တရားလွှတ်တော်ရှေ့နေရဲ့ယာဉ်နံပါတ်ပွားပြီး ဆီထုတ်နေလို့ ဖမ်းဆီးပေးရင် ကျပ်ငါးသိန်းပေးမယ်လို့ ကြေညာနေ

ဧပြီ ၂၀၊ ၂၀၂၆။မေရီ/People's Spring

မန္တလေးမြို့က တရားလွှတ်တော်ရှေ့နေတစ်ဦးရဲ့ ယာဉ်နံပါတ်ပွားပြီး ဆီထုတ်နေလို့ ဖမ်းဆီးပေးနိုင်တဲ့သူ ကျပ် ငါးသိန်း ပေးမယ်ဆိုပြီး ကာယကံရှင် တရားလွှတ်တော်ရှေ့နေကိုယ်တိုင် ကြေညာနေရပါတယ်။

မန္တလေးမြို့က တရားလွှတ်တော်ရှေ့နေ ဦးညွန့်ဝေဆိုသူက သူအမည်ပေါက်ပိုင်ဆိုင်တဲ့ ယာဉ်အမှတ် 5G/1657, TOYOTA CROWN, 2005 (Black) ရဲ့ မှတ်ပုံတင်သက်သေခံလက်မှတ် (အပွား) ကို အသုံးပြုပြီး အခြားလိုင်စင်မဲ့ယာဉ်တစ်စီးဟာ ကျောက်ဆည်မြို့အတွင်း အသုံးပြုနေကြောင်း ဒီကနေ့ထုတ် မန္တလေးနေ့စဥ်သတင်းစာမှာ ကြေညာခဲ့တာပါ။

အဆိုပါ လိုင်စင်မဲ့ယာဉ်ဟာ ဧပြီ ၁ရက် နဲ့ ၉ရက်မှာ ကျောက်ဆည်မြို့ရှိ "Start Oil" နဲ့ "Kaythioo-3" စက်သုံးဆီဆိုင်တွေမှာ 92 Ron ဓာတ်ဆီတွေကို ယာဉ်အမှတ်အပွားနဲ့ ဆီထုတ်ယူခဲ့တယ်လို့ ဆိုပါတယ်။

ဒါ့ကြောင့် မော်တော်ယာဉ်မှတ်ပုံတင် သက်သေခံလက်မှတ် (အပွား) ကို သုံးစွဲပြီး၊ လိုင်စင်မဲ့မော်တော်ယာဉ် အသုံးပြုနေတာကို 'ရပ်ဆိုင်း-ရပ်တန့်' ရန်နဲ့  လက်မှတ်အပွားကို အမြန်အပ်ဖို့နဲ့ အဆိုပါလိုင်စင်မဲ့မော်တော်ယာဉ်နဲ့ မော်တော်ယာဉ်သက်သေခံလက်မှတ် 'အပွား' အသုံးပြုနေသူကို ဖော်ထုတ်ဖမ်းဆီးပေးသူကို ကျပ်ငါးသိန်း ချီးမြှင့်မယ်လို့ ၎င်းတရားလွှတ်တော်ရှေ့နေက ကြေညာပါတယ်။

လက်ရှိဖြစ်ပေါ်နေတဲ့ စက်သုံးဆီအခက်အခဲကြောင့် ဆီဆိုင်တွေမှာ လိုင်စင်ရှိတဲ့ယာဥ်တွေသာ QR စနစ်နဲ့ ဝယ်ယူခွင့်ရနေတာဖြစ်ပြီး လိုင်စင်မဲ့ယာဉ်တွေကို နံပါတ်ပြားအတု၊ စာရွက်စာတမ်းအတု (အပွား)တွေအသုံးပြုပြီး ဆီထုတ်ယူတာတွေ များပြားနေကြောင်း မော်တော်ယာဥ်ပိုင်ရှင်တွေက ပြောပါတယ်။

