နောင်ချို၊ကံကြီးရွာ​ရောက်စစ်​ကောင်စီတပ်ကို TNLA နှင့်ပူး​ပေါင်းတပ်တိုက်ခိုက်မှု​ကြောင့်​နောက်ပြန်ဆုတ်သွားဟု​ဒေသခံများ​ပြော

ဇွန် ၈၊ ၂၀၂၅။ကိုဘီဂျီ/People's Spring

ရှမ်းပြည်နယ်မြောက်ပိုင်း၊ နောင်ချိုမြို့အနီးက ကံကြီးကျေးရွာကိုရောက်လာတဲ့ စစ်ကောင်စီတပ်ဟာ တအာင်းတပ်မတော်(TNLA)ပူးပေါင်းတပ်တွေရဲ့ တိုက်ခိုက်မှုကြောင့် ပြန်လည်ဆုတ်ခွာသွားရတယ်လို့ နောင်ချိုမြို့ခံတွေက ပြောပါတယ်။

ကံကြီးရွာကနေ (၃)မိုင်နီးပါးဝေးတဲ့ ရွှေမုဋ္ဌောကျေးရွာကို တပ်ပြန်ဆုတ်သွားတယ်လို့ ဆိုပါတယ်။ ကံကြီးရွာနဲ့ ရွှေမုဋ္ဌောကျေးရွာတွေဟာ နောင်ချိုကနေ တောင်းခမ်းရွာသွားတဲ့ လမ်းပိုင်းပေါ်မှာ ရှိနေတာပါ။

"မနေ့ညပိုင်းကဆုတ်သွားတာလို့ TNLAဘက်ကကြားရတယ်။ ဒီဘက်က ပြန်တွယ်တာလို့ပဲ သိရတယ်"လို့ နောင်ချိုဒေသခံတစ်ဦးကပြောပါတယ်။

အခြားနောင်ချိုဒေသခံတစ်ဦးကလည်း"ကျောက်မဲဘက်ကို စစ်ရှောင်သွားတဲ့ အစ်မပို့လာတာက ကံကြီးကနေ ဆုတ်သွားပြီတဲ့"လို့ ပြောပါတယ်။

စစ်ကောင်စီတပ်တွေဟာ ဇွန်လ ၇ရက်မှာဘဲ ကံကြီးရွာကို သိမ်းပိုက်ခဲ့ပြီး ညပိုင်းမှာ တပ်ပြန်ဆုတ်သွားရတဲ့ အခြေအနေဖြစ်ပါတယ်။

အဲဒီအခြေအနေနဲ့ပတ်သက်လို့ TNLAဆီ ဆက်သွယ်မေးမြန်းနေဆဲဖြစ်ပါတယ်။

မြို့နဲ့ တဖြည်းဖြည်းနီးကပ်လာတာရယ်၊ စစ်တပ်က ကံကြီးရွာနားကနေ လက်နက်ကြီးတွေနဲ့ လှမ်းပစ်နေတာကြောင့် နောင်ချိုမြို့ခံတွေဟာ ဇွန်လဆန်းစပြီး နီးစပ်ရာမြို့ရွာတွေဆီကို ထွက်ပြေးတိမ်းရှောင်ခဲ့ရပါတယ်။

ဇွန်လ ၆ရက် ညမှာ စစ်ကောင်စီတပ်က ကံကြီးရွာနားကနေ လက်နက်ကြီးတွေနဲ့ နောင်ချိုမြို့ ပေါ်ကို လှမ်းပစ်ရာ ၁၀လုံးကျရောက်ပေါက်ကွဲခဲ့တယ်လို့ နောင်ချိုဒေသခံတွေက ပြောပါတယ်။ ဇွန်လ ၄ ရက်မှာလည်း စျေးရပ်ကွက်ကို လက်နက်ကြီးနဲ့ လှမ်းပစ်လို့ အမျိုးသမီး ၂ ဦးအပါအဝင် ပြည်သူ ၄ဦး ဗုံးစထိမှန်ဒဏ်ရာရခဲ့ပြီး နေအိမ် ၂လုံးနဲ့ ဘုန်းကြီးကျောင်း တစ်ကျောင်း ပျက်စီးခဲ့ပါသေးတယ်။

ဒါ့အပြင်ဇွန်လ ၇ရက်ညပိုင်းမှာလည်း နောင်ချို
မြို့ပေါ်ကို လက်နက်ကြီးနှစ်လုံး ပစ်ခတ်ခဲ့သေးတယ်လို့ နောင်ချိုမြို့ခံက ပြောပါတယ်။

၁၀၂၇ စစ်ဆင်ရေးအပိုင်း(၂) စတင်ခဲ့တဲ့ ၂၀၂၄ ဇွန်လ ၂၅ရက်နေ့မှာဘဲ တအာင်းတပ်မတော်
(TNLA)နဲ့ PDFပူးပေါင်းတပ်တွေက နောင်ချိုမြို့ကို စတင်သိမ်းပိုက်ခဲ့ပါတယ်။ အခု ၁၀၂၇ အပိုင်း(၂) စတင်ခဲ့တဲ့ နှစ်ပတ်လည် လပိုင်းမှာဘဲ နောင်ချိုမြို့နားကကံကြီးရွာအထိ စစ်ကောင်စီတပ်တွေ ရောက်လာခဲ့တာပါ။

နောင်ချိုမြို့ကို TNLAနဲ့ ပူးပေါင်းတပ်တွေက စစ်
ဆင်ရေးစတင်တဲ့နေ့မှာဘဲ အလွယ်တကူ သိမ်း
ပိုက်နိုင်ခဲ့ပေမယ့် မြို့ရဲ့ တောင်ဘက်က အမြောက်
တပ်ရင်းတွေရှိနေတဲ့ တောင်းခမ်းရွာကို တစ်နှစ်ကြာထိုးစစ်ဆင်တိုက်ခိုက်ခဲ့ပေမယ့် အပြီးသတ်မသိမ်းပိုက်နိုင်ခဲ့ပါဘူး။

