ဖားကန့်​ဒေသသို့​ရောက်ရှိ​နေ​သော စစ်တပ်နှင့် ပြည်သူ့စစ်များကို ​မေလကုန်ပိုင်းက​တွေ့ရစဥ်။
ဓါတ်ပုံ-CJ

PNO/PNA ပြည်သူ့စစ်ကဖယ်ခုံရှိ ကယန်းပြည်သစ်ဂိတ်ကို ဒရုန်းဖြင့်ဗုံးကြဲ ရဲ​ဘော်၃ ဦးဒဏ်ရာရ

ဇွန်-၉၊၂၀၂၅။ရဲခေါင်/People's Spring

စစ်ကောင်စီလက်​အောက်ခံ PNO/PNA ပြည်သူ့
စစ်ကရှမ်းပြည်တောင်ပိုင်းဖယ်ခုံမြို့နယ်ရှိ ကယန်းပြည်သစ်ဂိတ်ကို ယ​နေ့ နံနက်ပိုင်းတွင် ဒရုန်းဖြင့်ဗုံးကြဲသဖြင့် ကယန်းပြည်သစ်ရဲဘော်သုံးဦးဒဏ်ရရှိခဲ့ကြောင်း ဒေသခံစစ်​ရေးသတင်းရင်းမြစ်များကပြောသည်။

စစ်တပ် နှင့် အပစ်အခတ်ရပ်ထားသည့် ကယန်း
ပြည်သစ်ပါတီ / ကယန်းပြည်သစ်တပ်မတော် (KNLP/KNLA)၏ ဂိတ်စခန်းကို ဇွန်လ ၉ ရက် နံနက်၁၁နာရီဝန်းကျင်ကဗုံးကြဲခံရခြင်းဖြစ်သည်။

"ဆောင်နန်းခဲကကယန်းပြည်သစ်ဂိတ်မှာဖြစ်တာ။ဖယ်ခုံ ပေါ့။ကယန်းပြည်သစ်ရဲဘော် ၃ဦးအပြင်း အထန်ဒဏ်ရာရပြီး စိုးရိမ်ရတဲ့အခြေနေရှိတယ်လို့ သိရတယ်"ဟု ရှမ်းပြည်တောင်ပိုင်းမှ စစ်​ရေးသတင်းရင်း မြစ်တဦးက​ပြောသည်။

သီး ခြားသတင်းရင်းမြစ်တစ်ဦးကလည်း "စကစ နဲ့ PNO ပူးတွဲ ပြီး စစ်ကြောင်းထိုးနေတာ"ဟု ဗုံးကြဲခံရသည့် ကျေးရွာ နှင့် ဖယ်ခုံအင်းအရှေ့ခြမ်း အခြေ
အနေ ကို ပြောသည်။

မေလ ၁၇ ရက်နေ့ကလည်း ရှမ်းပြည်နယ်တောင်ပိုင်း ဖယ်ခုံ နှင့် ညောင်ရွှေမြို့နယ် အစပ်ရှိ စန့်လိတ်ကျေးရွာအနီးမှ ကယန်းပြည်သစ်ဂိတ်ကို PNO ပြည်သူ့စစ်က ဗုံးကြဲခဲ့​သေးပြီး ကယန်းပြည်သစ်ရဲဘော်အချို့ဒဏ်ရာရရှိခဲ့သည်။

ဇွန် ၉ ရက်တွင် စစ်ဆေးရေးဂိတ်ဒရုန်းဖြင့် ဗုံးကြဲခံရမှုကို ကယန်းပြည်သစ်ဗဟိုကော်မတီသို့ဆက်သွယ် မေးမြန်းရန်ကြိုးပမ်း​သော်လည်း ဆက်သွယ်မရ​သေး​ပေ။

၂၀၂၃ ခုနှစ် ဇွန်လ ၁ ရက်ကလည်း မိုးဗြဲ မြို့အနောက်ဘက်ခြမ်းရှိ ကယန်းပြည်သစ်တပ်မတော် လုံခြုံရေးဂိတ်ကို စစ်ကောင်စီတပ်မှ တိုက်လေယာဥ်ဖြင့် ဗုံးနှစ်လုံးကျဲချကာ တိုက်ခိုက်ခံရဖူးသည်။သို့သော် ထိခိုက်မှုအသေးစိတ်ကို KNLP က ထုတ်ပြန်ခြင်းမလုပ်ခဲ့ပေ။