မော်တော်ယာဥ်နံပါတ်ကိုပွားပြီး ဆီထုတ်ယူခံနေရတဲ့ ယာဥ်ပိုင်ရှင်တစ်ဦးက "ဆီဆိုင်က ရေနံရုံးသွားပြောရမယ်ဆိုလို့ သွားပြောတယ်။ ရေနံရုံးက ပွားထားတဲ့သူထက်ဦးအောင်ထုတ်လိုက်ပါလို့ ပြောတယ်"လို့ ပြောပါတယ်။

ဒါ့အပြင် ကညနဝန်ထမ်းတွေနဲ့ မသမာသူတွေ ပေါင်းပြီး လိုင်စင်နဲ့ဝှီးတက် မိတ္တူတွေပြုလုပ်တာတွေရှိနေတယ်လို့လည်း မော်တော်ယာဥ်ပိုင်ရှင်တွေက ပြောပါတယ်။

ဝန်းသိုမြို့နယ်အမျိုးသားလွှတ်တော်ကိုယ်စားလှယ် ဦးအောင်ကျော်စိုး လွတ်မြောက်နယ်မြေမှာ ကွယ်လွန်

ဧပြီ-၂၀၊၂၀၂၆။ဇော်ရမ်း/People's Spring

အမျိုးသားဒီမိုကရေစီအဖွဲ့ချုပ်(NLD)ပါတီရဲ့ ဝန်းသိုမြို့နယ်အမျိုးသားလွှတ်တော်ကိုယ်စားလှယ် ဦးအောင်ကျော်စိုးဟာ လွတ်မြောက်နယ်မြေတစ်နေရာမှာ ကျန်းမာရေးအခြေအနေကြောင့် ဆေးကုသမှုခံယူနေစဉ် ကွယ်လွန်သွားပါတယ်။

ဦးအောင်ကျော်စိုးဟာ စစ်အာဏာရှင်တော်လှန်ရေးမှာ စိတ်အားထက်ထက်သန်သန်ပါဝင်ခဲ့ပြီး
မနေ့က ဧပြီ ၁၉ရက်မှာ ကွယ်လွန်ခဲ့တာလို့ ၎င်းရဲ့ မိတ်ဆွေ နိုင်ငံရေးသမားတစ်ဦးက ပြောပါတယ်။

" ဦးအောင်ကျော်စိုးက ကိုဗစ်မှာ တော်တော်လေး ထိခဲ့တယ်။စစ်တပ် အာဏာသိမ်းပြီးနောက်ပိုင်း တော်လှန်ရေးမှာ ‌ဦးဆောင်ပါဝင်ခဲ့တယ်"လို့ စစ်ကိုင်းတိုင်းက လွှတ်တော်အမတ်တစ်ဦးက ပြောပါတယ်။

ဦးအောင်ကျော်စိုးဟာ အမျိုးသားဒီမိုကရေစီအဖွဲ့ချုပ်(NLD)ပါတီကနေ ၂၀၁၅ နဲ့ ၂၀၂၀ ရွေးကောက်ပွဲမှာ အနိုင်ရခဲ့ပါတယ်။ ကွယ်လွန်ချိန်မှာ အသက် ၆၈နှစ်ရှိပြီလို့ သိရပါတယ်။

(ဓာတ်ပုံ - ဦးအောင်ကျော်စိုးကို တွေ့ရစဉ်)

ဒေါ်​အောင်ဆန်းစုကြည် သတင်းအစအန​တောင်မရဘူး​ဖြေလို့ဆိုပြီးစစ်တပ်က​ဒေါက်တာမျိုးညွန့်ကို
ခေါ်ယူစစ်​ဆေး

ဧပြီ-၂၀၊၂၀၂၆။တာရာ/People's Spring

​ဒေါ်​အောင်ဆန်းစုကြည်နဲ့ပတ်သက်ပြီး မီဒီယာ​တွေကို​ဖြေဆိုမှု​တွေ​ကြောင့်ဆိုပြီး စစ်တပ်က NLD ​ဗဟိုအလုပ်အမှု​ဆောင်အဖွဲ့ဝင် ​ဒေါက်တာမျိုးညွှန့်ကို၂ ကြိမ်တိုင်​ခေါ်ယူစစ်​ဆေးခဲ့တယ်လို့ စုံစမ်းသိရပါတယ်။