နောင်ချိုမြို့တောင်ဘက် ဒုဋ္ဌဝတီမြစ်ကူးတံတား အနောက်ဘက်မှာရှိတဲ့ တောင်းခမ်းကျေးရွာမှာ အမြောက်စခန်းကွပ်ကဲမှုဌာနချုပ် (မစခ-၉၀၂) နဲ့ သူရဲ့လက်အောက်ခံ အမြောက်တပ်ရင်း သုံးရင်းဖြစ်တဲ့ အမတ(၃၅၄)၊ အမတ (၂၀၆)နဲ့ အမတ
(၄၀၆)တပ်ရင်းတို့ ရှိပါတယ်။

တောင်းခမ်းဒေသကအမြောက်တပ်တွေရှိတဲ့နေရာမှာ တစ်နှစ်နီးပါးကြာ တိုက်ပွဲတွေပြင်းထန်ခဲ့ပါတယ်။ အဲဒီတိုက်ပွဲတွေအတွင်းမှာ နှစ်ဖက်တပ်တွေ ထိခိုက်မှုတွေများခဲ့ပါတယ်။

စစ်ကောင်စီတပ်က ၂၀၂၄ နှစ်ကုန်ပိုင်းလောက်ကစပြီး အင်အားအလုံးအရင်းတိုး၊ တပ်တွေချိန်းပြီး ထိုးဆင်မှုတွေ စတင်လုပ်လာပါတယ်။

ပြီးခဲ့တဲ့ မတ်လအတွင်းမှာ စစ်ကောင်စီတပ်ဟာ တောင်းခမ်းရွာနားက မဲပုတ်ရွာကို စတင်သိမ်းပိုက်ခဲ့ပါတယ်။ အဲဒီကနေ တဖြည်းဖြည်း နောင်လင်ရွာကို ထပ်မံသိမ်းပိုက်ပြီးနောက် နောင်ချိုမြို့နားက ကံကြီးရွာအထိ ရောက်လာပါတယ်။

စစ်ကောင်စီဟာ နောင်ချိုမြို့ကို လမ်း​ကြောင်းနှစ်​ခုကနေ စစ်ကြောင်းထိုးနေပါတယ်။ တောင်းခမ်း - ရပ်စောက်လမ်းပိုင်းကနေစစ်ကြောင်းထိုး အင်
အားပို့နေသလို ၊ နောင်ချို - ပြင်ဦးလွင်လမ်းပိုင်းကနေ စစ်ကြောင်းထိုးနေတာပါ။

တောင်းခမ်းက စစ်ကြောင်းဟာ နောင်ချိုမြို့အနီးကို ရောက်လာခဲ့ပေမယ့် ပြင်ဦးလွင်လမ်းပိုင်းက စစ်ကြောင်းကတော့ အရင်အတိုင်းပဲ ရှိနေပြီး သိသိသာသာ ရှေ့တိုးမလာနိုင်သေးပါဘူး။

ပြင်ဦးလွင်မြို့နယ်အစပ် နောင်ချိုမြို့နယ် အုမ္မသီးနှင့် ဂန့်ဂေါရွာနားမှာဘဲ ရှိနေပါသေးတယ်။ အဲဒီကျေးရွာတွေအနီးမှာလည်းတိုက်ပွဲတွေဆက်ဖြစ်နေပါတယ်။

ပြင်ဦးလွင်မြို့နယ် ဝက်ဝံကျေးရွာမှာ အထိုင်ချတပ်စွဲထားတဲ့ စစ်ကောင်စီတပ်တွေက​တော့ တအာင်းတပ်မတော်(TNLA) နဲ့ ပူးပေါင်းတပ်တွေ သိမ်းပိုက်ထားတဲ့ နောင်ချိုမြို့နယ်အတွင်းကို ၂၀၂၄ အောက်တိုဘာ ၂၂ရက်ကတည်းကစတင် စစ်‌ကြောင်းထိုးဝင်​ရောက်ဖို့ကြိုးစား​နေတာပါ။ အဲဒီနောက် TNLA ဦးဆောင်တဲ့ တော်လှန်ရေးတပ်တွေ ရှိနေတဲ့ ဂန့်ဂေါရွာကို ရောက်ရှိလာပြီး တိုက်ပွဲတွေ စတင်ဖြစ်နေပါတယ်။

စစ်တက္ကသိုလ်တွေရှိရာ ပြင်ဦးလွင်နဲ့အနီးဆုံးမြို့ဖြစ်သလို စစ်​ရေးအရအ​ရေးပါတဲ့မြို့ဖြစ်တာ​ကြောင့် နောင်ချိုမြို့ကို စစ်ကောင်စီကလည်း အပြင်းအထန် ထိုးစစ်ဆင်နေသလိုTNLAပူးပေါင်းတပ်တွေဟာလည်း နောင်ချိုမြို့ ပြန်မပေးရရေးအတွက် ခုခံကာကွယ်နေပါတယ်။

ဒါ​ပေမယ့် ၁၀၂၇ စစ်ဆင်​ရေးပထမလှိုင်းနဲ့ ဒုတိယလှိုင်းမှာ လက်စွမ်းထက်ပြီး မြို့​ပေါင်း ၁၂ မြို့ကိုဦး​ဆောင်သိမ်းပိုက်ခဲ့တဲ့ TNLA ဟာ ​နောင်ချိုမှာဘာ​ကြောင့် ​နောက်ဆုတ်​ပေး​နေရတာလဲဆိုတာကိုပြည်သူ​တွေ အားမလိုအားမရဖြစ်​နေသလို ၊နားမလည်နိုင်ကြပဲ ဖြစ်​နေကြပါတယ် ။ အဲဒီထဲမှာ အ
စိုးရိမ်ဆုံးဖြစ်​နေကြတာက အာဏာလုစစ်​ကောင်စီကို ဖီဆန်​တော်လှန်ခဲ့ကြတဲ့ပြည်သူ​တွေက စစ်တပ်သာ ​နောင်ချိုမြို့ကို​ရောက်လာရင်ဆိုတဲ့အ​တွေး​တွေနဲ့အလွန်စိုးရိမ်​နေကြရတယ်လို့ ​​​တော်လှန်​ရေးကိုပါဝင်ကူညီ​နေတဲ့ ပြည်သူအချို့က​ပြောပါတယ်။

