟာ အီရန်ရဲ့တစ်ဖက်သတ်
ဆန်တဲ့ လုပ်ရပ်တွေကို တုံ့ပြန်ရတာ ဖြစ်တယ်လို့ မဟာမိတ်ဖက်က ကာကွယ် ပြောဆိုခဲ့ပါတယ်။ နောက်ပြီး ကိုယ့်ကိုယ်ကိုယ် ကာကွယ်ဖို့အတွက် ဒီစစ်ဆင်ရေးဟာ သေချာပေါက် လိုအပ်တယ်လို့ အစ္စရေးက အမေရိကန်ကို ရှင်းပြခဲ့တယ်လို့လည်း ရူဘီက ဆိုပါတယ်။ ဒါပေမဲ့ အီရန်ကို စစ်ပြုတိုက်
ခိုက်တဲ့ အစ္စရေးရဲ့ ဆုံးဖြတ်ချက်မှာ အမေရိကန်က လုံးဝ ဆက်စပ်ပါဝင်တာ မရှိခဲ့ဘူးလို့ သူက အခိုင်အမာ ငြင်းဆိုသွားပါတယ်။

အီရန်မှာတော့ အခြေအနေတွေက ရှုပ်ထွေးနေပြီး ထိခိုက်ပျက်စီးမှု အခြေအနေတွေကို အတိအကျ မသိရသေးပါဘူး။ အီရန်အစိုးရ မီဒီယာက အီရန် တော်လှန်ရေးအစောင့်တပ် (IRGC)ရဲ့​ခေါင်း

ဆောင်ဟိုဆိန် ဆာလာမီလည်း တိုက်ခိုက်မှု တစ်ခုမှာ သေဆုံးသွားတယ်လို့ ဖော်ပြခဲ့ပါတယ်။ IRGCဟာ အီရန်ရဲ့ အင်အားအတောင့်တင်းဆုံး လက်နက်ကိုင် တပ်ဖြစ်ပြီး အီရန် အစိုးရအဖွဲ့ အဓိပတိကိုပဲ တိုက်ရိုက် သစ္စာခံပါတယ်။

ပြီးတော့ နိုင်ငံရဲ့ ဒုံးကျည်နဲ့ နျူကလီးယားလက်
နက် စီမံကိန်းတွေကိုလည်း ကြီးမှူး ကွပ်ကဲနေပါတယ်။ IRGCရဲ့ ခေါင်းဆောင်ပိုင်းကို အစ္စရေးက လက်ဦးမှုယူ ရှင်းလင်းနိုင်ခဲ့တယ်ဆိုတာဟာအီရန်ရဲ့တန်ပြန်စစ်ဆင်ရေးတွေမှာအကြီးအကျယ်ယိမ်း
ယိုင်သွားစေမယ့် အဓိပ္ပါယ်လည်း ဖြစ်ပါတယ်။

လက်ရှိ အခြေအနေမှာတော့ အစ္စရေးရဲ့ စစ်ဆင်
ရေးတွေကို ဆက်လက် ဆင်နွှဲနေဆဲဖြစ်ပြီး အီရန်
ဖက်ကတော့ မကြာခင်မှာ တစ်ခုခု တုံ့ပြန်လာမယ်လို့ ယူဆရပါတယ်။ ခါးသီးရန်ဘက် နှစ်နိုင်ငံကြားက စစ်ရေး ပဋိပက္ခဟာ အရှေ့အလယ်ပိုင်း ဒေသရဲ့ တင်းမာမှုတွေကို အမြင့်ဆုံးအဆင့်ထိ ဆူပွက်လာစေမှာလည်း ဖြစ်ပါတယ်။