​"၁၈ ရက်​နေ့ကတစ်ခါစစ်တယ်။ ၁၉ ရက်​နေ့ကလည်း တစ်ခါစစ်တယ်။ အခု​​တော့ အိမ်ပြန်​ရောက်​နေပါပြီ" လို့ ဖြစ်စဥ်ကိုသိတဲ့ စစ်တပ်နဲ့နီးစပ်သူတဦးက​ပြောပါတယ်။

နိုင်ငံ​တော်သမ္မတဦးဝင်းမြင့် ပြန်လွတ်လာတဲ့​နေ့မှာ ​ဒေါက်တာမျိုးညွန့်အပါအဝင် NLD ပါတီဝင်အချို့ဟာ နေပြည်​တော်ကို လိုက်သွားခဲ့ကြပါတယ်။ ​အဲဒီ​နောက် ​ဒေါက်တာမျိုးညွန်က ဦးဝင်း
မြင့် ပြန်လွတ်​မြောက်လာတာမှန်​ပေမယ့် နိုင်ငံ​တော်ရဲ့အတိုင်ပင်ခံပုဂ္ဂိုလ် ​ဒေါ်​အောင်ဆန်းစုကြည် နဲ့ပတ်သက်ပြီး ဘာမှမသိရ​သေးဘူးလို့ မီဒီယာ​တွေကို အမှန်အတိုင်း​ဖြေကြားခဲ့တာဖြစ်ပါတယ်။

ဒေါ်အောင်ဆန်းစုကြည်နဲ့ပတ်သက်လို့ သတင်းမျိုးစုံထွက်​နေ​ပေမယ့် တရားဝင်သတင်း ဘာမှ မသိရ​သေးသလို ၊ဘယ်မှာထားသလဲဆိုတာ မသိရသေးဘူးလို့ NLD ပါတီ ​ပြော​ရေးဆိုခွင့်ရှိသူဒေါက်တာမျိုးညွန့်က မီဒီယာ​တွေကိုပြောခဲ့ပါတယ်။

ဒေါ်​အောင်ဆန်းစုကြည် သတင်းနဲ့ပတ်သက်ပြီး သတင်းအစအန​တောင်မရ​သေး​ကြောင်း ​ဖြေကြားချက်​က လူထုကို လှုံ့​ဆော်တယ်လို့ စစ်တပ်ကစွပ်စွဲပြီး ​ခေါ်ယူစစ်​ဆေး​မေးမြန်းခဲ့တာဖြစ်တယ်လို့ အထက်ပါသတင်းရင်းမြစ်က​ပြောပါတယ်။ အခုသတင်းနဲ့ပတ်သက်ပြီး ​ဒေါက်တာမျိုးညွှန့်ကို People's Spring က​ဆက်သွယ်​မေးမြန်းဖို့ကြိုးစား​ပေမယ့် ဆက်သွယ်လို့မရပါဘူး။

လက်ရှိမှာလည်း အာဏာသိမ်းစစ်တပ်ကနိုင်ငံ​တော်ရဲ့အတိုင်ပင်ခံပုဂ္ဂိုလ်​ဒေါ်​အောင်ဆန်းစုကြည် သတင်းနဲ့ပတ်သက်ပြီး တရားဝင်ထုတ်ပြန်ထားမရှိပဲ သတင်းအ​မှောင်ချထားပါတယ်။ ဒါကြောင့် လူထုကြားမှာ ​ဒေါ်​အောင်ဆန်းစုကြည်ရဲ့ လုံခြုံ​ရေး ၊ကျန်းမာ​ရေးအ​ပေါ် စိုးရိမ်မှုမြင့်တက်​နေပါတယ်။

ဧပြီ ၁၇ ရက်​နေ့မှာ အာဏာသိမ်းစစ်​တပ်က သမ္မတဦးဝင်းမြင့် အပါအဝင် နိုင်ငံ​ရေးအကျဥ်းသားအချို့ နဲ့ အကျဥ်းသား ၄၃၀၀ ​ကျော်ကို လွတ်
ငြိမ်းခွင့်ပြုခဲ့တယ်လို့​ကြေညာခဲ့ပါတယ် ။