နိုင်ငံတစ်ဝန်းတိုက်ပွဲအများစုမှာ ရှုံးပွဲဆက်​နေတဲ့ စစ်တပ်ဟာ​တောင်းခမ်း၊​နောင်ချိုမှာ​အောင်ပွဲရတယ်၊စခန်းသိမ်းနိုင်တယ်ဆိုပြီး ​အောင်ပွဲခံ​နေတဲ့ ဓါတ်ပုံ​တွေ ၊ဗီဒီယို​တွေကိုလည်းစစ်တပ်ဝါဒဖြန့် လူမှုကွန်ယက်​တွေမှာဖြန့်ချီ​နေကြပါတယ်။ဒါ​ကြောင့် ပြည်သူ​တွေပို မခံချည်မခံသာဖြစ်ရသလို ၊ နိုင်ငံတစ်ဝန်းပတ်ရှုံး​နေတဲ့စစ်တပ် ​နောင်ချိုမှာ ​အောင်ပွဲရတာ ၊​အောင်စိတ်ရတာမျိုးက လုံးဝခွင့်ပြု လက်ခံ​​ပေးလို့မရဘူးလို့ PDF အချို့က​ပြောပါတယ် ။

TNLA သတင်းနဲ့ပြန်ကြား​ရေတာဝန်ခံ ​လွေး​ယေဦးက​တော့ “နောင်ချို၊တောင်းခမ်းဘက်ကတော့ လက်ရှိအချိန်ထိ တစ်ဖက်နဲ့တစ်ဖက် ထိုးစစ်ဆင်မှုပြုလုပ်နေပါတယ်။ အပြန်အလှန်ခုခံတိုက်ခိုက်မှုတွေလည်းရှိနေပါတယ်။ဆိုတော့ကတော့ လူထုတွေကတော့လုံခြုံရေးကိစ္စအထူးဂရုစိုက်ဖိုလိုပါတယ်။စစ်ရေးအရတော့ စိတ်ပူစရာမလိုဘူးပေါ့နော်။တစ်ဖက်နဲ့တစ်ဖက်ကိုယ့်ရဲ့စစ်ရေးဗျူဟာအတိုင်းပဲဆောင်ရွက်နေတာဖြစ်ပါတယ်။” လို့ဇွန် ၅ ရက်​နေ့မှာ​ပြောပါတယ် ။

https://www.ludunwayoo.com/feature-mm/2025/06/08/123325

လားရှိုးတွင် MNDAAဖမ်းထားသည့်
ရွာလူကြီး ပြန်လွတ်လာ

ဇွန်-၈၊၂၀၂၅။ဇော်ရမ်း/People's Spring

မြန်မာအမျိုးသား ဒီမိုကရက်တစ် မဟာမိတ် တပ်
မတော်(MNDAA) ဖမ်းဆီးထားသည့်လားရှိုးမြို့နယ်၊ ဟန်နားကျေးရွာမှ ရွာလူကြီးဦးဆိုင်ကြာ ပြန်လည်လွတ်မြောက်လာပြီဟုသတင်းရရှိသည်။

ဦးဆိုင်ကြာကို ဇွန်လ ၅ရက် ညနေတွင် MNDAA
တပ်ဖွဲ့ဝင်များကဖမ်းဆီးသွားပြီးနောက် ကျေး
ရွာ၏ အိမ်ထောင်စုစာရင်းနှင့် အခြားအချက်
အလက်များကိုတောင်းယူပြီး ပြန်လွှတ်‌ ပေးခြင်းဟု ဒေသခံတဦးကပြောသည်။

"ရွာရဲ့အိမ်ထောင်စုစာရင်းကို တောင်းယူပြီးဦးဆိုင်ကြာကိုပြန်လွှတ်ပေးလိုက်တယ်။ ၆ရက်နေ့ညက လွှတ်ပေးပြီး ၇ရက်နေ့ကျမှ သူလွတ်ကြောင်းသိရတယ်"ဟုဒေသခံတစ်ဦးကပြောသည်။

ဦးဆိုင်ကြာသည် ကျန်းမာရေးကောင်းမွန်ပြီး MNDAAက ရိုက်နှက်နှိပ်စက်ခဲ့ခြင်းလည်းမရှိဟု ဆိုသည်။

MNDAAနှင့်ရှမ်းပြည်တိုးတက်ရေးပါတီ/ရှမ်ပြည်
တပ်မတော် (SSPP/SSA)သည် ဟန်နားကျေးရွာနှင့်နားလိုင်ကျေးရွာအနီးတွင် ဇွန်လ ၁ရက်နေ့က တိုက်ပွဲဖြစ်ပွားခဲ့ပြီးနောက် နှစ်ဘက်စလုံးက စစ်ရေးလှုပ်ရှားမှုများရှိနေသည်။ စစ်ရေးနှင့်လုံခြုံရေးအခြေအနေအကြောင်းပြ၍ အရပ်သားများအားဖမ်းဆီးမည်ကို ဒေသခံများကစိုးရိမ်နေသလို MNDAA က ရရှိထားသည့်အိမ်ထောင်စုစာရင်းအလိုက်စစ်သားစုဆောင်းမှုကိုလည်းစိုးရိမ်နေကြသည်။

ဦးဆိုင်ကြာအား ဖမ်းဆီးခြင်းနှင့် ပြန်လွှတ်‌ ပေး
သည်ကိစ္စနှင့်ပတ်သက်၍ MNDAAက သတင်းမထုတ်ပြန်ပေ။ရှမ်းပြည်နယ်မြောက်ပိုင်းတွင် MNDAAနှင့် စစ်ရေးတင်းမာမှုကို နှစ်ဖက်ခေါင်း
ဆောင်များ တွေ့ဆုံဖြေရှင်းမည်ဟု SSPPက မတ်လ ၃၀ ရက်ထုတ်ပြန်ခဲ့သည်။

ကော့ကရိတ်မြို့နယ်ကို စစ်တပ်ကစစ်ကူအများအပြားပို့​နေပြီး တိုက်​ပွဲ​တွေပြင်းထန်​နေ

ဇွန် ၈၊ ၂၀၂၅။ကိုဘီဂျီ/People's Spring

ကရင်ပြည်နယ်၊ကော့ကရိတ်မြို့နယ်ကို စစ်တပ်က အင်အားအများအပြားစစ်ကူပို့နေပြီး တိုက်ပွဲတွေလည်း ပြင်းထန်နေတယ်လို့ ကော့ကရိတ်ဒေသ
မှ တော်လှန်ရေးရဲဘော်တွေက ပြောပါတယ်။