ထို့အပြင် ယခုနှစ် ဧပြီ ၁၀ရက်က ကယန်းအမျိုး
သားနေ့ ကျင်းပသည့် သိကျိတ်ကျေးရွာကို စစ်ကောင်စီက လေကြောင်းမှဗုံးကြဲခဲ့သည်။

စစ်အာဏာရှင်စနစ်အပြီးသတ်ချုပ်ငြိမ်းရေးနှင့် စစ်မှန်သည့် ဖက်ဒရယ်ဒီမိုကရေစီပြည်ထောင်စုတည် ဆောက်ရေးအတွက် မိတ်ဖက်ဒီမိုကရေစီအင်အားစု များ၊ မဟာမိတ်တိုင်းရင်းသားလက်
နက်ကိုင်များနှင့် ပူးပေါင်းဆောင်ရွက်သွားမည်ဟု ဇွန်လ ၄ ရက်နေ့က ၆၁ နှစ်ပြည့်ကယန်းအမျိုး
သား လက်နက်ကိုင်တော် လှန်ရေးနေ့တွင် ကယန်းပြည်သစ်တပ်မတော် စစ်ဦးစီးချုပ် ဗိုလ်ချုပ်မြားနိုက ပြောထားသည်။

(ကယန်းပြည်သစ်ပါတီ (KNLA)တပ်ဖွဲ့ဝင်များ။ ဓါတ်ပုံ-KNLP)

တရုတ်အစိုးရအ​နေဖြင့် စစ်ကောင်စီကို ထောက်ခံ ကူညီနေမှုများ ရပ်တန့်ရန် ၊ မြန်မာ့အ​ရေးဝင်မစွက်ရန်ဂျပန်နိုင်ငံရှိ မြို့ကြီးများ၌ ဆန္ဒထုတ်ဖော်

‌ဇွန်-၉၊၂၀၂၅။တေဇ/People's Spring

ပြည်သူများအပေါ် အကြမ်းဖက်မှုများလုပ်နေသည့် စစ်ကောင်စီကိုထောက်ခံကာ မြန်မာပြည်
တွင်းရေးကို ဝင်ရောက်စွက်ဖက်နေသည့် တရုတ်အစိုးရ၏ လုပ်ရပ်များ ချက်ချင်းရပ်တန့်ရန် နှင့် စစ်ကောင်စီကို ကူညီအားပေးနေခြင်းကိုကန့်
ကွက်ကြောင်းဂျပန်ရောက်မြန်မာများကချီတတ်ဆန္ဒပြခဲ့သည်။

ဇွန် ၈ ရက်က ဂျပန်နိုင်ငံရှိတိုကျို ၊အိုဆာကာ၊နာဂိုယာ ၊ရှီဇူအိုကာစသည့်မြို့ကြီးများ၌တပြိုင်နက်ပြုလုပ်ခဲ့ပြီး တရုတ်ကွန်မြူနစ်အစိုးရအနေဖြင့် EAO များ တော်လှန်ရေးအင်အားစုများအပေါ် အလွန်အကျွံဖိအားပေးနေမှုများရပ်တန့်ရန် ၊ စစ်ကောင်စီ အလေးသာစေမည့် မြန်မာပြည်တွင်းရေး ဝင်ရောက်စွက်ဖက်မှာများကိုရပ်တန့်ရန်၊ စစ်ကောင်စီကို အားပေးထောက်ခံကူညီမှုမှုများရပ်
တန့်ရန် နှင့် မြန်မာပြည်သူတွေရဲ့ ဆန္ဒကိုလေးစားလိုက်နာရန် ကန့်ကွက်တောင်းဆိုခဲ့ကြကြောင်း NUG Support Team Japan က အသိပေးထားသည်။