ကိုးကား- Fox

တောင်သာတွင်စစ်တပ်စစ်​ကြောင်းကို PDFများတိုက်ခိုက်၊ စစ်သား ၃ ဦး​သေ ၁ဦးဖမ်းမိ

ဇွန်-၁၃၊၂၀၂၅။ရဲခေါင်/People's Spring

မန္တလေးတိုင်း၊တောင်သာမြို့နယ်တိုက်ပွဲတွင်စစ်ကောင်စီတပ်သားသုံးဦးသေပြီးတစ်ဦးအရှင်ဖမ်းမိကာ လူသားဒိုင်းပြုလုပ်ခံရသည့် ပြည်သူ ၇ဦးကို ကယ်ထုတ်နိုင်ခဲ့ကြောင်း တောင်သာမြို့နယ် ပြည်သူ့ကာကွယ်ရေးအဖွဲ့ တာဝန်ရှိသူကလူထုနွေဦးသို့ ပြောသည်။

ယမန်နေ့(ဇွန်လ၁၂ရက်)နံနက်၁၀နာရီခန့်ကတောင်
သာမြို့မှ စစ်ကောင်စီ ဗိုလ်မှူးဝဏ္ဏဌေးဦး ဆောင်သောစစ်တပ်ကြောင်းသည် ထနောင်းကုန်းရွာသို့ ထောက်ပို့လမ်းကြောင်းချိတ်ဆက်ကူးလူးနေသည်
ကို ပိတ်ဆို့တိုက်ခိုက်ခဲ့ခြင်းဖြစ်သည်ဟုသိရသည်။

"ဒါက မြင်းခြံခရိုင်စစ်ဆင်ရေးရဲ့တစ်စိတ်တစ်ပိုင်း ဖြစ်ပါတယ်။စကစ စစ်ကြောင်းကခန့်မှန်းအင်အား ၄၀ ပတ်ချာလည်လောက်ရှိတယ်"ဟု တောင်သာမြို့ နယ်ပကဖ တာဝန်ရှိသူကပိတ်တို့တိုက်ခိုက်မှု ဖြစ်စဥ် ကိုရှင်းပြသည်။

တိုက်ပွဲသည်တောင်သာမြို့၏အနောက်ဘက်ဆင်တဲဝချောင်း၏ အနောက်ဘက်ကမ်းတွင် တိုက်ပွဲဖြစ်ခဲ့ကာ စစ်ကောင်စီတပ်က ​ဒေသခံပြည်သူအ
မျိုးသားခုနစ်ဦးကို လူသားဒိုင်းအဖြစ် ပြုလုပ်ခဲ့ကြောင်း ​ဖော်ပြသည်။

သို့သော်တိုက်ပွဲအတွင်းထိုပြည်သူခုနစ်ဦးကို အထိ အခိုက်မရှိဘဲ ကာကွယ်ရေးရဲဘော်များက ကယ်ထုတ်နိုင်ခဲ့ကြောင်း သိရသည်။

ပြည်သူခုနစ်ဦးအားကယ်ထုတ်ပြီးချိန်တွင်တိုက်ပွဲဆက်ဖြစ်ခဲ့ပြီး စစ်ကောင်စီတပ်သား သုံးဦးသေ
ဆုံးပြီး စစ်တပ်မှ ကျော်နိုင်ဝင်းကို လက်ရဖမ်းဆီးနိုင်ခဲ့ကြောင်း တောင်သာမြို့နယ် ပကဖ က ထုတ်ပြန်ထားသည်။

ကျန်ရှိသောစစ်ကောင်စီတပ်သားများသည်ကစဉ့် ကလျားထွက်ပြေးသွားပြီး တိုက်ပွဲမှ G3 အမျိုးအစား တစ်လက်၊MA3 အမျိုးအစားတစ်လက်၊RPG ဖူး ၁၀ ဖူး၊ ကျည်ဘောက် သုံးခု၊ကျည် ၁၁၈
တောင့်၊ Drone Jammer တစ်ခုနှင့် စစ်အဝတ် အစား အသုံးအဆောင်တချို့ကို ပကဖ က သိမ်း
ဆည်းရရှိခဲ့သည်။

