ယခုပြုလုပ်နေသည့် ကဘော်ညီနောင် ကမ်ပိန်းသည် ကလေး၊ တမူးခရိုင်အတွင်းရှိ PDFအဖွဲ့ ၁၄ဖွဲ့အတွက် ရန်ပုံငွေ ရှာဖွေခြင်းဖြစ်ကြောင်း
ရှင်းပြသည်။

ချင်းတွင်းမြစ်နှင့် အိန္ဒိယနယ်စပ်အကြားချိုင့်ဝှမ်းလွင်ပြင်ဒေသဖြစ်သောကဘော်ဒေသသည်အမှတ်
(၁) စစ်ဒေသ၏ အရေးကြီးသည့်ဒေသဖြစ်ပြီး ယင်းဒေသ၌ ကလေးနှင့် တမူးမြို့များ ပါဝင်ကြောင်းဝန်ကြီး ဦးရည်မွန်ကလည်းပြောသည်။ နိုင်ငံရေး၊ နိုင်ငံခြားရေး၊ ကုန်သွယ်ရေးနှင့် စစ်ရေးအရ သမိုင်းတလျှောက် အရေးပါခဲ့သည့် ယင်းကဘော်ဒေသကို လွတ်မြောက်နယ်မြေ ဖြစ်ရေး ဦး
စားပေးဆောင်ရွက်ရန်ရှိကြောင်း ၎င်းက ဆိုသည်။

ကဘော်ချိုင့်ဝှမ်းသည် စစ်ကိုင်းတိုင်းဒေသကြီး အနောက်ပိုင်းတွင်တည်ရှိသည့်ကုန်းမြင့်ချိုင့်ဝှမ်းတစ်ခု ဖြစ်သည်။ အိန္ဒိယနိုင်ငံ၊ မဏိပူရပြည်
နယ်၏ နယ်နိမိတ်နှင့် နီးကပ်စွာ တည်ရှိသည်။

"ကာကွယ်ရေးဝန်ကြီးဌာန အမှတ်(၁)စစ်ဒေသအ
နေနဲ့လည်း ဒီဒေသ ဒီနယ်မြေ လွတ်မြောက်ရေးကို အထူးဦးစားပေးအနေနဲ့ စဉ်းစားဆောင်ရွက်နေတာလည်းရှိတယ်လို့ ပြောရပါမယ်"ဟု ဦးရည်မွန်ကဆို
သည်။

တော်လှန်ရေးအ​စောပိုင်းကတည်းကကာကွယ်ရေး
ဝန်ကြီးဌာန နှင့် မဟာမိတ်တိုင်းရင်းသားတော်လှန်
ရေးအဖွဲ့များဖြစ်သော ကချင် KIA၊ ချင်း CNF/CNA၊ ကရင်နီ KNPP/KA၊ ABSDF တို့ ပါဝင်သော ဗဟိုကွပ်ကဲရေးနှင့် ပေါင်းစပ်ညှိနှိုင်းရေးကော်မတီ(C3C)၏ သဘောတူဆုံးဖြတ်ချက်အရ အမှတ်(၁) စစ်ဒေသကို ၂၀၂၂ နှစ်လယ်ပိုင်း၌ စတင်ဖွဲ့စည်းခဲ့ခြင်းဖြစ်ဟု ရှင်းပြသည်။

ကလေးခရိုင်နှင့် တမူးခရိုင် နှစ်ခုလုံးတွင်နယ်မြေစိုးမိုးထိန်းချုပ်မှုကို PDF တပ်မတော်က အဓိက ရယူထားကြောင်း၊ စစ်ကောင်စီ လုံး၀ ကင်းစစ်ခြင်းမရှိသေးသော်လည်း တနယ်လုံးကို PDFများ ထိန်းချုပ်ထားသည်ဟု ကာကွယ်​ရေးဝန်ကြီးက ရှင်းပြသည်။

PDF ကလေးခရိုင် အမှတ်(၄) တပ်ရင်းတပ်မှူးကိုမုန်ပီး၏ ရှင်းပြချက်တွင်လည်း PDFနှင့် ပကဖ၊ ပလဖ၊ ဒေသကာကွယ်ရေးတပ်ဖွဲ့များ၊ တိုင်းရင်း
သား တော်လှန်ရေးတပ်များ အတူတကွ တိုက်ပွဲဝင်နေကြသည့် လက်နက်ကိုင်တော်လှန်ရေးသည် အရှိန်အဟုန်တဖြည်းဖြည်း မြင့်သထက်မြင့်လာသည်ဟု အသိပေးသည်။

ယခင်ကလက်နက်ဆယ်ဂဏန်းဖြင့် ပြောက်ကျား တိုက်ပွဲများ ဝင်ခဲ့ကြရသော်လည်း ပြီးခဲ့သည့်နှစ်နှစ်တာအတွင်းလူအင်အားရာဂဏန်းအချို့ အသုံး
ပြုပြီး ရန်သူ့စခန်းအချို့ကို သိမ်းနိုင်ခဲ့ဟု ကိုမုန်ပီးက ပြောသည်။