အဆိုပါလှုပ်ရှားမှု‌တွင် ဂျပန်နိုင်ငံရောက် တက်ကြွလှုပ်ရှားသူများ၊တိုင်ရင်းအင်အားစုများနှင့် မြန်မာ့အရေး ကူညီအားပေးနေကြသည့် ဂျပန်လူမျိုးများလည်းပါဝင်ခဲ့ပြီး ကြွေးကြော်သံများဖြင့် ချီတတ်ဆန္ဒထုတ်ဖော်ခဲ့ကြသည်။

‌ပါဝင်သူများက မြန်မာပြည်သူများ၏ ဆန္ဒကိုအလေးထားရန် ၊ မြန်မာ့အရေးမှထွက်နေရန် ၊
ငါတို့အနာဂတ်ကို ငါတို့ဆုံးဖြတ်မည် စသည့် စာသားပါဝင်သည့် ဆိုင်းဘုတ်များကို ကိုင်ဆောင် ဆန္ဒထုတ်​ဖော်ခဲ့ကြသည်။

တရုတ်အစိုးရအနေဖြင့် စစ်ကောင်စီကထောက်ခံနေခြင်းသည် မြန်မာပြည်သူများ၏ သဘောထားဆန္ဒများကိုမျက်ကွက်ပြုနေခြင်းဖြစ်ပြီးဘန်ဒေါင်း
သဘောတူညီချက်ကို ချိုးဖောက်နေခြင်းဖြစ်သည်ဟုလည်း​ ဆန္ဒပြသူများက​ပြောသည်။

တရုတ်အစိုးရ၏လုပ်ရပ်များကိုကန့်ကွက်ကြောင်းကိုလည်း ဂျပန်နိုင်ငံရှိ တရုတ်သံရုံးကို ဂျပန်နိုင်ငံရောက် မြန်မာနိုင်ငံသားများက ဇွန်လ ၆ ရက်တွင် ကန့်ကွက်စာ ပေးပို့ခဲ့ကြသည်။

တော်လှန်ရေး၏ အမြင့်ဆုံးရေချိန်အမှတ်ရောက်နေ၍ စစ်ကောင်စီ ပြုတ်ကျရေး စုပေါင်း အလုပ်လုပ်ရန် တအာင်း TPCC တိုက်တွန်း

ဇွန်-၉၊၂၀၂၅။ထားမြတ်/People’s Spring

စစ်ကောင်စီပြုတ်ကျရေးအတွက် တော်လှန်ရေးအင်အားစုများဟန်ချက်ညီညီ စုပေါင်းအင်အား စုပေါင်းခေါင်းဆောင်မှုဖြင့် စုပေါင်းပြီး အလုပ်လုပ်ဆောင်ရန် လိုအပ်နေကြောင်း တအာင်းနိုင်
ငံရေးအတိုင်ပင်ခံကော်မတီ(TPCC) အတွင်း
ရေးမှူး မိုင်းနိုင်ဂေါင်ဇာရ် က ပြောကြားသည်။

လက်ရှိ ကာလသည် တော်လှန်ရေး၏ အမြင့်ဆုံး ရေချိန်အမှတ်သို့ ရောက်ရှိနေချိန်ဖြစ်ကြောင်း TPCC၏ ပြောရေးဆိုခွင့်ရှိသူ မိုင်းနိုင်ဂေါင်ဇာရ်က ပြောသည်။

“ဒီတိုက်ပွဲဟာ ကျနော်တို့ရဲ့ အဆုံးသတ်တိုက်ပွဲဖြစ်တယ်။ ဒါကြောင့်ဒီအကြမ်းဖက်စစ်ကောင်စီ ပြတ်ကျဖို့အတွက် ကျနော်တို့တော်လှန်ရေးအင်
အားစုတွေ ဟန်ချက်ညီညီ စုပေါင်းအင်အား၊ စု
ပေါင်းခေါင်းဆောင်မှု စုပေါင်းလုပ်ဆောင်မှုတွေနဲ့အတူ အလုပ်လုပ်ဖို့လိုအပ်တယ်” ဟုမိုင်းနိုင်ဂေါင်ဇာရ်က ပြောသည်။