တိုက်ပွဲကို တောင်သာမြို့ပြည်သူ့ကာကွယ်ရေးအဖွဲ့နှင့်မဟာမိတ်များ ပူးပေါင်းဖော်ဆောင်ခဲ့ပြီး ရဲဘော်များ အထိအခိုက်မရှိခဲ့ကြောင်းသိရသည်။

မေလ ၂၇ ရက်ကလည်းတောင်သာ မြို့နယ်တွင် စစ်ကောင်စီ တပ်ကို ဖြတ်တောက်တိုက်ခိုက်ရာ စစ်ကောင်စီတပ်သားအလောင်းအချို့ နှင့် အရှင်တစ်ဦး ဖမ်းမိကာ လက်နက်ခဲယမ်းများကို တောင်သာ ပကဖ က ရရှိခဲ့သည်။

မေလ ၁၅ ရက်ကစ၍ တောင်သာမြို့နယ်အပါအ
ဝင် မြင်းခြံခရိုင်အတွင်းရှိ မြင်းခြံ၊နွားထိုးကြီးနှင့် ငါးန်းဇွန် မြို့နယ်တို့၌ ခရိုင်အဆင့်စစ်ဆင်ရေးဖြင့် စစ်ကောင်စီ စခန်းများကို ထိုးစစ်ဆင်နေသည်။

ဖားကန့် မှော်စီစာတိုက်ပွဲ အထိနာခဲ့​သော်လည်း စစ်​ကောင်စီတပ် စစ်ကြောင်းဆက်ထိုးနေ

ဇွန်-၁၃၊၂၀၂၅။ထားမြတ်/People’s Spring

ကချင်ပြည်နယ် ဖားကန့်မြို့နယ် မှော်စီစာဒေသ၌ ဇွန်လ ၁၂ရက်တိုက်ပွဲတွင် အထိနာခဲ့သည့် စစ်တပ်နှင့် ပြည်သူ့စစ်ပူး​ပေါင်းစစ်​ကြောင်းသည် ဇွန် ၁၃ ရက်မနက်တွင်လည်းစစ်ကြောင်းဆက်ထိုး​နေ
သည်ဟုကချင်သတင်းရင်းမြစ်အချို့က​ပြော
သည်။

ဖားကန့် ကျောက်စိမ်းမှော်လုပ်ကွက်များရှိ ကုမ္ပဏီအဆောက်အဦးနှင့် ယာဉ်ယန္တရားများအား မီးလိုက်ရှို့နေသည့် စစ်ကောင်စီနှင့် ရှမ်းနီပြည်သူ့စစ်ပူးပေါင်း စစ်​ကြောင်းကို ဇွန် ၁၂ ရက်​နေ့တွင် ကချင်လွတ်လပ်ရေးတပ်မတော်(KIA)နှင့် ကချင်ဒေသ ပြည်သူ့ကာကွယ်ရေးတပ်မတော်(KPDF) ပူးပေါင်းတပ်က ကြားဖြတ်တိုက်ခိုက်ခဲ့ရာ ၂၀ ဦးခန့်သေဆုံးထိခိုက်ရှိခဲ့ကြောင်း သတင်းရင်းမြစ်များက ပြောသည်။

ဇွန်လ ၁၃ရက် မနက် ၇နာရီခန့်တွင်လည်း မှော်စီစာ အောင်သာယာ တကြော၌ စစ်တပ် နှင့် ပြည်သူ့စစ်ပူးပေါင်းစစ်​ကြောင်းက စစ်ရေးလှုပ်ရှားနေ၍ ပြည်သူများ သတိထားကြရန် ကချင်စစ်ရေးသတင်းရင်းမြစ်တဦးက အသိပေးသည်။

အခြားကချင်သတင်းရင်းမြစ်တဦးကလည်း
“စစ်ကြောင်းထိုးနေတုန်း။ မနေ့က ထိတွေ့နေရာအထိ။ တိုက်ပွဲတော့ မကြားသေးဘူး။” ဟု ပြောပြသည်။

