မြန်မာဟာ ကိုယ့်ကိုယ်ကိုယ် ဖျက်ဆီးတဲ့ လမ်း
ကြောင်းဆီ ဦးတည်နေတယ်လို့ ကုလသမဂ္ဂ ကိုယ်စားလှယ်ဆို

■နိုင်ငံရေးခေါင်းဆောင်အများအပြားကိုစစ်ကောင်စီက ဖမ်းဆီးထားတဲ့ အခြေအနေမျိုးမှာ ကျင်းပမယ့် ရွေးကောက်ပွဲဟာ အစုအဖွဲ့ပေါင်းစုံ ပါဝင်ပါတယ်ဆိုတာကို စဉ်းစားပုံဖော်ကြည့်လို့တောင်မဖြစ်နိုင်ကြောင်း ဘိရှော့​ပြော

ဇွန်-၁၂၊၂၀၂၅။People's Spring

မြန်မာဟာ ကိုယ့်ကိုယ်ကိုယ် ဖျက်ဆီးတဲ့ လမ်း
ကြောင်းဆီ ဦးတည်နေတယ်လို့ မြန်မာနိုင်ငံဆိုင်ရာ ကုလသမဂ္ဂ အထူးကိုယ်စားလှယ် ဂျူလီ ဘိရှော့က ပြောကြားခဲ့ပါတယ်။

ဇွန်လ ၁၀ ရက်နေ့တုန်းက ကုလသမဂ္ဂ အထွေထွေ ညီလာခံဆီ တင်ပြတဲ့အစီရင်ခံမှုမှာဘိရှော့က ပြည်
တွင်းစစ်သာ ဆက်လက် ရှည်ကြာနေမယ် ဆိုရင် မြန်မာနိုင်ငံဟာ အလုံးစုံ ပျက်စီးသွားလိမ့်မယ်လို့ မှတ်ချက် ပေးသွားခဲ့ပါတယ်။

အပစ်အခတ်ရပ်စဲရေး၊ ပဋိပက္ခတွေ အရှိန်လျှော့ချရေး၊ ပြည်သူလူထုရဲ့ လိုအပ်ချက်တွေကို မျက်
နှာမူရေးအတွက် စစ်မှန်တဲ့ အားထုတ်မှုတွေ မရှိသ၍ အဓွန့်ရှည်တဲ့ ငြိမ်းချမ်းရေးလည်း ရနိုင်မှာ မဟုတ်ဘူးလို့ ဘိရှော့က ဆိုပါတယ်။

စစ်ဒဏ်ရော၊ ငလျင်ဒဏ်ပါ ခံစားခဲ့ရတဲ့မြန်မာနိုင်
ငံမှာ အသက်ရှင်ကျန်ရစ်သူတွေအနေနဲ့ အေးအေး
ချမ်းချမ်း နေချင်တာကြောင့် တိုက်ပွဲတွေကို ရပ်
တန့်စေချင်နေကြပြီလို့ သူက ပြောပါတယ်။ လက်
နက်ကိုင် ပဋိပက္ခတွေဟာ ပြန်လည် တည်ဆောက်ရေးနဲ့ လူသားချင်းစာနာမှု လုပ်ငန်းတွေ အကောင်
အထည် ဖော်တာကိုလည်းအတားအဆီးဖြစ်စေတယ်လို့ ဘိရှော့က မှတ်ချက်ပေးခဲ့ပါတယ်။

သူကမြန်မာနိုင်ငံမှာ ရန်လိုတိုက်ခိုက်မှုတွေ အား
လုံးကို ရပ်တန့်ဖို့ ထပ်လောင်း တောင်းဆိုခဲ့ပြီး အ
များလက်ခံနိုင်တဲ့ ရည်မှန်းချက်တွေနဲ့ အရှည်တည်တံ့စေမယ့် ငြိမ်းချမ်းရေးကို အကောင်အ
ထည် ဖော်ရာမှာ အရပ်သား ပြည်သူတွေကို အကာအကွယ် ပေးဖို့ ဆိုတာက ဦးစားပေးကိစ္စ ဖြစ်ဖို့လိုကြောင်းလည်း ဘိရှော့က ဆိုပါတယ်။

