ဖားကန့် မှော်စီစာတိုက်ပွဲ အထိနာခဲ့​သော်လည်း စစ်​ကောင်စီတပ် စစ်ကြောင်းဆက်ထိုးနေ

ဇွန်-၁၃၊၂၀၂၅။ထားမြတ်/People’s Spring

ကချင်ပြည်နယ် ဖားကန့်မြို့နယ် မှော်စီစာဒေသ၌ ဇွန်လ ၁၂ရက်တိုက်ပွဲတွင် အထိနာခဲ့သည့် စစ်တပ်နှင့် ပြည်သူ့စစ်ပူး​ပေါင်းစစ်​ကြောင်းသည် ဇွန် ၁၃ ရက်မနက်တွင်လည်းစစ်ကြောင်းဆက်ထိုး​နေ
သည်ဟုကချင်သတင်းရင်းမြစ်အချို့က​ပြော
သည်။

ဖားကန့် ကျောက်စိမ်းမှော်လုပ်ကွက်များရှိ ကုမ္ပဏီအဆောက်အဦးနှင့် ယာဉ်ယန္တရားများအား မီးလိုက်ရှို့နေသည့် စစ်ကောင်စီနှင့် ရှမ်းနီပြည်သူ့စစ်ပူးပေါင်း စစ်​ကြောင်းကို ဇွန် ၁၂ ရက်​နေ့တွင် ကချင်လွတ်လပ်ရေးတပ်မတော်(KIA)နှင့် ကချင်ဒေသ ပြည်သူ့ကာကွယ်ရေးတပ်မတော်(KPDF) ပူးပေါင်းတပ်က ကြားဖြတ်တိုက်ခိုက်ခဲ့ရာ ၂၀ ဦးခန့်သေဆုံးထိခိုက်ရှိခဲ့ကြောင်း သတင်းရင်းမြစ်များက ပြောသည်။

ဇွန်လ ၁၃ရက် မနက် ၇နာရီခန့်တွင်လည်း မှော်စီစာ အောင်သာယာ တကြော၌ စစ်တပ် နှင့် ပြည်သူ့စစ်ပူးပေါင်းစစ်​ကြောင်းက စစ်ရေးလှုပ်ရှားနေ၍ ပြည်သူများ သတိထားကြရန် ကချင်စစ်ရေးသတင်းရင်းမြစ်တဦးက အသိပေးသည်။

အခြားကချင်သတင်းရင်းမြစ်တဦးကလည်း
“စစ်ကြောင်းထိုးနေတုန်း။ မနေ့က ထိတွေ့နေရာအထိ။ တိုက်ပွဲတော့ မကြားသေးဘူး။” ဟု ပြောပြသည်။

စစ်ကောင်စီတပ်က မှော်ဒေသကို ပြန်လည်ထိန်း
ချုပ်လို၍ ယခုကဲ့သို့ စစ်ကြောင်းထိုးနေခြင်းဖြစ်နိုင်သည်ဟု ၎င်းက ဆက်​ပြောသည်။

“မှော်ဒေသကို ထိန်းချုပ်ပြီး အခွန်ငွေ ရယူချင်ကြလို့။ ပြီးရင် ကေအိုင်အေရဲ့ အဓိက ဝင်ငွေက မှော်ဒေသက လာတာပါ။ကေအိုင်အေဝင်ငွေကိုဖြတ်တောက်ချင်ကြတာပါတာပေါ့။ဘယ်လွယ်မလဲ အ
ကုန်မသေရင်ကံကောင်း”ဟုကချင်သတင်းရင်း
မြစ်က သုံးသပ်သည်။

စစ်ကောင်စီတပ်ကမှော်ဒေသတွင်းစစ်ရေးလှုပ်
ရှားမှု လုပ်ဆောင်နေ၍ KIAပူးပေါင်းတပ်၏ တိုက်ခိုက်မှု ဆက်လက်ကြုံရနိုင်သည်ဟုလည်း ၎င်းကဆိုသည်။

စစ်ကောင်စီနှင့် ပြည်သူ့စစ်ပူးပေါင်းတပ်သည် ဖားကန့်ဒေသ ပြန်လည်ထိန်းချုပ်နိုင်ရေးအတွက် ဧပြီလကတည်းက အင်အားအလုံးအရင်းဖြင့်စစ်​ကြောင်းထိုးခဲ့ရာ မေလကုန်ပိုင်းတွင် ဖားကန့် လုံးခင်းဒေသ သို့ စစ်ကောင်စီပူးပေါင်းတပ် များ ဝင်ရောက်နိုင်ခဲ့သည်။ ထို့နောက် စစ်ကောင်စီတပ်က မှော်လုပ်ကွက်များအား မီးရှို့ခြင်း၊ ယမ်းသိုလှောင်ရာ နေရာအချို့ကို ဒရုန်း၊ လက်နက်ကြီးဖြင့်ပစ်
ခတ်ဖျက်ဆီးခြင်း၊ဒေသခံပြည်သူအချို့ကို လူ
သားဒိုင်းအဖြစ် အသုံးပြုခြင်း၊ ဒေသခံ အချို့ကို ပစ်ခတ်သတ်ဖြတ်ခြင်းများဆက်တိုက်ပြုလုပ်​နေသည်။ထို့​နောက် KIA ၊KPDF ပူး​ပေါင်းတပ်က စစ်တပ်စစ်​ကြောင်းကို ဇွန် ၁၂ ရက်တွင်အပြင်းအထန်တိုက်ခိုက်ခဲ့သည်။

ဖားကန့်တွင် စစ်​ကြောင်းထိုး​နေ​သောစစ်တပ်နှင့် ရှမ်းနီပြည်သူ့စစ် ပူး​ပေါင်းစစ်​ကြောင်း။ရုပ်သံ-Padang Shingni

AAနှင့် ပူးပေါင်းတပ်များ ထိုးစစ်ဆင်နေသည့် အမြောက်တပ်(၃၄၄)မှ စစ်တပ်စတင်ဆုတ်ခွာ

ဇွန်-၁၃၊၂၀၂၅။ဇော်ရမ်း/People's Spring

ရေကြည်မြို့နယ်တွင်စစ်ကောင်စီတပ် အခိုင်အမာခံစစ်ပြင်ထားသည့်အမှတ် ၃၄၄အမြောက်တပ်ရင်း(အမတ ၃၄၄)မှ စစ်သားများစတင်ဆုတ်ခွာနေပြီး တိုက်ပွဲများပိုပြင်းထန်လာသည်။

"၃၄၄ကအမြောက်တွေကျုံပျော်ခလရ(၃၆)ကို ပို့တယ်။ကားတွေနဲ့ မိုးကာတွေအုပ်ပြီးဇွန်လ၁၁ရက်
နဲ့ ၁၂ ရက်က စပို့တာ။၃၄၄ကနေစပြီးဆုတ်ခွာ
လာတဲ့အခြေအနေဖြစ်ပါတယ်"ဟုဒေသတွင်း
စစ်ရေးအခြေအနေစောင့်ကြည့်နေသူတစ်ဦးကပြောသည်။