ကော့ကရိတ်မြို့အဝင်က စစ်ကောင်စီရဲ့ အမှတ်
(၁၂)စစ်ဆင်ရေးကွပ်ကဲမှုဌာနချုပ် (စကခ ၁၂)နဲ့ မြို့ထဲက အမှတ်(၉၇)ခြေလျင်တပ်ရင်းကို စစ်ကူအများအပြားပို့နေတယ်လို့ ဆိုပါတယ်။ကစခ−၁၂
က အင်အားကို ကော့ကရိတ်ကနေ ကျုံဒိုးမြို့သွားတဲ့ လမ်းပိုင်းကို စစ်ကြောင်းထိုး စစ်ကူပို့တာဖြစ်ပြီး ခလရ(၉၇)တပ်ရင်းက အင်အားကိုတော့ အာရှလမ်းပိုင်းမှာ တိုက်ခိုက်ခံနေရတဲ့ အောင်ဇေယျစစ်ကြောင်းဆီ စစ်ကူပို့နေတာလို့ ကော့ကရိတ်ဒေသက တော်လှန်ရေးရဲဘော်တွေက ပြောပါတယ်။

ဇွန်လ ၇ရက်မှာ ကော့ကရိတ်မြို့အထွက်အာရှလမ်းမကြီးပေါ်က ကော့နွှဲ့၊တတန်ကူးကျေးရွာတွေမှာ တိုက်ပွဲတွေ ပြင်းထန်ခဲ့တယ်လို့ တော်လှန်ရေးရဲဘော်တစ်ဦးက ပြောပါတယ်။ အဲဒီတိုက်ပွဲမှာ နှစ်ဖက်ထိခိုက်မှုရှိခဲ့ပြီး စစ်ကောင်စီတပ်ကအလောင်းနှစ်လောင်း ကျန်ခဲ့တယ်လို့ ဆိုပါတယ်။

"အောင်ဇေယျကို အင်အား ၂၀၀ လောက်ထပ်ပို့လာတယ်။အဲတော့တောင်ပေါ်မှာရောပေါင်းရင် စုစုပေါင်း ၄၀၀လောက်တော့ ရှိလာမယ်"လို့ကော့ကရိတ်ဒေသက တော်လှန်ရေးရဲဘော်တစ်ဦးက ပြောပါတယ်။

ဇွန်လ ၈ရက်မနက်မှာလည်း ကော့ကရိတ်နဲ့ မြဝတီမြို့နယ်အစပ်က ကွင်းကလေးကျေးရွာမှာ တိုက်ပွဲဖြစ်ခဲ့တယ်လို့ ၎င်းက ဆက်ပြောပါတယ်။

ဒါ့အပြင် ကစခ−၁၂ကနေထွက်သွားတဲ့စစ်
ကြောင်း နဲ့ တော်လှန်ရေးတပ်တွေ ကိုးတိုင် နဲ့ ခုနှစ်တိုင် ရွာလမ်းပိုင်းတွေမှာ တိုက်ပွဲဖြစ်နေတယ်လို့ ဆိုပါတယ်။ကောင်စီတပ်က ကျုံဒိုးမြို့လက်မလွှတ်ရဖို့ စစ်ကူတွေထပ်တိုးပြီးခံစစ်ပြင်​နေတာဖြစ်ပါတယ်။ KNLA၊PDFပူးပေါင်းတပ်တွေ​တွေရဲ့ထိုးစစ်ကို စစ်တပ်က လေကြာင်းကနေ အကြိမ်​ရေများစွာဗုံးကြဲသလို ၊အဆင်မြင့်ဒရုန်းတွေ သုံးခုခံနေတယ်လို့ မြေပြင်ကရဲဘော်အချို့က ပြောပါတယ်။

"အဲဒီဘက်မှာလည်း ကြမ်းနေတာပဲ"လို့ ကော့ကရိတ်ဒေသက အခြားတော်လှန်ရေးရဲဘော်တစ်ဦးက ပြောပါတယ်။

တော်လှန်ရေးပူးပေါင်းတပ်တွေဟာ ထိုင်း−မြန်မာနယ်စပ်တ​လျှောက်က အရေးပါတဲ့ စစ်ကောင်စီရဲ့တပ်စခန်းတွေကိုဆက်တိုက် သိမ်းပိုက်နေသလို ကုန်သွယ်​ရေးအတွက် အရေးပါလှတဲ့ အာရှလမ်းပေါ် ကော့ကရိတ်မြို့နယ်တစ်ခုလုံးမှာရှိတဲ့ စစ်ကောင်စီရဲ့ တပ်စခန်းတွေကို ပြီးခဲ့တဲ့ ဧပြီလဆန်းပိုင်းကစပြီး ထိုးစစ်ဆင်တိုက်ခိုက်နေပါတယ်။

ကရင်အမျိုးသားအစည်းအရုံး(KNU)ရဲ့တပ်မဟာ
(၆) နယ်မြေက ကော့ကရိတ်မြို့ဝန်းကျင်နဲ့ ကော့ကရိတ်မြို့ကနေ ဒေါနတောင်ပေါ် တောနောရေတံ
ခွန်အထိ နေရာယူထားတဲ့ အောင်ဇေယျစစ်
ကြောင်းကို ကရင်အမျိုးသားလွတ်မြောက်ရေးတပ်မတော်(KNLA)၊၊PDFပူးပေါင်းတပ်တွေက အပိုင်းလိုက်ဖြတ်တောက်ပိတ်ဆို့ထားပါတယ်။ပြီး​တော့ထိုးစစ်အရှိန်မြှင့်ပြီးတိုက်ခိုက်တာမို့ ပြီးခဲ့တဲ့လပိုင်းကတည်းက အဲဒီနေရာတွေမှာ တိုက်ပွဲတွေ ပြင်းထန်နေပါတယ်။

ကော့ကရိတ်မြို့တောင်ပိုင်း နဲ့ မြောက်ပိုင်း နေရာတွေရယ် ၊ ကော့ကရိတ်နဲ့ ကျုံဒိုးမြို့လမ်းပိုင်း တလျှောက်မှာပါ တိုက်ပွဲပြင်းထန်နေတယ်လို့ ကရင်စစ်ရေးသတင်းရင်းမြစ်က ပြောပါတယ်။