ရန်လိုတိုက်ခိုက်မှုတွေ အဆုံးမသတ်သေးသ၍ မြန်မာဟာ ကိုယ့်ကိုယ်ကိုယ် ဖျက်ဆီးတဲ့ လမ်း
ကြောင်းဆီ ဆက်လက် ဦးတည်နေလိမ့်မယ်လို့ သူကဆိုပါတယ်။

နောက်ပြီးမြန်မာနိုင်ငံမှာအကြမ်းဖက်ရန်လိုမှုတွေ မရပ်တန့်သ၍၊ အစုအဖွဲ့ပေါင်းစုံ ပါဝင်ပြီး ပွင့်လင်းမြင်သာတဲ့ ရွေးကောက်ပွဲမျိုး မကျင်းပနိုင်သ၍ လက်နက်ကိုင် တော်လှန်မှုတွေနဲ့ မတည်ငြိမ်မှုတွေ ဆက်လက် ပြင်းထန်နေလိမ့်မယ်လို့ သတိပေးခဲ့ပါတယ်။ လောလောဆယ်အာဏာသိမ်းစစ်ကောင်စီကတော့ အဲဒီ အခြေအနေတွေနဲ့ ဆန့်ကျင်ဖက် ကိစ္စတွေကိုပဲ လုပ်ဆောင်နေပါတယ်။

နိုင်ငံရေးခေါင်းဆောင်အများအပြားကိုစစ်ကောင်
စီက ဖမ်းဆီးထားတဲ့ အခြေအနေမျိုးမှာ ကျင်းပမယ့် ရွေးကောက်ပွဲဟာ အစုအဖွဲ့ပေါင်းစုံ ပါဝင်ပါတယ်ဆိုတာကို စဉ်းစားပုံဖော်ကြည့်လို့တောင်မဖြစ်နိုင်ကြောင်း ဘိရှော့က ပြောပါတယ်။

ကုလသမဂ္ဂအနေနဲ့ မြန်မာအစိုးရခေါင်းဆောင် ဒေါ်အောင်ဆန်းစုကြည်နဲ့ တခြားတရားလက်မဲ့ ဖမ်း
ဆီးခံထားရသူတွေ အားလုံး လွတ်မြောက်ရေးအတွက် ဖိဖိစီးစီး တောင်းဆိုဖို့လိုကြောင်းလည်း ထပ်လောင်းတိုက်တွန်းသွားခဲ့ပါတယ်။

ရိုဟင်ဂျာတွေအပါအဝင်မြန်မာနိုင်ငံမှာရှိနေတဲ့ လူ့
အဖွဲ့အစည်းအသီးသီးရဲ့ လုံခြုံရေး၊ အခွင့်အလမ်း
နဲ့ ရပိုင်ခွင့်တွေ အားလုံးကို အာမခံချက် ပေးနိုင်ဖို့ဆိုရင် လက်ရှိ ပဋိပက္ခတွေရဲ့ ဇစ်မြစ်ကိုရော၊ ပုံစံအမျိုးမျိုးနဲ့ ခွဲခြားဆက်ဆံမှုနဲ့ နိုင်ငံသားဖြစ်ခွင့် ပိတ်ပင်မှု ကိစ္စတွေကိုပါ ဦးတည် ဖြေရှင်းဖို့ လိုကြောင်းလည်း ဘိရှော့က ပြောကြားသွားပါတယ်။