အမတ(၃၄၄)သည် ဂွ-ငသိုင်းချောင်းလမ်းလမ်းပိုင်းမှ ရေကြည်မြို့နယ်၊ ငါးသိုင်းချောင်းမြို့
နယ်ခွဲ၊ သီတာကုန်းပြင်အုပ်စု၌ရှိသည်။အမတ
(၃၄၄) ကာကင်းစခန်းများကို ပြီးခဲ့သည့် ဖေဖော်ဝါ
ရီလမှစတင်၍ အာရက္ခတပ်တော်(AA)နှင့် PDFပူး
ပေါင်းတပ်များကတိုက်ခိုက်ခဲ့ခြင်းဖြစ်သည်။

ကျံးပျော်မြို့သည် ရေကြည်၊ငသိုင်းချောင်းမြို့နှင့် ဆက်စပ်ပြီးပုသိမ်-ဟင်္သာတအဝေးပြေးလမ်းဖြတ်
သည့် မြို့ဖြစ်သည်။

"ခလရ(၃၆)ကိုပို့ပေမယ့်သူလည်းအခွံပဲရှိတာ။ ရ
ခိုင်က တိုက်ပွဲတွေမှာ ခလရ(၃၆)က စစ်ကြောင်းလိုက် ပြုတ်တာတွေ ရှ်ိတယ်။ အခုက စစ်ကောင်စီက ပရမ်းပတာဆုတ်လာရပုံရှိတယ်"ဟုဒေသတွင်းမှာကာကွယ်ရေးရဲဘော်တစ်ဦးကပြောသည်။

လက်ရှိ စစ်ရေးအခြေအနေကို အသိပေးခြင်းမရှိသော်လည်း ရေကြည်၊ငသိုင်းချောင်းနှင့် ကျုံပျော်မြို့မှဒေသခံများ လုံခြုံရေးသတိပြုရန်၊ စစ်ကောင်စီစစ်ကြောင်းများ၏အန္တရာယ်ကို မပေါ့ဆရန် ၎င်းက သတိပေးသည်။

"တိုက်ပွဲက ၃၄၄ ကို တည်ထိုးနေပြီ။AAနဲ့ PDF
တွေက နယ်မြေစိုးမိုးမှု ကောင်းကောင်းရထားပြီလို့ သိရတယ်" ဟုကျုံပျော်မြို့ဒေသခံတစ်ဦးကပြော
သည်။

လက်ရှိတွင် အမတ(၃၄၄)အနီးဝန်းကျင်နှင့် ဂွ-င
သိုင်းချောင်းလမ်းပိုင်းရှိ ရေနံ့သာရွာအနီး၌လည်း တိုက်ပွဲဖြစ်ပွားနေကြောင်းသတင်းရရှိသည်။ဂွ-ငသိုင်းချောင်းလမ်းသည် ရခိုင်ပြည်နယ်နှင့် ဧရာဝ
တီတိုင်းကိုချိတ်ဆက်ထားသည့်အဓိကလမ်းဖြစ်
သည်။

၂၀၂၄ ဒီဇင်ဘာလ၂၉ရက်တွင် AAက ရခိုင်ပြည်
နယ် ဂွမြို့နယ်ကို AAက သိမ်းယူပြီးနောက် ဧရာ
ဝတီ-ရခိုင်နယ်စပ်ဒေသများဖြစ်သည့် သာပေါင်း၊ ရွှေသောင်ယံ၊ ရေကြည်မြို့နယ်တို့မှ စစ်ကောင်စီတပ်စွဲထားသည့်နေရာများကို AAက ထိုးစစ်ဆင်ခဲ့သည်။ အမြောက်တပ်(၃၄၄)နှင့်ဆက်စပ်‌ သော တိုက်ပွဲသတင်းကို AAက အသေးစိတ်သတင်းထုတ်ပြန်ခြင်းမရှိသေးပေ။

ရေကြည်မြို့နယ်နှင့်ဆက်စပ်နေပြီး ဟင်္သာတခရိုင်အတွင်းပါဝင်သည့်လေးမျက်နှာမြို့နယ်အတွင်းမှ ကျေးရွာအချို့ကိုလည်း AAနှင့် ပူးပေါင်းတပ်များက ထိန်းချုပ်ထားသည်။ ၎င်းတို့လက်လွှတ်ခဲ့ရသည့်ကျေးရွာများကို စစ်ကောင်စီကလေကြောင်းနှင့်လက်နက်ကြီးအသုံးပြုတိုက်ခိုက်နေ၍ ဒေသခံများ စစ်ဘေးတိမ်းရှောင်နေကြရသည်။

မတ်လ ၂၈ရက်က စစ်ကိုင်းနှင့်မန္တလေးကို ဗဟိုပြုလှုပ်သွားသော ငလျင်ကြောင့် စစ်ကောင်စီကရော AAပါဝင်သည့်မဟာမိတ်သုံးဖွဲ့ကအပစ်ရပ်ထား
သည်။လက်ရှိဖြစ်ပွားနေသောတိုက်ပွဲများနှင့်ပတ်
သက်၍ AAက သတင်းမထုတ်ပြန်သေးသော်
လည်း မကွေးတိုင်း၊ပဲခူးတိုင်း၊ ဧရာဝတီတိုင်းနှင့် ရခိုင်ပြည်နယ်မှ AA သိမ်းယူထားသည့်စခန်းများကိုစစ်ကောင်စီကပြန်တိုက်ရန်ကြိုးပမ်းနေပြီး လေ
ကြောင်းနှင့် လက်နက်ကြီးပစ်ခတ်မှုများ၊ မြေပြင်မှစစ်ကြောင်းထိုးခြင်းများပြုလုပ်နေ၍ တိုက်ပွဲများဆက်လက်ဖြစ်ပွားနေသည်ဟု ဧပြီလ ၅ရက်က သ
တင်းထုတ်ပြန်ခဲ့သည်။ စစ်ကောင်စီကမူ AAနှင့် ဖြစ်ပွားနေသောတိုက်ပွဲများကြောင်း သတင်းထုတ်ပြန်ခြင်းမရှိသေးပေ။

အကယ်၍ အမတ(၃၄၄)ကို AA သိမ်းယူနိူင်ခဲ့ပါက ဧရာဝတီတိုင်းအတွင်းစစ်ရေးအခြေအနေ ပိုမိုပြင်း
ထန်လာနိုင်ပြီး ရေကြည်၊ ငါးသိုင်းချောင်း၊ ကျုံပျော်၊ လေးမျက်နှာ၊ ဟင်္သာတ၊ မြန်အောင်၊ ကွင်းကောက်၊အင်္ဂပူမြို့နယ်တို့တွင် တိုက်ပွဲများဖြစ်ပွားလာနိုင်သည်ဟု တော်လှန်ရေးအင်အားစုများက သတိပေးသည်။

ဧရာဝတီတိုင်းအတွင်းဖြစ်ပွားနေသောတိုက်ပွဲများ ဟင်္သာတခရိုင်အတွင်းရောက်ရှိနေပြီဖြစ်ပြီး စစ်ရေးသတိပြင်ဆင်ထားကြရန်နှင့် ရောက်ရှိလာသောစစ်ဘေးရှောင်များအားကူညီကြရန် ဟင်္သာ
တမြို့နယ် ပြည်သူ့အုပ်ချုပ်ရေးအဖွဲ့က ပြီးခဲ့သည့် ဧပြီလတွင်ထုတ်ပြန်ခဲ့သည်။ရေကြည်မြို့နယ်ပြည်သူ့အုပ်ချုပ်ရေးအဖွဲ့ကလည်း ဒေသခံများ လုံခြုံ‌
ရေးသတိပြုကြရန် ထုတ်ပြန်ထားသည်။