ဒါအပြင်တော်လှန်ရေးပူးပေါင်းတပ်တွေက ကော့ကရိတ်မြို့ကို ဝန်းရံပိတ်ဆို့ထားပြီလို့ အဲဒီဒေသက PDF တပ်ရင်းမှူးတစ်ဦးက ပြောပါတယ်။

အခုဆိုရင် အောင်ဇေယျစစ်ကြောင်းဟာ တောင်ပေါ်မှာအင်အား နှစ်ရာလောက်ပဲကျန်​တော့တယ်လို့သိရပါတယ်။အဲဒီ အဖွဲ့ကိုလည်း ​တော်လှန်​ရေးအဖွဲ့​တွေက ဖြတ်​တောက်ပိတ်ဆို့ထားတာပါ။ ဒါ့အပြင် ​တော်​နော် ရေတံခွန်ဘက်ခြမ်းမှာရှိတဲ့ စစ်
သား​တွေလည်း ဖြတ်​တောက်ပိတ်ဆို့ခံထားရပြီဖြစ်ပါတယ်။ ဒါ​ကြောင့် ဒီရက်တည်းမှာ စစ်တပ်က​အောင်​ဇေယျ စစ်​ကြောင်းဆီကို စစ်ကူ ၂၀၀ ​ကျော်ထပ်ပို့တာဖြစ်ပါတယ်။

နယ်စပ်မြို့ဖြစ်တဲ့ မြဝတီမြို့က မြို့စောင့်တပ်အဖြစ်ရှိနေတဲ့ ခလရ(၂၇၅)တပ်ရင်းကိုလည်း တော်လှန်ရေးတပ်တွေက အခုရက်ပိုင်းအတွင်းမှာ ပစ်ခတ်တိုက်ခိုက်နေပါတယ်။ မေလ ၃၁ရက် ညပိုင်းက တော်လှန်ရေးတပ်ဖွဲ့တွေက ခလရ(၂၇၅)
တပ်ရင်းထဲကို လက်နက်ကြီးတွေနဲ့ ဆက်တိုက် ပစ်ခတ်တိုက်ခိုက်နေတာလို့ ကရင်စစ်ရေးသတင်းရင်းမြစ်က ပြောပါတယ်။

နောက်ပြီး ဇွန်လ ၄ ရက်မှာလည်း ဒရုန်းနှစ်စင်းနဲ့ ခလရ၂၇၅တပ်ရင်းထဲကို ပစ်ချခဲ့တယ်လို့ ဆိုပါတယ်။

ခလရ ၂၇၅ထဲမှာ မြန်မာ - ထိုင်းနယ်စပ်က တပ်စခန်းသိမ်းပွဲတွေကနေ ထိုင်းနိုင်ငံထဲကို ထွက်ပြေးတဲ့စစ်သားတွေပြန်လည်ဝင်ရောက်ရှိနေကြပါတယ်။စစ်ကောင်စီတပ်သားတွေ စခန်းသိမ်းတိုက်
ပွဲတွေကနေ ထိုင်းနိုင်ငံထဲကို ထွက်ပြေးပြီး ပြန်ပို့ရင်ကရင်နယ်ခြားစောင့်တပ်(BGF)ရဲ့ အမှတ်(၄)
စစ်ဒေသမှူး ဗိုလ်မှူကြီးမုတ်သုန်ထိန်းချုပ်မှုအောက်က နယ်စပ်ဂိတ်ပေါက်တစ်ခုဖြစ်တဲ့ (၁၆)ဂိတ်ကနေပဲ ပြန်ပို့နေတာလို့ ဆိုပါတယ်။

"သေဘောဘိုးကဟာရောပေါင်းရင် ၂၇၅ထဲမှာ ၅၀၀ကျော်နေပြီ"လို့ ၎င်းက ဆက်ပြောပါတယ်။

ဒါ​ကြောင့် ခလရ (၂၇၅)တပ်ရင်းထဲမှာ စုမိနေတဲ့ စစ်ကောင်စီတပ်သားတွေဟာ စစ်ကြောင်းနှစ်ကြောင်းခွဲပြီး စစ်ကြောင်းထိုးဖို့ ဟန်ပြင်နေတယ်လို့ ကော့ကရိတ်ဒေသက PDFတပ်ရင်းမှူးတစ်ဦးက ပြောပါတယ်။

"သူတို့က သင်္ဃန်းညီနောင်ကို အဲဘက်က ထိုးမယ်ပေါ့။ ဒီဘက်က အောင်ဇေယျကလည်း လက်ကျန်နဲ့ တက်မယ်ပေါ့။ သူတို့က အဲလိုပုံစံ စဉ်နေတာ"လို့ ၎င်းက ပြောပါတယ်။

(အာရှလမ်း​​ပေါ်တွင် ​အောင်​ဇေယျစစ်​ကြောင်းမှ သံချပ်ကာယာဥ်ကို ၂၀၂၄ ခုနှစ်မှာ​တော်လှန်​​ရေးတပ်ဖွဲ့​တွေက တိုက်ခိုက်သိမ်းပိုက်ခဲ့စဥ်။ဓါတ်ပုံ-​ကော်ဘရာ​ကော်လံ

ဟင်းအိုးတူးနံ့ကိုအလုံပိတ်ခန်းတွင်ကြာရှည်ရှုမိရာ အမျိုးသမီး နှစ်ဦးအသက်ရှူကြပ်သေဆုံး

■အမျိုးသားတစ်ဦးကို​လည်းဆေးရုံတင်ထားရ

ဇွန်-၈၊၂၀၂၅။ရောင်နီ/People's Spring

ရန်ကုန်မြို့၊ဗိုလ်တထောင်မြို့နယ် ၄၃ လမ်းတွင် တိုက်ခန်းတစ်ခန်း၌ ဟင်းအိုးတည်ကာ အဲကွန်းဖွင့်အိပ်ရာမှ အသက်ရှုကြပ်၍ အမျိုးသမီးနှစ်ဦးသေဆုံးခဲ့ကြောင်း ဒေသခံတစ်ဦးကပြောသည်။