ကိုးကား-UN

နမ္မတူမြို့နယ်၊မန်လီရွာဘုန်းကြီးကျောင်းကို
စစ်​ကောင်စီ​ပေါင် ၅၀၀ ဗုံးနှစ်လုံးကြဲ

ဇွန်-၁၂၊၂၀၂၅။ထားမြတ်/People’s Spring

တအာင်းတပ်မတော်(TNLA) သိမ်းပိုက်ထားသည့် နမ္မတူမြို့နယ် မန်လီကျေးရွာ ဘုန်းကြီးကျောင်းကို စစ်ကောင်စီက ယနေ့မနက်အစောပိုင်း၌ လေ
ကြောင်းမှ ​ပေါင် ၅၀၀ဗုံး နှစ်လုံးကြဲတိုက်ခိုက်ခဲ့ရာ ဘုန်းကြီးကျောင်း အပြင် စာသင်ကျောင်းနှင့် နေ
အိမ်အချို့လည်း ပျက်စီးခဲ့ဟု TNLAက ထုတ်
ပြန်သည်။

ဇွန်လ ၁၂ရက် မနက်အစော ၁နာရီကျော်တွင် စစ်ကောင်စီက မန်လီကျေးရွာ ဘုန်းကြီး​ကျောင်းကို
တိုက်ပွဲဖြစ်ပွားမှုမရှိဘဲဖျက်အားပြင်းပေါင် ၅၀၀
ဗုံး ၂ လုံး ဖြင့်ကြဲချတိုက်ခိုက်ခဲ့ခြင်းဖြစ်ပြီးပြည်သူ လူထုများကို ရည်ရွယ်ချက်ရှိရှိ ဦးတည်တိုက်ခိုက်ခြင်းဖြစ်ဟု TNLAက အသိပေးထားသည်။

ပြည်သူများ စစ်ရေးသတိရှိရန်၊ လေကြောင်းရန် ကာကွယ်ရေးဆိုင်ရာ နည်းလမ်းများ လိုက်နာကြရန်လည်းသတိ​ပေးသည်။

ယနေ့ စစ်ကောင်စီလေကြောင်း တိုက်ခိုက်ခဲ့သည် မန်လီကျေးရွာ ဘုန်းကြီးကျောင်းသည် ၂၀၂၃ ဒီဇင်ဘာ ၂၉ရက်က တကြိမ်၊ ၂၀၂၄ ဇန်နဝါရီ ၁၀ ရက်တွင် တကြိမ် စစ်ကောင်စီက လေကြောင်း ပစ်ခတ်တိုက်ခိုက်ခဲ့ဖူးသည်ဟု မန်လီကျေးရွာမှ ဆရာတော် ဦးပဏ္ဏ၀က မှတ်တမ်းဓာတ်ပုံများနှင့်အတူ လူမှုကွန်ရက်၌ ဖော်ပြ အသိပေးထားသည်။

ယနေ့ လေကြောင်း တိုက်ခိုက်မှုကြောင့် ဘုန်းကြီး
ကျောင်း ဆောင် ၂လုံးနှင့် စာသင်ကျောင်း ဆောင် အချို့ ပျက်စီးခဲ့သည်။

၂၀၂၃ ဒီဇင်ဘာလ မန်လီကျေးရွာ လေကြောင်း တိုက်ခိုက်ခံရမှု ဖြစ်စဉ်တွင် ကျောင်းဆရာမ ၁ဦး သေဆုံးခဲ့ဟု TNLAက အသိပေးထားသည်။

TNLAသည် နမ္မတူမြို့နယ်ကို၂၀၂၃ဒီဇင်ဘာ ၂၈
ရက်တွင် အပြီးသတ် တိုက်ခိုက်သိမ်းပိုက်နိုင်ခဲ့ခြင်းဖြစ်ပြီး နမ္မတူ အပါအဝင် မြို့ပေါင်း ၁၂မြို့ကို သိမ်းနိုင်ခဲ့ရာ စစ်ကောင်စီက TNLA အုပ်ချုပ်ရာ မြို့ရွာများကို လေကြောင်း ပစ်မှတ်ထားတိုက်ခိုက်မှုများ ဆက်တိုက်ပြုလုပ်လျက်ရှိသည်။