အ​မြောက်တပ်မှ စစ်​ကောင်စီတပ်ဖွဲ့ဝင်အချို့(ပုံအ​ဟောင်းဖြစ်ပါသည်)။ ဓါတ်ပုံ-စစ်​​တပ်

ထိုင်းမှာ မြန်မာ ၁၅ဦးအပါအဝင် တရားမဝင်လုပ်ကိုင်နေသူ ၂၀ဦး ဖမ်းဆီးခံရ

ဇွန်-၁၃၊ ၂၀၂၅။ People's Spring

ထိုင်းနိုင်ငံ၊ နွန်ထဘူရီခရိုင်က ဘန်ယိုင်ဈေးကြီးကို ထိုင်းအာဏာပိုင်တွေက ဝင်ရောက်စစ်ဆေးဖမ်းဆီးရာ တရားမဝင်လုပ်ကိုင်နေတဲ့ မြန်မာလုပ်သား ၁၅ဦး ဖမ်းဆီးခံခဲ့ရပါတယ်။

ဒီကနေ့(ဇွန်လ ၁၃ရက်)မနက်စောမှာ ဘန်ယိုင်ဈေးကြီးကို ထိုင်းနိုင်ငံရဲ့ အာဏာပိုင်တွေ အဖွဲ့စုံက ဝင်ရောက်စစ်ဆေးခဲ့တာလို့ သိရပါတယ်။ အဲဒီစျေးကြီးမှာ တရားမဝင်လုပ်ကိုင်နေတဲ့ မြန်မာနိုင်ငံသား ၁၅ဦး၊ လာအိုနိုင်ငံသား ၄ဦးနဲ့ ဗီယက်နမ်နိုင်ငံသား ၁ဦး စုစုပေါင်း ၂၀ဦး ဖမ်းဆီးခံခဲ့ရတာလို့ ထိုင်းသတင်းဌာန Khaosodက ဖော်ပြပါတယ်။

ထိုင်းနိုင်ငံကို မြန်မာနိုင်ငံသားတွေ တရားမဝင်လာရောက်မှုနဲ့ တရားမဝင်အလုပ်လုပ်ကိုင်တာကြောင့် ထိုင်းရဲတပ်ဖွဲ့ရဲ့ဖမ်းဆီးခံရမှု ဖြစ်စဉ်တွေ အခုရက်ပိုင်းအတွင်း ခပ်စိပ်စိပ်ဖြစ်လာတယ်လို့ ထိုင်းရောက်မြန်မာလုပ်သားအရေးကူညီဆောင်ရွက်ပေးနေသူတွေက ပြောပါတယ်။

ဇွန်လ ၁၂ရက် မနက်ပိုင်းကလည်း ကန်ချန်နဘူရီခရိုင်အတွင်းမှာ တရားမဝင်လာရောက်တဲ့ မြန်မာလုပ်သား ၂၉ဦးကို တင်ဆောင်လာတဲ့ ကားတစ်စီးကို ထိုင်းရဲတပ်ဖွဲ့က စစ်ဆေးတွေ့ရှိပြီး ဖမ်းဆီးခဲ့ပါတယ်။

လတ်တလောမှာ ထိုင်းအာဏာပိုင်တွေက စစ်ဆေးမှုတွေ ပြုလုပ်နေလို့ မြန်မာလုပ်သားတွေအနေနဲ့ သတိထားနေထိုင်ဖို့ ကိုရဲမင်း(အေအေစီ)က သတိပေးထားပါတယ်။

အီရန်ကို စတင်တိုက်ခိုက်ပြီလို့ အစ္စရေးအစိုးရ ကြေညာ | People's Spring

https://youtu.be/5gj2F6DU04M

ထိုင်း - မြန်မာ နယ်စပ်က ငါးရံ့နီ စခန်းကို စစ်ကောင်စီတပ်စွန့်ခွာ | People's Spring

https://youtu.be/RgPcSQiv4GE

နတ်ရေကန်ဗျူဟာကုန်းကထွက်​ပြေး စစ်သား ၂၃ဦးကို CDF-အရှိုဖမ်းဆီး

■နတ်ရေကန်ဗျူဟာကုန်းမှာ တိုက်ပွဲတွေဆက်
တိုက်ဖြစ်နေဟု CDF-အရှိုပြော

ဇွန်-၁၃၊ ၂၀၂၅။ People's Spring

မကွေးတိုင်း၊ ငဖဲမြို့နယ်က စစ်ကောင်စီ​ရဲ့ နတ်ရေကန်လေကြောင်းရန်ကာကွယ်ရေးတပ်စခန်း (ဗျူဟာကုန်း)က စစ်ကောင်စီတပ်သား ၂၃ဦးကို ဖမ်းဆီးရခဲ့တယ်လို့ ချင်းဒေသကာကွယ်ရေးတပ်
(CDF) -အရှို ပြောရေးဆိုခွင့်ရှိသူ ဆလိုင်းရိုးချင်းက လူထုနွေဦးကို ပြောပါတယ်။

နတ်ရေကန်လေကြောင်းရန်ကာကွယ်ရေးတပ်စခန်း ဗျူဟာကုန်းအနီးကို ဖြတ်တောက်တိုက်ခိုက်ရေးလုပ်နေစဉ်မှာ နတ်ရေကန်ဗျူဟာကုန်းကနေ ထွက်ပြေးလာတဲ့ စစ်ကောင်စီတပ်သား ၂၃ဦးကို ဖမ်းမိခဲ့တာလို့ ဆိုပါတယ်။

"ပြေးလာကြတယ်ဆိုတာက တာဝန်မထမ်းဆောင်ချင်တာရယ်၊စစ်မှုထမ်းကြောင့်ပါလာပြီးထွက်ပြေး
ချင်တာရယ်ပေါ့။ တချို့ကလည်း နှစ်ခါ၊သုံးခါ ထွက်ပြေးဖို့ ကြိုးစားနေတဲ့သူတွေပါတယ်"လို့ CDF -အရှို ပြောရေးဆိုခွင့်ရှိသူ ဆလိုင်းရိုးချင်းက ပြောပါတယ်။

ပြီးခဲ့တဲ့ ဇွန်လ ၈ရက်ကနေ ၁၂ရက်အထိ ငါးရက်အတွင်း ထွက်ပြေးလာတဲ့သူတွေလို့ CDF -အရှို က ထုတ်ပြန်ထားပါတယ်။MA - 1 ငါးလက်၊ MA - 3 သုံးလက်နဲ့ ခဲယမ်းအချို့လည်း သိမ်းရခဲ့တယ်လို့ ဆိုပါတယ်။

ဒါ့ကြောင့် စစ်ကောင်စီတပ်ဖွဲ့ဝင်တွေ အနေနဲ့ တော်
လှန်ရေးတပ်ဖွဲ့တွေနဲ့ ချိတ်ဆက်ဆက်သွယ်ပြီး အမြန်ဆုံးအလင်းဝင် ပူးပေါင်းကြဖို့လည်း တိုက်
တွန်းထားပါတယ်။

ဒါ့အပြင် နတ်ရေကန်ဗျူဟာကုန်းမှာ တိုက်ပွဲတွေ အဆက်မပြတ်ဖြစ်နေတယ်လို့လည်း ဆလိုင်းရိုးချင်းက ပြောပါတယ်။