"ဒါပြည်နယ်ဒေသတွေမှာ ဖြစ်ရိုးဖြစ်စဉ်တခုသာဖြစ်ပေမယ့် ၂၀၂၁မှ စပြီးပြန်တော်လှန်ရတဲ့ ပြည်မဒေသ မြေပြန့်ဒေသ လွင်ပြင်ဒေသတွေအတွက်ဆိုရင်တော့ အဆင့်ဆင့်ပြောင်းလဲတိုးတက်မှုပဲဖြစ်တယ်။ ပြီးခဲ့တဲ့ တနှစ်တာကာလလောက်က စပြီး အထူးသဖြင့် စစ်ကိုင်းတိုင်း အမှတ်(၁) စစ်ဒေသနဲ့ ရှမ်းမြောက်ကို အခြေပြုတဲ့ မန္တလေးတိုင်းအတွင်းမှာဆိုရင်လူအင်အားထောင်နဲ့ချီ ၊လက်နက်အင်
အား ထောင်နဲ့ချီ ပါဝင်တဲ့ မြို့သိမ်းတိုက်ပွဲကြီးတွေကို စစ်နယ်ဝန်းတွေကို သိမ်းပိုက်နိုင်တဲ့ တိုက်ပွဲကြီးတွေကို ကျနော်တို့ စတင်ဖော်ဆောင်နိုင်ခဲ့တယ်။ ဒါတွေက ကျနော်တို့ တော်လှန်ရေးရဲ့ အဆင့်ဆင့် တိုးတက်ပြောင်းလဲမှုဖြစ်တယ်”ဟု ကိုမုန်ပီးက ပြောသည်။

၂၀၂၅တွင်လည်း မြေပြန်လွင်ပြင်ဒေသ၌လည်း ရန်သူကိုပြောက်ကျားတိုက်ခိုက်နိုင်ရုံသာမက စစ်ကြောင်းလိုက် ဖြုတ်နိုင်သည့်ဖြစ်စဉ်များ မ
ကြာခဏ မြင်တွေ့ရသည်မှာ အားလုံးအသိပင်ဖြစ်ပြီး မြန်မာပြည်တောင်ဘက်ခြမ်း၌လည်း စစ်တောင်းမြစ်ကို ကျော်လွန်ပြီးရန်သူ့ စခန်း ၅ ခု၊၆ခုကို တပြိုင်တည်း စီးနင်း တိုက်ခိုက်နိုင်သည့် အနေ
အထား မြင်တွေ့ရပြီဖြစ်ကြောင်း၎င်းကပြောသ
ည်။ တချိန်တည်း၌ ရခိုင်ရိုးမကိုကျော်ပြီး မကွေး
တိုင်းထဲ၌ ထင်မှတ်မထားသည့် တိုက်ခိုက်မှုများ ဖော်ဆောင်နိုင်​နေပြီဖြစ်ကြောင်းလည်း တမူးခရိုင်အမှတ်(၄) တပ်ရင်းမှတပ်မှူးကပြောသည်။

စခန်းသိမ်းတိုက်ပွဲတစ်ခုမှ တမူးခရိုင်မှ PDF များ။ဓါတ်ပုံ-တမူးခရိုင်တပ်ရင်း(၄)

■Breaking News

ဇွဲကပင်တောင် တောမီးလောင်​နေ

မတ်-၂၃၊၂၀၂၅။စောတာရာ/People's Spring

ကရင်ပြည်နယ် ၊ဘားအံမြို့မှ နာမည်ကျော် ဇွဲကပင်တောင်တွင် ယနေ့ မတ်လ ၂၃ရက်ညနေမှစ၍ တောမီးလောင်ကျွမ်းပြီး ညအထိ ဆက်လောင်နေသည်။

ဇွဲကပင်တောင်မှ ဝိဇ္ဇာညီနောင် နှင့် နွားလဘို့လျှိုထဲမှ ညနေ ၃နာရီခန့်တွင် စတင်းလောင်ကျွမ်းခြင်းဖြစ်ကြောင်း ဒေသခံတစ်ဦးကပြောသည်။

"အခုထိလောင်နေတယ်။မီးပိုများလာတယ်။တောင်ပေါ်ကို ဖုန်းဆက်တာလည်း မရဘူးဖြစ်နေတယ်။အဝေးကလှမ်းမြင်ရတာ ကြောက်စရာပဲ"ဟု ယင်းဒေသခံက ပြောသည်။

ဒေသခံက လူမှုကွန်ရက်တွင် တင်ထားသည့် ဓာတ်
ပုံ၌ တောမီးမှာ မီးများနေသည်ကို တွေ့ရသည်။

ဇွဲကပင်တောင်သည် ၂၃၇၂ ပေအမြင့်ရှိပြီး ခရီး
သွားများအပြားလာရောက်လေ့လာလည်ပတ်သည့်နေရာဖြစ်သည်။ နှစ်စဉ်တောမီးလောင်ကျွမ်း​​​လေ့ရှိပြီး ယခုမီးလောင်ကျွမ်းမှုသည် ဆိုးရွားနေ
သည်ဟု ဒေသခံတစ်ဦးကပြောသည်။ ညနေ ၃နာရီခန့်မှစတင်လောင်ကျွမ်းခြင်းဖြစ်သော်လည်း မတ်လ ၂၃ ရက်ည ၉နာရီခန့်အထိ မြန်မာနိုင်ငံမီးသတ်တပ်ဖွဲ့က သတင်းထုတ်ပြန်ထားခြင်းမရှိသေးပေ။

တောင်ပေါ်တွင် တောင်တက်ခရီးသွားအချို့ရှိနေပြီး ၎င်းတို့၏အခြေအနေကိုမသိရသေးကြောင်း ဒေသခံတစ်ဦးကပြောသည်။

ကဗျာဆရာ စောဝေ၏ သမီး
နိုင်ကျဥ်း​ဟောင်း မရွှန်းစိမ့်စိမ့် ကွယ်လွန်

ကဖေး/People's Spring

နိုင်ငံရေးအကျဉ်းသားဟောင်း ကဗျာဆရာ စောဝေ၏ သမီး အသက် ၃၄နှစ်အရွယ် နိုင်ငံရေးအကျဉ်းသူဟောင်း မရွှန်းစိမ့်စိမ့်သည် ကျန်းမာ
ရေးအခြေအနေကြောင့် ဆေးကုသမှုခံယူနေစဉ် မတ်လ၂၃ရက်နံနက်ပိုင်းကကွယ်လွန်သွားသည်။