တဖက်တွင်လည်း စစ်ကောင်စီက အတုအယောင် ရွေးကောက်ပွဲ ပြုလုပ်ရန် ပြင်ဆင်နေချိန်ဖြစ်၍ ပြည်သူများလည်း နိုင်ရာဝန်ကိုထမ်းပြီး တော်လှန်ရန်လိုအပ်ကြောင်း ၎င်းကတိုက်တွန်းသည်။

“ဒီတော်လှန်းရေးအင်အားစုနဲ့ ကျနော်တို့ပြည်သူတွေဒီအားတွေ စုမိသွားပီဆိုရင် အောင်ပွဲက အမြန်ဆုံးရရှိလိမ့်မယ်လို့ ယုံကြည်တယ် ။စုမိဖို့ သွားနေတဲ့အချိန်မှာ အခက်အခဲ အတားအဆီးတွေ အများကြီးကြုံရပါလိမ့်မယ် ဒါကြောင့် သတိဝိရိယရှိရှိနဲ့ သွား‌ဖို့လိုအပ်တယ်လို့ နောက်ဆုံးအနေနဲ့ မေတ္တာ
ရပ်ခံချင်ပါတယ်” ဟု မိုင်းနိုင်ဂေါင်ဇာရ်က ပြောကြားသည်။

တအာင်းအမျိုးသားပါတီ -TNP၊ ပလောင်ပြည်နယ်လွတ်မြောက်ရေးတပ်ဦး - PSLF/TNLA နှင့် တအာင်းအရပ်ဖက်အစုအဖွဲများပါဝင်သည့် TPCC က တအာင်းပြည်ကောင်စီ(TLC) ကို ဖွဲ့စည်း ကြောင်း ဪဇွန်လ ၉ရက်တွင် ထုတ်ပြန်ကြေညာခဲ့သည်။

တော်လှန်းရေးကာလအတွင်းမဟာမိတ်တော်
လှန်ရေးအင်အားစုများဖြင့် ဆက်လက် လက်တွဲ လုပ်ဆောင်သွားမည်ဟု အသိပေးခဲ့သည်။ ထို့ပြင် TLC အနေဖြင့် တအာင်းတပ်မတော်နှင့် မဟာမိတ်များ သိမ်းပိုက်ထားပြီးဖြစ်သည့် နယ်မြေများကို အခြေခံကာ တအာင်းပြည်တော်လှန်ရေးကာလ ပြည်သူ့အစိုးရတရပ်ကို ယခုနှစ်အတွင်း အမြန်ဆုံးဖွဲ့စည်းသွားမည်ဟုလည်း ဆိုသည်။မြန်မာပြည်တော်လှန်ရေးအင်အားစုများနှင့်အတူ ဖက်ဒရယ်ပြည်ထောင်စုနိုင်ငံ တည်ဆောက်နိုင်ရေး ပူးပေါင်းဆောင်ရွက်သွားမည်ဟု​ဖော်ပြထားသည်။

TPCC အတွင်းရေးမှူး မိုင်းနိုင်ဂေါင်ဇာရ်

ညနေခင်းသတင်း/ People's Spring

https://youtu.be/-QoIH33PahE

နောက်ဆုံးရနိုင်ငံတကာသတင်းများ/ People's Spring

https://youtu.be/12yjnqAENH4

ပုလဲမြို့နယ်၊ကန့်ဒေါင့်ရဲစခန်းသိမ်းတိုက်ပွဲဆက်လက်ပြင်းထန်

■​တော်လှန်​ရေးတပ်​တွေကစစ်သုံ့ပန်းအချို့ကိုဖမ်းဆီးထားပြီး ၊​သေဆုံးစစ်သားနှင့်ပျူအ​လောင်းများအပုပ်နံ့ထွက်​နေရဲ​ဘော်အချို့​ပြော