"သူတို့က ဟင်းအိုးတည်ထားတာကိုမေ့ပြီး တူးသွားတာ။ အဲကွန်းခန်းထဲမှာဆိုတော့ အဲဒီ့အနံ့ကိုရှုမိပြီး အ‌ဆိပ်သင့်သွားတာပါ" ဟု ယင်းနေရာသို့ သွားရောက်ကူညီခဲ့သည့် ပရဟိတအဖွဲ့ဝင်တစ်ဦးကပြောသည်။

ဇွန် ၈ ရက် နံနက် ၁၀ နာရီခန့်တွင် သတင်းရခဲ့ခြင်းဖြစ်ပြီး ယင်းအိမ်ရှိ အမျိုးသမီး နှစ်ဦးသေဆုံးကာ အမျိုးသားတစ်ဦးကို ဂျပန်ဆေးရုံသို့ ပို့ဆောင်ပေးခဲ့ရသည်ဟုဆိုသည်။

"အမျိုးသားကတော့ ICU ထဲမှာပဲရှိပါသေးတယ်" ဟုအထက်ပါပရဟိတအဖွဲ့ဝင်ကပြောသည်။

အဆိုပါဖြစ်စဉ်သို့ဘိုကလေးဈေးပရဟိတအသင်း ၊အဖြူရောင်ကမ်းလက် ၊လင်းလက်၊ ရှင်သန်ရေး ၊ ပီတိ‌မေတ္တာ လူမှူကူညီရေး အသင်းတို့ သွားရောက်ကူညီခဲ့ကြောင်းသိရသည်။

ပြီးခဲ့သည့် လပိုင်းကလည်း ရန်ကုန်မြို့ရှိ မြို့နယ် နှစ်ခုတွင် မီးပျက်နေ၍ မီးစက်မောင်းကာ အဲကွန်းဖွင့် အိပ်ရာမှ ကာဘွန်မို​နောက်ဆိုက် အဆိပ်သင့်ပြီးလူ​သေဆုံးခဲ့သည်။

PDFတွေဖမ်းထားတဲ့ဗိုလ်ကြီးနှစ်ဦးဟာ ငွေးကြေးအရှုပ်အရှင်းနဲ့ လူမှုရေးပြဿနာကြောင့် ခွင့်မဲ့ပျက်
ကွက်နေသူတွေလို့ စစ်ကောင်စီဝါဒဖြန့်

■ "ဖမ်းမိတဲ့အတွက် ခွင့်မဲ့လို့ထွက်သွားတာပါ။ခွင့်မဲ့ဆိုပြီးတော့ပြေးတယ်ဆိုကျနော်တို့ကထိန်းသိမ်း
ထားပါ့မလား။ ကျနော်တို့ဖမ်းမိတာကြာပြီလေသူတို့ကခွင့်မဲ့ပျက်ကွက်တာလို့ထင်နေတာ။"
-ပုဂံဗိုလ်ချို PDF မှတာဝန်ရှိသူ

ဇွန်-၈၊၂၀၂၅။ကိုဘီဂျီ၊​ဇေ​အောင်/People's Spring

မန္တလေးတိုင်း၊ ပုဂံ၊ညောင်ဦးမြို့နယ်မှာ PDFတွေရဲ့ဖမ်းဆီးမှုခံလိုက်ရတဲ့ ဗိုလ်ကြီးနှစ်ဦးဟာ ငွေးကြေးအရှုပ်အရှင်းနဲ့ လူမှုရေးပြဿနာတွေကြောင့် ခွင့်မဲ့ပျက်ကွက်နေသူတွေလို့ စစ်ကောင်စီရဲ့ ဝါဒဖြန့်ချီရေးအဖွဲ့တွေက ဒီကနေ့(ဇွန်လ ၈ရက်)မှာ ဖော်ပြလာပါတယ်။

ကျန်းမာရေး နဲ့ ရောဂါနှိမ်နင်းရေးတပ်(ကရတ)ကသူနာပြုဗိုလ်ကြီး ညီညီမျိုးဆွေ နဲ့ ဗိုလ်ကြီး စိုးထွဋ်ကျော်တို့ဟာ မေလ ၁၇ရက်ကတည်းက တပ်ကနေ ခွင့်မဲ့ပျက်ကွက်နေသူတွေလို့ စစ်ကောင်စီအဖွဲ့က ဆိုပါတယ်။

မေလ ၂၀ရက်မှာ အဖမ်းခံလိုက်ရတယ်ဆိုပြီး PDFတွေက ဇွန်လ ၇ရက်မှာ ထုတ်ပြန်လာတာဟာ ရိုးသားမှုမရှိဘူးလို့လည်း စစ်ကောင်စီအဖွဲ့က ဆိုပါတယ်။ ဒါ့အပြင် အဖမ်းခံရတဲ့ ဗိုလ်ကြီးနှစ်ဦးဟာ ချောက်မြို့ဘက်ကို ထွက်ပြေးပြီး PDFတွေနဲ့ သွားရောက်ပူးပေါင်းတာလို့လည်း စွပ်စွဲဖော်ပြထားပါတယ်။

စစ်သားနှစ်ဦးကိုဖမ်းဆီးထားတဲ့ ပုဂံ ဗိုလ်ချို (Bangan Bocho )PDFအဖွဲ့တာဝန်ရှိသူက​ "မဟုတ်ပါဘူး။ ဖမ်းမိတဲ့အတွက် ခွင့်မဲ့လို့ထွက်သွားတာပါ။ ခွင့်မဲ့ဆိုပြီးတော့ပြေးတယ်ဆိုကျနော်တို့ကထိန်းသိမ်းထားပါ့မလား။ ကျနော်တို့ဖမ်းမိတာကြာပြီလေသူတို့ကခွင့်မဲ့ပျက်ကွက်တာလို့ထင်နေတာ။"ဟုတုံ့ပြန်ပြောကြားပါတယ် ။

ပြီးခဲ့တဲ့မေလ၂၀ရက်​ မနက်က ပုဂံ၊ညောင်ဦးမြို့
နယ်၊ ညောင်ဦး-ချောက် ကားလမ်းပိုင်းတနေရာမှာ ကာကွယ်ရေးအဖွဲ့တွေက အရပ်ဝတ်နဲ့ စစ်ဆေးနေတဲ့အချိန် ချောက်မြို့ဘက်ကို မောင်းနှင်လာတဲ့ အိမ်စီးကားတစ်စီးကို စစ်ဆေးခဲ့ကြပါတယ်။