ကဗျာဆရာစောဝေက မိမိ​၏မွေး​နေ့တွင်မှ
မြင့်မြတ်ရာဘုံသို့ထွက်ခွါသွား​သော သမီးငယ်​လေး ရွှန်းစိမ့်စိမ့်(ခ)အွိ၊ရွှန်းစိမ့်စိမ့်သက်တံသို့ ဟုဆိုကာ လူမှုကွန်ရက်စာမျက်နှာတွင် ကဗျာတစ်ပုဒ်ရေးသားရင်း မရွှန်းစိမ့်စိမ့်ကွယ်လွန်ကြောင်း အသိပေးထားသည်။

ယ​နေ့ (မတ်လ ၂၃ ရက်​နေ့)သည် ကဗျာဆရာစောဝေ၏ အသက် ၆၅ နှစ်ပြည့် မွေးနေ့ဖြစ်သည်။ သမီးဖြစ်သူ မရွှန်းစိမ့်စိမ့်သည်ယနေ့တွင်ပင်ကွယ်
လွန်ခြင်းဖြစ်သည်။

၁၉၉၁ ခုနှစ် ဩဂုတ်လ ၇ရက်က မွေးဖွားခဲ့သော မရွှန်းစိမ့်စိမ့်သည် အသက် ၃၀ နှစ်အရွယ် ၂၀၂၁ မေလတွင် စစ်ကောင်စီ၏ဖမ်းဆီးခြင်းခံခဲ့ရသည်။ဘီးလင်းမြို့နယ်ရှိ KNU တပ်မဟာ(၅) နယ်မြေတွင် စစ်သင်တန်း တက်ရောက်ခဲ့သည်ဟုဆိုကာ ရန်ကုန်မြို့၊ လှိုင်မြို့နယ်တွင် ဖမ်းဆီးခံခဲ့ရခြင်းဖြစ်သည်။

စစ်ကောင်စီကထောင်ချမှတ်ခဲ့ပြီး၃ နှစ်ခန့်ကျပြီးနောက် ပြန်လွတ်မြောက်လာခဲ့သည်ဟု မရွှန်းစိမ့်
စိမ့်၏ မိတ်ဆွေတစ်ဦးကပြောသည်။

၎င်းက " အစောဆုံးထောင်ကျတဲ့အထဲမှာပါခဲ့သူ ဖြစ်တယ်။သူတို့ ခံယူချက်နဲ့ ယုံကြည်ချက်က သိပ်ဖြူစင်တယ်။ စိတ်မကောင်းအလွန်ဖြစ်ရပါတယ်"
ဟု ပြောသည်။

မရွှန်းစိမ့်စိမ့်သည် အူယောင်ရောဂါခံစားနေရသူဖြစ်ပြီးပြင်ပဆေးခန်းတစ်ခုတွင် ကုသစဉ် အခြေအနေပိုဆိုးခဲ့သည်ဟုသိရသည်။ ထောင်ကျနေစဉ်ကျန်းမာရေးအခြေအနေဆိုးရွားခဲ့သည်ဟု သိရသည်။

ကဗျာဆရာစောဝေသည်ယုံကြည်ချက်ခိုင်မာသည့် နိုင်ငံရေးအကျဉ်းသားဟောင်းဖြစ်ပြီး စစ်အစိုးရလက်ထက်မှ ယနေ့အထိ စစ်အာဏာရှင်ဆန့်ကျင်ရေး လှုပ်‌ရှားနေသူဖြစ်သည်။အာဏာရှင်‌ဟောင်းဦးသန်းရွှေလက်ထက်၂၀၀၈ခုနှစ်က ကဗျာဆရာ
စောဝေသည် ၎င်းရေးသားသည့် ကဗျာတစ်ပုဒ်၌“အာဏာရူးကြီး မှူးကြီးသန်းရွှေ” ဟု ရေးခဲ့၍ ဖမ်းဆီထောင်ချခံခဲ့ရသည်။

ပြန်လည်လွှတ်မြောက်ပြီးနောက်ပိုင်းလည်း စစ်အာဏာရှင်တော်လှန်ရေးဆက်လုပ်ခဲ့သည်။ ဖိနှိပ်ချုပ်ချယ်မှုများကြားမှ မိမိ၏ အမြင်ကို ရဲရင့်စွာ ဖော်ထုတ် ရေးသာ‌ နေသူဖြစ်သောကြောင့် ၂၀၀၉ ခုနှစ်တွင် အမေရိကန်အခြေစိုက် လူ့အခွင့်အရေးအဖွဲ့ Human Rights Watch က ကဗျာဆရာ စောဝေကို Hellman/Mammett Award ဆု ချီးမြှင့်ခဲ့သည်။

လက်ရှိတွင် ပြည်ပ၌ ‌နေထိုင်ကာစစ်အာဏာရှင်
တော်လှန်ရေးဆက်လုပ်နေသည်။

သမီးဖြစ်သူ ကွယ်လွန်ပြီးနောက် ကဗျာဆရာစောဝေက အောက်ပါအတိုင်း ကဗျာတစ်ပုဒ် ရေးသားထားသည်။