■စစ်​ကောင်စီ ​လေ​ကြောင်းတိုက်ခိုက်မှု​ကြောင့်ပြည်သူ ၃ ဦး​သေဆုံး

ဇွန်၉၊၂၀၂၅၊မေ/People Spring

စစ်ကိုင်းတိုင်း၊ပုလဲမြို့နယ်၊ကန့်‌ဒေါင့်ရွာနယ်မြေရဲစခန်းသိမ်းတိုက်ပွဲ ၈ ရက်မြောက်နေ့တိုက်ပွဲဆက်လက်ပြင်းထန် နေပြီး စစ်​သား နဲ့ ပျူအချိုကို စစ်သုံ့ပန်းအဖြစ်ဖမ်းဆီးထားပြီး တိုက်ပွဲမှာ​သေ​တဲ့ စစ်​ကောင်စီတပ်ဖွဲ့တချို့ရဲ့ရုပ်အ​လောင်း​တွေက အပုပ်နံ့​တွေထွက်​နေပြီလို့ တော်လှန်ရေး တပ်တွေဆီကသိရပါတယ်။

ကန့်ဒေါင့်ရွာနယ်နယ်မြေရဲစခန်းဟာပုလဲ- ဂန့်ဂေါလမ်းမှာရှိပြီးအရေးပါတဲ့ရဲစခန်းတခုဖြစ်ပါတယ်။
ပုလဲမြို့နယ်က နာမည်ကြီး အင်မထီးပျူစောထီးရွာ နဲ့ ဇီးဖြူကုန်းရွာတို့နဲ့လည်း ၄မိုင်ပတ်လည်လောက်သာ ဝေးပြီး အဲဒီပျူရွာတွေကို ထောက်ပံ့ပေးထားတဲ့ရဲစခန်းဖြစ်တယ်လို့သိရပါတယ်။

ပြည်သူ့လွတ်မြောက်ရေးတပ်မတော်(PLA)ဦး ဆောင်ပြီး​တော့​တော်လှန်​ရေးတပ်​တွေကပူး​ပေါင်းပြီး စစ်သား၊ ရဲ နဲ့ ပျူ​တွေ စခန်းထိုင်ထားတဲ့ကန့်‌‌
ဒေါင့်ရွာနယ်မြေရဲစခန်းကို ‌‌‌‌‌‌‌‌‌‌‌‌‌‌‌‌‌‌‌ဇွန်လ၂ရက် နေ့က တိုက်ခိုက် နေတာလို့သိရပါတယ်။

စခန်းသိမ်းတိုက်ပွဲမှာ စစ်ကောင်စီတပ်ကအရာရှိအချို့ကို ဖမ်းမိထားကြောင်း သတင်းရရှိပေမယ့် ကာကွယ်ရေးတပ်ဖွဲ့တွေက အတည်ပြုချက်မပေးသေးပါဘူး။ ဒါပေမယ့် အင်မထီးရွာကနေ စစ်ကူလာတဲ့ စစ်ကြောင်းကို ကြားဖြတ်တိုက်ခိုက်မှုမှာတော့ စစ်ကောင်စီတပ်ဖွဲ့ဝင်တွေသေဆုံးခဲ့သလို အရှင် ၅ ဦးမိထားတယ်လို့ ကာကွယ်ရေးတပ်ဖွဲ့တွေက အတည်ပြုချက်ပေးပါတယ်။

"အလောင်းတွေတောင်ပြန်ဆွဲမသွားနိုင်ဘူး။ လမ်းပေါ်မှာအတိုင်းရှိနေသေးတယ်။ လေကြောင်းကနေလည်းတောက်လျှောက်ပစ်နေတယ်"ဟု ဖြတ်တောက်တားဆီးရေးတာဝန်ယူထားတဲ့ ကာကွယ်
ရေးတပ်ဖွဲ့မှရဲဘော်တစ်ဦးကပြောပါတယ်။

ကမ်းဒေါင့်စခန်းကို ဝိုင်းဝန်းပိတ်ဆို့တိုက်ခိုက်နေဆဲဖြစ်ပြီး စခန်းထဲမှာ သေဆုံးနေတဲ့စစ်ကောင်စီတပ်ဖွဲ့ဝင်တွေဆီကအပုပ်နံ့တွေထွက်ပေါ်နေပြီလို့ သိရပါတယ်။

တိုက်ပွဲကာလအတွင်းမှာ စစ်ကောင်စီက ရဟတ်
ယာဉ်နဲ့ ၇ ကြိမ်လေကြောင်းကနေ စစ်ကူပို့ထားတယ်လို့ သိရပါတယ်။

