စစ်​ကောင်စီက ဖားကန့်တွင်အရပ်သားပိုင် စက်ယန္တရားများကိုမီးရှို့ဖျက်ဆီးပြန်

တော်လှန်​ရေးအဖွဲ့​တွေပစ်ချတဲ့စစ်တပ်တိုက်​လေယာဥ် ၊ရဟတ်ယာဥ် ၁၂ စီးရှိလာ

-People's Spring

​တော်လှန်​ရေးတပ်​တွေက ပုလဲမြို့နယ်မှာ ဇွန် ၁၀ ရက်က စစ်တပ်တိုက်​လေယာဥ်တစ်စီးကိုပစ်ချနိုင်ခဲ့တာ​ကြောင့်စစ်တပ်အာဏာသိမ်းပြီး​နောက်ပိုင်း ​တော်လှန်​ရေးတပ်ဖွဲ့​တွေက ပစ်ချတဲ့ တိုက်​လေယာဥ်နဲ့ ရဟတ်ယာဥ် အနည်းဆုံး ၁၂ စီးရှိပြီဖြစ်ပါတယ်။ အရင်က အင်ဖိုဂရပ်မှာ ထည့်သွင်းမထားရ​သေးတဲ့ ဖြစ်ရပ်ဖြစ်တဲ့ အာရက္ခတပ်​တော် (AA) က ချင်းပြည်နယ်၊ပလက်ဝမြို့နယ်မှာ စစ်တပ်ရဟတ်ယာဥ်တစ်စင်းကိုပစ်ချပြီး ရဟတ်ယာဥ် အပျက်အစီးကို၂၀၂၄ ဇန်နဝါရီ ၁၃ ရက်​နေ့မှာ ရှာ​တွေ့ခဲ့တာ​​ကို အခုအင်ဖိုဂရပ်မှာထည့်သွင်းထားပါတယ် ။ ​​တော်လှန်​ရေးအဖွဲ့​တွေက ပစ်ချနိုင်ခဲ့​ပေ
မယ့်သတင်းမထုတ်ပြန်လို့ ၊သတင်းအချက်
အလက်မရလို့ အခုအင်ဖိုဂရပ်မှာ မပါ​သေးတဲ့ ဖြစ်စဥ်​တွေလည်းကျန်ရှိနိုင်ပါ​သေးတယ်။

စစ်ကောင်စီ လက်အောက်ခံ ZRA စခန်းတစ်ခုကို CDF ပူးပေါင်းတပ် သိမ်းပိုက်၊

▪️တီးတိန်မြို့နယ်အတွင်း တိုက်ပွဲဆက်ရှိ

ဇွန်-၁၁၊ ၂၀၂၅။ ထားမြတ်/People’s Spring

ချင်းပြည်နယ် တွန်းဇံမြို့နယ်အတွင်းရှိ စစ်ကောင်စီလက်အောက်ခံ ဇိုမီးတပ်(ZRA)၏ တပ်စခန်းတစ်ခုကို ချင်းဒေသကာကွယ်ရေးတပ်(CDF)-တွန်းဇံ ပူးပေါင်းတပ်ဖွဲ့က တိုက်ခိုက်သိမ်းပိုက်ခဲ့ရာ ZRA တပ်ဘက်က သေဆုံးထိခိုက်ရှိခဲ့ပြီး လက်နက်ခဲယမ်းများသိမ်းဆည်းရရှိခဲ့ဟု ချင်းသတင်းရင်းမြစ်က ပြောသည်။

ဇွန်လ ၉ရက် နံနက်ပိုင်းတွင် ကျီခါးမြို့နှင့် တွန်းဇံမြို့အကြားရှိ မွာလ်ကွေရွာအနီး စစ်ကောင်စီစခန်းကို CDF တွန်းဇံ ပူးပေါင်းတပ်ဖွဲ့က သွားရောက်တိုက်ခိုက်ခဲ့ရာ ZRA တပ်ဖွဲ့ဝင် ၂ဦး၏ အလောင်းကို ရရှိခဲ့သည်ဟုဆိုသည်။

ထို့ပြင် သေနတ် ၄လက်၊ ဒရုန်း၊ ဆိုင်ကယ်များနှင့် ကား၁စီး၊ မီးစက်၊ ခဲယမ်း ကျည်များလည်း ရရှိခဲ့ကြောင်း သတင်းရင်းမြစ်က ပြောသည်။

"အဲဒီ ZRA လက်နက်ခဲယမ်း သိမ်းဆည်းရမိတဲ့အထဲမှာ အိန္ဒိယ နိုင်ငံသားကတ် အထောက်အထားတွေ ပါတာပေါ့။ အဲဒါက နည်းနည်းတော့ အံ့ဩစရာဖြစ်တာပေါ့" ဟု ၎င်းက ဆိုသည်။