ဒါ​ပေမယ့်နိုင်ငံရေးအကျဉ်းသားများကွန်ရက်
(PPNM)က ​တော့ တကယ်လွတ်မြောက်လာတဲ့ဦးရေက ၁,၆၉၁ ဦးသာ ရှိတယ်လို့ PPNM က အချက်အလက်​တွေစု​ဆောင်းထုတ်ပြန်ပါတယ်။
လွတ်​မြောက်လာသူ​တွေထဲမှာ နိုင်ငံရေးအကျဉ်း
သား​ ၂၂၈ ဦးသာပါတယ်လို့ အသိပေးပါတယ်။

​ဒေါက်တာမျိုးညွှန့်ဟာ စစ်တပ်အာဏာသိမ်းတဲ့​နေ့မှာဖမ်းဆီးခံခဲ့ရပြီး ၂၀၂၂ နိုဝင်ဘာ ၁၇ ရက်နေ့မှာပြန်လည်လွတ်လာခဲ့တာဖြစ်ပါတယ်။

ဒေါက်တာမျိုးညွှန့်ကို စစ်တပ်အာဏာမသိမ်းခင်၂၀၁၉ ခုနှစ်က​မီဒီယာ​တွေ​မေးမြန်းမှုကို​ဖြေကြားစဥ်

စစ်တပ်က သမ္မတဦးဝင်းမြင့် ကို​စောင့်ကြည့်မှုတိုးလုပ်​နေ

■သမ္မတဦးဝင်းမြင်နဲ့ ​တွေ့ဆုံသူ​တွေကို တင်းတင်းကြပ်ကြပ်စစ်​ဆေးပြီး NLD ဗဟိုအလုပ်အမှု​ဆောင်​တွေကိုပါ ​စစ်တပ်ကစောင့်ကြည့်မှုတိုးလုပ်

ဧပြီ-၂၀၊၂၀၂၆။​ဒီပ/People's Spring

အာဏာသိမ်းစစ်တပ်က သမ္မတဦးဝင်းမြင့်ရဲ့​နေအိမ်နဲ့ ​နေအိမ်ကို ​စောင့်ကြည့်မှု​တွေတိုးလုပ်​နေပြီးသွား​ရောက်​တွေဆုံသူ​တွေကိုမ​တွေ့ခင်ကတည်း
က တင်းတင်းကြပ်ကြပ်စစ်​ဆေး​နေတယ်လို့ စုံစမ်းသိရပါတယ် ။

စစ်တပ်အာဏာသိမ်းတဲ့​နေ့ကတည်းကဖမ်းဆီးခံခဲ့ရတဲ့သမ္မတဦးဝင်းမြင့်ဟာဧပြီ ၁၇ ရက်​နေ့မှာလွတ်​
မြောက်လာပြီး ​နေပြည်​တော်မှာ မိသားစုနဲ့အတူ​နေထိုင်​​နေပါတယ် ။စစ်တပ်က သမ္မတဦးဝင်းမြင့်ကိုပြန်လွှတ်​ပေးခဲ့​ပေမယ့် တင်းတင်းကြပ်ကြပ် ​စောင့်ကြည့်မှု​တွေလုပ်​နေပါတယ် ။

ဒါ့အပြင် သမ္မတဦးဝင်းမြင့် ကိုသွား​ရောက်​တွေ့ဆုံသူ​တွေကို စစ်တပ်က အိမ်အနီးမှာ​စောင့်ပြီး မှတ်ပုံတင်အပါအဝင် ကိုယ်​ရေးအချက်အလက်​တွေစစ်​ဆေးတာ ၊စစ်​မေးတာ ၊ဖုန်း​တွေကိုပါ PSMS ​ဆော့ဝဲလ်သုံးပြီး တင်းတင်းကြပ်ကြပ်စစ်​ဆေး​နေတယ်လို့ စစ်တပ်နဲ့နီးစပ်တဲ့သတင်းရင်းမြစ်အချို့က​ပြောပါတယ် ။ သမ္မတဦးဝင်းမြင့်ကို​တွေ့ဆုံခဲ့သူ​တွေကိုလည်း စစ်တပ်က ​စောင်ကြည့်မှု​တွေလုပ်​နေတယ်လို့ စုံစမ်းသိရပါတယ်။