■အရေးမပါတဲ့နေ့များ

မွေးနေ့တဲ့ မပျော်ထာ
ကမ္ဘာကြီးပေါ်လူသတ်နေကြ
မရပ်ဘူး။

လူ့အခွင့်ရေးနေ့တဲ့
ခလေးသူငယ်တွေကို
ချောဆွဲစစ်ထဲသွင်းနေတာ
မရပ်ဘူး။

ကမ္ဘာ့ကဗျာနေ့တဲ့
ပြည်တွင်းကကဗျာဆရာတွေ
ဖမ်းဆီးသတ်ဖြတ်ခံနေရတာ
မရပ်ဘူး။

အမျိုးသမီးများနေ့တဲ့
ဖမ်းဆီးနှိပ်စက် မဒိန်းကျင့်
သတ်ဖြတ်နေကြတာ
မရပ်ဘူး။

တောင်သူလယ်သမားနေ့တဲ့
လယ်တွေ၊ယာတွေ ၊ရွာတွေ
မီးရှို့ဗုံးကြဲနေတာ
မရပ်ဘူး။

မေတ္တာအခါတော်နေ့တဲ့
ဘုန်းကြီးအချို့ကလူသတ်သမားတွေကို
အခါပေးနေတာ
မရပ်ဘူး။

လွတ်လပ်ရေးနေ့တဲ့
ချုပ်ချယ်ကန့်သတ်
ပိတ်ပင်တားဆီးနေတာတွေ
မရပ်ဘူး။

အာဇာနည်နေ့တဲ့
အာဇာနည်ကြီးရဲ့သမီးကို
ဖမ်းဆီးထောင်ချတာ
မရပ်ဘူး။

ငြိမ်းချမ်းရေးနေ့တဲ့
လူသတ်စစ်လက်နက်ပစ္စည်းတွေ
ထုတ်လုပ်နေတာ
မရပ်ဘူး။

ဒီမိုကရေစီနေ့တဲ့
အာဏာရသွားတာနဲ့
လူ့ရပိုင်ခွင့်တွေကိုပိတ်သိမ်းတဲ့
အမိန့်တွေထုတ်ပြန်တာ
မရပ်ဘူး။

အ​ရေးမပါတဲ့​နေ့​လေးတ​နေ့မှာ​
မွေးခဲ့တဲ့လူတ​ယောက်ဟာ
နှလုံးနာနာနဲ့
အ​ရေးပါတဲ့မျက်ရည်​တွေကျ​နေရတာ
မရပ်ဘူး
မရပ်​တော့ဘူး။ ။

စော​ဝေ

(မိမိ​မွေး​နေ့တွင်မှမြင့်မြတ်ရာဘုံသို့ထွက်ခွါသွား​သော သမီးငယ်​လေး ရွှန်းစိမ့်စိမ့်(ခ)အွိ၊ရွှန်းစိမ့်စိမ့်သက်တံသို့)(၇.၈.၁၉၉၁- ၂၃.၃.၂၀၂၅)

စစ်ကောင်စီကို ILOက ပုဒ်မ (၃၃)အရ အရေးယူဖို့ စစ်ကိုင်းတိုင်းမှာ တောင်းဆိုဆန္ဒပြ

သုည/People's Spring

စစ်ကိုင်းတိုင်းမှာ သပိတ်အဖွဲ့တွေ၊ ဒေသခံပြည်သူတွေက အပြည်ပြည်ဆိုင်ရာအလုပ်သမားအဖွဲ့အစည်း(ILO)က ပုဒ်မ (၃၃)အရ စစ်ကောင်စီကို အရေးယူဖို့ တောင်းဆိုတဲ့ ဆန္ဒပြသပိတ်လှုပ်ရှားမှုတွေ ဒီကနေ့ (မတ်လ ၂၃)မှာ အသီးသီး ပြုလုပ်ခဲ့ကြပါတယ်။

စစ်ကိုင်းတိုင်း ယင်းမာပင်မြောက်ခြမ်းမှာ နောက်ပြန်မလှည့်ကြေးဒီတော်လှန်ရေးသပိတ်စစ်ကြောင်းမှ "ILO implement Article 33 On Myanmar Now 2025" ခေါင်းစဥ်နဲ့ လူထုလှုပ်ရှားမှုပြုလုပ်ခဲ့ပါတယ်။

ယင်းမာပင်မြို့နယ် အောင်လံလွှင့်မည်ရွှေရေကြည်လူထုသပိတ်စစ်ကြောင်းက "ILO Implement Article 33 On Myanmar Now 2025" စာသားကိုင်ကာ စစ်ကောင်စီကို ILOက ပုဒ်မ၃၃ အရအရေးယူပေးဖို့ တောင်းဆိုခဲ့ပါတယ်။

ဆားလင်းကြီးမြို့နယ်မှာလည်း လက်ပံတောင်းတောင်ဒေသသပိတ်အင်အားစုက အပြည် ပြည်ဆိုင်ရာအလုပ်သမားအဖွဲ့အစည်း(ILO)က ပုဒ်မ (၃၃) အရ အကြမ်းဖက်စစ်ကောင်စီကို ချက်ချင်းအရေးယူနိုင်ရေးအတွက် "ILO implement Article 33 On Myanmar Now 2025" ခေါင်းစဥ်နဲ့ လူထုလှုပ်ရှားမှု ပြုလုပ်ခဲ့ပါတယ်။

ဒါ့အပြင် ရုရှားရဲ့ကျူးကျော်စစ်ကို တွန်းလှန်နေဆဲဖြစ်တဲ့ ယူကရိန်းနဲ့အတူ ရပ်တည်ကြောင်း "We Stand With Ukraine" စာသားပါ အလံကိုင်ဆောင်ကာ ဆန္ဒထုတ်ဖော်ခဲ့ပါတယ်။