စစ်ကောင်စီတပ်က မှော်ဒေသကို ပြန်လည်ထိန်း
ချုပ်လို၍ ယခုကဲ့သို့ စစ်ကြောင်းထိုးနေခြင်းဖြစ်နိုင်သည်ဟု ၎င်းက ဆက်​ပြောသည်။

“မှော်ဒေသကို ထိန်းချုပ်ပြီး အခွန်ငွေ ရယူချင်ကြလို့။ ပြီးရင် ကေအိုင်အေရဲ့ အဓိက ဝင်ငွေက မှော်ဒေသက လာတာပါ။ကေအိုင်အေဝင်ငွေကိုဖြတ်တောက်ချင်ကြတာပါတာပေါ့။ဘယ်လွယ်မလဲ အ
ကုန်မသေရင်ကံကောင်း”ဟုကချင်သတင်းရင်း
မြစ်က သုံးသပ်သည်။

စစ်ကောင်စီတပ်ကမှော်ဒေသတွင်းစစ်ရေးလှုပ်
ရှားမှု လုပ်ဆောင်နေ၍ KIAပူးပေါင်းတပ်၏ တိုက်ခိုက်မှု ဆက်လက်ကြုံရနိုင်သည်ဟုလည်း ၎င်းကဆိုသည်။

စစ်ကောင်စီနှင့် ပြည်သူ့စစ်ပူးပေါင်းတပ်သည် ဖားကန့်ဒေသ ပြန်လည်ထိန်းချုပ်နိုင်ရေးအတွက် ဧပြီလကတည်းက အင်အားအလုံးအရင်းဖြင့်စစ်​ကြောင်းထိုးခဲ့ရာ မေလကုန်ပိုင်းတွင် ဖားကန့် လုံးခင်းဒေသ သို့ စစ်ကောင်စီပူးပေါင်းတပ် များ ဝင်ရောက်နိုင်ခဲ့သည်။ ထို့နောက် စစ်ကောင်စီတပ်က မှော်လုပ်ကွက်များအား မီးရှို့ခြင်း၊ ယမ်းသိုလှောင်ရာ နေရာအချို့ကို ဒရုန်း၊ လက်နက်ကြီးဖြင့်ပစ်
ခတ်ဖျက်ဆီးခြင်း၊ဒေသခံပြည်သူအချို့ကို လူ
သားဒိုင်းအဖြစ် အသုံးပြုခြင်း၊ ဒေသခံ အချို့ကို ပစ်ခတ်သတ်ဖြတ်ခြင်းများဆက်တိုက်ပြုလုပ်​နေသည်။ထို့​နောက် KIA ၊KPDF ပူး​ပေါင်းတပ်က စစ်တပ်စစ်​ကြောင်းကို ဇွန် ၁၂ ရက်တွင်အပြင်းအထန်တိုက်ခိုက်ခဲ့သည်။

ဖားကန့်တွင် စစ်​ကြောင်းထိုး​နေ​သောစစ်တပ်နှင့် ရှမ်းနီပြည်သူ့စစ် ပူး​ပေါင်းစစ်​ကြောင်း။ရုပ်သံ-Padang Shingni

AAနှင့် ပူးပေါင်းတပ်များ ထိုးစစ်ဆင်နေသည့် အမြောက်တပ်(၃၄၄)မှ စစ်တပ်စတင်ဆုတ်ခွာ

ဇွန်-၁၃၊၂၀၂၅။ဇော်ရမ်း/People's Spring

ရေကြည်မြို့နယ်တွင်စစ်ကောင်စီတပ် အခိုင်အမာခံစစ်ပြင်ထားသည့်အမှတ် ၃၄၄အမြောက်တပ်ရင်း(အမတ ၃၄၄)မှ စစ်သားများစတင်ဆုတ်ခွာနေပြီး တိုက်ပွဲများပိုပြင်းထန်လာသည်။