ZRA သည် မြန်မာ-အိန္ဒိယ နယ်စပ်ဒေသများ၌ လှုပ်ရှားလျက်ရှိပြီး စစ်ကောင်စီက လက်နက်တပ်ဆင်ပေးခြင်းအပါအဝင် စစ်ကောင်စီနှင့် စစ်ရေး ပူးပေါင်းဆောင်ရွက်နေသည့် အဖွဲ့ဖြစ်သည်ဟု ချင်းတော်လှန်ရေးတပ်များက ထုတ်ပြန်အသိပေးထားသည်။

ထို့ပြင် ချင်းပြည်နယ်သို့ အင်အားအများအပြားနှင့် စစ်ကြောင်းထိုးလာသည့် စစ်ကောင်စီတပ်နှင့် လည်း တီးတိန်မြို့နယ်အတွင်း တိုက်ပွဲဖြစ်နေသည်ဟု သိရသည်။

တီးတိန်မြို့နယ် သိုင်းငင်းနှင့် ကလေးမြို့ကြားရှိ မွာလ်ပီးရွာ၌ စစ်ကောင်စီတပ် ဆက်လက်တပ်စွဲနေ၍ တိုက်ပွဲဖြစ်ပွားမှုရှိသည်ဟု ချင်းသတင်းရင်းမြစ်က ပြောသည်။

“မွာလ်ပီကျေးရွာမှာပဲ စကစက အခုထိ ရှေ့မတိုးနိုင်သလို နောက်လည်းမဆုတ်ဘူးပေါ့။ အဲဒီရွာ မှာရှိနေဆဲ” ဟု ၎င်းက ဆိုသည်။

ဇွန်လ ၈ရက်နှင့် ၉ရက်များ၌ တိုက်ပွဲဆက်ဖြစ်နေပြီး ကလေးမြို့ စစ်ကောင်စီတပ်က လက်နက်ကြီး ပစ်ကူပေးတိုက်ခိုက်မှု ရှိသည်ဟု သိရသည်။

မေလ တတိယပတ်တွင် ချင်းတောင်သို့ အင်အားအများအပြားနှင့်တက်လာသည့် အဆိုပါ စစ်ကောင်စီတပ်စစ်ကြောင်းကို ချင်းညီနောင် နှင့် ချင်းပြည်ကောင်စီ အဖွဲ့ဝင်တော်လှန်ရေးတပ်များ အတူပူးပေါင်းတိုက်ခိုက်နေခြင်းဖြစ်သည်။ အဆိုပါဒေသ စစ်ရေးအခြေအနေများကို နှစ်ဖက်တာဝန်ရှိသူများထံ မေးမြန်းထားရာ ချင်းညီနောင်တာဝန်ရှိသူက စစ်ရေးလုံခြုံရေးအရ တိုက်ပွဲသတင်းများ လိုအပ်မှသာ သင့်တော်သည့် အချိန်၌ ထုတ်ပြန်သွားရန် သဘောတူထားသည်ဟု အသိပေးသည်။

အဆိုပါ စစ်ကြောင်းသည် တီးတိန်မြို့ကို စစ်အင်အားဖြည့်ရန်၊ ချင်းညီနောင်သိမ်းထားသည့် ဖလမ်းမြို့ကို ပြန်လည်ထိုးစစ်ဆင်ရန် ဦးတည်သည်ဟု ခန့်မှန်းရကြောင်း စစ်ကောင်စီကို ခုခံတိုက်ခိုက်နေသည့် CDF စီးယင်း စစ်ဦးစီးချုပ် ဦးထောင်းပူက မေလနောက်ဆုံးပတ်၌ ပြောပြထားသည်။

တောင်ငူ၊မန်းကျီးပင်အင်းရွာ၌တိုက်ပွဲပြင်းထန်
နေ၊ အိမ်များကို စစ်ကောင်စီတပ်က မီးရှို့

ဇွန်-၁၁၊၂၀၂၅။ဇော်ရမ်း/People's Spring

တောင်ငူမြို့နယ်၊မန်းကျီးပင်အင်းရွာတွင် ယနေ့ နံနက်အစောပိုင်းမှစ၍ တိုက်ပွဲပြင်းထန်နေပြီး ရွာကို စစ်ကောင်စီတပ်က မီးရှို့နေကြောင်း ဒေသခံများကပြောသည်။

"ရွာက အမြန်လမ်းရဲ့အနောက်ဘက်မှာ။စစ်တပ်စစ်ကြောင်းဝင်လာတာကနေတိုက်ပွဲဖြစ်တာ။ စစ်
တပ်ကအိမ်တွေကိုမီးလိုက်ရှို့နေတယ်ဗျ။ကျွန်တော်တို့ အပြေးမြန်လို့ ထွက်လာလို့ရတာ။ ပိတ်မိသူတွေ ရှိနေတယ်"ဟုဒေသခံတဦးကပြော
သည်။