သမ္မတဦးဝင်းမြင့်တင်မကပဲ အမျိုးသားဒီမိုက​ရေစီအဖွဲ့ချုပ်ပါတီ ဗဟိုအလုပ်အမှု​ဆောင်အဖွဲ့ဝင်​တွေကိုပါစစ်တပ်က ​စောင့်ကြည့်​နေတယ်လို့ စစ်​ကောင်စီနဲ့နီးစပ်တဲ့သတင်းရင်းမြစ်အချို့က​ပြောပါတယ် ။

NLD ရဲ့ ဗဟိုအလုပ်အမှု​ဆောင်လည်းဖြစ် ၊ပြောရေးဆိုခွင့်ရှိသူလည်းဖြစ်တဲ့ ဒေါက်တာ မျိုးညွန့် ကို စစ်​​ကောင်စီရဲ့ပြည်ထဲရေးဝန်ကြီးဌာနက ဧပြီ ၁၈ ရက်​နေ့မှာ ခေါ်ယူစစ်ဆေးခဲ့ပြီး ဧပြီလ ၁၉ ရက်နေ့မှာမှ ပြန်လွှတ်ပေးခဲ့ပါတယ်။ ​ဒေါက်တာမျိုးညွှန့်က ​ဒေါ်​အောင်ဆန်းစုကြည်နဲ့ ပတ်သက်ပြီး သတင်းအစအန​တောင် မရဘူးလို့​ဖြေကြားခဲ့တာ​ကြောင့် စစ်တပ်က ​ခေါ်ယူစစ်​ဆေး ခြိမ်း​ခြောက်တာလို့ စစ်​ကောင်စီနဲ့ နီးစပ်တဲ့အခြားသတင်းရင်းမြစ်တဦးကလည်း​ပြောပါတယ်။

သမ္မတ ဦးဝင်းမြင့် လွတ်မြောက်မှု နဲ့ နိုင်ငံ​တော်ရဲ့အတိုင်ပင်ခံပုဂ္ဂိုလ်​ဒေါ်​အောင်ဆန်းစုကြည်သတင်း​
တွေကို​ဖြေကြားခဲ့လို့ဖြစ်နိုင်တယ်လို့ အထက်ပါသတင်းရင်းမြစ်​တွေက​ပြောပါတယ်။

​ဒေါက်တာမျိုးညွှန့်ဟာ သမ္မတ ဦးဝင်းမြင့် မိသားစုထံအငြိမ်းစားသမ္မတဦးထင်ကျော်မိသားစု နဲ့ အ
တူသွားရောက်တွေ့ဆုံနှုတ်ဆက်ခဲ့ပါတယ် ။

သမ္မတဦးဝင်းမြင့် နဲ့ အငြိမ်းစားသမ္မတ ဦးထင်​ကျော်​တို့​တွေ့ဆုံနှုတ်ဆက်​နေကြစဥ်

စစ်ကိုင်းနဲ့ဝက်လက်နယ်ကို စစ်တပ် ဗုံးကြဲ၊ ​ဒေသခံ ၁ဦး သေ ၊ ၂ဦးဒဏ်ရာရ

ဧပြီ-၂၀၊၂၀၂၆၊ရှိန်း/People's Spring

စစ်ကိုင်းတိုင်း၊ဝက်လက်မြို့နယ်နဲ့ စစ်ကိုင်းမြို့နယ်က ကျေးရွာ ၃ရွာကို စစ်တပ်ကလေကြောင်းတိုက်ခိုက်ခဲ့တာကြောင့်အမျိုးသား တစ်ဦး သေဆုံးပြီး ၂ဦးဒဏ်ရာ ရခဲ့တယ်လို့ ဒေသခံတွေက ပြောပါတယ်။