"ဒီနေ့ (ဇွန်၉ )အထိဆက်တိုက်နေကြတုန်းပါ။လေ
ယာဉ်ကအရင်ရက် တွေကလို ဆက်တိုက် တော့မလာ တော့ဘူး။Y12နဲ့ ဂျက်ဖိုက်တာမနေ့ကတလှည့်စီ လာပစ်တာ တော့ရှိတယ်"လို့ တော်လှန်
ရေး တပ်ဖွဲ့ဝင်တဦးကပြောပါတယ်။

တိုက်ပွဲစဖြစ်တဲ့ နေ့ကစပြီး ကန့်ဒေါင့်‌‌ကျေးရွာပတ်လည်နဲ့ ကန့်ဒေါင့် နဲ့ အင်မထီးပျူ စောထီးရွာကြားထဲကို စစ်‌‌တပ်က လေကြောင်းတိုက်ခိုက်မှု တွေဆက်တိုက်ပြုလုပ်ခဲ့တယ်လို့ဆိုပါတယ်။

ဇွန်လ၆ရက်နေ့ကတိုက်ပွဲနဲ့ဝေးတဲ့ မင်းတိုင်ပင်ရွာကို စစ်တပ်က လေကြောင်းတိုက်ခိုက်ခဲ့တာမို့ အမျိုးသား၁ ဦး သေဆုံးခဲ့ပါတယ်။ဒါအပြင်ဇွန်လ၇ ရက်နေ့ ညပိုင်းကလေ ကြောင်းတိုက်ခိုက်မှုမှာလည်း ကြက်ရင်းရွာက အသက်၆၅နှစ်အရွယ် အမျိုးသမီး၁ ဦး နဲ့ ပိတောက်ကုန်း ကျေးရွာက ၆၀ကျော်အရွယ် အမျိုးသမီး၁ဦး စုစု ပေါင်း ၃ဦး သေဆုံးထားတယ်လို့ ​တော်လှန်​ရေးတပ်ဖွဲ့ဝင်​တွေနဲ့ ​ဒေသခဲတချို့က​ပြောပါတယ်။

ပြည်သူ့လွတ်မြောက်ရေးတပ်မတော် (PLA)
တပ်ဖွဲ့ဝင်များကို ​တွေ့ရစဥ်။ဓါတ်ပုံ-PLA

သေဘောဘိုးစခန်းသိမ်းတိုက်ပွဲ ထိုင်းဘက်ထွက်
ပြေးတဲ့ ဗျူဟာမှူးနဲ့အဖွဲ့ မြဝတီမြို့စောင့်တပ်ထဲ ပြန်ရောက်နေ

■ထိုင်းဘက်ထွက်ပြေးပြီး ၂၇၅ထဲ ပြန်စုဖွဲ့နေတဲ့ စစ်သား ၆၀၀လောက်ရှိနေဟုဆို

ဇွန် ၉၊ ၂၀၂၅။ကိုဘီဂျီ/People's Spring

မြန်မာ−ထိုင်းနယ်စပ်က သေဘောဘိုးတပ်စခန်းသိမ်းတိုက်ပွဲကနေ ထိုင်းနိုင်ငံဘက်ထွက်ပြေးသွားတဲ့ ဗျူဟာမှူးအပါအဝင် စစ်ကောင်စီတပ်သား ၇၀ဟာ မြဝတီမြို့က မြို့စောင့်တပ်အဖြစ်ရှိနေတဲ့ ခလရ(၂၇၅)တပ်ရင်းထဲ ပြန်ရောက်ပြီး စုဖွဲ့မှုလုပ်နေတယ်လို့ လူထုနွေဦးရဲ့ ကရင်စစ်ရေးသတင်းရင်းမြစ်က ပြောပါတယ်။

နယ်စပ်ဒေသမှာရှိတဲ့ တပ်စခန်းတွေ တိုက်ခိုက်ခံရတဲ့အခါ စစ်ကောင်စီတပ်သားတွေက အလွယ်
တကူပဲ ထိုင်းနိုင်ငံထဲကို ပြေးဝင်နေကြပါ။ ထိုင်းစစ်တပ်က ထိန်းသိမ်းပြီး ရက်တပတ်ကြာတဲ့အခါ သူတို့ကို စစ်ကောင်စီထံ ပြန်လွှဲပေးနေတာပါ။