စစ်ကောင်စီတပ်ကဖုန်းလိုင်းများလည်းဖြတ်တောက်ထားပြီး မန်းကျီးပင်အင်းရွာသို့ ဖုန်းဆက်သွယ်၍မရကြောင်းတောင်ငူမြို့ခံတဦးကပြော
သည်။

၎င်းက " ကျမတို့ ညီမတွေထွက်လာလို့မရဘူး။ ဖုန်းတွေလည်း ဖြတ်ထားတယ်။လေယာဉ်တွေလည်းတက်တယ်။ ရွာဘက်ကမီးခိုးတွေမြင်နေရတယ်"ဟုပြောသည်။

တောင်ငူမြို့နယ်အတွင်း ရန်ကုန်-မန္တလေးအမြန်လမ်း၏ ၁ မိုင်ခန့်မှ ၇ မိုင်ခန့်ဝေးသော ကျေးရွာများတွင်မေလ ၂၃ရက်နေ့မှစ၍ တိုက်ပွဲဖြစ်ခဲ့သည်။စပါးကြွယ်ရွာ၊ ကြက်တက်ညောင်ပင်ရွာ၊ကြို့ပင်ဆိပ်ရွာ၊ ကြက်ရိုးပင်ရွာ၊ တောပုရွာ၊ ဇီးပင်သာ ၊ဘိုကုန်း နှင့် ငုံးမင်းရွာတို့မှဒေသခံများ တိမ်း
ရှောင်နေကြရကြောင်း သိရသည်။

မေလ၂၃ရက်က တိုက်ပွဲဖြစ်နေစဉ် စစ်ကောင်စီသည် အိမ် ခြေ၄၀၀ ကျော်ရှိသည့် စပါးကြွယ်ရွာကို လေကြောင်းမှတိုက်ခိုက်ပြီး မီးရှို့ခဲ့ကြောင်း ဒေသခံများကပြောသည်။မေလ၂၈ရက်ကလည်း တောင်ငူမြို့နယ်၊ ဒိုးနယ်ရွာကို စစ်ကောင်စီတပ်က စစ်ကြောင်းထိုးပြီး ဒေသခံ ပြည်သူ၂ဦးကိုသတ်
ဖြတ်သွားကြောင်း ​​​ဒေသခံအချို့က​ပြောသည်။

မြို့နယ်တွင်း၌တိုက်ပွဲများဖြစ်ပွားပြီးနောက် စစ်ကောင်စီကစစ်မှုထမ်းဥပဒေအကြောင်းပြ၍ လူ
ငယ်များအား ဖမ်းဆီးခြင်း၊ ပေါ်တာဆွဲခြင်းများပြုလုပ်နေပြန်သည်။

ဇွန်လ၇ရက်ညကတောင်ငူမြို့၊ မင်းကြီးညိုရပ်
ကွက်အပိုင်ခ‌ပေါင်းရွာမှ အသက် ၂၀လူငယ်တစ်ဦးကို ညဘက်နေအိမ်ပေါ်တက်၍ ပေါ်တာဆွဲစဉ် လေးဂွဖြင့်အပစ်ခံရသဖြင့် စစ်ကောင်စီက လူငယ်တဦးကို သေနတ်ဖြင့်ပစ်သတ်ခဲ့သည်။

မန်းကျီးပင်အင်းရွာတွင် ဇွန် ၁၁ ရက်နံနက်ပိုင်းကတိုကိပွဲဖြစ်ပွား​နေစဥ်။ရုပ်သံ-​ဒေသခံတဦး

စစ်ကောင်စီ လက်အောက်ခံ ZRA စခန်းတစ်ခုကို CDF ပူးပေါင်းတပ် သိမ်းပိုက်၊

■တီးတိန်မြို့နယ်အတွင်း၌တိုက်ပွဲဆက်ဖြစ်​နေ

ဇွန်-၁၁၊ ၂၀၂၅။ ထားမြတ်/People’s Spring

ချင်းပြည်နယ် တွန်းဇံမြို့နယ်အတွင်းရှိ စစ်ကောင်
စီလက်အောက်ခံ ဇိုမီးတပ်(ZRA)၏ တပ်စခန်းတစ်ခုကို ချင်းဒေသကာကွယ်ရေးတပ်(CDF)-
တွန်းဇံ ပူးပေါင်းတပ်ဖွဲ့က တိုက်ခိုက်သိမ်းပိုက်ခဲ့ရာ ZRA တပ်ဘက်ကသေဆုံးထိခိုက်မှုရှိခဲ့ပြီး လက်နက်ခဲယမ်းများသိမ်းဆည်းရရှိခဲ့ဟု ချင်းသတင်းရင်းမြစ်က ပြောသည်။