"၃၄၄ကအမြောက်တွေကျုံပျော်ခလရ(၃၆)ကို ပို့တယ်။ကားတွေနဲ့ မိုးကာတွေအုပ်ပြီးဇွန်လ၁၁ရက်
နဲ့ ၁၂ ရက်က စပို့တာ။၃၄၄ကနေစပြီးဆုတ်ခွာ
လာတဲ့အခြေအနေဖြစ်ပါတယ်"ဟုဒေသတွင်း
စစ်ရေးအခြေအနေစောင့်ကြည့်နေသူတစ်ဦးကပြောသည်။

အမတ(၃၄၄)သည် ဂွ-ငသိုင်းချောင်းလမ်းလမ်းပိုင်းမှ ရေကြည်မြို့နယ်၊ ငါးသိုင်းချောင်းမြို့
နယ်ခွဲ၊ သီတာကုန်းပြင်အုပ်စု၌ရှိသည်။အမတ
(၃၄၄) ကာကင်းစခန်းများကို ပြီးခဲ့သည့် ဖေဖော်ဝါ
ရီလမှစတင်၍ အာရက္ခတပ်တော်(AA)နှင့် PDFပူး
ပေါင်းတပ်များကတိုက်ခိုက်ခဲ့ခြင်းဖြစ်သည်။

ကျံးပျော်မြို့သည် ရေကြည်၊ငသိုင်းချောင်းမြို့နှင့် ဆက်စပ်ပြီးပုသိမ်-ဟင်္သာတအဝေးပြေးလမ်းဖြတ်
သည့် မြို့ဖြစ်သည်။

"ခလရ(၃၆)ကိုပို့ပေမယ့်သူလည်းအခွံပဲရှိတာ။ ရ
ခိုင်က တိုက်ပွဲတွေမှာ ခလရ(၃၆)က စစ်ကြောင်းလိုက် ပြုတ်တာတွေ ရှ်ိတယ်။ အခုက စစ်ကောင်စီက ပရမ်းပတာဆုတ်လာရပုံရှိတယ်"ဟုဒေသတွင်းမှာကာကွယ်ရေးရဲဘော်တစ်ဦးကပြောသည်။

လက်ရှိ စစ်ရေးအခြေအနေကို အသိပေးခြင်းမရှိသော်လည်း ရေကြည်၊ငသိုင်းချောင်းနှင့် ကျုံပျော်မြို့မှဒေသခံများ လုံခြုံရေးသတိပြုရန်၊ စစ်ကောင်စီစစ်ကြောင်းများ၏အန္တရာယ်ကို မပေါ့ဆရန် ၎င်းက သတိပေးသည်။

"တိုက်ပွဲက ၃၄၄ ကို တည်ထိုးနေပြီ။AAနဲ့ PDF
တွေက နယ်မြေစိုးမိုးမှု ကောင်းကောင်းရထားပြီလို့ သိရတယ်" ဟုကျုံပျော်မြို့ဒေသခံတစ်ဦးကပြော
သည်။

လက်ရှိတွင် အမတ(၃၄၄)အနီးဝန်းကျင်နှင့် ဂွ-င
သိုင်းချောင်းလမ်းပိုင်းရှိ ရေနံ့သာရွာအနီး၌လည်း တိုက်ပွဲဖြစ်ပွားနေကြောင်းသတင်းရရှိသည်။ဂွ-ငသိုင်းချောင်းလမ်းသည် ရခိုင်ပြည်နယ်နှင့် ဧရာဝ
တီတိုင်းကိုချိတ်ဆက်ထားသည့်အဓိကလမ်းဖြစ်
သည်။