အဲဒီကားပေါ်မှာ နေပြည်တော်ကလာတဲ့ ကျန်း
မာရေးနဲ့ ရောဂါနှိမ်နင်းရေးတပ်(ကရတ)ကသူနာပြုဗိုလ်ကြီး ညီညီမျိုးဆွေ နဲ့ ဗိုလ်ကြီး စိုးထွဋ်ကျော်တို့ကို အရပ်ဝတ်နဲ့ ဖမ်းဆီးရမိခဲ့တာဖြစ်
ကြောင်း Bagan Bo Cho PDFအဖွဲ့ တာဝန်ရှိသူက ပြောပါတယ်။ အဲဒီ ဗိုလ်ကြီးနှစ်ဦးဟာ အရပ်ဝတ်နဲ့ PDFရဲဘော်တွေကို စစ်သားတွေထင်မှတ်ပြီး ဝန်ထမ်းကတ်ထုတ်ပြရာကနေ အဖမ်းခံလိုက်ရတာလို့ Bagan Bo Cho PDFအဖွဲ့ တာဝန်ရှိသူက ပြောပါတယ်။

ဖမ်းမိတဲ့ဗိုလ်ကြီးနှစ်ဦးကို စစ်သုံ့ပန်းဥပ‌ဒေအရ သက်ဆိုင်ရာ ညောင်ဦးမြို့နယ် ပကဖ တာဝန်ခံထံဆီ လွှဲအပ်ထားတယ်လို့ သိရပါတယ်။

■News Story

မဟာမုနိဘုရားဒါယိကာ မျက်နှာဖုံးတပ်​ရှေ့ထွက်လာသူ လက်နက်ပွဲစား ဒေါက်တာနိုင်ထွဋ်အောင်

ယောနသံ/People's Spring

စစ်‌ကောင်စီ၏အဓိကလက်နက်ပွဲစားတဦးဖြစ်​သော ဒေါက်တာနိုင်ထွဋ်အောင်က စစ်ကိုင်းငလျင်ကြောင့်ပျက်စီးသွားသည့် မန္တလေးမဟာမုနိဘုရားကြီး စိန်ဖူးတော်အသစ်ပြုလုပ်ရန်ဟုဆိုကာ ရွှေ
သား ၃ ပိဿာ နှင့်ကျပ်သိန်းပေါင်း ၂၆,၀၀၀ ကို လှူဒါန်းလိုက်သည်။

ဒေါက်တာနိုင်ထွဋ်အောင်နှင့် ဒေါက်တာဝေဝေရင် "ကွန်းခိုရာ"မိသားစုက မန္တလေးမြို့ မဟာမုနိဘုရားကြီး စိန်ဖူးတော်အသစ်ပြုလုပ်ရန်အတွက်ရွှေ
သား(၃)ပိဿာ ၊ အရှေ့စောင်းတန်းခါးပြတ်ပြာ
သာဒ်နှင့် ကျောင်းတော်ကြီးတိုင်(၆)တိုင်တည်ဆောက်ပြုပြင်ရန်အတွက် ကျပ်သိန်း၂၆,၀၀၀ကိုက ဇွန်လ၇ရက်နေ့တွင် ရေစက်ချလှူဒါန်းသည်ဟု မဟာမုနိဘုရားကြီးဂေါပကအဖွဲ့က သတင်းထုတ်
ပြန်သည်။

ဒေါက်တာ နိုင်ထွဋ်အောင်သည် စစ်ကောင်စီထံသို့ လက်နက်များတင်ပို့ရောင်းချနေသည့် International Gateways Group(IGG) ကုမ္ပဏီ အုပ်စု၏ပိုင်ရှင်ဖြစ်ပြီး စင်္ကာပူနိုင်ငံတွင်အနေများကာ အာဏာသိမ်းစစ်ခေါင်းဆောင်နှင့် အလွန်ရင်းနီးသည်ဟု စီးပွားရေးလုပ်ငန်းရှင်တစ်ဦးကပြောသည်။

IGG ကုမ္ပဏီအုပ်စုတွင် Myanmar New Era Trading ကုမ္ပဏီအပါအဝင် ပြည်တွင်း နှင့် စင်ကာပူ ၊​ဟောင်​ကောင် ၊ထိုင်း အပါအဝင် နိုင်ငံ
တကာ၌ ကုမ္ပဏီ​ပေါင်း ၄၀ ခန့်တည်​ထောင်လုပ်ကိုင်​နေ​သော လုပ်ငန်းစုဖြစ်သည်။ထို​ကြောင့် ဒေါက်တာ နိုင်ထွဋ်အောင်သည် လူမြင်ကွင်း​ရှေ့သို့အထွက်နည်း​သော်လည်း စစ်တပ်အတွက်လက်
နက်ပွဲစားလုပ်ရာမှ လွန်စွာ အကျိုးအမြတ်ရပြီး ချမ်းသာ​နေ​သော ခရိုနီတဦးဖြစ်သည်။

"စစ်ကောင်စီက လက်နက်တွေ ထပ်ဝယ်ဖို့ ရှိနေတယ်။ ဒေါက်တာနိုင်ထွဋ်အောင်က အချိန်ကိုက် လှုပ်ရှားတဲ့သဘောပါ။သူလုပ်ကွက်‌တွေထပ်ရသွားမှာပါ" ဟု အထက်ပါလုပ်ငန်းရှင်က​ပြော
သည်။

စစ်တပ်ကအာဏာသိမ်းပြီးနောက်ပိုင်းတရုတ်နိုင်ငံက ကြားခံ၍ ပါကစ္စတန်နိုင်ငံမှတစ်ဆင့် စစ်လက်
နက်ပစ္စည်းများဝယ်ယူရာတွင် ဒေါက်တာနိုင်ထွဋ်အောင်ကအဓိကချိတ်ဆက်ပေးခဲ့ကြောင်း၊ တရုတ်အစိုးရသည်ပါကစ္စတန်နိုင်ငံမှတစ်ဆင့်စစ်ကောင်
စီထံ လက်နက်ပစ္စည်းများ လျှို့ဝှက်ထောက်ပံ့ပေးနေကြောင်းအိန္ဒိယနိုင်ငံအခြေစိုက် ANI သတင်းဌာနက ၂၀၂၂ မတ်လ ၁၃ ရက်နေ့တွင် ဖော်ပြခဲ့သည်။