ဓာတ်ပုံ - စစ်ကိုင်းဒေသသပိတ်အင်အားစု၊ ရွာပေါင်းစုံသပိတ်၊ လက်ပံတောင်းသပိတ်

မန္တ​လေးမြို့မှာ အပူတပြင်းစစ်မှုထမ်း​ခေါ်လာတာဟာ တက္ကသိုလ်ဝင်​စာ​မေးပွဲဖြေထားတဲ့လူငယ်​တွေကိုအဓိက​ပစ်မှတ်ထားတာလို့ မြို့ခံ​တွေ​ပြော

မတ်-၂၃၊၂၀၂၅။ ရှိန်း/People's Spring

စစ်​ကောင်စီရဲ့တက္ကသိုလ်ဝင်စာ​မေးပွဲ​တွေအပြီး​နောက်​နေ့မှာပဲ မန္တ​လေးမြို့​ပေါ်မှာ စစ်တပ်က လူငယ်​တွေကိုစစ်မှုထမ်းခေါ်ယူမှု တွေ အပူတပြင်းလုပ်လာတာဟာ တက္ကသိုလ်ဝင်တန်းဖြေဆိုထားတဲ့ ကျောင်းသားတွေကို ​ခေါ်ယူဖို့ အဓိကပစ်မှတ်ထားလုပ်လာတာလို့ မြို့ခံ​တွေက​ပြောပါတယ်။

မတ်လ၂၂ရက် နေ့မှာ တက္ကသိုလ်ဝန်ထမ်းစာမေးပွဲတွေ ပြီးဆုံးပြီးတဲ့ နောက် မန္တလေးမြို့တွင်းမှာ စစ်
မှုထမ်းအတွက်မဲနှိုက်ဖို့ကို ရပ်ကွက်တွေမှာ စစ်​ကောင်စီခန့် အုပ်ချုပ်​ရေးမှူးအဖွဲ့ဝင်​တွေ ၊စစ်​ကောင်စီလက်နက်ကိုင်​တွေဟာ ရပ်ကွက်​တွေထဲမှာ အသံချဲ့စက်​တွေနဲ့လိုက်လံ အော်ဟစ်နေသလို စာရွက်တွေ လိုက်ဝေခဲ့ပါတယ်။

စစ်မှုထမ်း အမှတ်စဥ် ၁၂ မှာတက်​ရောက်ဖို့ အ
တွက် မဟာအောင်မြေမြို့နယ်မှာရှိတဲ့ ရပ်ကွက်အားလုံးကိုမတ်လ ၂၄ ရက်​နေ့မနက်၈နာရီ ၊၄၅ မိနစ်မှာတချိန်တည်း မဲနှိုက်ရမှာဖြစ်လို့မပျက်
မကွက် လာ​ရောက်​ပေးကြရမယ်လို့​စစ်​ကောင်စီရဲ့ အသိ​ပေးစာ​တွေမှာရေးသားထားပါတယ် ။ မဲနှိုက်ရမယ့်​နေရာ​တွေကို​ ရပ်ကွက်အုပ်ချုပ်​ရေးမှူးရုံး နဲ့
ဓမ္မာရုံး​တွေကိုသတ်မှတ်ထားပါတယ် ။

ဒါ့အပြင် အောင်မြေသာစံမြို့နယ်နဲ့ချမ်းအေးသာစံမြို့နယ်ကရပ်ကွက်တချို့လည်း မတ်လ ၂၄ ရက်​​နေ့မဲနှိုက်မယ့်အထဲပါဝင်တယ်လို့သိရပါတယ်။

ရပ်ကွက်ရုံးကယခင်ကောက်ယူထားတဲ့ စာရင်းမှာ တက္ကသိုလ်ဝန်ထမ်းတက် နေဆဲကျောင်းသားတွေလည်း ပါဝင်ပြီး စာမေးပွဲပြီးတဲ့နေ့မှာ စတင်ခဲ့တာလို့ မဟာ အောင် မြေမြို့နယ်၊မဟာမြိုင်ရပ်ကွက်က ကျောင်းသားမိဘတဦးကပြောပါတယ်။

"ကျွန် တော့်သား၂ ယောက်စလုံးစာရင်းပါတယ်။ ၁၈ ကျော် နဲ့ ၁၆နှစ်ကျော် တွေပါ။ကျောင်းနားပြီးပြန် ဖြေတဲ့ကလေးတွေပါ။အခုမှ စာမေးပွဲပြီးတာ။ရင်တွေပူ နေတာပဲဗျာ။ဘာပြောရမှန်းမသိဘူး"လို့ ‌‌‌ကျောင်းသားနှစ်ဦးရဲ့ဖခင်ကပြောပါတယ်။

ယခုတကြိမ်စစ်မှုထမ်းအတွက်အပူတပြင်းကောက်ယူဖို့ ကြိုးစားနေတဲ့ မြို့နယ်နဲ့ရပ်ကွက်တွေဟာ မန္တလေးမြို့တွင်းက နေရာ တွေဖြစ်ပြီး ပြောင် ပြောင်တင်းတင်း ရပ်ကွက်အတွင်းလှည့်အော်တာမျိုးကပထမဆုံးအကြိမ်ဖြစ်ပါတယ်။

ယခင်ကမြို့တွင်း ပေါ်တာဆွဲတာ တွေရှိခဲ့ပေမယ့် ခိုးကြောင်ခိုးဝှက်သာပြုလုပ်ခဲ့ပြီး မြို့အစွန်ရပ်
ကွက်နဲ့ မြို့နယ်တွေကိုအဓိကထားခေါ်ယူခဲ့တာပါ။