" နေ့တိုင်းမဟုတ်တောင် နှစ်ရက်ခြားတစ်ခါ၊ သုံးရက်ခြားတစ်ခါတော့ အမြဲဖြစ်နေပါတယ်"လို့ ၎င်းကပြောပါတယ်။

အမ်း-ပဒါန်းလမ်းကို ထိန်းချုပ်နိုင်ဖို့၊ နတ်ရေကန်ဗျူဟာကို ထိန်းချုပ်ရေးတိုက်ခိုက်နေတဲ့ စစ်ဆင်
ရေးတွေကို အာရက္ခတပ်တော်(AA)နဲ့ ပူးပေါင်းတပ်တွေက ပြီးခဲ့တဲ့ ဖေဖော်ဝါရီကစတင်ခဲ့ပါတယ်။

မတ်လအစောပိုင်းကလည်း နတ်ရေကန်ဗျူဟာတောင်ကုန်းအောက်က အရေးပါတဲ့ စစ်ကောင်စီရဲ့တောင်ကုန်းအချို့ကို AA က သိမ်းပိုက်ခဲ့ပါတယ်။

အဲဒီ တိုက်ပွဲတွေအတွင်းမှာ တပ်မ (၉၉)ရဲ့ ယာယီနည်းဗျူဟာမှူးဒုတိယဗိုလ်မှူးကြီးကျော်ကျော်သက်ကို AAနဲ့ ပူးပေါင်းတပ်တွေက ဖမ်းမိခဲ့ပါတယ်။ မေလနှောင်းပိုင်းက တိုက်ပွဲတွေမှာလည်း နတ်ရေကန်ဗျူဟာအနီးက အဓိက ကာကင်းစခန်းဖြစ်‌တဲ့ ဆက်သွယ်ရေးတာဝါတိုင်စခန်းကို AAက သိမ်းယူခဲ့ပါတယ်။

နတ်ရေကန်ဗျူဟာကုန်းနဲ့ အမ်း-ပဒါန်းလမ်းတိုက်
ပွဲမှာ အရာရှိအချို့အပါအတင် စစ်ကောင်စီတပ်ဖွဲ့ဝင်ရာချီသေဆုံးပြီး ၈၀ ထက်မနည်း ပျောက်ဆုံးနေတယ်လို့ စုံစမ်းသိရပါတယ်။ အဲဒီ စစ်ဆင်ရေးတွေမှာ တာဝန်အရှိဆုံး တပ်မ(၉၉) တပ်မမှူးဗိုလ်မှူးချုပ်တင်မောင်ကျော်ကို စစ်ကောင်စီက ပြီးခဲ့တဲ့ မေလကုန်မှာ ဖမ်းဆီးပြီး ရာထူးကဖြုတ်ချ စစ်ဆေးနေပါတယ်။

■အ​တွေးအမြင်

"အမ မာပါစေ၊ လွတ်မြောက်ပါစေ"

-မသီတာ-စမ်းချောင်း​ရေးသားသည်။

၁၉၈၈-၈၉ ခရီးဖော်ဆရာက နတ်မောက်ထဲက ကြာကန်ရွာမှာ နွားလှည်းစီးခဲ့တုန်းက ပုံလေးကို ပို့လာတယ်။ အမက နေပူလို့ ခေါင်းစီးလေးနဲ့။ ကျမက ကျောပေးပြီး ထိုင်နေတော့ ခေါင်းနဲ့ကျောပဲ မြင်ရတယ်။ ဘိုကေခေါင်းလေးကို ခရီးဖော်တွေကတော့ မှတ်မိနေတာပေါ့။ လွန်ခဲ့တဲ့ နှစ်လေးဆယ်နီးပါးတုန်းကဆိုတော့ အတော့်ကို ကြာခဲ့ပြီ။

အမကတော့ အသက် ၈၀ ပြည့်တော့မယ်။ ကျမလည်း နောက်နှစ်ဆို အသက် ၆၀ ပြည့်မယ်။ နှစ်လေးဆယ်လောက် မနားတမ်းလျှောက်ခဲ့ရတဲ့ ဒီမိုကရေစီလမ်းဟာ ကောက်ကွေ့ ရှန်တိန် မြေလျှိုးရုံမက ဝင်္ကပါထဲလည်းရောက်ခဲ့တယ်။ခုက ဝင်္ကပါ ဖြိုချဖို့ အားထုတ်နေကြတုန်း။အမကတော့ ထုံးစံအတိုင်း လူထုမြင်ကွင်းကြားမှာ 'မရှိခြင်း'အားဖြင့် 'ရှိ'ပေးနေရပြန်ပြီနော်။

၂၀၀၇ ခုနှစ်နှစ်လယ်လောက်ကဂရိနိုင်ငံ၊ အေသင်မှာ ဆုံကြတဲ့အမေရိကန်သူငယ်ချင်းကအမရဲ့ အဲဒီတုန်းက အနေအထားကို ပိုသေချာအောင် မေးဖို့ စကားစတယ်။ သူက အခုထိ ...(နေအိမ်အကျယ်
ချုပ်ထဲမှာ)......... ရှိနေဆဲလားဆိုတာမျိုး မေးချင်တော့ "Is she still.....?"လို့ မျက်နှာပေးနဲ့ပဲ House Arrest ဆိုတဲ့ဝေါဟာရ မပါဘဲ မေးလိုက်တယ်။ ကျမက "Yes, she is still still."လို့ ဖြေဖြစ်သွားတယ်။ သူက ပြုံးတယ်။ ဟုတ်တယ် အမ။ အဲဒီအချိန်က အမဟာ 'သက်ငြိမ်'ပန်းချီကားတစ်ချပ်လို လွတ်လပ်မှုတွေ ဆိတ်သုဉ်းပြီး လူမြင်
ကွင်းထဲမှာ မြင်ကွက်သေတစ်ခုအနေနဲ့ နှစ်တွေ အကြာကြီး ရှိနေခဲ့တာနော်။ တနည်းအားဖြင့် လူမြင်
ကွင်းထဲကို လူလုံးထွက်မပြနိုင်ပေမဲ့ နေအိမ်မှာ ကျန်းမာရေးစောင့်ရှောက်မှုကို ကိုယ်ပိုင်အစီအစဉ်နဲ့ ရခဲ့တယ်။ အနားမှာ ရဲဖော်ရဲဖက်ကို အတူခေါ်ထားခွင့်ရခဲ့တယ်။ ဒါ့အပြင် အမအိမ်က စန္ဒယားခလုတ်လေးတစ်ခု ချို့ယွင်းတာကအစ လူထုက သိခွင့်ရခဲ့တယ်။ အကျဉ်းသားပုံရိပ်ဟာ အမအတွက် အသားတံဆိပ်လို ခွဲထားမရတဲ့ မြင်ကွင်းသေဖြစ်ခဲ့တာ နှစ်ပေါင်းများစွာ။