ဇွန်လ ၉ရက် နံနက်ပိုင်းတွင် ကျီခါးမြို့နှင့် တွန်းဇံမြို့အကြားရှိ မွာလ်ကွေရွာအနီး စစ်ကောင်စီစခန်းကို CDF တွန်းဇံ ပူးပေါင်းတပ်ဖွဲ့က သွားရောက်တိုက်ခိုက်ခဲ့ရာ ZRA တပ်ဖွဲ့ဝင် ၂ဦး၏ အလောင်းကို ရရှိခဲ့သည်ဟုသိရသည်။

ထိုအပြင် သေနတ် ၄လက်၊ ဒရုန်း၊ ဆိုင်ကယ်များနှင့် ကား၁စီး၊ မီးစက်၊ ခဲယမ်း ကျည်များလည်း ရရှိခဲ့ကြောင်း သတင်းရင်းမြစ်က ပြောသည်။

"အဲဒီ ZRA လက်နက်ခဲယမ်း သိမ်းဆည်းရမိတဲ့အထဲမှာအိန္ဒိယနိုင်ငံသားကတ်အထောက်အ
ထားတွေပါတာပေါ့။ အဲဒါက နည်းနည်းတော့ အံ့ဩစရာဖြစ်တာပေါ့" ဟု ၎င်းက​ပြောသည်။

ZRA သည် မြန်မာ-အိန္ဒိယ နယ်စပ်ဒေသများ၌ လှုပ်ရှားလျက်ရှိပြီး စစ်ကောင်စီက လက်နက်တပ်ဆင်ပေးခြင်းအပါအဝင် စစ်ကောင်စီနှင့် စစ်ရေး ပူးပေါင်းဆောင်ရွက်နေသည့် အဖွဲ့ဖြစ်သည်ဟု ချင်းတော်လှန်ရေးတပ်များက ထုတ်ပြန်အသိပေးထားသည်။

ထိုအပြင် ချင်း​တော်လှန်​​ရေးတပ်များသည် ချင်း
ပြည်နယ်သို့အင်အားအများအပြားနှင့် စစ်ကြောင်း
ထိုးလာသည့် စစ်ကောင်စီတပ်နှင့် လည်း တီးတိန်မြို့နယ်အတွင်း တိုက်ပွဲဖြစ်နေသည်ဟု သိရသည်။

တီးတိန်မြို့နယ် သိုင်းငင်းနှင့် ကလေးမြို့ကြားရှိ မွာလ်ပီးရွာ၌ စစ်ကောင်စီတပ် ဆက်လက်တပ်စွဲနေ၍ တိုက်ပွဲဖြစ်ပွားမှုရှိသည်ဟု ချင်းသတင်းရင်းမြစ်က ပြောသည်။

“မွာလ်ပီကျေးရွာမှာပဲ စကစကအခုထိရှေ့မတိုးနိုင်သလိုနောက်လည်းမဆုတ်ဘူးပေါ့။အဲဒီရွာမှာရှိနေဆဲ” ဟု ၎င်းက ဆိုသည်။

ဇွန်လ ၈ရက်နှင့် ၉ရက်များ၌ တိုက်ပွဲဆက်ဖြစ်နေပြီး ကလေးမြို့ စစ်ကောင်စီတပ်က လက်နက်ကြီး ပစ်ကူပေးတိုက်ခိုက်မှု ရှိသည်ဟု သိရသည်။

မေလ တတိယပတ်တွင် ချင်းတောင်သို့ အင်အားအများအပြားနှင့်တက်လာသည့် အဆိုပါ စစ်တပ်စစ်ကြောင်းကို ချင်းညီနောင် နှင့် ချင်းပြည်ကောင်
စီ အဖွဲ့ဝင်တော်လှန်ရေးတပ်များ အတူပူးပေါင်းတိုက်ခိုက်နေခြင်းဖြစ်သည်။ အဆိုပါဒေသ စစ်ရေးအခြေအနေများကို နှစ်ဖက်တာဝန်ရှိသူများထံ မေးမြန်းထားရာ ချင်းညီနောင်တာဝန်ရှိသူက စစ်ရေးလုံခြုံရေးအရ တိုက်ပွဲသတင်းများ လိုအပ်မှသာ သင့်တော်သည့် အချိန်၌ ထုတ်ပြန်သွားရန် သဘောတူထားသည်ဟု အသိပေးသည်။

အဆိုပါစစ်ကြောင်းသည်တီးတိန်မြို့ကိုစစ်အင်
အားဖြည့်ရန်၊ ချင်းညီနောင်သိမ်းထားသည့်ဖလမ်းမြို့ကို ပြန်လည်ထိုးစစ်ဆင်ရန် ဦးတည်သည်ဟု ခန့်မှန်းရကြောင်း စစ်ကောင်စီကို ခုခံတိုက်ခိုက်နေသည့် CDF စီးယင်း စစ်ဦးစီးချုပ် ဦးထောင်းပူက မေလနောက်ဆုံးပတ်၌ ပြောပြထားသည်။