ပြည်ကြီးတံခွန်မြို့နယ်ကလူငယ်တဦးက "ဒီတခါ တော်တော်ကြောက်ဖို့ကောင်းလာပြီ။အရင်က မြို့ထဲကငြိမ်တယ်နော်။အခုကကျွန် တော်တို့ဘက် ဘာသံမှမကြားသေးဘူး။ကလေး‌တွေစာမေးပွဲပြီး ပြီးချင်းကြီး တောက် လျှောက်လုပ်တာ"လို့ ဆိုပါတယ်။

ပြည်ကြီးတံခွန်မှာ မတ်လအတွင်းကပဲ စစ်သင်
တန်း အမှတ်စဉ်၁၀အတွက်ဆိုပြီး အုပ်ချုပ်ရေးမှူး တွေငွေကြေးလိမ်လည် တောင်းယူတာ တွေရှိခဲ့ပါသေးတယ်။

စစ်​ကောင်စီဟာ နိုင်ငံတစ်ဝန်း တိုက်ပွဲ​တွေမှာ ရှုံးပွဲ​တွေဆက်ပြီး ​သေဆုံး ဒဏ်ရာရသူ ၊ထွက်​ပြေးသူ၊အလင်းဝင်သူ ၊CDM လုပ်သူများပြီး စစ်ထဲဝင်လိုသူနည်းလာချိန်မှာ ၂၀၂၄ ခုနှစ် ​ဖေ​ဖော်ဝါရီလမှာ စစ်မှုမထမ်းမ​နေရ ဥပ​ဒေကိုပြဌာန်ခဲ့ပါတယ်။၂၀၂၄ ခုနှစ်မတ်လကစပြီး လူငယ်​တွေကို ဖိအား​ပေးစစ်တပ်ထဲဝင်ခိုင်ပြီး ကာလတိုစစ်သင်တန်း​ပေး ​ရှေ့တန်း​တွေကိုပို့စစ်တိုက်ခိုင်း​နေပါတယ် ။ သင်တန်းဆင်းစစ်သား​တွေဟာ ​ရှေ့တန်းမှာ ​အရင်ကစစ်သား​တွေ​လောက် အသိအမှတ်ပြုမခံရသလို တိုက်ပွဲ​တွေမှာသေဆုံးဒဏ်ရာရတာ ၊ထွက်​ပြေးတာ ၊အလင်းဝင်တာ​တွေလည်းများ​နေတယ်လို့​တော်လှန်​ရေးတပ်ဖွဲ့ဝင်​​တွေက​ပြောပါတယ် ။

ကွတ်ခိုင်မြို့ လေပြင်းတိုက်ခတ်

မတ်-၂၃၊၂၀၂၅။ကဖေး/People's Spring

ရှမ်းပြည်နယ်မြောက်ပိုင်း၊ ကွတ်ခိုင်မြို့၌ ယနေ့(မတ်လ၂၃ရက်) ညနေက လေပြင်းတိုက်ခတ်ခဲ့ပြီး
သစ်ပင်များပြိုလဲကာ နေအိမ်နှင့် ကားအချို့ ပျက်စီးမှုဖြစ်ခဲ့သည်။

"ညနေ ၃နာရီခန့်မှာ တမြိုလုံး လေတိုက်တာ။ ပျက်စီးတာက ထင်ရှုးတောဘက်။ သစ်ပင်တွေလဲတာ။ အိမ်တွေလည်း ပျက်တာရှိတယ်။ ကားပိမိတာတွေရော"ဟု ကွတ်ခိုင်မြို့ဒေသခံတစ်ဦးက ပြောသည်။

ကွတ်ခိုင်မြို့အဝင် တိုးဂိတ်အနီးရှိ ထင်းရှုးတောမှ ထင်းရှူးပင်များ ပြိုလဲခဲ့ခြင်းဖြစ်သည်။ လေပြင်းတိုက်ခိုက်မှုကြောင့် လူထိခိုက်မှုမရှိကြောင်း ဒေသခံများက ပြောသည်။

ရှမ်းပြည်နယ်မြောက်ပိုင်းမြို့နယ်အချို့တွင် ယမန်နေ့ညနေကစ၍ မိုးအနည်းငယ် ရွာသွန်းခဲ့ပြီး တန့်ယန့်းမြို့၌ လေပြင်းတိုက်ခိုက်မှုကြောင့် သစ်ပင်နှင့် ဓာတ်တိုင်အချို့ပြိုလဲမှု၇ှိခဲ့သည်။

မတ်လမှစတင်၍ မေလအထိ မြန်မာနိုင်ငံဒေသအများစု၌ လေပြင်းအန္တရာယ်ရှိနေပြီး မိုးကြိုးပစ်ခြင်း၊ စိုက်ဆင်းလေပြင်းတိုက်ခတ်ခြင်းတို့ဖြစ်စေသည့် မိုးတိမ်တောင်အန္တရာယ်ရှိကြောင်း အမျိုးသားညီညွတ်ရေးအစိုးရ၊လူသားချင်းစာနာထောက်ထားရေးနှင့်ဘေးအန္တရာယ်ဆိုင်ရာစီမံခန့်ခွဲရေးဝန်ကြီးဌာန (MOHADM)ကသတိ‌‌ပေးထားသည်။

(ကွတ်ခိုင်မြို့တွင် မတ်လ ၂၃ရက်ည‌နေက လေပြင်းတိုက်ခတ်မှုကြောင့် ထိခိုက်ပျက်စီးမှုများ။ ဓာတ်ပုံ - CJ)