TNLAနှင့် စစ်ကောင်စီသည် တရုတ်နိုင်ငံ၏ ကြားဝင်စီစဉ်မှုဖြင့် အပစ်ရပ်စဲရေး ဆွေးနွေးလျက်ရှိသော်လည်း ဆွေးနွေးမှုများ အဆင်မပြေသကဲ့သို့ စစ်ကောင်စီ၏ ထိုးစစ်၊ လေကြောင်း၊ လက်နက်
ကြီး၊ ဒရုန်း တိုက်ခိုက်မှုများ ဆက်တိုက်ရှိနေသည်ဟု TNLA တာဝန်ရှိသူအချို့က ပြောကြားထား
သည်။

တရုတ်နိုင်ငံ ကူမင်းမြို့၌ ဧပြီလကုန်ပိုင်းတွင် ပြုလုပ်ခဲ့သည့် ဆွေးနွေးပွဲတွင် TNLAက ရောက်သည့်နေရာ၌ တပ်များ ရပ်ထားရန်၊ လေကြောင်း တိုက်ခိုက်မှု အပါအဝင် ထိုးစစ်ဆင်မှုမလုပ်ရန်၊ ပြည်သူများ လွတ်လပ်စွာ သွားလာခွင့်ပြုရန် အချက်များ အဆိုပြု ဆွေးနွေးထားပြီး စစ်ကောင်စီဘက်ကမူ TNLA သိမ်းထားသည့် မြို့၅ မြို့မှ ဆုတ်ခွာပေးရန် တောင်းဆိုရာ TNLA ကလက်မခံသဖြင့် သ​ဘောတူညီချက်မရဘဲ ပြီးဆုံးခဲ့​ကြောင်းထုတ်ပြန်ထားသည်။

တရုတ်၏ စီစဉ်မှုဖြင့် ဩဂုတ်လအတွင်း ထပ်မံတွေ့ဆုံရန် စီစဉ်ထားသော်လည်း TNLA ဘက်က ယခင်ရပ်တည်ချက်များအတိုင်း ဆွေးနွေးသွားမည်ဖြစ်ပြီး ပြည်သူနှင့်အတူ ရပ်တည်ကာ စစ်အာဏာရှင်စနစ် တိုက်ဖျက်ရေး လုပ်ဆောင်သွားမည်ဟု TNLA ဘက်က အသိပေးထားသည်။

KNU တပ်မဟာ(၇)ဌာနချုပ် နယ်မြေကို စစ်ကောင်စီ အ​သေခံဒရုန်း ၇စီးဖြင့်တိုက်ခိုက်

■ဒရုန်း ၅လုံးပေါက်ကွဲ​သော်လည်းထိခိုက်မှုမရှိ

ဇွန်-၁၂၊၂၀၂၅။ထားမြတ်/People’s Spring

ကရင်အမျိုးသားအစည်းအရုံး(KNU)တပ်မဟာ
(၇) ဌာနချုပ်နယ်မြေကို အာဏာသိမ်းစစ်ကောင်စီက အသေခံဒရုန်းအသုံးပြုပြီးထပ်မံ တိုက်ခိုက်လာရာ ဒရုန်း ၅စင်းပေါက်ကွဲခဲ့သော်လည်းလူ ထိခိုက်မှုမရှိကြောင်း KNU သတင်းရင်းမြစ်တဦးက ပြောသည်။

ဇွန်လ ၁၂ရက် နံနက်အစောတွင်စစ်ကောင်စီက ဒရုန်းအသုံးပြု တိုက်ခိုက်လာခြင်းဖြစ်သည်ဟုသိရသည်။