စစ်ကိုင်း နဲ့ အမရပူရမြို့မှာ မိုးများလို့
အနိမ့်ပိုင်းရပ်ကွက်တွေ ရေဝင်နေ

ဇွန်-၁၁၊၂၀၂၅။ မေရီ/People's Spring

ငလျင်ဒဏ်သင့် စစ်ကိုင်းနဲ့ အမရပူရမြို့မှာ မိုးများလို့ အနိမ့်ပိုင်းရပ်ကွက်တွေ ရေဝင်နေကြောင်း ဒေသခံတွေက ပြောပါတယ်။

မနေ့က ဇွန်လ (၁၀)ရက် ညက စစ်ကိုင်းနဲ့ အမရပူရမြို့တွေမှာ ည (၁၁) နာရီက စတင်ရွာသွန်းခဲ့တဲ့မိုးဟာ တညလုံးသည်းထန်ခဲ့တာကြောင့် ငလျင်ဒဏ်သင့်ခဲ့တဲ့ အနိမ့်ပိုင်းရပ်ကွက်တွေမှာ နေအိမ်ထဲအထိ ရေတွေဝင်ရောက်နေကြောင်း ဒေသခံတွေက ပြောပါတယ်။

"အိမ်တွေထဲအထိဝင်တာ။ ရေခဲသေတ္တာတို့ လျှပ်
စစ်ပစ္စည်းတွေ အမြန် မ နိုင်လို့ မပျက်တာ။"လို့ အမရပူရမြို့က အမျိုးသမီးတဦးက ပြောပါတယ်။

စစ်ကိုင်းမြို့မှာလည်းငလျင်ဒဏ်ထိထားပြီးပြိုကျထားတဲ့ရပ်ကွက်တွေမှာ မိုးများပြီး ရေတွေမြုပ်နေတယ်လို့ ဒေသခံတွေက ပြောပါတယ်။

"အခုက မိုးကြီးလို့ဝင်တာ။ မြစ်ရေကလည်း လာတော့မယ်။"လို့ စစ်ကိုင်းဒေသခံ အမျိုးသမီး တဦးက ပြောပါတယ်။

ငလျင်ဒဏ်ကြောင့် ယာယီတဲနဲ့ နေထိုင်သူတွေလည်း အများအပြားရှိနေသေးတာကြောင့် မိုးများလို့ အခက်အခဲဖြစ်နေတယ်လို့လည်း နေထိုင်သူတွေက ဆိုပါတယ်။

အမျိုးသားညီညွတ်ရေးအစိုးရရဲ့ လူသားချင်းစာ
နာထောက်ထားရေးနဲ့ ဘေးအန္တရာယ်ဆိုင်ရာ စီမံခန့်ခွဲရေးဝန်ကြီးဌာနကတော့ လာမယ့် ဇွန်လ (၁၅)
ရက်အထိ နေပြည်တော်၊ ရန်ကုန်တိုင်း၊ မန္တလေး
တိုင်း၊ ဧရာ၀တီတိုင်း၊ မကွေးတိုင်း၊ ရှမ်းပြည်နယ်
(အရှေ့ပိုင်းနှင့်တောင်ပိုင်း)၊ ပဲခူးတိုင်း၊တနင်္သာရီ
တိုင်း၊ ချင်းပြည်နယ်၊ ရခိုင်ပြည်နယ်၊ ကရင်နီပြည်
နယ်၊ ကရင်ပြည်နယ်နဲ့ မွန်ပြည်နယ်တို့မှာ နေရာအနှံ့အပြား မိုးထစ်ချုန်းရွာနိုင်ပြီး အချို့ဒေသများတွင် နေရာကွက်၍ မိုးကြီးနိုင်ကာ စစ်ကိုင်းတိုင်း၊ ကချင်ပြည်နယ်နှင့် ရှမ်း‌ပြည်နယ်‌မြောက်ပိုင်းတို့မှာ နေရာစိပ်စိပ် မိုးထစ်ချုန်းရွာနိုင်တယ်လို့ ခန့်မှန်းထားပါတယ် ။ မိုးသည်းထန်စွာရွာသွန်းခြင်းနဲ့အတူ လေပြင်းတိုက်ခတ်ခြင်း၊ နေရာကွက်၍ မိုးကြီးခြင်း၊ လျှပ်စီးလက်ခြင်း၊ မိုးကြိုးပစ်ခြင်း၊ လျှပ်တပြက်ရေကြီးခြင်း၊ ကမ်းပါးပြိုခြင်းနဲ့ မြေပြိုခြင်းစတဲ့ သဘာဝဘေးအန္တရာယ်များ ဖြစ်ပေါ်နိုင်လို့ အ
ထူးသတိပြုနေထိုင်ကြဖို့ သတိပေးထားပါတယ်။