ဝက်လက်မြို့နယ်က မင်းဂန်ရွာနဲ့ စစ်ကိုင်းမြို့နယ်၊သာစည်နဲ့ ရွှေစည်းခုံရွာ​တွေကို စစ်တပ်ကဧပြီ ၁၉ရက် ည ၁၂နာရီ ကျော်မှာ စစ်တပ်က လေကြောင်းတိုက်ခိုက်ခဲ့တာလို့ သိရပါတယ်။

"လေယာဉ်၂စီးနဲ့ ပတ်ကြဲသွားတာ။အရာတော်ဘက်က တိုက်ပွဲကို ဒီဘက်ကနေရဲဘော်တွေသွားတယ်ထင်လို့ ရွာ တွေကို ပစ်မှတ်ထားတိုက်သွားတာဖြစ်နိုင်တယ်။ဒီရွာတွေက စစ်ကိုင်း၊ဝက်လက်၊အရာတော်မြို့နယ်သုံးခု အစပ်က နေရာ တွေဖြစ်တယ်"လို့ ဒေသခံတစ်ဦးက ပြောပါတယ်။

လေကြောင်းတိုက်ခံရမှုမှာ ရွှေစည်းခုံရွာက လူလတ်ပိုင်းအမျိုးသားတစ်ဦး သေဆုံးခဲ့ပြီး အမျိုးသား၂ဦးအပြင်းထန်ဒဏ်ရာ ရခဲ့တယ်လို့ သိရပါတယ်။

အလားတူ ဝက်လက်မြို့နယ်နဲ့ကပ်လျက် အရာ တော်မြို့နယ်ကိုလည်း စစ်တပ်က ဂျက်ဖိုက်တာ၊ Paramoter ၊ဂျိုင်ရယ်ကော်ပတာ တွေနဲ့ ဆက်တိုက် လေကြောင်းတိုက်ခိုက်နေတယ်လို့လည်း ဒေသခံတစ်ဦးက ပြောပါတယ်။

ပြီးခဲ့တဲ့ ရက်ပိုင်းကလည်း စစ်တပ်က ဝက်လက်နဲ့ ရွှေဘိုမြို့နယ်ကြားကိုလည်း လေကြောင်းတိုက်ခိုက်ခဲ့ပါ​သေးတယ်။

သင်္ကြန်အကြိုနေ့မှာလည်း စစ်တပ်က ရွှေဘိုမြို့နယ်အနောက်ခြမ်းက ဆိပ်ခွန်ကျေးရွာဘုန်းကြီးကျောင်းကို လေကြောင်းက နေဗုံးကြဲချခဲ့တာမို့ သင်္ကြန်တွင်း ရဟန်းခံထားတဲ့ သံဃာတပါး ပျံလွန်ခဲ့ပြီး ၃ပါးဒဏ်ရာရခဲ့တယ်လို့ ဒေသခံတွေက ပြောပါတယ်။

ရုပ်သံ-ပေးပို့

စစ်ကိုင်းနဲ့ဝက်လက်နယ်ကို စစ်တပ် ဗုံးကြဲ၊ ​ဒေသခံ ၁ဦး သေ ၊ ၂ဦးဒဏ်ရာရ

မကွေးမှာ အပူချိန်မြင့်လို့ သက်ကြီးပိုင်း ၂ဦး ဦးနှောက်သွေးကြောပြတ် သေဆုံး

ဧပြီ-၂၀၊၂၀၂၆။ဟာနာဆန်/People's Spring

မကွေးတိုင်းကမြို့တွေမှာ အပူချိန်မြင့်တက်နေမှုကြောင့် ၂၄နာရီအတွင်း သက်ကြီးပိုင်း ၂ဦး ဦးနှောက်သွေးကြောပြတ် သေဆုံးပြီး သက်ကြီးပိုင်းတစ်ဦးလည်း အရေးပေါ်ဆေးကုသမှု ခံယူနေရကြောင်း ဒေသတွင်း လူမှုကူညီရေးအသင်းတွေက ပြောပါတယ်။