တကယ်တော့ ၂၀၀၆ ခုနှစ်နှောင်းပိုင်းလောက်မှာ မီဒီယာတစ်ခုကို ကျမက အမအကြောင်း ပြောတဲ့အခါ "လက်ခုပ်သံတို့ရဲ့ အကျဉ်းသား"လို့ ကင်
ပွန်းတပ်ဖြစ်ခဲ့တယ်။ အကျဉ်းသားတော့ အကျဉ်း
သားပဲ။ ဒါပေမဲ့ ဖိနှိပ်သူစစ်အစိုးရရဲ့ အကျဉ်းသားအဖြစ်နဲ့ နေအိမ်မှာ အကျယ်ချုပ်ခံရရုံမက ထောက်ခံကြသူလူထုရဲ့ လက်ခုပ်သံများကြားမှာ ပုံရိပ်သေတစ်ခုအတွင်း၊ မြင်ကွင်းသေတစ်ခုအတွင်း "Still still"နေပေး ပြုမူပေးရတဲ့ အခိုက်အတန့်ပေါင်းများစွာ ရှိခဲ့တယ်လို့ ယုံကြည်တဲ့အတွက် ခုလို ပြောဖြစ်ခဲ့တာပေါ့။ လူတွေက အမကို သူတို့စိတ်တိုင်းကျ ပြုမူနေထိုင်ပေးမှ ချစ်ခင်လေးစား လက်ခုပ်သံများ ပေးချင်တတ်ကြတာကိုး။ အမကို အမအတိုင်း အမအနေနဲ့ပဲ နား
လည်ချစ်ခင် လက်ခုပ်တီးပေးကြသူတွေလည်း ရှိကြပေမဲ့ အမကို သူတို့စိတ်ထဲက ပုံရိပ်အတိုင်း မြင်ကွင်းသေထဲမှာ နေထိုင်ပြုမူတုံ့ပြန်တာကိုပဲ မြင်တွေ့ချင်ကြသူတွေက အရေအတွက်အားဖြင့် ပိုများတယ် မဟုတ်လား။

အခုရော။ အခုတော့ အမ ဘယ်မှာ ရှိနေလဲ။ ဘယ်လို နေထိုင် စားသောက်နေရလဲ။ လုံလောက်တဲ့ ကျန်းမာရေး စောင့်ရှောက်မှုမှ ရရဲ့လား။ သံတိုင်တွေကို ကျော်ပြီး အပြင်မှာ ဘာတွေ ဖြစ်နေလဲဆိုတာကို ဘယ်လောက်ထိ သိခွင့်ရနေလဲ။ နေအိမ်အကျယ်ချုပ်တုန်းကလို တရားအားထုတ်မှုကို ဘယ်လောက်အဆင်ပြေပြေ လုပ်နိုင်တဲ့ အ
နေအထားမှာ နေခွင့်ရနေလဲ။ တခြားနိုင်ကျဉ်းတွေကိုမှ အဲကွန်း မတပ်ပေးနိုင်ရင် သူ့ကိုလည်း မတပ်ပေးနဲ့လို့ အမက ပြောခဲ့ကြောင်း ကြားရတော့ အမဟာ အရင်က အမ၊ ၁၉၈၈ နှစ်များဆီက အမရဲ့ ပင်ကိုယ်ပကတိဖြစ်မှုကို ထိန်းထားဆဲလို့ တွေ့လိုက်ရပြန်တယ်။ အမက နေအိမ်အကျယ်ချုပ်ကာလမှာတောင် ထောင်ထဲက အကျဉ်းသားတွေကို တွေးဆစာနာပြီး ကိုယ့်စည်းကမ်းနဲ့ကိုယ် စားသောက်နေထိုင်မှုကို ထိန်းချုပ်ခဲ့တယ်ဆိုတာ ကြားခဲ့ရတုန်းကလိုပဲ ခံစားရပါတယ်။

ဒါပေမဲ့ အခု အမက အသက် ၈၀ ပြည့်တော့မယ့်သူလေ။ ဇရာအိုတစ်ယောက်ရဲ့"အာခံမှု"နဲ့ "စာနာစိတ်" ပူးတွဲရောယှက်ထားတဲ့ ရပ်တည်ချက်ဟာ အမရဲ့ ကျန်းမာရေးအတွက်တော့ အပြု
သဘောမဆောင်ပေဘူးပေါ့။ "လူမြင်ကွင်းမှာ မရှိတော့ခြင်း"နောက်ကွယ်က အမရဲ့ ခံနိုင်ရည်ကို အဆုံးစွန်ထိ မြှင့်တင်နေရမှုဟာ စကစကို၊ စစ်တပ်ကို မပူးပေါင်းမှုကြောင့်ဖြစ်လာရတဲ့နောက်ဆက်
တွဲ လိုအပ်ချက်ပေါ့။

ဒီကြားမှာ အမရဲ့ ပုံရိပ်ဟာ အပြောင်းအလဲတွေ ရှိခဲ့တယ်။ အမကိုယ်တိုင် ထုဆစ်ခဲ့တာတွေအရရော အမကို စိတ်တိုင်းကျမြင်ကွင်းသေအဖြစ် မြင်ချင်ကြသူတွေက သူတို့ မြင်မိသလို ခံစားမိသလို ပုံဖော်ထုဆစ်ပြကြတာတွေအရပါ အမရဲ့ ပုံရိပ်ဟာ ပြောင်းလဲခဲ့တာပေါ့။အမလောက် လောကဓံတရား ရှစ်ပါးရဲ့ ရိုက်ခတ်မှုကို အချိန်ပြည့် ခံစားရသူ မရှိသလောက် နည်းမှာပါ။လူ့သဘာဝအတိုင်း အဆိုးလောကဓံ ခံခဲ့ရချိန်မှာ လက်ခုပ်တီးအားပေးနှစ်
သိမ့်ကြသလောက် အကောင်းလောကဓံ ခံနေရချိန်မှာတော့ စကားတင်းဆိုကြပြန်တာပေါ့။ ဒီလိုနဲ့ အဆိုးလောကဓံအသစ်အသစ်တွေကိုပဲအမက ကြုံရပြန်တယ်။

အမက မတရားတဲ့ အမိန့်အာဏာမှန်သမျှကို ဖီ
ဆန်ဖို့ တိုက်တွန်းခဲ့တုန်းက 'တာဝန်အရ'လို့ လူထုကို သတိပေးခဲ့တယ်။ လူထုက အာဏာသိမ်းတာကို အာခံကြတာဟာ သူတို့ရဲ့ နိုင်ငံသားတာဝန်ကို ထမ်းဆောင်တာပဲပေါ့။ ခုခံစစ်မှ မဟုတ်ဘဲ စကစနဲ့ မပူးပေါင်းနည်းမျိုးစုံကို လူထုက အားထုတ်တဲ့အခါ အမကလည်း သံတိုင်တွေ နောက်မရောက်ခင် အိမ်တော်ထဲကတည်းကနေ ထောင်အကျဉ်းခန်းထဲ ရောက်နေဆဲ ခုအချိန်ထိ စကစအလိုကျ ပြောဆိုတုံ့ပြန်မှတ်ချက်ပြုတာတွေ ဘာဆို ဘာတစ်ခုမှ မလုပ်တဲ့နည်းနဲ့ မပူးပေါင်းဘဲ နေခဲ့တယ်။ "Still still"ဖြစ်နေဆဲ။ လူမြင်ကွင်းမှာ အမ မရှိတော့တဲ့ မရှိတော့ဘဲ နေရချိန်မှာတောင် အမက ဘယ်လိုထင်မြင်မှာပါလိမ့်၊ တုံ့ပြန်မှာပါလိမ့်လို့ တွေးတွေးပြီး ကြောင့်ကြပူပန်သူတွေလည်း အ
များကြီးပဲ။ အမ လူမြင်ကွင်းမှာ မရှိနေခြင်းဆိုတာ သူတို့လိုလူတွေအတွက်တော့ သက်ရောက်မှုအပြောင်းအလဲ ဖြစ်မသွားဘူး။အမ လူမြင်ကွင်းမှာ မရှိနေပေမဲ့ အမကို ထောက်ခံအားပေးစာနာကြသူတွေက လူမြင်ကွင်းမှာ ဖွေးဖွေးလှုပ် ရှိနေကြတာကိုး။