ရွာများကိုမီးရှို့ဖျက်ဆီးပြီး ပေါင်းတည်သို့ပြန်လာသည့် စစ်တပ်ကိုPDFနှင့်ပကဖကြားဖြတ်တိုက်
ခိုက်၊ သေနတ်ရှစ်လက်နှင့် ခဲယမ်းများရ

ဇွန် - ၁၁၊ ၂၀၂၅။ ကျော်ဇော/People's Spring

ပဲခူးတိုင်း၊ပေါက်ခေါင်းမြို့နယ်အတွင်းရှိကျေးရွာများကို မီးရှို့ဖျက်ဆီးပြီးပြန်လာသည့် စစ်ကောင်စီတပ်စစ်ကြောင်းကို ကြားဖြတ်တိုက်ခိုက်ခဲ့ရာ သေ
နတ်ရှစ်လက်နှင့် ခဲယမ်းများရရှိခဲ့ကြောင်း ပြည်ခရိုင် တပ်ရင်း ၃၆၀၁ မှ ပြန်ကြား ရေးတာဝန်ခံ ရဲဘော်ရှဲဒိုးက ပြောသည်။

ဇွန်လ ၃ ရက်နေ့နံနက် ၉ နာရီခန့်က ပေါင်းတည်မြို့နယ်၊ ညောင်နီပင်ရွာနှင့် မအူကွင်းရွာကြားသို့ ရောက်ရှိလာသော အင်အား ၁၀၀ ခန့်ပါ စစ်တပ်စစ်ကြောင်းကို တပ်ရင်း ၃၆၀၁၊ ၃၆၀၂ တပ်ရင်းရုံး၊ တပ်ခွဲ(၃)နှင့် တပ်ခွဲ(၄)၊ ပြည်ခရိုင်(ပကဖ)၊ ရွှေတောင်(ပကဖ)၊ ပေါက်ခေါင်း (ပကဖ)နှင့် တပ်ရင်း ၃၈၀၁၊ တပ်ခွဲ(၃)နတ်စစ် သည်အဖွဲ့၊ တပ်ခွဲ(၆)ဧရာညီနောင်အဖွဲ့တို့က ပူးပေါင်းပြီး ကြားဖြတ်တိုက်ခိုက်ခဲ့ခြင်းဟု ၎င်းကပြောသည်။

တိုက်ခိုက်မှုတွင် စစ်ကောင်စီဘက်မှ (၁၁)ဦးသေဆုံး၍ ရှစ်ဦးအပြင်းအထန်ဒဏ်ရာရရှိသွားကာ ၎င်းတို့ထံမှ ၆၀ မမ ကွန်မန်ဒိုစိန်ပြောင်း (၂)လက်၊ MA1(၂)လက်၊ MA3(၆)လက်၊လက်ပစ်ဗုံး(၂)
လုံး၊ MA1 ကျည်ဘောက်(၃)ဘောက်၊MA3 ကျည်ဘောက်(၅)ဘောက်၊ G3ကျည်ဘောက်(၁)
ဘောက်၊ 5.56ကျည်(၅၆)တောင့်၊7.62 ကျည်
(၁၆)တောင့်၊ icom(၁)လုံး၊ WYစိတ်ကြွဆေးပြား
(၁၅၀)ပြားနှင့် အခြားစစ်အသုံးဆောင်ပစ္စည်းအ
မျိုးမျိုးတို့ကို သိမ်းဆည်းရရှိခဲ့သည်ဟု တပ်ရင် ၃၆၀၁ က အသိပေးသည်။

အထက်ပါ စစ်ကောင်စီတပ်စစ်ကြောင်းသည် ပေါက်ခေါင်းမြို့နယ်၊ သိုက်ချောင်း၊ ကွမ်းအုံစု၊ အိုင်စောက်၊ မြေနီကုန်း၊ သဖန်းကိုင်း၊ ဒလမဲ၊ မ ရိုးကျွန်း၊ ပြန်ချီတက်စသည့် ကျေးရွာများအားရွာစဉ်လှည်မီးရှို့ပြီး ပေါင်းတည်မြို့နယ်ဘက်သို့ ပြန်ဆုတ်လာစဥ် ကြားဖြတ်တိုက်ခိုက်ခဲ့ခြင်းဖြစ်သည်ဟု တပ်ရင်း ၃၆၀၁ မှ ပြန်ကြားရေးတာဝန်ခံက ပြောသည်။