၂၀၂၄ ဒီဇင်ဘာလ၂၉ရက်တွင် AAက ရခိုင်ပြည်
နယ် ဂွမြို့နယ်ကို AAက သိမ်းယူပြီးနောက် ဧရာ
ဝတီ-ရခိုင်နယ်စပ်ဒေသများဖြစ်သည့် သာပေါင်း၊ ရွှေသောင်ယံ၊ ရေကြည်မြို့နယ်တို့မှ စစ်ကောင်စီတပ်စွဲထားသည့်နေရာများကို AAက ထိုးစစ်ဆင်ခဲ့သည်။ အမြောက်တပ်(၃၄၄)နှင့်ဆက်စပ်‌ သော တိုက်ပွဲသတင်းကို AAက အသေးစိတ်သတင်းထုတ်ပြန်ခြင်းမရှိသေးပေ။

ရေကြည်မြို့နယ်နှင့်ဆက်စပ်နေပြီး ဟင်္သာတခရိုင်အတွင်းပါဝင်သည့်လေးမျက်နှာမြို့နယ်အတွင်းမှ ကျေးရွာအချို့ကိုလည်း AAနှင့် ပူးပေါင်းတပ်များက ထိန်းချုပ်ထားသည်။ ၎င်းတို့လက်လွှတ်ခဲ့ရသည့်ကျေးရွာများကို စစ်ကောင်စီကလေကြောင်းနှင့်လက်နက်ကြီးအသုံးပြုတိုက်ခိုက်နေ၍ ဒေသခံများ စစ်ဘေးတိမ်းရှောင်နေကြရသည်။

မတ်လ ၂၈ရက်က စစ်ကိုင်းနှင့်မန္တလေးကို ဗဟိုပြုလှုပ်သွားသော ငလျင်ကြောင့် စစ်ကောင်စီကရော AAပါဝင်သည့်မဟာမိတ်သုံးဖွဲ့ကအပစ်ရပ်ထား
သည်။လက်ရှိဖြစ်ပွားနေသောတိုက်ပွဲများနှင့်ပတ်
သက်၍ AAက သတင်းမထုတ်ပြန်သေးသော်
လည်း မကွေးတိုင်း၊ပဲခူးတိုင်း၊ ဧရာဝတီတိုင်းနှင့် ရခိုင်ပြည်နယ်မှ AA သိမ်းယူထားသည့်စခန်းများကိုစစ်ကောင်စီကပြန်တိုက်ရန်ကြိုးပမ်းနေပြီး လေ
ကြောင်းနှင့် လက်နက်ကြီးပစ်ခတ်မှုများ၊ မြေပြင်မှစစ်ကြောင်းထိုးခြင်းများပြုလုပ်နေ၍ တိုက်ပွဲများဆက်လက်ဖြစ်ပွားနေသည်ဟု ဧပြီလ ၅ရက်က သ
တင်းထုတ်ပြန်ခဲ့သည်။ စစ်ကောင်စီကမူ AAနှင့် ဖြစ်ပွားနေသောတိုက်ပွဲများကြောင်း သတင်းထုတ်ပြန်ခြင်းမရှိသေးပေ။

အကယ်၍ အမတ(၃၄၄)ကို AA သိမ်းယူနိူင်ခဲ့ပါက ဧရာဝတီတိုင်းအတွင်းစစ်ရေးအခြေအနေ ပိုမိုပြင်း
ထန်လာနိုင်ပြီး ရေကြည်၊ ငါးသိုင်းချောင်း၊ ကျုံပျော်၊ လေးမျက်နှာ၊ ဟင်္သာတ၊ မြန်အောင်၊ ကွင်းကောက်၊အင်္ဂပူမြို့နယ်တို့တွင် တိုက်ပွဲများဖြစ်ပွားလာနိုင်သည်ဟု တော်လှန်ရေးအင်အားစုများက သတိပေးသည်။

ဧရာဝတီတိုင်းအတွင်းဖြစ်ပွားနေသောတိုက်ပွဲများ ဟင်္သာတခရိုင်အတွင်းရောက်ရှိနေပြီဖြစ်ပြီး စစ်ရေးသတိပြင်ဆင်ထားကြရန်နှင့် ရောက်ရှိလာသောစစ်ဘေးရှောင်များအားကူညီကြရန် ဟင်္သာ
တမြို့နယ် ပြည်သူ့အုပ်ချုပ်ရေးအဖွဲ့က ပြီးခဲ့သည့် ဧပြီလတွင်ထုတ်ပြန်ခဲ့သည်။ရေကြည်မြို့နယ်ပြည်သူ့အုပ်ချုပ်ရေးအဖွဲ့ကလည်း ဒေသခံများ လုံခြုံ‌
ရေးသတိပြုကြရန် ထုတ်ပြန်ထားသည်။