ဒေါက်တာနိုင်ထွဋ်အောင်သည်မြန်မာ့စစ်လက်နက်ကုန်သွယ်ရေး၌ အဓိကပုဂ္ဂိုလ်ဖြစ်ပြီး အထူးသဖြင့် တရုတ်နိုင်ငံမှ စစ်လက်နက်ပစ္စည်းပေးသွင်းသူ
များနှင့် စစ်ကောင်စီကို အဓိကဆက်သွယ်ပေးနေသူဖြစ်ကြောင်း Justice for Myanmar(JFM) ကလည်း​ဖော်ထုတ်ထားသည်။ JFM သည် စစ်ကောင်စီ၏ လူအခွင့်အရေးချိုးဖောက်မှုများ၊ တ
ရားမဝင်အကျိုးစီးပွားများ၊ လက်နက်အရောင်း
အဝယ်ကိစ္စများကိုဖော်ထုတ်ပေးနေသည်။

ဒေါက်တာနိုင်ထွဋ်အောင်သည်အာဏာလုစစ်အုပ်
စုအတွက် ဒေါ်လာသန်းပေါင်းများစွာတန်ဖိုးရှိ
သော စစ်လက်နက်ပစ္စည်းများ၊ တိုက်လေယာဥ်အစိတ်အပိုင်းများနှင့်နည်းပညာများ အဆင့်မြှင့်တင်ဝယ်ယူပေးခြင်းဖြင့် ချမ်းသာကြွယ်ဝလာခဲ့သူဖြစ်ပြီး " လူ့ကျင့်ဝတ်တွေကို ဖောက်ဖျက်ပြီး ချမ်း
သာ ကြွယ်ဝမှုနဲ့ ဇိမ်ခံဘဝမျိုးကို ရရှိထားတာ ဖြစ်ပါတယ်" ဟု Justice For Myanmarက ၂၀၂၃ စက်တင်ဘာလ ၉ရက်နေ့ ထုတ်ပြန်ချက်တွင်ဖော်ပြခဲ့သည်။

ဒေါက်တာနိုင်ထူးအောင် ပိုင်ဆိုင်သောIGG ကုမ္ပ
ဏီကွန်ရက်ထဲက ကုမ္ပဏီ(၅) ခုသည် စင်ကာပူနိုင်ငံ၌ မှတ်ပုံတင်ထားဆဲဖြစ်ပြီး " စင်ကာပူအစိုးရအနေနဲ့ သူတို့ပိုင်နက်အထဲကနေ နိုင်ထွဋ်အောင်က တရားမဝင်မြန်မာစစ်အုပ်စုအပေါ်ပံ့ပိုးကူညီနေတာကို ဘယ်အချိန် အထိ ခွင့်ပြုပေးနေမှာလဲ"ဟုJFMက မေးခွန်းထုတ်ခဲ့သည်။

၎င်းသည် ယခင်က စင်ကာပူတွင်​နေထိုင်​သော်
လည်း​နောက်ပိုင်းတွင် ယူ​အေအီးနိုင်ငံ ဒူဘိုင်းတွင်လည်း​နေထိုင်သည်ဟုသိရသည်။ ထိုအပြင် ၎င်းသည် ကာရစ်ဘီယံကျွန်း Grenada မှ နိုင်ငံကူးလက်မှတ်ကိုပါ ကိုင်​ဆောင်ထား​ကြောင်းသိရသည်။

ဒေါက်တာနိုင်ထွဋ်အောင်နှင့် ၎င်း၏ ကုမ္ပဏီ
International Gateways Groupတို့ကို အမေ
ရိကန်၊ က​နေဒါ ၊ ဗြိတိန် အစိုးရနှင့် ဥ​ရောပ သမဂ္ဂတို့က က၂၀၂၂ ခုနှစ်မှစ၍ ဒဏ်ခတ်အရေးယူပိတ်ဆို့ခဲ့သည်။သို့သော် ၎င်းသည် တရုတ်အစိုးရနှင့်ချိတ်ဆက်ပီး စစ်ကောင်စီအတွက် အဓိကလက်နက်ပွဲစားဖြစ်နေဆဲဟုစီးပွားရေးလုပ်ငန်းရှင်သတင်းရင်းမြစ်ကဆိုသည်။

မတ်လ ၂၈ရက်က စစ်ကိုင်းနှင့်မန္တလေးမြို့ကို ဗဟိုပြု လှုပ်ခဲ့သည့် ရစ်ခ်တာစကေး ၇ဒဿမ၇ အဆင့် အင်အားပြင်းငလျင်ကြောင့် မန္တလေးမြို့မှ မဟာမုနိဘုရားကြီးနှင့် ကျောင်းအဆောင်အဦ ၇၀ ရာ
ခိုင်နှုန်းပျက်စီးသွားကြောင်းဂေါပကအဖွဲ့က ထုတ်ပြောပြီး အလှူခံခဲ့သည်။

ဧရာဝတီဘဏ်ပိုင်ရှင်ဦးဇော်ဇော်ကလည်းကျောင်း
တော်ကြီးပျက်စီးမှုကုန်ကျစရိတ်အားလုံး လှူဒါန်းမည်ဟုမဟာမုနိဂေါပကအဖွဲ့အတွင်းရေးမှူး ဦးသန်းဦး က သတင်းမီဒီယာအချို့အား အသိပေးထားသည်။

ဒေါက်တာနိုင်ထွဋ်အောင် ယခုလှူသည့် ရွှေသား ၃ပိဿာနှင့်ကျပ်သိန်းပေါင်း ၂၆၀၀၀ ကိုစစ်ကောင်စီ၏ မန္တလေးတိုင်းဝန်ကြီးချုပ်မှဦးဆောင်
၍ လက်ခံရယူသွားခဲ့သည်။

အဆိုပါအလှူနဲ့ပတ်သက်ပြီးပြည်သူတဦးက​တော့
"မဟာမုဏိဘုရားကတော့ နိုင်ထွဋ်အောင်ရဲ့ အကုသိုလ်အားကယ်တင်နှိုင်လိမ့်မယ်မထင်ပါဘူး"ဟု မှတ်ချက်ပြုပါသည်။