တိုက်ခိုက်ချိန်တွင် စစ်ကောင်စီတပ်ဘက်မှလက် နက်ကြီး၊ လက်နက်ငယ်များဖြင့် ပြန်လည်တိုက် ခိုက်ခဲ့ရာ ပြည်သူ့ကာကွယ်ရေးတပ်ဖွဲ့ဝင်ရဲဘော် နှစ်ဦး မစိုးရိမ်ရဒဏ်ရာရရှိခဲ့ပြီး ယင်းနေ့(ဇွန်လ ၃ ရက်)နေ့လယ် ၃ နာရီ ၁၀ မိနစ်တွင် Jet Fighter နှစ်စီးဖြင့် ဗုံးသီးခြောက်လုံး၊ ညနေ ၅ နာရီတွင် ပြည်ဘက်မှလာသောလော စက်တပ်လေထီးနှစ်စီးဖြင့် ဗုံးသီးလေးလုံး အသီးသီးကြဲချတိုက်ခိုက်ခဲ့ကြောင်း သိရသည်။

"အခုလက်ရှိ အဲဒီစစ်ကြောင်းက ပေါက်ခေါင်းမြို့နယ်အပိုင်ထဲကို ပြန်ဆုတ်သွားပြီ။ ဒါပေမဲ့လို့ ဆုတ်သွားတဲ့နေရာက ကျနော်တို့နဲ့ သိပ်မဝေးတဲ့အတွက် စစ်ဆိုင်ထားဆဲဖစ်ပါတယ်"ဟု တပ်ရင်း ၃၆၀၁ ၏ပြန်ကြားရေးတာဝန်ခံ ရဲဘော်ရှဲဒိုးက လူထုနွေဦးသို့ ပြောသည်။

ကြားဖြတ်တိုက်ခိုက်မှုအတွင်းစစ်ကောင်စီဘက်မှ လေကြောင်းပစ်ကူအပါအဝင် စက်တပ်လေ ထီးများဖြင့် ဗုံးကြဲတိုက်ခိုက်မှုများလုပ်ဆောင်ခဲ့သော်
လည်း တော်လှန်ရေးရဲဘော်များ အထိ အခိုက်မရှိ ပြန်လည်ဆုတ်ခွာနိုင်ခဲ့ကြောင်း တပ်ရင်း ၃၆၀၁ က အသိပေးထားသည်။

စစ်ကောင်စီတပ်ထံမှသိမ်းဆည်းရရှိသော လက်နက်ခဲယမ်းများနှင့်အတူတွေ့ရသည့် တော်လှန်ရေးရဲဘော်များ။ဓာတ်ပုံ -PPDF

ဖယ်ခုံအစပ်တိုက်ပွဲ နှစ်ဖက်ထိခိုက်ကျဆုံးမှုရှိ

ဇွန်၊၁၁။ရဲခေါင်/People's Spring

ရှမ်းပြည်နယ်တောင်ပိုင်း ဖယ်ခုံမြို့နယ်အစပ်တွင် တိုက်ပွဲများဖြစ်ပွားနေရာနှစ်ဖက်ထိခိုက်ကျဆုံးမှုများရှိကြောင်းရှမ်းတောင် စစ်ဒေသ ဗျူဟာ ၁၄ က ယနေ့(ဇွန်လ ၁၁ ရက်)ထုတ်ပြန်သည်။

စစ်ကောင်စီတပ်နှင့် စစ်တပ်လက်​အောက်ခံ PNO/PNA ပြည်သူ့စစ် တို့သည် ဖယ်ခုံအင်းအရှေ့ခြမ်း (ဖယ်ခုံမြို့နယ်နှင့် ညောင်ရွှေမြို့နယ် ထိစပ်ရာဒေသ) တော်လှန်ရေးအင်အားစုများထိန်းချုပ်ရာ ညောင်ရွှေမြို့နယ် ရေပူကျေးရွာသို့ အင်အားအများအပြားဖြင့် ဇွန်လ ၂ ရက်တွင် စစ်ကြောင်းထိုးလာရာမှ တိုက်ပွဲပြင်းထန်ခဲ့ခြင်းဖြစ်သည်။

တိုက်ပွဲများသည် ဇွန် ၁၁ ရက်​နေ့ထိဖြစ်ပွားနေပြီး တစ်ပါတ်တာ ကာလအတွင်းနှစ်ဖက်ထိခိုက်ကျဆုံးမှုများရှိခဲ့ကာ PNO/PNA ပြည်
သူ့စစ်ဘက်မှ ငါးဦးထက်မနည်းသေဆုံးပြီး ဒဏ်ရာရသူများလည်းရှိကြောင်း အသိပေးသည်။