မနေ့က ဧပြီ ၁၉ရက်က ရေနံချောင်းမြို့မှ အသက်(၆၀)ကျော်အရွယ် အမျိုးသမီးကြီးတစ်ဦးဟာ မူးလဲလို့ ဆေးရုံခေါ်လာချိန် မကွေးဆေးရုံကြီးသို့ အရောက်မှာ ဦးနှောက်သွေးကြောပြတ် ဆုံးပါးသွားခဲ့ကြောင်း ဒေသတွင်း လူမှုကူညီရေးအသင်းတွေရဲ့ ထုတ်ပြန်ချက်အရ သိရပါတယ်။

"သူ့အိမ်မှာ မီးဖိုချောင်ထဲ ထမင်းဟင်း ချက်နေရင်း ပစ်လဲကျသွားတာ။ ဦးနှောက်သွေးကြော ပြတ်သွားခြင်း ဖြစ်ပါတယ်"လို့ လူမှုကူညီရေးအသင်းသားတစ်ဦးက လူမှုကွန်ရက်ကနေ အသိပေးပါတယ်။

အလားတူ မကွေးမြို့ပေါ်က အသက်(၆၀)ကျော် အမျိုးသားတစ်ဦးလည်း အပူဒဏ်ကြောင့် သတိလစ်လဲကျသွားလို့ ဆေးရုံသို့ အရေးပေါ် ပို့ဆောင်ခဲ့ရကြောင်း လူမှုကူညီရေးအသင်းဝင် တွေက ပြောပါတယ်။

ဒီကနေ့ ဧပြီ ၂၀ ရက်မှာလည်း မကွေးမြို့ပေါ်မှာ ဆေးရုံတက်နေတဲ့ ပွင့်ဖြူမြို့နယ်၊ ရေပုတ်ကြီးကျေးရွာမှ အသက်(၅၄)နှစ်အရွယ် အမျိုးသမီးတစ်ဦးလည်း အပူရှိန်ကြောင့်ပဲ ဦးနှောက်သွေးကြောပြတ်ကာ သေဆုံးခဲ့ကြောင်း လူမှုကူညီရေးအသင်းတွေရဲ့ မှတ်တမ်းတွေအရ သိရပါတယ်။

မနေ့က ဧပြီ ၁၉ ရက်မှာ ဖြစ်ပေါ်ခဲ့တဲ့ ထူးခြားတဲ့ နေ့အပူချိန်တွေအနက် မကွေးတိုင်းက မြို့ ၅ မြို့ ပါဝင်ခဲ့ပါတယ်။ အပူချိန်တွေဟာ ချောက်မြို့မှာ ၄၃.၂ ဒီဂရီဆဲလ်စီးယပ်၊ မင်းဘူးမြို့မှာ ၄၂.၈ ဒီဂရီဆဲလ်စီးယပ်၊ မကွေးမြို့မှာ ၄၂.၄ ဒီဂရီဆဲလ်စီးယပ်၊ မြင်းခြံမြို့နဲ့ စစ်ကိုင်းမြို့တို့မှာ ၄၂.၀ ဒီဂရီဆဲလ်စီးယပ်စီ၊ မန္တလေးမြို့နဲ့ ညောင်ဦးမြို့တို့မှာ ၄၁.၅ ဒီဂရီ ဆဲလ်စီးယပ်စီ၊ အောင်လံမြို့မှာ ၄၁.၄ ဒီဂရီဆဲလ်စီးယပ်နဲ့ တံတားဦး(လေကြောင်းမိုးလေဝသ)၊ သာယာဝတီမြို့၊ ပခုက္ကူမြို့၊ တောင်တွင်းကြီးမြို့နှင့် မြင်းမူမြို့ တို့မှာ ၄၁.၀ ဒီဂရီဆဲလ်စီးယပ်စီတို့ ရှိခဲ့ကြောင်း စစ်ကောင်စီထိန်းချုပ်ထားတဲ့ မိုးလေဝသဇလဗေဒ ညွှန်ကြားမှုဦးစီးဌာနက ကြေညာခဲ့ပါတယ်။

(ရေနံချောင်းမြို့က သေဆုံးသူအား ၎င်း၏ နေအိမ်ပို့ဆောင်နေစဥ်။ ဓာတ်ပုံ - KS Rescue Magway)