A)ထံ အာဏာသိမ်း စစ်ကောင်စီတပ်မှ ဗိုလ်ကြီး တစ်ဦး အပါအဝင် ငါးဦး လက်နက်နှင့်လာရောက်ပူးပေါင်းခဲ့တယ်လို့ KNUက မနေ့က အသိပေးပါတယ်။ KNU တပ်မဟာ(၆)မှာ လက်ရှိကာလ နှစ်ဖက်ထိတွေ့ပစ်ခတ်တိုက်ပွဲများ နေရာအနှံ့ နေ့စဉ်ဖြစ်ပွားနေလို့ စစ်ရှောင်ပြည်သူများစွာရှိနေသကဲ့သို့ စစ်ကောင်စီတပ်မှလည်း စိတ်ဓာတ်ပိုင်းဆိုင်ရာ ကျဆင်းလာတာကြောင့် KNU ထံ လာရောက်ပူးပေါင်းသူများစွာရှိလာတယ်လို့ ဖော်ပြပါတယ်။ အလင်းဝင်လာတဲ့ စစ်ကောင်စီတပ်သားတွေက လက်နက်ခဲယမ်းများလည်း ယူဆောင်လာတယ်လို့ မှတ်တမ်းဓာတ်ပုံများနှင့်တကွ ထုတ်ပြန်ပါတယ်။

▪️နိုင်ငံတဝန်းဆန္ဒပြပွဲတွေ

စစ်ကိုင်းတိုင်း ယင်းမာပင်မြို့နယ်မှာ ကယ်တင်ရှင်မရှာ ဒို့ကျေးရွာသပိတ်စစ်ကြောင်းနဲ့ အောင်လံလွှင့်မည် ရွှေရေကြည်သပိတ်စစ်ကြောင်းတို့က စစ်အာဏာရှင် ဆန့်ကျင်ရေး တောင်ယာသပိတ် ဆင်နွှဲခဲ့ကြပါတယ်။
လက်ပံတောင်းတောင်ဒေသမှာ တော်လှန်ပြည်သူများက "သို့ ... တရုတ်အစိုးရ ဖက်ဆစ်တပ်နဲ့ပေါင်းပြီး မြန်မာပြည်သူတွေကို သတ်နေတာ ချက်ချင်းရပ်" ခေါင်းစဥ်နဲ့ သပိတ်ထွက်ရှိခဲ့ပါတယ်။
ဝက်လက်မြို့နယ် ကျေးရွာတစ်ရွာမှာ သပိတ်ကော်မတီဝင်တွေနဲ့ ပြည်သူတွေ စုပေါင်းကာ "လူငယ်လူထု တပ်ပေါင်းစု" ဘန်နာ စာသားကိုင်ဆောင်ပြီး စစ်အာဏာရှင် ဆန့်ကျင်ရေးသပိတ် ချီတက်ခဲ့ကြပါတယ်။
ဆားလင်းကြီးမြို့နယ်မှာ ဇေယျာတိုင်းရဲ့ ၅/ လူထုသပိတ်စစ်ကြောင်းက "သို့ တရုတ်အစိုးရဖက်ဆစ်တပ်နဲ့ပေါင်းပြီး မြန်မာပြည်သူတွေကို သတ်နေတာ ချက်ချင်းရပ်" စာသားနဲ့ တရုတ်နိုင်ငံအစိုးရ၊ တရုတ်ကွန်မြူနစ်ပါတီတို့က အကြမ်းဖက်စစ်အုပ်စုနဲ့ ပူးပေါင်းနေခြင်းကို ဆန့်ကျင်ကန့်ကွက်ကြောင်း ပြည်သူ့ဆန္ဒ ဖော်ထုတ်ပြသခဲ့ပါတယ်။

ဧရာဝတီတိုင်း ကြံခင်းမြို့နယ်မှာ စကြဝတေးမင်းကြီးသပိတ်ကော်မတီဝင်များက စစ်အာဏာရှင်ဆန်ကျင်ရေးလှုပ်ရှားမှုအဖြစ် "အောက်ခြေရဲဘော်တွေရဲ့ သေနတ်ပြောင်းဝ စစ်ဗိုလ်ချုပ်ကြီးတွေဘက် ပြန်လှည့်ဖို့ အချိန်တန်ပြီ"စာတန်းကိုင်ဆောင်ကာ ဆန္ဒထုတ်ဖော်ခဲ့ပါတယ်။