“တပ်မဟာ(၇)မှာပဲ။ အထိအခိုက်မရှိဘူး။ လာတာက ၇လုံးလာတာ။ အဆောက်အဦးမထိဘူး။ သူတို့ ပြောတာ ပေါက်တယ်လေ။ မပေါက်တာ ၂လုံး၊ ပေါက်တာ ၅လုံးလား ဒါပေမဲ့ ထိခိုက်မှုတော့ ဘာမှမရှိဘူး။သူတို့ကတော့ကိုယ့်ရန်သူကို လာပစ်တဲ့သဘောပေါ့။ကျနော်တို့ကတော့ စစ်ရေးဆိုတော တော်လှန်ရေးဆိုတော့ သတိနဲ့အဲဒီလို ရှိတဲ့အခါကျ ဘာမှ ထိခိုက်မှုမရှိဘူး။ သူတို့လာနေကျအတိုင်း လာပစ်တာ။” ဟု KNU သတင်းရင်းမြစ်ကPeople's Spring သို့ပြောသည်။

ယခုနှစ်ဆန်းပိုင်းကလည်း KNU တပ်မဟာ(၇)
နယ်မြေကို စစ်ကောင်စီက အသေခံဒရုန်း အသုံး
ပြု တိုက်ခိုက်မှု ရှိခဲ့ဖူးသည်။

KNU ဦးဆောင်သည့် တော်လှန်ရေးပူးပေါင်းတပ်များသည် တပ်မဟာ(၇)နယ်မြေရှိ စစ်ကောင်စီ တပ်စခန်းများကို ၂၀၂၄ နှစ်ကုန်ပိုင်းမှစတင်၍ ထိုးစစ်ဆင်တိုက်ခိုက်ခဲ့ရာ နှစ်ဝက်ကျော်အတွင်း မြန်မာ-ထိုင်းနယ်စပ်ရှိ စစ်ကောင်စီတပ်စခန်း ၈ခုထက်မနည်းကို သိမ်းပိုက်ထားနိုင်ခဲ့ပြီးဖြစ်သည်။

ထို့အပြင်တပ်မဟာ(၆)နယ်မြေရှိစစ်ကောင်စီ၏
နယ်စပ်စခန်းများကိုလည်း ဆက်လက်ထိုးစစ်ဆင် တိုက်ခိုက်သိမ်းပိုက်လျက်ရှိရာ မေလနှင့် ဇွန်လအတွင်း စစ်ကောင်စီတပ်စခန်း ၆ခုထက်မနည်း သိမ်းပိုက်ရရှိထားသည်။ ဥကရစ်ထ၊ ဝေါ်လေဗျူလာ၊ ထီးကလပယ် စသည့် လက်ကျန်တပ်စခန်းများကို စစ်ဆင်တိုက်ခိုက်လျက်ရှိသည်။

KNU တပ်မဟာနှင့် ခရိုင် ၇ခုရှိရာ ခရိုင်၊ တပ်မဟာနယ်မြေအားလုံး၌ တိုက်ပွဲများ ရှိနေပြီး စစ်ရေးအရှိန်တိုးမြှင့်ကာ KNU နယ်​မြေအတွင်းရှိစစ်စခန်းအားလုံးကိုသိမ်းပိုက်သွားမည်ဖြစ်​ကြောင်း KNU တာဝန်ရှိသူများက ပြောကြားထားသည်။

ပြောက်ကျားဦးထုပ်​ဆောင်းသူ​တွေက ရွယ်တူလူငယ်တွေကို အနိုင်ကျင့်တဲ့ရုပ်သံထွက်ပေါ်လာ

■ရုပ်သံကြည့်ပြီးပြည်သူ​အများစု​ဒေါသထွက်​နေ

ဇွန်-၁၂၊၂၀၂၅။မေရီ/People's Spring

​​ပြောက်ကျားဦးထုပ်​ဆောင်းထားတဲ့ လူငယ်​တွေက ရွယ်တူလူငယ်တွေကို လိုက်လံအနိုင်ကျင့်တဲ့ရုပ်သံထွက်ပေါ်လာပြီး ပြည်သူတွေ ဒေါသထွက်နေကြပါတယ်။