"ဒီ​နေ့ဘာဖြစ်ခဲ့လဲ"

ဒီနေ့(မတ်လ ၂၃ရက်) တစ်ရက်တာအတွင်း ဖြစ်ပျက်ခဲ့တဲ့ သတင်း​​တွေထဲက ထူးခြားတဲ့ သတင်းတွေကို People’s Spring က စုစည်းဖော်ပြလိုက်ပါတယ်။

■ တက္ကသိုလ်ဝင်တန်းစာ​မေးပွဲ​ပြီး​နောက်​နေ့မှာမန္တလေးမှာစစ်မှုထမ်းမဲနှိုက်ဖို့ စပီကာနဲ့​လိုက်​အော်


မန္တလေးမြို့မှာ တက္ကသိုလ်ဝင်စား​မေးပွဲ​ဖြေပြီး​နောက်​နေ့မှာပဲ စစ်မှုထမ်းဖို့သတ်မှတ်အသက်အ
ရွယ််အကြုံးဝင်တဲ့ လူငယ်အမျိုးသားတွေ လာ
မယ့်စစ်မှုထမ်းအပတ်စဉ် (၁၂)အတွက် ရပ်ကွက်ရုံး​တွေမှာ မဲနှိုက်ဖို့ အုပ်ကြီးနဲ့ စစ်​ကောင်စီလက်
နက်ကိုင်​တွေက အသံချဲ့စက်နဲ့ လိုက်လံ​အော်​နေပါတယ် ။ တက္ကသိုလ်ဝင်စား​မေးပွဲပြီး ​နောက်​နေ့မှာပဲ ရပ်ကွက်​တွေထဲ အသံချဲ့စက်နဲ့လိုက်​အော်တာဟာ
စာ​မေးပွဲ​ဖြေထားတဲ့ လူ​ငယ်​တွေကိုပါ ​ခေါ်ချင်လို့ဖြစ်မယ်လို့ပြည်သူ​တွေက​ပြောပါတယ် ။ လူငယ်​တွေရှိတဲ့ မိဘ​တွေက ​ဘာလုပ်ရမှန်းမသိ​သောကများ​နေကြပါတယ်။

■ဖားကန့်နဲ့ ဝိုင်းမော်မှာတိုက်ပွဲဖြစ်

ကချင်ပြည်နယ်၊ ဝိုင်းမော်မြို့နယ် နဲ့ ဖားကန့်မြို့
နယ်မှာ စစ်ကောင်စီတပ်တွေနဲ့ တိုက်ပွဲဖြစ်ပွားခဲ့တယ်လို့ကချင်လွတ်လပ်ရေးတပ်မတော် (KIA) သတင်းပြန်ကြားရေးဌာနက မတ်လ ၂၂ရက်မှာ ဖော်ပြပါတယ်။မတ်လ ၂၂ရက်က ဖားကန့်မြို့
နယ်၊ ကျောက်ဖျာကျေးရွာအနီးမှာ တိုက်ပွဲဖြစ်ခဲ့သလိုမတ်လ ၂၁ရက်မှာလည်း ဝိုင်းမော် လမြန်ကျေးရွာအနီးမှာ တိုက်ပွဲဖြစ်ခဲ့တယ်လို့ သိရပါတယ်။ထိခိုက်ကျဆုံး အခြေအနေ ကို​တော့မသိရသေးပါဘူး။

■ဧရာဝတီမှာ တိုက်ပွဲဆက်ပြင်းထန်

ဧရာဝတီတိုင်း၊ ရေကြည်၊ ငါးသိုင်းချောင်း၊ လေးမျက်နှာမြို့နယ်ထိစပ်ဧရိယာ တွေမှာ တိုက်ပွဲပြင်းထန်နေပြီး စစ်ကောင်စီက ဂျက်ဖိုက်တာနဲ့ရော စက်တပ်လေထီးနဲ့ပါ တိုက်ခိုက်နေပါတယ်။အာရက္ခတပ်တော်(AA)နဲ့ပူးပေါင်းတပ်တွေက မတ်လ ၁၅ရက်ကစပြီး ရေကြည်မြို့၊ မြောက်စမ်းရွာအ
ခြေစိုက် အမြောက်တပ်အမတ(၃၄၄)နဲ့သာပေါင်း
မြို့နယ်ကခမရ(၃၀၈)ကို ဦးတည်ပြီး စစ်ရေးဖော်ဆောင်မှုအရှိန်မြှင့်ခဲ့တဲ့နောက်တိုက်ပွဲ တွေဆက်
တိုက်ပြင်းထန်လာတာဖြစ်ပါတယ်။

■အင်းတော်-ကသာလမ်းပိုင်းတိုက်ပွဲသေဆုံးဒဏ်ရာရသူတွေထဲ ပဲခူးနဲ့ဧရာဝတီက စစ်သင်တန်းဆင်းတွေပါဝင်

မတ်လ ၁၅ရက်နေ့က ဖြစ်ခဲ့တဲ့ အင်းတော်-ကသာလမ်းပိုင်းကတိုက်ပွဲမှာ စစ်ကောင်စီဘက်က သေ
ဆုံးသူများ၊ ထိခိုက်ဒဏ်ရာရသူတွေထဲမှာ အလုပ်မရှိလို့ ငွေကြေးယူစစ်မှုထမ်းလိုက်သွားတဲ့ ပဲခူး
တိုင်းနဲ့ဧရာဝတီတိုင်းက အမျိုးသားအချို့ ပါဝင်သွားပါတယ်။ အဲဒီတိုက်ပွဲမှာ စစ်ကောင်စီဘက်က ၃၃ ဦးသေဆုံးပြီး ဆယ်ဦးဒဏ်ရာရကာ ၃၁ ဦး အရှင်ဖမ်းမိတယ်လို့ အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာနက ထုတ်ပြန်ထားပါတယ်။