အဲဒီလိုပဲ အမ မပါဘဲ အရွေ့တွေကို ချဉ်းကပ်နေကြသူတွေလည်း အများကြီးပဲ။ (အမကို 'အမ၊ အန်တီ၊ အမေ'လို့ ခေါ်ခဲ့ကြတဲ့ ခေတ်အစုံက လူ
ငယ်၊ လူလတ်၊ လူကြီး အရွယ်အစုံ ပါတာပေါ့) အမကို နိုင်ငံခြားမှာ မေးခွန်းတွေ မေးကြတော့ "ရှင် အောင်မြင်တယ်လို့ ဘယ်လိုပြောနိုင်မလဲ။ ဘယ်တော့ ပြောနိုင်မလဲ"လို့ သဘောရတဲ့ မေးခွန်းတစ်ခု ရှိခဲ့တယ်။

အမက "ကျမ မလိုတော့ဘဲကျမရဲ့လူထုက ဆက်
ရွေ့သွားပြီဆိုရင် ကျမ အောင်မြင်တာပဲပေါ့"လို့ သဘောရတဲ့ အဖြေမျိုးကို ဖြေခဲ့ဖူးတယ်။ အမ မပါဘဲ အရွေ့တွေကို ချဉ်းကပ်နေကြတဲ့ အရွယ်စုံလူတွေကိုယ်တိုင်ဟာအမရဲ့"အောင်မြင်မှုပြဒါး
တိုင်"တွေ ဖြစ်နေပြန်ပါလား။

နှစ်လေးဆယ်လောက် ကြာတော့ အမက အလုံပိတ်ရထားလှည်းတစ်စီးပေါ်ကနေ မွေးနေ့မိုင်တိုင်တွေကို ကျော်ဖြတ်ရွေ့လျားနေရတယ်။ ကျမက လွတ်လပ်တဲ့ လေကို ရှုနေရပေမဲ့ အချိန်ရထားလှည်းရဲ့ အဝေးရောက်ထိုင်ခုံမှာ နောက်ပြန်စီးပြီး အတိတ်နဲ့ မွေးရပ်မြေကို မျက်ခြည်မပြတ် စေ့စေ့စပ်စပ် ကြည့်နေမိတယ်။

အမ အမြန် လွတ်မြောက်လာပါစေ။ ကျန်းမာပါစေ။ မာမြဲ မာပါစေ။

သံတောင်ကြီးတွင် အရာရှိသင်တန်းဆင်းများ ပါလာသည့် စစ်တပ်ယာဉ်တန်းကို PDF ပူးပေါင်းတပ်တိုက်ခိုက် တပ်ခွဲမှူး ၈ ဦး​သေဟုဆို

■ထန်းတပင်မြို့စိုးတံတားသို့ အင်အားဖြည့်လာသည့် စစ်​ကြောင်းကိုလည်း PDFများတိုက်ခိုက်

ဇွန်-၁၃၊၂၀၂၅။ထားမြတ်/People’s Spring

ကရင်ပြည်နယ် သံတောင်ကြီးမြို့နယ်တွင်စစ်တပ်
၏ အရာရှိ သင်တန်းဆင်း သင်တန်းသားများ လိုက်ပါလာသည့် ယာဉ်တန်းကို တိုက်ခိုက်ခဲ့ရာ တပ်ခွဲမှူး ၈ ဦး နှင့် ယာဉ်မောင်း တပ်ကြပ် ၁ဦးသေဆုံးကာ ၄ဦး ဒဏ်ရာရခဲ့ကြောင်း တိုက်ခိုက်ခဲ့သည့် People Defence Force Thandaung က သတင်းထုတ်ပြန်သည်။

ဇွန်လ ၇ရက် ညနေပိုင်းက သံတောင်ကြီးမြို့နယ်၊ဘုရင့်နောင်တပ်မြို့ စစ်သင်တန်းကျောင်းမှတပ်ခွဲမှူး သင်တန်းဆင်းများပါဝင်သော ယာဉ်တန်းကို တောင်ငူ-သံတောင်လမ်းပိုင်းရှိ စစ်တပ်၏ ၇မိုင် စခန်းကုန်းအနီး တိုက်ခိုက်ခဲ့ခြင်းဖြစ်သည်။

အဆိုပါစစ်ဆင်ရေးကို KNU တောင်ငူခရိုင်၊တပ်မ
ဟာ(၂)၊တပ်ရင်း(၅)လက်အောက်ခံ PDF သံ​တောင်စစ်ကြောင်း နှင့် မဟာမိတ်တပ်ဖွဲ့တို့ကပူးပေါင်းတိုက်ခိုက်ခဲ့ကြပြီး တော်လှန်ရဲဘော်များအားလုံးဘေးကင်းစွာ ပြန်လည်ဆုတ်ခွာနိုင်ခဲ့ဟု အသိပေးသည်။

စစ်ကောင်စီ၏ သေဆုံးထိခိုက်မှုသတင်းအချက်
အလက်များကို တပ်တွင်းဖရဲသီးဆီမှ ပြန်သိရခြင်းဖြစ်ကြောင်း PDF သံ​တောင်မှ တာဝန်ရှိသူက ပြောသည်။ သို့​​သော်စစ်တပ်​သေဆုံးထိခိုက်မှုကို People's Spring ကသီးခြားအတည်မပြုနိုင်ပါ။

CDMစစ်သားဗိုလ်ကြီးဇင်ယော်ကလည်း ဇွန်လ ၆ရက်တွင် စစ်ကောင်စီ၏ တပ်မတော်ကြည်း တိုက်ခိုက်ရေးကျောင်း ဘုရင့်နောင်၌ တပ်ခွဲမှူး၊ တပ်ရင်းမှူးနှင့် တပ်စုမှူးသင်တန်းဆင်းခဲ့ကြောင်း ပြောသည်။ တပ်ခွဲမှူးသင်တန်းဆင်းသည် ဗိုလ်ကြီး
အဆင့်ဖြစ်ပြီး တပ်ရင်းမှူး သင်ဆန်းဆင်းသည် ဗိုလ်မှူးအဆင့်ဖြစ်ကာ တပ်စုမှူး သင်ဆန်းသည် ဗိုလ်အဆင့်ဖြစ်သည်ဟု ပြောပြသည်။

“သောကြာနေ့သင်တန်းဆင်းတယ်။ စနေနေ့(ဇွန်လ ၇ရက်)မှာပို့မယ်ဆိုတဲ့ပုံသေလမ်းကြောင်းကိုလည်း ကာကွယ်ရေးအင်အားစုတွေဘက်က သတင်းစုံစွာ ရရှိထားတဲ့ အနေအထားမျိုးဆိုတော့ သူတို့တွေက တိုက်ခိုက်မှု ခံရမှာပဲ” ဟု ဗိုလ်ကြီးဇင်ယော်က ပြောသည်။