မန္တလေးမှာဖြစ်ပွားခဲ့တဲ့ အဲဒီရုပ်သံမှာ လူငယ်လေးယောက်စီးလာတဲ့ ဆိုင်ကယ်နောက်ကို စစ်ကောင်
စီရဲ့ ပြောက်ကျားလျှာထိုးဦးထုပ်ဆောင်းထားတဲ့အရပ်ဝတ်လူငယ်တစ်ယောက်က "စစ်ကြောရေးအကုန်ထည့်မှာ"လို့ ပြောပြီး ဆဲဆိုကာ ဆိုင်ကယ်နှစ်စီးနဲ့ လိုက်ပါတယ်။ နောက်ထပ်လည်း ဦးထုပ်ဆောင်းထားတဲ့လူငယ်တဦးဟာ အခြားတဦးနဲ့အတူ လူငယ်လေးယောက်ဆိုင်ကယ်နောက်ကို လိုက်ခဲ့ကြပါတယ်။

တနေရာမှာတော့ လူငယ် ၄ ယောက်ကို မိသွားပြီး
စစ်ကောင်စီပြောက်ကျား စစ်သားနဲ့ ပျူ​စောထီး​တွေ​ဆောင်း​လေ့ရှိတဲ့ ​ပြောက်ကျားဦးထုပ်ဆောင်းထားတဲ့ လူငယ်တစ်ယောက်က ဦးဆောင်ပြီး လူ
ငယ်လေးယောက်ကို ပါးတွေရိုက်၊ ခြေထောက်တွေနဲ့ကန်၊ ဖိနပ်တွေနဲ့ အချက်ပေါင်းများစွာ ထိုးကြိတ်ရိုက်နှက် နှိပ်စက်ခဲ့ကြပါတယ်။

"ဘာကောင်မှန်းမသိဘဲ ဆဲတာလား"လို့လည်း ဦးထုပ်နဲ့တယောက်က ပြောရင်း ခြေထောက်တွေနဲ့ ကန်ခဲ့တာ တွေ့ရပါတယ်။ လူငယ်လေးယောက်ဟာ ဒူးထောက်ပြီး လက်အုပ်ချီထားတာကို အ
ကြိမ်ပေါင်းများစွာ ထိုးကြိတ်ကန်ကြောက်ခဲ့ပါတယ်။ အခြားလူငယ်တွေကပါ ဝင်ရောက်ထိုးကြိတ်ရိုက်နှက်ခဲ့တာတွေ့ရပါတယ်။

နှိပ်စက်ခံရတဲ့ လူငယ်တွေထဲက တဦးကိုလည်း ရိုက်နှက်ပြီး ဖုန်းဆက်ခိုင်းနေတာကို တွေ့ရပါတယ်။

နောက်ထပ်ရုပ်သံမြင်ကွင်းမှာတော့ မန္တလေးမြို့ လမ်း ၈ဝ ပေါ်က တရုတ်ဘုံကျောင်းလို့ယူဆရတဲ့အဆောက်အအုံအနီးမှာ လူငယ်နှစ်ယောက်ကိုပဲ
၈ ယောက်ခန့်ပါတဲ့ အဲဒီအဖွဲ့ကပဲ ထပ်မံကန်ကြောက် ထိုးကြိတ်ခဲ့ကြပါတယ်။ အခင်းဖြစ်တဲ့​နေရာ​တွေမှာ မန္တ​လေးမြို့မှာလို့ People's Spring ကအချက်အလက်စစ်​ဆေးအတည်ပြုနိုင်ပါတယ်။