အခုဆိုမြဝတီမြို့က ၂၇၅တပ်ရင်းထဲမှာ ၆၀၀
လောက်အထိ စုဝေးရှိနေတယ်လို့ ကရင်စစ်ရေးသတင်းရင်းမြစ်က ပြောပါတယ်။

"သူတို့ကို ဘယ်လိုနာမည်ပေးရမလဲ။ ထိုင်းပြန်စစ်သားတွေလား။ သေမှာကြောက်လို့ ထွက်ပြေးတဲ့ နိုင်ငံခြားပြန် စစ်သားတွေလားပေါ့။ အခုဆို ၆၀၀ လောက်ရှိနေပြီ။ သေဘောဘိုးကအဖွဲ့က မနေ့က ပြန်ဝင်လာတယ်လို့ သိရတယ်"လို့ ၎င်းက ဆက်ပြောပါတယ်။

ပြီးခဲ့တဲ့ ဇွန်လ ၃ရက် ညနေပိုင်းက မြန်မာ − ထိုင်း နယ်စပ်မျဉ်းအနီးက သေဘောဘိုးတပ်စခန်းသိမ်း
ပိုက်တိုက်ခိုက်မှုမှာစစ်ကောင်စီရဲ့တပ်မ(၄၄)လက်
အောက်ခံ အမှတ်(၃)စစ်ဗျူဟာမှူးအပါအဝင် စစ်ကောင်စီတပ်သား ၇၀ဟာ ထိုင်းနိုင်ငံအတွင်းကို ထွက်ပြေးသွားခဲ့တာပါ။ အဲဒီအဖွဲ့က ဇွန်လ ၈ရက်မှာ ၂၇၅တပ်ရင်းထဲကို ပြန်လည်ဝင်ရောက်လာတာလို့ ဆိုပါတယ်။ အဲဒီထဲမှာ ဒဏ်ရာရသူ ၉ဦးပါတယ်လို့ ကရင်စစ်ရေးသတင်းရင်းမြစ်က ပြောပါတယ်။

"စုဖွဲ့မှုလုပ်ပြီး စစ်ကြောင်းပြန်ထိုးနိုင်တယ်။ ဒါပေမယ့် အားလုံးကအကောင်းတွေမဟုတ်ဘူး။ အ
ကျိုးနဲ့ ဒဏ်ရာရတာတွေကလည်း ရှိသေးတယ်။ သူတို့ထိုးလည်း ထိုးပေါ့။ဟိုက ဗိုလ်ဒါဘောက စောင့်နေတာ။သူလည်း သိတာပေါ့"လို့ ကရင်စစ်ရေးသတင်းရင်းမြစ်က ပြောပါတယ်။

ထိုင်းနိုင်ငံထဲကို ထွက်ပြေးသွားတဲ့စစ်ကောင်စီတပ်
သားတွေကို ကရင်နယ်ခြားစောင့်တပ်(BGF)ရဲ့ အမှတ်(၄)စစ်ဒေသမှူး ဗိုလ်မှူကြီးမုတ်သုန် ထိန်း
ချုပ်မှုအောက်က နယ်စပ်ဂိတ်ပေါက်တစ်ခုဖြစ်တဲ့ (၁၆)ဂိတ်ကနေ ပြန်ပို့ခဲ့တာလို့ ဆိုပါတယ်။ စစ်ကောင်စီတပ်သားတွေ စခန်းသိမ်းတိုက်ပွဲတွေကနေ ထိုင်းနိုင်ငံထဲကို ထွက်ပြေးပြီး ပြန်ပို့တာတွေလုပ်ရင် အဲဒီ (၁၆)ဂိတ်ကနေပဲ ပြန်ပို့နေတာလို့ ဆိုပါတယ်။