အ​မြောက်တပ်မှ စစ်​ကောင်စီတပ်ဖွဲ့ဝင်အချို့(ပုံအ​ဟောင်းဖြစ်ပါသည်)။ ဓါတ်ပုံ-စစ်​​တပ်

ထိုင်းမှာ မြန်မာ ၁၅ဦးအပါအဝင် တရားမဝင်လုပ်ကိုင်နေသူ ၂၀ဦး ဖမ်းဆီးခံရ

ဇွန်-၁၃၊ ၂၀၂၅။ People's Spring

ထိုင်းနိုင်ငံ၊ နွန်ထဘူရီခရိုင်က ဘန်ယိုင်ဈေးကြီးကို ထိုင်းအာဏာပိုင်တွေက ဝင်ရောက်စစ်ဆေးဖမ်းဆီးရာ တရားမဝင်လုပ်ကိုင်နေတဲ့ မြန်မာလုပ်သား ၁၅ဦး ဖမ်းဆီးခံခဲ့ရပါတယ်။

ဒီကနေ့(ဇွန်လ ၁၃ရက်)မနက်စောမှာ ဘန်ယိုင်ဈေးကြီးကို ထိုင်းနိုင်ငံရဲ့ အာဏာပိုင်တွေ အဖွဲ့စုံက ဝင်ရောက်စစ်ဆေးခဲ့တာလို့ သိရပါတယ်။ အဲဒီစျေးကြီးမှာ တရားမဝင်လုပ်ကိုင်နေတဲ့ မြန်မာနိုင်ငံသား ၁၅ဦး၊ လာအိုနိုင်ငံသား ၄ဦးနဲ့ ဗီယက်နမ်နိုင်ငံသား ၁ဦး စုစုပေါင်း ၂၀ဦး ဖမ်းဆီးခံခဲ့ရတာလို့ ထိုင်းသတင်းဌာန Khaosodက ဖော်ပြပါတယ်။

ထိုင်းနိုင်ငံကို မြန်မာနိုင်ငံသားတွေ တရားမဝင်လာရောက်မှုနဲ့ တရားမဝင်အလုပ်လုပ်ကိုင်တာကြောင့် ထိုင်းရဲတပ်ဖွဲ့ရဲ့ဖမ်းဆီးခံရမှု ဖြစ်စဉ်တွေ အခုရက်ပိုင်းအတွင်း ခပ်စိပ်စိပ်ဖြစ်လာတယ်လို့ ထိုင်းရောက်မြန်မာလုပ်သားအရေးကူညီဆောင်ရွက်ပေးနေသူတွေက ပြောပါတယ်။

ဇွန်လ ၁၂ရက် မနက်ပိုင်းကလည်း ကန်ချန်နဘူရီခရိုင်အတွင်းမှာ တရားမဝင်လာရောက်တဲ့ မြန်မာလုပ်သား ၂၉ဦးကို တင်ဆောင်လာတဲ့ ကားတစ်စီးကို ထိုင်းရဲတပ်ဖွဲ့က စစ်ဆေးတွေ့ရှိပြီး ဖမ်းဆီးခဲ့ပါတယ်။

လတ်တလောမှာ ထိုင်းအာဏာပိုင်တွေက စစ်ဆေးမှုတွေ ပြုလုပ်နေလို့ မြန်မာလုပ်သားတွေအနေနဲ့ သတိထားနေထိုင်ဖို့ ကိုရဲမင်း(အေအေစီ)က သတိပေးထားပါတယ်။