ရိုက်နှက်သူတွေဟာ စစ်ကောင်စီက လက်သက်မွေးထားတဲ့ ပျူစောထီးတွေဖြစ်နိုင်ကြောင်း မန္တလေးဒေသခံတချို့က ​ပြောပါတယ်။ ပျူ​စောထီးဆို အာဏာသိမ်းစစ်အုပ်စုက ပြည်သူ့စစ်အမည်နဲ့​မွေးထားသူ​တွေဖြစ်ပြီး နိုင်ငံတစ်ဝန်းမှာ စ်တပ်ခိုင်းတာကိုလုပ်ပြီး ပြည်သူ​တွေကို ဖိနှိပ်အကြမ်းဖက်​နေသူ​တွေဖြစ်ပါတယ် ။ အရင်ကတည်းက ခိုးဆိုးလုယက်သူ​တွေ ၊ ဒုစရိုက်မှုမျိုးစုံလုပ်သူ​တွေ ၊ အရင်က မဘသ ၊စွမ်းအားရှင်ဆိုတဲ့ သူမျိုး​တွေလည်းပါဝင်တက်ပါတယ် ။
ပျူ​စောထီး​တွေထဲမှာ သက်န်းဝတ် ​ပေါက်ကိုယ်​တော်ဟာလူသိများပါတယ် ။

အဲဒီရုပ်သံဖိုင်ကို ကြည့်လိုက်ရတဲ့ပြည်သူတွေဟာ ဒေါသထွက်နေကြပြီး ရုပ်သံဖိုင်ထဲပါတဲ့ ရိုက်နှက်သူတွေကို စုံစမ်းနေကြပါတယ်။

"မိရင်တော့ ကျနော်တို့က အတင်းအကြပ်အခိုင်းခံရတာပါ ပေါ်တာဆွဲခံရလို့ပါနဲ့ မျက်ခွက်တွေမှတ်ထားတယ်နော် ညီလေးတို့"လို့ ကာကွယ်ရေးရဲဘော်တဦးက မှတ်ချက်ပြုထားပါတယ်။

"စစ်သင်တန်း၇ရက်သွားတက်ပြီးပြန်လာသော
အခါသူထက်ငယ်တက်ကလေးကိုအနိုင်ကျင်တယ်။သေချာပါတယ်။ ငါညီ သည်းခံပေးပါ။ညီလေးတို့အတွက်ကလည်စားပြန်ချေပေးမယ့်
လူပေါ်လာလိမ့်မယ်"ဟုပြည်သူတဦးကအဆိုပါရုပ်သံမှတ်တမ်းကိုကြည့်၍ မှတ်ချက်ပြုထားပါတယ်။

အခြားပြည်သူတဦးကလည်း "ကြည့်နေရင်နဲ့ကို ဒေါသ ထွက်မိ"လို့​​ပြောပါတယ် ။

ဝိုင်းဝန်းထိုးကြိတ်ရိုက်နှက်ခဲ့တဲ့ လူငယ်​တွေရဲ့အမည် လိပ်စာ​တွေကိုလည်း ပြည်သူ​တွေကအချင်းချင်း​မေးမြန်းစုံစမ်း​နေကြတာ​တွေ့ရပါတယ်။

"ပြည်သူစစ်တွေတဲ့ဂျပန်တွေထက်ဆိုးနေပါလား"လို့​ပြည်သူတစ်ဦးကလည်း​​ပြောပါတယ် ။

ပြောက်ကျားဦးထုပ်​​ဆောင်းလူငယ်​တွေက လူငယ် ၄ ဦးကို ဝိုင်းဝန်း အနိုင်ကျင့်စဥ်

အီရတ်က သံရုံးဝန်ထမ်းတွေကို လုံခြုံရေးကြောင့် ရွှေ့ပြောင်းဖို့ အမေရိကန် စီစဉ်နေ | People's Spring

https://youtu.be/5o5lo64xYPk

ဗြိတိန်၊သြစတြေးတို့နဲ့ရေငုပ်သင်္ဘောထုတ်လုပ်ရေးစီမံကိန်းကိုထရမ့်အစိုးရပြန်ဆန်းစစ်နေ | People's Spring

https://youtu.be/AghruO-A36g

ပုလဲမြို့ ဆီ စစ်အင်အားဖြည့်လာလို့ ဒေသခံတွေ ညတွင်းချင်း စစ်ရှောင်ရ | People's Spring