■ကနီမြို့ပေါ်ကို စက်တပ်လေထီး ၆စီး၊ဒရုန်းကျွမ်းကျင်သူ ၂၀ဦး စစ်ကောင်စီပို့

ကနီမြို့ပေါ်က စစ်ကောင်စီစခန်းတွေကို စက်တပ်လေထီး ၆စီးနဲ့ ဒရုန်းကျွမ်းကျင်သူ ၂၀ဦး လေ
ကြောင်းက နေလာရောက်ပို့ဆောင်သွားပါတယ်။မတ်လ ၁၉ရက်က ရဟတ်ယာဉ်နဲ့ ပို့ဆောင်သွားခြင်းဖြစ်ပြီး လေကြောင်းအန္တရာယ်ကို ပိုပြီးသတိရှိဖို့ ကာကွယ်ရေးတပ်ဖွဲ့တွေကသတိပေးထားပါတယ်။

■ကဗျာဆရာစောဝေရဲ့ သမီး နိုင်ကျဉ်းဟောင်း
မရွှန်းစိမ့်စိမ့်ကွယ်လွန်

နိုင်ငံရေးအကျဉ်းသားဟောင်း ကဗျာဆရာစောဝေရဲ့ သမီး အသက် ၃၄နှစ်အရွယ် နိုင်ငံရေးအကျဉ်းသူဟောင်း မရွှန်းစိမ့်စိမ့်ဟာ ကျန်းမာရေးအ
ခြေအနေကြောင့် ဆေးကုသမှုခံယူနေရာကနေ ယနေ့ မတ်လ ၂၃ရက်နံနက်မှာ ကွယ်လွန်သွားပါတယ်။မရွှန်းစိမ့်စိမ့်ကို၂၀၂၁ မေလမှာစစ်ကောင်စီက ဖမ်းဆီးခဲ့ပြီး ထောင်ဒဏ် သုံးနှစ်ခန့် ကျပြီးတဲ့နောက် ပြန်လည်လွတ်မြောက်လာခဲ့တာပါ။

■ဇွဲကပင်တောင် တောမီးလောင်

ကရင်ပြည်နယ် ဘားအံမြို့က နာမည်ကျော် ဇွဲကပင်တောင်ဟာ ယနေ့ မတ်လ ၂၃ရက်ညနေကစပြီး တောမီးလောင်ကျွမ်းနေပါတယ်။ ညအထိ ဆက်လောင်နေပြီး ယခင်နှစ်တွေက တောမီးထက် ပိုလောင်ကျွမ်းနေတယ်လို့ ဒေသခံတွေကပြောပါတယ်။

■ကွတ်ခိုင်မြို့ လေပြင်းတိုက်ခတ်

ရှမ်းပြည်နယ်မြောက်ပိုင်း ကွတ်ခိုင်မြို့မှာ ယနေ့ မတ်လ၂၃ရက် ညနေက လေပြင်းတိုက်ခတ်ခဲ့ပြီး
သစ်ပင် တွေပြိုလဲလို့ နေအိမ်နဲ့ကားအချို့ပျက်စီးခဲ့ပါတယ်။ ရှမ်းပြည်နယ်မြောက်ပိုင်းတန့်ယန့်းမြို့မှာလည်း မနေ့က လေပြင်းတိုက်ခတ်လို့ သစ်ပင်နဲ့ ဓာတ်တိုင်တွေ လဲကျပျက်စီးခဲ့ပါတယ်။

■ကျိုက်ထိုနယ်မှာစစ်ကောင်စီလက်နက်ကြီးကြောင့် သံဃာ တစ်ပါး ပျံလွတ်တော်မူ

မွန်ပြည်နယ်၊ ကျိုက်ထိုမြို့နယ်ခရွဲရွာဘုန်းကြီး
ကျောင်းကို စစ်ကောင်စီ လက်နက်ကြီးနဲ့ ပစ်ခတ်လို့ သံဃာ တစ်ပါး ပျံလွန်တော်မူကာ နှစ်ပါး ထိ
ခိုက်ဒဏ်ရာရခဲ့ကြောင်း ကရင်အမျိုးသားအ
စည်းအရုံး(KNU) ဗဟိုက သတင်းထုတ်ပြန်ပါတယ်။ မတ်လ ၂၁ရက်မှာပဲခူးတိုင်း၊ ဝေါမြို့နယ်၊လက်ပယ်ရွာရှိ စစ်ကောင်စီတပ်က ပစ်ခတ်ခဲ့တဲ့ လက်နက်ကြီးကြောင့် အခုလို သံဃာတော်တွေ ထိခိုက်တာ၊ ပျံလွန်တော်မူတာတွေဖြစ်ခဲ့ရတာလို့ အသိပေးထားပါတယ်။စစ်ကောင်စီဟာလေ
ကြောင်း၊ လက်နက်ကြီးတွေသုံးပြီး သာသနာ့နယ်
မြေများကို ကြိမ်ဖန်များစွာ တိုက်ခိုက်လာတာဟာ လွန်စွာစက်ဆုပ်ဖွယ်လုပ်ရပ်ဖြစ်တယ်လို့လည်း KNUက ထုတ်ပြန်ခဲ့ပါတယ်။


■တီးတိန်မှာ စစ်ကောင်စီ ဒုတပ်ကြပ်တဦး
PDF ဇိုလဲန်းဆီကို ထပ်မံအလင်းဝင်