အဆိုပါလမ်းပိုင်း၌ယခင်ကတည်း မကြာခဏ တိုက်ခိုက်ခံရသကဲ့သို့ ယခုအရာရှိ သင်တန်းဖွင့်ပွဲ တွင်လည်းထပ်မံတိုက်ခိုက်ခံခဲ့ရခြင်းဖြစ်ပြီး ၊ယခင်တိုက်ခိုက်မှုများတွင်ယခုဖြစ်စဉ်ကဲ့သို့ သေ
ဆုံးထိခိုက်မများခဲ့ဟု ဗိုလ်ကြီးဇင်ယော်က ပြော
သည်။စစ်တပ်ယာဉ်တန်းတိုက်ခိုက်ခံရသည့် နေရာသည်လည်း စစ်ကောင်စီ၏ ၇မိုင်တပ်စခန်း ရှိသည်ဟု ဆိုသည်။အကယ်၍ စစ်ကောင်စီယာဉ်တန်းအတွက် လမ်းကင်းချပါကလည်း လမ်းကင်းချသည့် အဖွဲ့ တိုက်ခိုက်ခံရမည်ဟုခန့်မှန်း​ပြော
သည်။

“အဲဒါကြောင့် တောင်ငူ-လိပ်သို- သံတောင်ကြီး လမ်းပိုင်းကို စစ်ကောင်စီက အပြည့်အ၀ ထိန်း
ချုပ်မထားနိုင်တော့ဘူးဆိုတာ လုံး၀ ပေါ်လွင်နေတယ်” ဟု ဗိုလ်ကြီးဇင်ယော်က ပြောသည်။

PDF သံ​တောင်၏ သတင်းထုတ်ပြန်ချက်တွင် မေလကုန်ပိုင်းက တောင်ငူ-လိပ်သိုလမ်းပိုင်းရှိ ထုံးဘိုကြီးစခန်းအား သွားရောက်တိုက်ခိုက်ခဲ့မှုကိုလည်း​ဖော်ပြထားသည်။ မေလ ၂၇ရက်တွင် ထုံးဘိုကြီးစခန်းအား သွားရောက် တိုက်ခိုက်ခဲ့ရာ စစ်ကောင်စီတပ် ထိခိုက်ကျဆုံး အတိအကျ မသိရသေးသော်လည်း အထိနာခဲ့ဟု ဆိုသည်။

ထို့အပြင်တောင်ငူခရိုင် အမှတ်(၂) တပ်ရင်း (တပ်
ရင်း ၃၅၀၂)ကလည်း ထန်းတပင်မြို့နယ်အတွင်း တိုက်ပွဲဖြစ်ပွားမှုကိုသတင်းထုတ်ပြန်သည်။ဇွန်လ
၁၂ရက် ကထန်းတပင်မြို့နယ်၊မြိုးစိုးတံတားတွင်
အင်အားဖြည့်ထားသော စစ်ကောင်စီတပ် ဖွဲ့ဝင် ၁၂၀ ခန့်သည် နံနက် ၇နာရီ ခန့်တွင် မြို့စိုးရွာအတွင်း ဝင်ရောက်ခဲ့ရာတပ်ရင်း ၃၅၀၂၊ တပ်ရင်း
(၃၅၀၁)၊ အုတ်တွင်း ပကဖ ပူးပေါင်းအဖွဲ့နှင့် တိုက်ပွဲဖြစ်ပွားခဲ့သည်ဟု​ဖော်ပြသည်။

တိုက်ပွဲအတွင်း ရန်သူထိခိုက်မှုမှာ မြေပြင်သတင်းအရ စစ်ကောင်စီတပ်ဖွဲ့ဝင် ၇ဦး ခန့် သေဆုံးခဲ့ကြောင်း၊ ပူးပေါင်းတပ်ဖွဲ့ဘက်က ထိခိုက်မှုမရှိကြောင်း တောင်ငူခရိုင်၊ပြည်သူ့ကာကွယ်ရေးတပ်မတော် တပ်ရင်းအမှတ်(၃၅၀၂)က အသိပေးထားသည်။

ခွေး(စစ်ကောင်စီတပ်)က ကမ်းနား တစ်လျှောက် စစ်ကြောင်းနဲ့ မြို့စိုးထိ တိုးလာဖို့ လုပ်နေလို့ နှစ်ဖက် ဆိုင်ထားပါတယ်ဗျ။ရည်မှန်းချက်က မြို့စိုးတံတား လုံခြုံရေးလို့ခန့်မှန်းတယ် ယခင်လည်း ချိုးထားဖူးတော့ နောက်တစ်ကြိမ် ထပ်သိမ်းမှာ ကြောက်လို့လားမသိပါဘူး"ဟု တပ်ရင်း ၃၅၀၂ တာဝန်ရှိသူတဦးက မြို့စိုးဒေသ စစ်ရေး အခြေ အနေကို ပြောသည်။

PDF သံ​တောင်မှ တပ်ဖွဲ့ဝင်တဦး ။ဓါတ်ပုံ-PDF သံ​တောင်

မြန်မာပြည်သူများ၏ ဆန္ဒနှင့် အကျိုးစီးပွားကို ဗဟိုပြုသော ဖြေရှင်းနည်းလမ်းများ လိုအပ်ဟု မြန်မာသံအမတ်ကြီး ကုလသို့ ပြောကြား

ဇွန်-၁၃၊ ၂၀၂၅။ အီယိုရီ/People’s Spring

မြန်မာပြည်သူများ၏ ဆန္ဒနှင့် အကျိုးစီးပွားကို ဗဟိုမပြုသော မည်သည့်ဖြေရှင်းနည်းလမ်းမဆို အကောင်းဆုံးအဖြစ် ခဏတာကုစားမှုကိုသာရရှိနိုင်ပြီး အဆိုးဆုံးအဖြစ် ရေရှည်ကျရှုံးမှုဆီ ဦးတည်သွားနိုင်ကြောင်း ကုလသမဂ္ဂဆိုင်ရာ မြန်မာသံအမတ်ကြီးဦးကျော်မိုးထွန်းက သတိပေးပြောကြားသည်။

ဇွန်လ ၁၁ ရက်တွင် ပြုလုပ်ခဲ့သည့် ကုလသမဂ္ဂအထွေထွေညီလာခံ၏ မျက်နှာစုံညီအစည်းအဝေး၌ လုံခြုံရေးကောင်စီ၏ အစီအရင်ခံစာအပေါ် ဆွေးနွေးစဥ် မြန်မာအမြဲတမ်းကိုယ်စားလှယ် သံအမတ်ကြီးက ထည့်သွင်း သတိပေးခဲ့ခြင်းဖြစ်သည်။

မြန်မာ့အရေးနှင့်ပတ်သက်၍ အားလုံးပါဝင်မှု၊ ယုံကြည်မှု၊ အသွင်ကူးပြောင်းရေးကာလ တရားမျှတမှုနှင့် အရပ်သားကြီးကြပ်မှုအောက်ရှိ စနစ်ကျသည့် စစ်ဘက်ဆိုင်ရာ အဖွဲ့အစည်း စသည် တို့သည် မြန်မာတို့ ပိုင်ဆိုင်ပြီး ဦးဆောင် ဦးရွက်ပြုသော လုပ်ငန်းစဉ်အတွက် အရေးကြီးသော အစိတ်အပိုင်းများဖြစ်ကြောင်း သံအမတ်ကြီးက ပြောသည်။