"တိုက်ပွဲအခြေအနေကတော့စခနဲ့PNOတွေ တက်
လာလိုက် အထိနာလို့ ပြန်ဆုတ်လိုက်။ပြန်တက်လာလိုက်ပုံစံမျိုးရှိနေတယ်"ဟုဖယ်ခုံမြို့နယ်မှစစ်​ရေး ရင်းမြစ်တဦးကလူထုနွေဦးသို့ပြောသည်။

ထို့အပြင် စစ်ကောင်စီတပ်စစ်​ကြောင်းထိုးနေသော ရှမ်းတောင်-ကရင်နီ နယ်စပ်ဒေသ ကုန်းသာကျေး
ရွာတွင်လည်း ကရင်နီအမျိုးသားများကာကွယ်
ရေးတပ် နှင့်အတူ ဖယ်ခုံPDF(1006) တပ်ရင်းတို့ပူးပေါင်းကာ စစ်ရေးလှုပ်ရှားမှုများပြုနေပြီး ၎င်းအခြေအနေများကြောင့် ဖယ်ခုံမြို့နယ်တစ်ဝှမ်းတွင်လည်း စစ်ရေးအခြေနေတင်းမာလာနိုင်ကြောင်း ​ဖော်ပြထားသည်။

တိုက်ပွဲများနှင့် စစ်ရေးအခြေနေတင်းမာနေမှုများရှိနေသည့်ကာလအတွင်း စစ်ကောင်စီတပ်မှ ပြည်သူအများနေထိုင်ရာ ဖယ်ခုံမြို့နယ်အတွင်းရှိ ကျေး
ရွာများသို့ဦးတည်ကာ လေကြောင်းတိုက်ခိုက်မှုများနှင့်အတူ လက်နက်ကြီးများအဆက်အပြတ်ပစ်ခတ်မှုကြောင့် ပြည်သူ သုံးဦးသေဆုံးပြီး ၊ပြည်သူခြောက်ဦး ဒဏ်ရာရရှိခဲ့သည်။ဒဏ်ရာရသူများတွင် ကလေးသူငယ်နှင့်အမျိုးသမီးငယ်အများစုပါဝင်သည်။

လက်ရှိ တိုက်ပွဲဖြစ်ပွားရာ အနီးဝန်းကျင်ရှိ ပြည်သူများအနေဖြင့် ကာကွယ်ရေးတပ်များမှ အသိ
ပေးထုတ်ပြန်ထားသော စစ်ရေးသတိပေးချက်များကို လုံခြုံရေးအတွက် လိုက်နာဆောင်ရွက်ရန် မေတ္တာရပ်ခံထား သည်။

စစ်ကောင်စီတပ်နှင့် PNO ပြည်သူ့စစ် ၏ စစ်
ကြောင်း ထိုး မှုကြောင့် ဖယ်ခုံအင်းအရှေ့ခြမ်း ရှိ ဆောင်နန်းခဲ၊လွယ်ပေါ၊နန်းပေါ်လုံ၊နန်းဆွတ်အစရှိသည့် ကျေးရွာများမှပြည်သူ ရာ​ပေါင်းများစွာစစ်ရှောင်နေရပြီး အရေးပေါ် အကူ အညီများ လိုအပ်နေသည်။

"စစ်ရှောင်ရတဲ့ပြည်သူတော်တော်များတယ်။၂၀၀ နဲ့ ၃၀၀ လောက်ရှိတယ်။ထပ်ဆင့် စစ်ရှောင် ကြရတဲ့သူတွေလည်းပါတယ်။နယ်ခံတွေလည်း ရှိသေးတယ်။တချို့သောရွာတွေဆို တစ်လနှစ်လရှိပြီ ပြေးနေရတာ။အဓိကတော့ စားဝတ်နေရေးအခက်
အခဲပဲ။ပြီးတော့ ဒီတစ်ပတ်နှစ်ပတ်အတွင်း မုန်
တိုင်းလာမယ် ဆိုတဲ့ မိုးလေဝသ သတင်းတွေအရ လိုအပ်ချက်တွေအများကြီးဖြစ်နေတယ်"ဟု ဖယ်ခုံမြို့မှ စစ်ရှောင်ကူညီနေသူတစ်ဦးကပြောသည်။

PNO/PNA ပြည်သူ့စစ်က ဦးဆောင်လမ်း ပြမှုဖြင့် စစ်ကြောင်းထိုးနေသော စစ်ကောင်စီတပ်ပူး
ပေါင်းစစ်ကြောင်းများသည် ၎င်းတို့ရောက်ရှိရာ ကျေးရွာများတလျောက်တွင် ပြည်သူများကို အတင်း အကြပ်စစ်မှုထမ်းစေခြင်း၊ ငွေကြေးများအတင်းအဓမ္မတောင်းခံခြင်းများပြုလုပ်နေသည့်အပြင် ညှင်းပန်းနှိပ်စက်မှုများလည်းရှိနေကြောင်း သိရသည်။