https://youtu.be/REF4nsZPzrQ

■Photo News

သင်တန်းသား ၈၀၀ ​ကျော်တက်​ရောက်ခဲ့တဲ့
TNLAရဲ့စစ်ရေးသင်တန်းဆင်းပွဲ

​ဇွန်-၁၂၊၂၀၂၅။ People's Spring

သင်တန်းသူ၊သင်တန်းသားစုစု​ပေါင်း ၈၀၀ ​ကျော်တက်​ရောက်ခဲ့တဲ့တအာင်းအမျိုးသားလွတ်
မြောက်ရေးတပ်မတော် TNLAရဲ့အပတ်စဉ် (၆၇) စစ်ရေးသင်တန်းဆင်းပွဲအခမ်းအနားကို တအာင်းပြည်တစ်နေရာမှာဇွန်လ (၆)ရက်နေ့၌ ပြုလုပ်ခဲ့တယ်လို့ TNLA ကထုတ်ပြန်ပါတယ်။သင်တန်းကိုအမှတ်စဥ် (က)နဲ့(ခ)ခွဲဖွင့်လှစ်ခဲ့ပြီး​တော့ တိုက်
ခိုက်ရေးကျွမ်းကျင်မှုအဆင့်ရှိစေဖို့အဓိကသင်
ကြားပေးခဲ့ကာသင်တန်းကာလ သုံးလကျော်ကြာသင်ကြားပေးခဲတယ်လို့ထုတ်ပြန်ထားပါတယ် ။

သင်တန်းဆင်းပွဲကို စစ်ဦးစီးချုပ် ဗိုလ်ချုပ်တားဟိူဝ်ပ္လါင် တကိ​ရောက်ပြီး ဘက်စုံတိုက်ခိုက်ရေးသင်တန်းပေးခြင်းဟာ တအာင်းပြည်ကို ကာကွယ်သွားကြဖို့၊ ရဲဘော်​တွေဟာ လူကြီး​တွေရဲ့ အလုပ်တာဝန်ကို ပုခုံးလွှဲပြောင်း ထမ်းဆောင်နိုင်
ရမှာဖြစ်သလို သင်တန်းအတွင်း ဆရာ/မများသင်ကြားပေးတဲ့ ပညာကို မမေ့ကြဖို့ ၊ အမိန့်နာ
ခံတတ်ကြဖို့ နဲ့ရန်သူကို အမြဲတစေ သတိထားဖို့လိုအပ်တယ်လို့မှာကြားခဲ့ပါတယ်။

စစ်ရေးသင်တန်းအတွင်းမှာ သေနတ်ပစ်ထူးချွန်ဆု၊ သေနတ်တပ်ဆင်ဖြုတ် ထူးချွန်ဆုနဲ့အထူးတိုက်ခိုက်ရေး ထူးချွန်ဆုရရှိသည့်သူ​တွေကိုဆုချီးမြှင့်ပေးအပ်ခဲ့တယ်လို့ဆိုပါတယ် ။သင်တန်း
ဆင်း တပ်ဖွဲ့ဝင်​တွေဟာတအာင်းပြည်ရှိ မြို့နယ်အသီးသီးမှာတာဝန်ထမ်းဆောင်သွားရမယ်လို့
ဆိုပါတယ် ။

၂၀၂၄ခုနှစ် နိုဝင်ဘာ(၉)ရက်နေ့ကလည်းတအာင်းတပ်မတော် TNLAရဲ့ အပတ်စဥ် (၆၆) စစ်ရေသင်တန်းဆင်းပွဲ ပြုလုပ်ခဲ့ပါတယ် ။

တ​အာင်း​​ဒေသမှာ ​TNLAဦး​ဆောင်တဲ့တော်လှန်​ရေးတပ်​တွေသိမ်းပိုက်ထားတဲ့ ​နောင်ချိုမြို့ကို စစ်တပ်ကထိုးစစ်ဆင်သိမ်းပိုက်ဖို့ကြိုးစား​နေတာ​ကြောင့်တိုက်ပွဲ​တွေအပြင်းအထန်ဖြစ်ပွား​နေပါတယ် ။