မြန်မာနိုင်ငံတွင် ရေရှည်တည်တံ့၍ ငြိမ်းချမ်းရေးရရှိရန် ဖော်ဆောင်ပေးမည့် ယုံကြည်စိတ်ချရသော လုပ်ငန်းစဉ်သည် အနာဂတ်တွင် စောင့်ကြိုလျက်ရှိပြီး အမျိုးသားညီညွတ်ရေးအစိုးရနှင့် မဟာမိတ်တိုင်းရင်းသား တော်လှန်ရေး အဖွဲ့အစည်းများသည် အနာဂတ် မြန်မာနိုင်ငံ အတွက် ဆွေးနွေးမှုများ ပြုလုပ်နေကြပြီဖြစ်ကြောင်း သံအမတ်ကြီးက ကုလအထွေထွေညီလာခံ အစည်းအဝေးမှတဆင့် အစီရင်ခံသည်။

အားလုံးပါဝင်သော ဆွေးနွေးပွဲသည် ပြည်သူများ၏ ဆန္ဒ၊ အကျိုးစီးပွားနှင့်အညီ ဖြစ်ပေါ်ရန် လိုအပ်ကြောင်းနှင့် ပြည်သူများက ကြိမ်ဖန်များစွာ အတိအလင်းဖော်ပြကြသည်မှာ အရပ်သားများပြည်သူများအပေါ် အကြမ်းဖက်စစ်တပ်၏ အကြမ်းဖက်မှုများသည် ယခုချက်ချင်းရပ်တန့်ရမည်ဖြစ်ကြောင်းသံအမတ်ကြီးက ထောက်ပြသည်။

ထို့အပြင် စစ်တပ်သည် အနာဂတ် မြန်မာနိုင်ငံ၏ နိုင်ငံရေးတွင် ပါဝင်ခွင့်မရှိဘဲ အရပ်သားကြီးကြပ်မှု အောက်တွင် ရှိရမည်ဖြစ်ကာ အခြေခံလူ့အခွင့်အရေးများကို အပြည့်အဝ လေးစားရမည်ဖြစ်ကြောင်း သံအမတ်ကြီးက ပြောသည်။

အာဏာသိမ်းစစ်တပ်သည် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် သမ္မတကြီး ဦးဝင်းမြင့် အပါအဝင် နိုင်ငံရေး အကျဉ်းသားများ အားလုံးကို ချက်ခြင်းလွှတ်ပေးရမည်ဟု သံအမတ်ကြီးက ကုလအထွေထွေညီလာခံအစည်းအဝေး၌ တောင်းဆိုသည်။

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်သည် လာမည့်သီတင်းပတ်တွင် အသက် ၈၀ နှစ် ပြည့်မြောက်တော့မည်ဖြစ်ပြီး အတိုင်ပင်ခံပုဂ္ဂိုလ် ထောင်တွင်းရှိနေစဉ်၌ပင် ပြည်သူပေါင်းများစွာသည် သူမ၏ ၈၀ နှစ် ပြည့်မွေးနေ့ကို ပုံစံအမျိုးမျိုးဖြင့် ကျင်းပ၍ သူမ ချက်ခြင်း လွတ်မြောက်စေရေးနှင့် ကျန်းမာရေး ကောင်းမွန်စေရေး တို့အတွက် ဆုတောင်းပေးမှုများကို စီစဉ်လုပ်ဆောင်လျက်ရှိကြောင်း ကမ္ဘာ့နိုင်ငံများကို သံအမတ်ကြီးက အသိပေးသည်။

ကုလသမဂ္ဂ အဖွဲ့ဝင်နိုင်ငံများနှင့် နိုင်ငံတကာအသိုက်အဝန်းအနေဖြင့် မြန်မာပြည်သူများ၏ အသံများနှင့် ဆောင်ရွက်နိုင်စွမ်းကို အမှန်တကယ် ဗဟိုပြု၍ အကြမ်းဖက် စစ်အာဏာရှင်စနစ် အဆုံးသတ်ရေးနှင့် ဖက်ဒရယ် ဒီမိုကရေစီ မြန်မာနိုင်ငံတော် တည်ဆောက်ရေးအတွက် မြန်မာပြည်သူများ၏ မျှော်မှန်းချက်များကို ပံ့ပိုးပေးရန် အချိန်တန်ပြီ ဖြစ်ကြောင်း သံအမတ်ကြီးက ထပ်လောင်း တောင်းဆိုသည်။

ဆက်လက်ပြီး မြန်မာသံအမတ်ကြီးက ကုလအဖွဲ့ဝင်နိုင်ငံများသည် နိုင်ငံတကာ ငြိမ်းချမ်းရေးနှင့် လုံခြုံရေးကို ထိန်းသိမ်းရန် လျင်မြန် ထိရောက်သော အရေးယူဆောင်ရွက်မှုများ ပြုလုပ် နိုင်စေရေး ရည်ရွယ်ချက်ဖြင့် လုံခြုံရေးကောင်စီအား အဓိကတာဝန်အဖြစ် ပေးအပ်ထားသော်လည်း ကောင်စီသည် နှစ်ပေါင်း များစွာ ၎င်း၏ အစီအစဉ်တွင် ပါရှိသော ကိစ္စရပ်များစွာအတွက် သဘောထားကွဲလွဲမှုများကြောင့် ပြတ်ပြတ်သားသား ဆုံးဖြတ်ချက်များ ချမှတ်နိုင်ခြင်းမရှိဘဲ အရေးယူ ဆောင်ရွက်မှု မရှိနိုင်သည့် အခြေအနေဖြစ်နေကြောင်း ဝေဖန်သည်။

ယင်းနောက် ကောင်စီ၏ စည်းလုံးညီညွတ်မှုကင်းမဲ့ခြင်းကို ယခုနှစ်အတွင်း တံခါးဖွင့်အစည်းအဝေးများ၌ ဆုံးဖြတ်ချက်များအပေါ် ဗီတိုအာဏာသုံးစွဲမှုများနှင့် တံခါးပိတ် အစည်းအဝေးများ၌ ဆုံးဖြတ်ချက် မူကြမ်းများအပေါ် ဗီတိုအသုံးပြုရန် ခြိမ်းခြောက်မှုများမှတဆင့် ထင်ဟပ်နေကြောင်း ထောက်ပြသည်။

ထို့အပြင် မြန်မာ့အရေးအတွက် လုံခြုံရေးကောင်စီက ဆွေးနွေးမှု အကြိမ်အရေအတွက် ကိန်းဂဏန်းများကို လိုသလို အသုံးပြု၍ ရှောင်လွှဲနေကြကြောင်း သံအမတ်ကြီးဦးကျော်မိုးထွန်းက ပြောသည်။

မြန်မာနိုင်ငံနှင့်စပ်လျဉ်းသည့် တံခါးပိတ်အစည်းအဝေးများ၏ အရေအတွက်သည် အရေးကြီးခြင်းမဟုတ်ဘဲ မြန်မာပြည်သူများ၏ အသက်များကို ကယ်တင်နိုင်ရန် လုံခြုံရေးကောင်စီ၏ မြန်ဆန်၊ ထိရောက်ပြီးပြတ်သားမှု ရှိသော အရေးယူ ဆောင်ရွက်ချက်ကသာ အရေးကြီးကြောင်း သံအမတ်ကြီးက ထောက်ပြပြောဆိုသည်။