မြန်မာ-ထိုင်းနယ်စပ်က ဘလယ်ဒိုစခန်းသိမ်းတိုက်ပွဲကနေ ထိုင်းနိုင်ငံထဲကိုထွက်ပြေးသွားတဲ့စစ်သား ၆၂ဦးကို မေလ ၂၈ရက်မှာ နယ်စပ်ဂိတ်ဖြစ်တဲ့ (၁၆)ဂိတ်ကနေ မြဝတီမြို့စောင့်တပ်ဖြစ်တဲ့ ခလရ
(၂၇၅)တပ်ရင်းထဲကို ပြန်ပို့ခဲ့ပါတယ်။

ပြီးခဲ့တဲ့ မေလ ၂၃ရက်က ကော့ကရိတ်မြို့နယ်က စစ်ကောင်စီရဲ့ ဘလယ်ဒိုတပ်စခန်းသိမ်း တိုက်ပွဲကနေ စစ်ကောင်စီတပ်သား ၆၂ဦးဟာ ထိုင်းနိုင်ငံထဲကို ထွက်ပြေးခဲ့တာပါ။ ထွက်ပြေးပြီး ငါးရက်အကြာမှာဘဲ ထိုင်းစစ်တပ်က (၁၆)ဂိတ်ကနေ ပြန်ပို့ခဲ့တာလို့ ဆိုပါတယ်။

မေလ ၂၇ရက်မှာလည်း စစ်ကောင်စီတပ်သား ၆၂ဦးဟာ ထိုင်းနိုင်ငံအတွင်းကနေဖြတ်ပြီး သေဘောဘိုးဗျူဟာတပ်စခန်းကိုစစ်ကူလာခဲ့ပါတယ်။
အဲဒီ စစ်ကောင်စီတပ်သား ၆၂ဦးကိုလည်း တော်
လှန်ရေးပူးပေါင်းတပ်တွေက မေလ ၂၈ရက်မှာ ကြားဖြတ်တိုက်ခိုက်ခဲ့တာမှာ ၂၈ဦးက ထိုင်းနိုင်ငံထဲကို ပြန်လည်ထွက်ပြေးခဲ့ပါသေးတယ်။

ဒါ့အပြင်မေလ ၂၈ရက် ညဦးပိုင်းမှာလည်း နယ်စပ်က ဝေါ်လေမြို့နားက ကနဲလေးစစ်ကေင်စီတပ်စခန်း တော်လှန်ရေးပူးပေါင်းတပ်တွေက သိမ်း
ပိုက်ရာမှာလည်း စစ်ကောင်စီတပ်သား ၅၂ဦးဟာ ထိုင်းနိုင်ငံထဲကို ထပ်မံထွက်ပြေးခဲ့ပါသေးတယ်။

နယ်စပ်မြို့ဖြစ်တဲ့ မြဝတီမြို့က မြို့စောင့်တပ်အဖြစ်ရှိနေတဲ့ ခလရ(၂၇၅)တပ်ရင်းကိုလည်း တော်လှန်ရေးတပ်တွေက အခုရက်ပိုင်းအတွင်းမှာ ပစ်ခတ်တိုက်ခိုက်နေပါတယ်။ မေလ ၃၁ရက် ညပိုင်းက တော်လှန်ရေးတပ်ဖွဲ့တွေက ခလရ(၂၇၅)
တပ်ရင်းထဲကို လက်နက်ကြီးတွေနဲ့ ဆက်တိုက် ပစ်ခတ်တိုက်ခိုက်နေတာလို့ ကရင်စစ်ရေးသတင်းရင်းမြစ်က ပြောပါတယ်။

နောက်ပြီး ဇွန်လ ၄ရက်မှာလည်း ဒရုန်းနှစ်စင်းနဲ့ ၂၇၅တပ်ရင်းထဲကို ပစ်ချခဲ့တယ်လို့ ဆိုပါတယ်။

ကရင်အမျိုးသားလွတ်မြောက်ရေးတပ်မတော်
(KNLA)၊ ကရင်အမျိုးသားကာကွယ်ရေးတပ်
(KNDO)နဲ့ ပြည်သူ့ကာကွယ်ရေးတပ်မတော်
(PDF) ရဲဘော်တွေဟာ မြန်မာ − ထိုင်းနယ်စပ်က စစ်ကောင်စီတပ်စခန်းတွေကို ဆက်တိုက် တိုက်
ခိုက်သိမ်းပိုက်နေပါတယ်။